تيانشان تورىنىڭ حابارى. (حابارىن جازىپ، سۋرەتىن تۇسىرگەن ءتىلشى جاڭ دۇڭمەي، ەرىكتى ءتىلشى حۋاڭ ۋانلي، پەي حۇيمين). حىبەي ولكەسى شىجياجۋاڭ قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ كومەگىندە، 12 - ايدىڭ 1 - كۇنى كورلانىڭ اۋىل شارۋاشىلىق ەرەكشە ونىمدەرىن ارناۋلى تيجارات ەتەتىن ەرەن بازارى جانە ”تيانشان سۇيىسپەنشىلىگى“ شينجياڭ ەرەكشەلىگىنە يە اسحانا شىجياجۋاڭ قالاسىندا رەسمي تيجارات باستادى. ۇشاقپەن اكەلگەن كورلانىڭ جاس ازىقتىق شيكىزاتىنان اس دايىندادى، شىجياجۋاڭ قالاسىنىڭ جەرگىلىكتى تۇرعىندارى شينجياڭنىڭ اۋەلگى دامىنەن اۋىز تيە الاتىن بولدى.
كورلا اۋىل شارۋاشىلىق ەرەكشە ونىمدەرىن ارناۋلى تيجارات ەتۋ ەرەن بازارى جانە ”تيانشان سۇيىسپەنشىلىگى“ شينجياڭ ەرەكشەلىگىنە يە اسحانا شىجياجۋاڭ قالاسىندا رەسمي تيجارات باستادى.
70 جاستان اسقان شىجياجۋاڭ قالاسىنىڭ تۇرعىنى لي جۇنجي ون نەشە جىلدىڭ الدىندا شينجياڭعا كەلگەن، شينجياڭعا ايرىقشا سۇيىسپەنشىلىك ورناتقان. شىجياجۋاڭ قالاسىنىڭ كورلانىڭ اۋىل شارۋاشىلىق ەرەكشە ونىمدەرىن ارناۋلى تيجارات ەتۋ ەرەن بازارى مەن ”تيانشان سۇيىسپەنشىلىگى“ شينجياڭ ەرەكشەلىگىنە يە اسحاناسىن اشاتىندىعىن ەستىگەننەن كەيىن، ول جۇبايىمەن بىرگە تاڭەرتەڭ ەرتە بۇل اراعا جەتىپ كەلدى. ”بارلىعى ساعىنىشتىڭ ٴدامى“. لي جۇنجي مەن جۇبايى اۋىل شارۋاشىلىعى قوسىمشا ونىمدەرىن ساتىپ العاننان كەيىن، شينجياڭ ەرەكشەلىگىنە يە اسحانعا كىرىپ كاۋاپ جانە سامسا جەمەكشى بولدى. ءۇيىنىڭ الدىنان ايتۋلى شينجياڭ دامىنەن اۋىز تيە العانىنا، لي جۇنجي قاتتى ٴماز-مايرام بولدى.
قالا تۇرعىندارى ونىمدەردى تاڭداپ ساتىپ الۋدا.
كورلانىڭ اۋىل شارۋاشىلىق ەرەكشە ونىمدەرىن ارناۋلى تيجارات ەتۋ ەرەن بازارى جانە ” تيانشان سۇيىسپەنشىلىگى“ شينجياڭ ەرەكشەلىگىنە يە اسحاناسى شىجياجۋاڭ قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ بەلسەندى پىكىرلەسۋى مەن سايكەسۋىندە، شىجياجۋاڭ قالاسىنىڭ شينجياڭعا باعىتتامالى كومەكتەسۋ قىزمەتىنە باسشىلىق ەتۋ شاعىن گرۋپپاسى كەڭسەسى ۇيىمداستىرعان، شىجياجۋاڭ ازيا ـ تىنىق مۇحيت ۇلكەن مەيمانسارايى تيجاراتتى مىندەتىنە العان شينجياڭعا باعىتتامالى كومەكتەسۋ نىسان ينجەنەرياسى.
ٴىس جۇزىندە، ىشكى ولكەدەگى قالالاردا اۋىل شارۋاشىلىق ەرەكشە ونىمدەرىن ارناۋلى تيجارات ەتۋ ەرەن بازارلارىن اشۋدى كورلا تۇڭعىش رەت باستاعان ەمەس. وسىدان بۇرىن شينجياڭنىڭ كوپ جەرلەرى نانجيڭ، بەيجيڭ، حاڭجوۋ سياقتى جەرلەردە ەرەكشە اۋىل شارۋاشىلىق ونىمدەرىن ارناۋلى ساتۋ دۇكەنىن نەمەسە ەرەكشە اۋىل شارۋاشىلىق ونىمدەرى ارناۋلى تەكشەسىن قۇرعان.
قالا تۇرعىندارى ونىمدەردى تاڭداپ ساتىپ الۋدا.
2019 - جىلى بەيجيڭ قالالىق ساۋدا ىستەرى مەكەمەسى مەن بەيجيڭ قالالىق كەدەيلەردى سۇيەمەلدەۋ ـ كومەكتەسۋ كەڭسەسى ”بەيجيڭ قالاسىنىڭ كەدەيلەردى سۇيەمەلدەۋ ونىمدەرىن تۇتىنۋ ارناۋلى رايونىن“ جانە ”حوتان ايماعىنىڭ ەرەكشە ونىمدەرى ارناۋلى تەكشەسىن“ بىرگە ىسكە قوسىپ، 100دەن استام دۇكەندە شينجياڭنىڭ حوتان ايماعىندا وندىرىلگەن شىلان، جاڭعاق سياقتى ونىمدەر ساتىلدى.
بيىل 10 ـ ايدىڭ 23 ـ كۇنى نانجيڭ حالىقارالىق كورمە ورتالىعى (شينجۋاڭ) ۇيىمداستىرعان «ىلە قازاق اۆتونوميالى وبلىسىنىڭ ەرەكشە اۋىل شارۋاشىلىق ونىمدەرىن كورمەگە قويىپ ساتۋ جارمەنكەسىندە» تيانشان گۇل القابىنان الىنعان قارا ارا بالى، 10 مىڭ مۋلىق لاۆاندا گۇلىنەن سۇرىپتالعان ەفير مايى، تاۋلى جايىلىمدا باعىلعان سيىر، قوي ەتى سياقتىلار بار... نانجيڭ قالاسىنىڭ تۇرعىندارى ەسىگىنىڭ الدىنان ىلەنىڭ تابيعي «جاقسى زاتتارىن» ساتىپ الا الاتىن بولدى.
ۇعىسۋعا قاراعاندا، تاياۋ جىلداردان بەرى، جياڭسۋ ولكەسىنىڭ ىلە قازاق اۆتونوميالى وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى تۇتىنۋ ارقىلى كەدەيلەردى سۇيەمەلدەۋ ۇلگىسىندە ۇزدىكسىز جاڭالىق اشىپ، ”ىلە اۋىل شارۋاشىلىق ونىمدەرىن جياڭسۋدا تۇتىنۋ ارناۋلى قيمىلىن“ اتقارۋعا ۇيىمداستىرىپ، ىلە ەرەكشە ونىمدەرىنىڭ ەرەن بازارعا، بازارعا كىرۋىن ىلگەرىلەتىپ، ارناۋلى ساتۋ دۇكەنى، ارناۋلى ساتۋ سورەسى سياقتىلاردان 30دان استامىن قۇرىپ، ٴتىپتى دە كوپ ”ىلە ٴدامىن“ جياڭسۋ بازارىنا كىرگىزىپ، ىلە ديقاندارىنىڭ ”قاپشىعىن“ قامپايتىپ، جياڭسۋ تۇتىنۋشىلارىنىڭ ”كوجە - قاتىعىن“ مولايتتى.
