تيانشان تورى   ›   جاڭالىقتار   ›   بيڭتۋان

بيڭتۋان مەن جەرگىلىكتى ورىننىڭ توعىسپالى دامۋ قىزمەتى جونىندەگى بىرىككەن ءماجىلىس اشىلدى

بيڭتۋان مەن جەرگىلىكتى ورىننىڭ توعىسۋىن ىلگەرىلەتىپ، جاڭا داۋىردەگى شينجياڭنىڭ جاڭاشا قالا - قالاشىقتانۋ اياق الىسىن جەدەلدەتەيىك

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 12 - ايدىڭ 1 - كۇنى ۇرىمجىدەن حابارلايدى. 12 - ايدىڭ 1 - كۇنى بيڭتۋان مەن جەرگىلىكتى ورىننىڭ توعىسپالى دامۋ قىزمەتى جونىندەگى بىرىككەن ءماجىلىس اشىلدى، ءماجىلىس بيڭتۋان مەن جەرگىلىكتى ورىننىڭ توعىسۋىن جانە جاڭا داۋىردەگى جاڭاشا قالا - قالاشىقتانۋ قۇرىلىسىن ىلگەرىلەتۋ، ت.ب قىزمەتتەرىن ارناۋلى تاقىرىپتا اقىلداستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، بيڭتۋان مەن جەرگىلىكتى ورىننىڭ توعىسپالى دامۋ قىزمەتى جونىندەگى بىرىككەن ءماجىلىسىنىڭ ءبىرىنشى ۇيىمداستىرۋشىسى شوكىرات زاكىر، بيڭتۋان پارتكومىنىڭ ورىنباسار شۋجيى، سىليڭيۋان پىڭ جيارۇي ماجىلىسكە قاتىناستى ءارى ءسوز سويلەدى.

  شوكىرات زاكىر بىلاي دەپ اتاپ كورسەتتى: باس شۋجي شي جينپيڭنىڭ جاڭاشا قالا - قالاشىقتاندىرۋ جونىندەگى ماڭىزدى بايىمداۋىن ىشكەرىلەي ۇيرەنىپ، ءتۇسىنىپ، جاپپاي دايەكتىلەندىرىپ، تياناقتاندىرىپ، جاڭاشا قالا - قالاشىقتاندىرۋ قىزمەتىن ويداعىداي ىستەۋدىڭ ماڭىزدىلىعىن جەتە تانىپ، شينجياڭ قىزمەتىنىڭ باس نىساناسىن مىقتاپ يگەرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، حالىقتىڭ كۇن سايىن ارتقان تاماشا تۇرمىسقا دەگەن قاجەتىن قاناعاتتاندىرۋدى ءتۇبىرلى ماقسات، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ادامدى وزەك ەتكەن جاڭاشا قالا - قالاشىقتاندىرۋدى جەدەل ىلگەرىلەتۋ كەرەك. جاڭاشا قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ جانە اۋىل - قىستاقتى گۇلدەندىرۋدىڭ تەڭ قادامدا سايكەستى دامۋىنا تاباندى بولىپ، بيڭتۋان مەن جەرگىلىكتى ورىن قول ۇستاسىپ، جاڭاشا قالا - قالاشىقتاندىرۋدىڭ جوعارى ساپالى دامۋىن بىرگە ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك.

  شوكىرات زاكىر بىلاي دەپ باسا دارىپتەدى: بيڭتۋاننىڭ رەفورماسىنا، دامۋىنا قولداۋ كورسەتۋ اۆتونوميالى رايونداعى ءار دارەجەلى ورىنداردىڭ بۇلتارعىسىز كەلەلى قىزمەت جاۋاپكەرشىلىگى، بورىشى، اۆتونوميالى رايون ساياساتتىق قولداۋ كورسەتۋدى كۇشەيتىپ، ءتۇرلى قىزمەتتىڭ تياناقتانۋ اياق الىسىن تەزدەتىپ، بيڭتۋان مەن جەرگىلىكتى ورىننىڭ ابزالدىلىقتارى ارقىلى ءبىرىن - ءبىرى تولىقتاۋىنا، قۇرىلعىلاردى بىرگە سالۋىنا، بايلىقتان بىرگە يگىلىكتەنۋىنە تاباندى بولادى. اۆتونوميالى رايوننىڭ جانە بيڭتۋاننىڭ قاتىستى تاراۋلارى جاڭا داۋىردە بيڭتۋان مەن جەرگىلىكتى ورىننىڭ توعىسپالى دامۋىن تەرەڭدەتۋدىڭ جاڭا جولدارى، جاڭا شارالارى جونىندە ۇزدىكسىز ىزدەنىس جاساپ، بيڭتۋاننىڭ رەفورماسىنا، دامۋىنا قولداۋ كورسەتەتىن قىزمەت بىرىككەن كۇشىن اناعۇرلىم قالىپتاستىرىپ، بيڭتۋاندى شەكارانى ورنىقتىرىپ، شەكارانى بەكەمدەۋدىڭ ورنىقتىرعىشىنا، ءار ۇلت بۇقاراسىن ۇيىستىراتىن دومنا پەشكە، وزىق وندىرگىش كۇش پەن وزىق مادەنيەتتەن ۇلگى كورسەتەتىن رايونعا اينالدىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەلسەنە ۇلەس قوسۋ كەرەك.

  پىڭ جيارۇي بىلاي دەپ اتاپ كورسەتتى: بيڭتۋان بيڭتۋان مەن جەرگىلىكتى ورىن ”ءبىر تۇتاس جۇيە“ يدەياسىن بەرىك ورناتىپ، اۆتونوميالى رايوندىق پارتكومنىڭ ءبىر تۇتاس باسشىلىعىندا بيڭتۋان مەن جەرگىلىكتى ورىننىڭ توعىسپالى دامۋىنا باسشىلىق گرۋپپاسىن جانە بىرىككەن ءماجىلىس ءتۇزىمىن كەمەلدەندىرىپ جانە تياناقتاندىرىپ، بيڭتۋان مەن جەرگىلىكتى ورىننىڭ توعىسپالى دامۋىن ءبىر تۇتاس جوسپارلاپ جوبالاۋدى كۇشەيتىپ، جوعارى دەڭگەيدە ىلگەرىلەتەتىن، جوعارى مەن تومەن بىرلەسىپ ارەكەتتەنەتىن، تۇتاس تۇلعالىق ىلگەرىلەتەتىن ارنانى قالىپتاستىرادى. بيڭتۋان مەن جەرگىلىكتى ورىننىڭ ەكونوميكاسىنىڭ، قوعامىنىڭ تەرەڭدەي توعىسا دامۋىن جەدەل ىلگەرىلەتىپ، كەلەلى وندىرگىش كۇشتەردى ورنالاستىرۋ، بازار جۇيەسى، نەگىزدىك قۇرىلعىلار، الەۋمەتتىك قىزمەت وتەۋ سياقتى جاقتاردا بيڭتۋان مەن جەرگىلىكتى ورىننىڭ بىرگە جوبالاۋىنا، بىرگە جاساۋىنا، بىرگە اتقارۋىنا تاباندى بولىپ، بيڭتۋان مەن جەرگىلىكتى ورىننىڭ ابزالدىلىقتارى ارقىلى ءبىرىن - ءبىرى تولىقتايتىن، ءبىر - بىرىنە تيىمدىلىك جەتكىزىپ، بىرگە پايداعا كەنەلەتىن وڭىرلىك ءبىر تۇلعالانا دامۋدىڭ جاڭا جاعدايىن جەدەل قالىپتاستىرادى.

  اۆتونوميالى رايون جانە بيڭتۋان باسشىلارىنان جاڭ چۇنلين، جاروللا يسامدين، ءمۇتاللىپ ءماتتوحتى، ياۋ شينمين ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.