شي جينپيڭ حالىق وقۋ - اعارتۋ باسپاسىنداعى قارت جولداستارعا جاۋاپ حات قايتارعاندا بىلاي دەپ باسا دارىپتەدى
ونەگە كورسەتىپ ادام تاربيەلەۋ ءتۇبىرلى مىندەتىن تىعىز ارقاۋ ەتىپ، نەگىز قالاپ، رۋح سومدايتىن، اقىلدىڭ كوزىن اشىپ، پاراساتتى جەتىلدىرەتىن تاڭداۋلى وقۋلىقتاردى دەن قويا شىعارۋ كەرەك
جاۋاپ حات
حالىق وقۋ - اعارتۋ باسپاسىنداعى قارت جولداستار:
سالەمەتسىزدەر مە! حاتتارىڭىزدى تاپسىرىپ الدىم. 70 جىلدان بەرى حالىق وقۋ - اعارتۋ باسپاسى نەگىزدىك وقۋ - اعارتۋ وقۋلىقتارىن جانە وقۋ - اعارتۋ كىتاپتارىن قۇراستىرۋ، زەرتتەۋ، باسپادان شىعارۋ ىسىندە قاجىرلىلىقپەن ەڭبەك ەتىپ، جالعاستىرا كۇرەس جۇرگىزىپ، ەلىمىزدىڭ وقۋ - اعارتۋ ىستەرىنىڭ دامۋى ءۇشىن بەلسەندى ۇلەس قوستى، مەن سىزدەرگە جانە باسپاداعى بارشا قىزمەتكەرلەرگە شىن جۇرەكتەن سالەم جولدايمىن!
عاسىرلىق ۇلى ءىس وقۋ - اعارتۋدى نەگىز ەتەدى. حالىق وقۋ - اعارتۋ باسپاسىنىڭ ونەگە كورسەتىپ ادام تاربيەلەۋ ءتۇبىرلى مىندەتىن تىعىز ارقاۋ ەتىپ، دۇرىس ساياسي بەتالىسقا تاباندى بولىپ، تاڭداۋلى ءداستۇردى اسقاقتاتىپ، رەفورما جاساۋدى، جاڭالىق اشۋدى ىلگەرىلەتىپ، نەگىز قالاپ، رۋح سومدايتىن، اقىلدىڭ كوزىن اشىپ، پاراساتتى جەتىلدىرەتىن تاڭداۋلى وقۋلىقتاردى دەن قويا شىعارىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن جەتىلدىرۋ، وقۋ - اعارتۋدا قۋاتتى ەل قۇرۋ ءۇشىن تىڭ، اناعۇرلىم كەسەك ۇلەس قوسۋىن ءۇمىت ەتەمىن.
شي جينپيڭ
2020 - جىلى 11 - ايدىڭ 29 - كۇنى
(شينحۋا اگەنتتىگىنىڭ 11 - ايدىڭ 30 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 11 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا حالىق وقۋ - اعارتۋ باسپاسىنداعى ءبىر ءبولىم دەمالىسقا، زەينەتكە شىققان قارت جولداستارعا جاۋاپ حات قايتارىپ، حالىق وقۋ - اعارتۋ باسپاسىنداعى بارشا جولداستارعا سالەم جولداپ، وقۋلىق قۇراستىرۋ، زەرتتەۋ، باسپادان شىعارۋ قىزمەتى جونىندە ىقىلاستى ءۇمىتىن ورتاعا قويدى.
شي جينپيڭ جاۋاپ حاتىندا بىلاي دەدى: 70 جىلدان بەرى حالىق وقۋ - اعارتۋ باسپاسى نەگىزدىك وقۋ - اعارتۋ وقۋلىقتارىن جانە وقۋ - اعارتۋ كىتاپتارىن قۇراستىرۋ، زەرتتەۋ، باسپادان شىعارۋ ىسىندە قاجىرلىلىقپەن ەڭبەك ەتىپ، جالعاستىرا كۇرەس جۇرگىزىپ، ەلىمىزدىڭ وقۋ - اعارتۋ ىستەرىنىڭ دامۋى ءۇشىن بەلسەندى ۇلەس قوستى، مەن سىزدەرگە جانە باسپاداعى بارشا قىزمەتكەرلەرگە شىن جۇرەكتەن سالەم جولدايمىن!
شي جينپيڭ بىلاي دەپ باسا دارىپتەدى: عاسىرلىق ۇلى ءىس وقۋ - اعارتۋدى نەگىز ەتەدى. حالىق وقۋ - اعارتۋ باسپاسىنىڭ ونەگە كورسەتىپ ادام تاربيەلەۋ ءتۇبىرلى مىندەتىن تىعىز ارقاۋ ەتىپ، دۇرىس ساياسي بەتالىسقا تاباندى بولىپ، تاڭداۋلى ءداستۇردى اسقاقتاتىپ، رەفورما جاساۋدى، جاڭالىق اشۋدى ىلگەرىلەتىپ، نەگىز قالاپ، رۋح سومدايتىن، اقىلدىڭ كوزىن اشىپ، پاراساتتى جەتىلدىرەتىن تاڭداۋلى وقۋلىقتاردى دەن قويا شىعارىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن جەتىلدىرۋ، وقۋ - اعارتۋدا قۋاتتى ەل قۇرۋ ءۇشىن تىڭ، اناعۇرلىم كەسەك ۇلەس قوسۋىن ءۇمىت ەتەمىن.
حالىق وقۋ - اعارتۋ باسپاسى 1950 - جىلى قۇرىلعان، باستان - اياق نەگىزدىك وقۋ - اعارتۋ وقۋلىقتارى مەن وقۋ - اعارتۋ كىتاپتارىن زەرتتەۋگە، قۇراستىرىپ جازۋعا، باسپادان شىعارۋعا جانە تاراتۋعا كۇش سالىپ كەلەدى، تاياۋ جىلداردان بەرى تاعى ورتا، باستاۋىش مەكتەپتەردىڭ ءمورال جانە زاڭمەن جونگە سالۋ (يدەيا - ساياسي)، ءتىل - ادەبيەت جانە تاريح سىندى ءبىر تۇتاس قۇراستىرىلاتىن 3 ءپان وقۋلىعىن رەداكسيالاۋ، باسپادان شىعارۋ مىندەتىن ارقالادى. 70 جىلدان بەرى حالىق وقۋ - اعارتۋ باسپاسى ارت - ارتىنان بۇكىل مەملەكەتتە ءبىر تۇتاس قولدانىلاتىن ورتا، باستاۋىش مەكتەپ وقۋلىقتارىنان 11 جيناق قۇراستىرىپ باسپادان شىعاردى، باسپادان شىعارعان ءتۇرلى باسىلىمدارى 70 مىڭ تۇردەن، تارالىمى 75 ميلليارد دانادان استى. جۋىقتا وسى باسپاداعى ءبىر ءبولىم دەمالىسقا، زەينەتكە شىققان قارت جولداستار باس شۋجي شي جينپيڭگە حات جازىپ، بۇكىل باسپاداعى جولداستار اتىنان حالىق وقۋ - اعارتۋ باسپاسىنىڭ 70 جىلدان بەرى وقۋلىق قۇراستىرىپ ادام تاربيەلەۋ بورىشىن اتقارۋ جاعدايىنان مالىمەت بەرىپ، ەلىمىزدىڭ وقۋ - اعارتۋ باسپا ىستەرىنىڭ گۇلدەنۋى ءۇشىن كۇش قوساتىن بەكىمدەرىن بىلدىرگەن بولاتىن.
