رايونىمىزدىڭ ”ەلەكتر قۋاتى + بەيدوۋ“ دالمە - ءدال قىزمەت وتەۋ جۇيەسى ىسكە قوسىلدى
ەلەكتردى شارلاپ تەكسەرۋ ”قىراعى كوزىن“ ورناتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 11 - ايدىڭ 30 - كۇنى ۇرىمجىدەن حابارلايدى. مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، 11 - ايدىڭ 30 - كۇنى رايونىمىزدىڭ ”ەلەكتر قۋاتى + بەيدوۋ“ دالمە - ءدال قىزمەت وتەۋ جۇيەسى ىسكە قوسىلعان. بۇل تۇتاس شينجياڭداعى 126 بەيدوۋ جەر بازاسىندىق كۇشەيتۋ پۋنكتىنىڭ ىسكە قوسىلىپ، ەلەكتر تورى 220 كيلوۆولتتىق جانە ودان جوعارى نەگىزگى كەرنەۋ وزگەرتۋ پۋنكتتەرىن قامتيتىندىعىن كورسەتەدى.
”ەلەكتر قۋاتى + بەيدوۋ“ دالمە - ءدال قىزمەت وتەۋ جۇيەسى جالپىلىق قىزمەت وتەۋ تۇعىرى جانە جەر بازاسىندىق كۇشەيتۋ پۋنكتى سىندى ەكى بولىكتەن قۇرالادى. جالپىلىق قىزمەت وتەۋ تۇعىرى زەردەلى تەحنيكادان پايدالانىپ، ءتۇرلى ساندى مالىمەتتەردى بىرىكتىرىپ، بارلىق تەرمينالعا ناقتى ۋاقىتتا جەتكىزە الادى، بۇل جۇيەنىڭ ”ۇلكەن ميى“. جەر بازاسىندىق كۇشەيتۋ پۋنكتى بەيدوۋ ورىن قىزمەت وتەۋىن وزەك ەتىپ، جوعارى دالدىكتە ورىن بەلگىلەۋ، جوعارى دالدىكتە ۋاقىت قىزمەتى جانە قىسقا حابار قىزمەت وتەۋىن ۇسىنادى.
بيىل مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى بەيدوۋ جۇيەسىنەن پايدالانۋدى جىلدام ىلگەرىلەتىپ، تۇتاس شينجياڭدا تاعى دا 126 بەيدوۋ جەر بازاسىندىق كۇشەيتۋ پۋنكتىن قۇردى، ءاربىر پۋنكت تۇيىندەرىنىڭ سيگنالىنىڭ قامتۋ اياسى 50 كيلومەتردەن استى، ۋاقىت قىزمەت دالدىگى 20 نانوسەكۋندقا جەتتى، ورىن بەلگىلەۋ دالدىگى ”ميلليمەتر دارەجەسىنە“ جەتتى.
مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى عىلىم - تەحنيكا ينتەرنەت ءبولىمى ساندى مالىمەت باسقارماسىنىڭ ورىنباسار باستىعى ۋاڭ تيانجۇن مىنالاردى ءبىلدىردى: بۇل جۇيەنىڭ سالىنىپ ءبىتىپ ىسكە قوسىلۋى ەلەكتر شارلاپ تەكسەرۋ قىزمەتكەرلەرىنە ”قىراعى كوز“ جانە ”كورەگەن كوز“ ورناتقانمەن بارابار، گەولوگيالىق اپات تۋىلعان زاماندا شارلاپ تەكسەرۋشى قىزمەتكەرلەردىڭ كەرنەۋ وزگەرتۋ پۋنكتى، ەلەكتر جەتكىزۋ تەمىر مۇناراسى سياقتى ەلەكتر تورى قۇرىلعىلارىنىڭ بۇلىنگەن - بۇلىنبەگەندىگىن ناق مايدانعا بارىپ ۇعىسۋىنىڭ قاجەتى جوق بولادى، ءتىپتى نەبارى بىرنەشە سانتيمەتر جىلجىعان وزگەرىستى دە بايقاي الادى.
كەزەكتە ەلەكتر تورى زەردەلى كەرنەۋ وزگەرتۋ پۋنكتىندەگى شارلاپ تەكسەرۋشى قۇلتەمىرلەر، ەلەكتر جەتكىزۋ جەلىسىندەگى شارلاپ تەكسەرۋشى ۇشقىش اپپاراتتار جوعارى دالدىكتە ورىن بەلگىلەۋ قىزمەت وتەۋىن قولداندى؛ ۋاقىت قىزمەتى جۇمىسى ەلەكتر جابدىقتارىنىڭ جاعدايىنا تالداۋ جاساۋ، ەلەكتر ۇيلەستىرۋدەگى ۋاقىت پەن ءتارتىپتىڭ تەڭ جۇرىلۋىنە قولدانىلىپ، الداعى ۋاقىتتا ەلەكتر تورى جابدىقتارىنىڭ ۋاقىت دالدىگىن ميللي سەكۋند دارەجەسىنەن نانوسەكۋند دارەجەسىنە كوتەرەدى؛ ينتەرنەت قامتىماعان وڭىرلەر جۇيەنىڭ قىسقا حابار قىزمەت وتەۋىن قولدانىپ، ينفورماتسيا جيناۋ جانە توتەنشە جاعدايعا توتەپ بەرۋ بويىنشا حابارلاسۋ سىناعىن جۇرگىزۋدە.
