− اۆتونوميالى رايوننىڭ ۇگىت - لەكسيا ۇيىرمەسىنىڭ جوعارى مەكتەپ بولىمشە ۇيىرمەسى پارتيا 19 - كەزەكتى ورتالىق كوميتەتى بەسىنشى جالپ-ى ءماجىلىسىنىڭ رۋحى جونىندە ۇگىت - لەكسيا جاسادى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 11 - ايدىڭ 30 - كۇنى ۇرىمجىدەن حابارلايدى. تاياۋ كۇندەردەن بەرى اۆتونوميالى رايوننىڭ ۇگىت - لەكسيا ۇيىرمەسىنىڭ جوعارى مەكتەپ بولىمشە ۇيىرمەسى شينجياڭ داشۋەسى، شينجياڭ اۋىل شارۋاشىلىق كاسىپتىك - تەحنيكالىق شۋەيۋانى، قارامايلى كاسىپتىك - تەحنيكالىق شۋەيۋانى قاتارلى جوعارى مەكتەپتەردە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى.
11 - ايدىڭ 30 - كۇنى ۇگىت - لەكسيا ۇيىرمەسىنىڭ مۇشەسى، شينجياڭ شىفان داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى سۇن شيۋليڭ شينجياڭ داشۋەسىنىڭ وقىتۋشى - وقۋشىلارىنا بايانداما جاساعاندا، دۇنيە ءجۇزى جاعدايىنىڭ، مەملەكەت جاعدايىنىڭ، رايون جاعدايىنىڭ امالياتىمەن تىعىز بايلانىستىرىپ، قىزمەت امالياتىمەن جانە ۇيرەنۋ تولعانىسىمەن بىرلەستىرە وتىرىپ، جاندى مىسالدار جانە ناقتى ساندى مالىمەتتەر ارقىلى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن تارتىمدى ءتۇسىندىردى، جالپى ءماجىلىس العا قويعان جاڭا دامۋ كەزەڭى، جاڭا دامۋ ۇستانىمى، جاڭا دامۋ ارناسى سياقتى كەلەلى ستراتەگيالىق تۇجىرىمدار مەن ستراتەگيالىق ويلار تۋرالى ءتۇيىندى تۇسىنىك جاسادى.
شينجياڭ جەڭىل ونەركاسىپ كاسىپتىك - تەحنيكالىق شۋەيۋانىندا ۇگىت - لەكسيا ۇيىرمەسىنىڭ مۇشەسى، شينجياڭ داشۋەسى ەكونوميكا جانە باسقارۋ شۋەيۋانىنىڭ باستىعى، دوتسەنت سۇن جيڭبيڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن تۇسىنىكتى تىلمەن بايىمداپ، ”13 - بەسجىلدىق“ كەزىندەگى ەلىمىزدىڭ ەكونوميكالىق، قوعامدىق دامۋدا قول جەتكىزگەن شۇعىلالى تابىستارىنا قايىرىلا قاراپ، ”14 - بەسجىلدىقتىڭ“ تاماشا بولاشاعىن ەلەستەتتى.
”جالپى ءماجىلىس جوعارى ساپالى وقۋ - اعارتۋ جۇيەسىن قۇرۋدى العا قويدى، بۇل ءبىزدىڭ جوعارى ساپالى ’شەبەر ۇستاز‘ باۋلۋىمىزعا ايقىن بەتالىس كورسەتىپ بەردى“، - دەدى شينجياڭ جەڭىل ونەركاسىپ كاسىپتىك - تەحنيكالىق شۋەيۋانى ەكونوميكا جانە باسقارۋ بولىمشە شۋەيۋانىنىڭ باستىعى ۋاڭ جيانيۇي، - كاسىپتىك وقۋ - اعارتۋ ەكونوميكالىق، قوعامدىق دامۋىمەن تىعىز قابىسقان، جوعارى كاسىپتىك مەكتەپ رەتىندە ءوندىرۋ مەن وقىتۋدى توعىستىرۋ، ءوندىرۋدى، وقىتۋدى، زەرتتەۋدى بىرلەستىرۋ ءبىزدىڭ نىسانامىز جانە مىندەتىمىز. ءبىز ونان ارى قۇلشىنىپ، جەرگىلىكتى ورىننىڭ ەكونوميكاسىن دامىتۋ ءۇشىن تولىمدى، جوعارى ساپالى تەحنيكالىق شەبەر دارىندىلاردى كوپتەپ باۋلىپ، جاڭا داۋىردەگى كاسىپتىك وقۋ - اعارتۋدى جەدەل ىلگەرىلەتەمىز.
شينجياڭ اۋىل شارۋاشىلىق كاسىپتىك - تەحنيكالىق شۋەيۋانىنىڭ وقىتۋشىسى قاھار الىم مىنالاردى ءبىلدىردى: پارتيالى وقىتۋشى رەتىندە، جۇڭگوشا سوتسياليستىك مەكتەپ باسقارۋ بەتالىسىنا بۇلجىماستان تاباندى بولىپ، جۇڭحۋا ۇلتى تاعدىرلاس ورتاق تۇلعا تانىمى تاربيەسىن ونان ارى كۇشەيتىپ، وتباسى جانە وتان سۇيىسپەنشىلىگىن كوكەيگە تەرەڭ ۇيالاتىپ، وقىتۋ ۇلگىسىنە جاڭالىق ەنگىزىپ، وقۋشىلاردى جوعارى ساپامەن ويداعىداي باۋليمىز.
