شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي
11 - ايدىڭ 28 - كۇنىنە دەيىن الاتاۋ ساعاسى شەكارا وتكەلىندە بيىل شەكارادان كىرىپ - شىققان جۇڭگو - ەۆروپا كەزەكشى پويەزىنىڭ سانى 4500دەن استى. 10 كۇننىڭ الدىندا قورعاس شەكارا وتكەلىندە بيىل شەكارادان كىرىپ - شىققان جۇڭگو - ەۆروپا كەزەكشى پويەزىنىڭ سانى 4000نان اسقان بولاتىن. شينجياڭداعى 2 ۇلكەن شەكارا وتكەلىندە شەكارادان كىرىپ - شىققان جۇڭگو - ەۆروپا كەزەكشى پويەزىنىڭ سانى قوس - قوستان رەكورد جاڭالاپ، شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون رەتىندەگى باسىمدىعىن جانە ورنىن ايگىلەدى.
”13 - بەسجىلدىقتان“ بەرى شينجياڭ ەسىك اشۋدى جان - جاقتى كەڭەيتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتىپ، ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپىلىق ورنالاستىرۋىنا ەنگىزىپ، قارجى قوسۋ مەن ساۋدانىڭ قولايلى بولۋ دەڭگەيىن ۇزدىكسىز جوعارىلاتىپ، دۇنيە جۇزىمەن توعىسا دامۋدىڭ جاڭا سيمفونياسىن شىعانداتتى.
نەگىزدى بەكەمدەپ
ەسىك اشۋ دانەكەرلەرىن مولايتتى
بيىل مەملەكەتتىك كەڭەس جۇڭگو − قازاقستان قورعاس حالىقارالىق شەكارالىق سەلبەستىك ورتالىعىنىڭ جۇڭگو جاق سايكەستى اۋماعىن بىرىكتىرىپ ساپالىلاندىرىپ قورعاس كەشەندى باجىسىز اۋماعىنا اينالدىرۋدى رەسمي بەكىتىپ ماقۇلدادى.
بۇل حابار باجىسىز اۋماققا ىرگە تەپكەن كاسىپورىنداردى شاتتىققا بولەدى. بەلگىلى بيوتەحنيكا سەرىكتەستىگى وسى اۋماققا كەلىپ ىرگە تەپكەننەن بەرى، قازاقستاننان سارى بۇرشاق، ءبيداي سياقتى اۋىل شارۋاشىلىعى ونىمدەرىن يمپورت ەتىپ، ونى زاۆودتا مانەرلەگەن سوڭ، ەل ىشىنە ساتىپ كەلگەن ەدى. بۇل جولى ولار كەشەندى باجىسىز اۋماق ساياساتىنا − ارتقان قۇن سالىعى بويىنشا جاي سالىق تولەۋشى تولىمدىلىعىن تۇيىندە سىناق ەتۋگە دەرەۋ ءوتىنىش بەردى. باجىسىز اۋماقتاعى كاسىپورىندارعا ارنايى باعىتتالعان بۇل ءتيىمدى شارا كاسىپورىننىڭ ارتقان قۇن سالىعى بويىنشا جاي سالىق تولەۋشى مامىلەسىنەن يگىلىكتەنۋىنە مۇمكىندىك جاساۋمەن بىرگە، ءبىر ءبولىم كەدەن باجىسىن ۇنەمدەپ بەرە الادى.
اتالعان سەرىكتەستىكتىڭ قاتىستى جاۋاپتىسى مىنانى ءبىلدىردى: كەدەن باجىسىنان جاسالاتىن جەڭىلدىكتەن سىرت، باجىسىز اۋماقتاعى كاسىپورىندار اۋماقتا مانەرلەۋگە تاپسىرۋ ساياساتىنان دا يگىلىكتەنە الادى. بۇل كاسىپورىن ءۇشىن ايتقاندا، تاپسىرىس تاپشى، ءوندىرىس جەلىسى بوس تۇرعان كەزدە ەل ىشىندەگى باسقا كاسىپورىنداردىڭ مانەرلەۋگە تاپسىرعان تاپسىرىستارىن قابىلداۋ ارقىلى تيجارات كولەمىن بايىتىپ، كاسىپورىننىڭ پايداسىن ارتتىرۋعا بولادى.
كەشەندى باجىسىز اۋماق ەسىك اشۋ دانەكەرىنىڭ ماڭىزدى قۇرامداس بولىگى رەتىندە، ساياساتتاردىڭ اشىقتىق دەڭگەيى ءبىرشاما جوعارى تۇعىر بولىپ كەلەدى. ”13 - بەسجىلدىقتان“ بەرى شينجياڭ ەسىك اشۋ دانەكەرى قۇرىلىسىن بار كۇشپەن ىلگەرىلەتىپ، ءۇرىمجى حالىقارالىق قۇرلىق پورتى اۋماعى، ءۇرىمجى جيناۋ ورتالىعى سياقتى ءبىر توپ ءتۇيىندى نىسانداردى قۇرىپ، پايدالانۋعا بەردى.
قازىر رايونىمىزدا مەملەكەت دارەجەلى كاسىپ باقشا رايوندارىنان 23ى (بيڭتۋانداعى تورتەۋ قامتىلادى)، مەملەكەت اشۋدى ماقۇلداعانⅠتۇردەگى شەكارا وتكەلىنەن 19ى بار، ول ورتا ازيامەن جالعاسقان، 1500 كيلومەتر اتىراپتا ەڭ ومىرشەڭ، ەڭ اشىق اۋماققا اينالىپ وتىر.
باستاماشىنى مىقتى ۇستاپ
وزەكتى رايون قۇرىلىسىن ىلگەرىلەتتى
ەجەلدەن بەرى شينجياڭ جۇڭگونىڭ ورتا ازيا، باتىس ازيا، وڭتۇستىك ازيا جانە ەۆروپا سياقتى جەرلەرمەن بايلانىساتىن ماڭىزدى ارناسى بولىپ، كوپتەگەن ءداستۇرلى ساۋدا جولدارى مەن شەكارا وتكەلدەرىنە يە بولىپ كەلەدى.
5 جىلدان بەرى مىنە وسى وڭىرلىك باسىمدىقتى ساۋلەلەندىرۋ ءۇشىن، شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتىپ، ”ءبىر پورت“، ”ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ سىندى دامۋ تۇيىندەرىن مىقتى يگەرىپ، جان - جاقتى ەسىك اشۋ ارناسىن قالىپتاستىرۋدى قۇلشىنا ىلگەرىلەتىپ كەلەدى.
بيىل 9 - ايدا 66 توننا جاڭعاق وڭتۇستىك شينجياڭنان توپتاپ جيناۋ، توپتاپ جونەلتۋ جۇك پويەزىنا تيەلىپ قاشقار بەكەتىنەن شىعىپ، ءۇرىمجى جيناۋ ورتالىعىنا جينالعان سوڭ، تۇركياعا تاسىلدى. قازىر بۇل جاڭعاقتى ساتىپ الۋشى وسى تاسىلمەن قازاقستان، تۇركيا سياقتى ەلدەرگە 6067 توننا جاڭعاقتى تاسىمالدادى.
مۇنداي توپتاپ جيناۋ، توپتاپ جونەلتۋ تاسىمال ءتاسىلى ەركىن ساۋدا سىناق رايونى رەفورماسىن تۇيىندە سىناق ەتۋ تاجىريبەسى رەتىندە، بۇكىل مەملەكەت كولەمىندە كوشىرىلىپ جالپىلاستىرىلعان ”جۇڭگو - ەۆروپا كەزەكشى پويەزدارىنىڭ توپتاپ جيناۋ، توپتاپ جونەلتۋ ۇلگىسى“ سانالادى.
كەزەكشى پويەزداردىڭ جينالاتىن جەرى ءۇرىمجى حالىقارالىق قۇرلىق پورتى اۋماعى.
جىبەك جولى ەكونوميكالىق بەلدەۋى وزەكتى رايونى اياسىنداعى ساۋدا، زات اينالىم ورتالىعىنىڭ ءتۇيىندى نىسانى رەتىندە، 2016 - جىلدان بەرى ءۇرىمجى حالىقارالىق قۇرلىق پورتى اۋماعىنىڭ ”تاۋار جيناۋ، باقشا قۇرۋ، كاسىپ سالالارىن شوعىرلاندىرۋ“ قابىلەتى ۇزدىكسىز جوعارىلاپ، تۇعىر فۋنكتسياسى ۇزدىكسىز كەمەلدەنىپ، زات جەتكىزۋ تورى جۇيەسى بىرتىندەپ كەمەلدەنىپ، كاسىپ قۇرىلىمى ۇزدىكسىز ساپالىلانىپ، ساۋداگەر شاقىرۋ، قارجى ەنگىزۋ كولەمى ورنىقتى قاداممەن كەڭەيىپ كەلەدى.
قازىر ءۇرىمجى حالىقارالىق قۇرلىق پورتى اۋماعىنان جۇرەتىن جۇڭگو - ەۆروپا كەزەكشى پويەز جەلىسى 20عا جەتىپ، ورتا ازياداعى جانە ەۆروپاداعى 18 مەملەكەتكە، 25 قالاعا قاتىناۋدا.
”ءبىر بەلدەۋ، ءبىر جولدى“ بىرگە قۇرۋ باستاماسىنىڭ جەتەگىندە 5 جىلدا شينجياڭ ساياساتتاردى بايلانىستىرۋدى، نەگىزدىك قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى جانە جۇرت تىلەگىن توعىستىرۋدى ارقاۋ ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتىپ، دامۋ جولى ونان ارى كەڭەيە ءتۇستى.
2019 - جىلى شينجياڭنىڭ بۇكىل جىلداعى سىرتقى ساۋدا يمپورت - ەكسپورت جالپى سوماسى 164 ميلليارد 90 ميلليون يۋان حالىق اقشاسىنا جەتىپ، سايكەس مەزگىلدەگىدەن ％23.8 ارتىپ، ارتۋ مولشەرى جاعىندا بۇكىل مەملەكەت بويىنشا 2 - ورىندى يەلەدى؛ رايونىمىز كاسىپورىندارىنىڭ سىرتقا تىكەلەي قوسقان قارجى سوماسى سايكەس مەزگىلدەگىدەن ％39.75 ارتىپ، باتىس بولىكتەگى ولكەلەر اراسىندا 1 - ورىندى يەلەدى.
جالپى جاعدايمەن توعىسىپ
باتىسقا ەسىك اشۋ جالپىلىق ورنالاستىرۋىنا ەنگىزدى
2014 - جىلى 4 - ايدىڭ سوڭىندا باس شۋجي شي جينپيڭ شينجياڭدا قىزمەت تەكسەرگەن كەزدە بىلاي دەپ اتاپ كورسەتتى: شينجياڭ جىبەك جولى ەكونوميكالىق بەلدەۋىن قۇرۋدا ورنىن وزگە باسا المايتىن ورىنعا جانە رولعا يە، وسى تاريحي ورايدى مىقتى يگەرىپ، ءوزىنىڭ وڭىرلىك سىرتقا ەسىك اشۋ ستراتەگياسىن مەملەكەتتىڭ جىبەك جولى ەكونوميكالىق بەلدەۋى قۇرىلىسىنا، باتىسقا ەسىك اشۋ جالپىلىق ورنالاستىرۋىنا توعىستىرۋ كەرەك.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ تاعى ءبىر رەت بىلاي دەپ ورتاعا قويدى: شينجياڭنىڭ وڭىرلىك ابزالدىلىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، شينجياڭنىڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداۋ كەرەك.
11 - ايدىڭ 23 - كۇنى تۇستەن بۇرىن قازاقستاننىڭ التىنكول ستانسياسىنان شىققان پويەز جۇكتى تولتىرا تيەپ قورعاس تەمىر جول شەكارا وتكەلى بەكەتىنە باياۋ كىردى، كەدەننەن ءوتۋ راسمياتىن بىتىرگەن سوڭ، بۇل جۇكتەر ىلە قازاق اۆتونوميالى وبلىسىنداعى وڭدەۋ زاۆودىنا جونەلتىلەدى.
سول كۇنى جۇڭگودا جاسالعان تۇرمىستىق بۇيىمدار، توقىما، كيىم - كەشەك سياق−تى ونىمدەردى تولتىرا تيەگەن جۇڭگو - ەۆروپا كەزەكشى پويەزى الاتاۋ ساعاسى شەكارا وتكەلىنەن شىعىپ ەۆروپاداعى بەلگياعا تارتتى، سول جەردە تاعى باسقا ەۆروپا ەلدەرىنە جەتكىزىلەدى.
جۇڭگو - ەۆروپا كەزەكشى پويەزى جۇڭگو مەن الەمدىك كاسىپ سالاسى تىزبەگىن، قامداۋ تىزبەگىن جالعاستىراتىن تاسىمال ءتاسىلى رەتىندە دۇنيە جۇزىلىك ساۋدادا بارعان سايىن ماڭىزدى رول اتقارۋدا.
2016 - جىلداعى 223 پويەزدان 2019 - جىلعى 1102 پويەزعا دەيىن، ”13 - بەسجىلدىق“ مەزگىلىندە شينجياڭنان قاتىناعان جۇڭگو - ەۆروپا كەزەكشى پويەزدارىنىڭ جىلدىق ارتۋ قارقىنى ％170كە جەتتى. 5 جىلدان بەرى شينجياڭ جوعارىدان تومەنگە دەيىن ىشكە ەسىك اشۋ مەن باتىسقا ەسىك اشۋدى ورگانيكالى بىرلەستىرۋگە تاباندى بولىپ، ”سىرتقا شىعۋ“ مەن ”ەنگىزۋدىڭ“ ءبىرىن - ءبىرى جەبەۋىنە تاباندى بولىپ، ەسىك اشۋ ورنالاستىرىلۋىن ساپالىلاندىرىپ، جان - جاقتى، كوپ ساتىلى، كەڭ سالالى سىرتقا ەسىك اشۋدىڭ جاڭا ارناسى جەدەل قالىپتاسۋ ۇستىندە.
