تيانشان تورى   ›   جاڭالىقتار   ›   شينجياڭ حابارلارى

شارۋاشىلىق - ساۋدا ورتاسىن ۇزدىكسىز ساپالىلاندىردى

شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا، ەرىكتى ءتىلشى لي شۋانبين

  شارۋاشىلىق - ساۋدا ورتاسىنىڭ ءوزى − وندىرگىش كۇش، شارۋاشىلىق - ساۋدا ورتاسىن ساپالىلاندىرۋدىڭ ءوزى − وندىرگىش كۇشتى ازات ەتۋ، باسەكەلىك قۋاتتى جوعارىلاتۋ بولىپ تابىلادى. ”13 - بەسجىلدىق“ مەزگىلىندە رايونىمىز ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، بازارعا كىرۋگە رۇقسات ەتۋدى كەڭەيتىپ، تەكسەرىپ بەكىتۋ ءتارتىبىن ساپالىلاندىرىپ، تەكسەرىپ بەكىتۋ ۇقىعىن تومەنگە بەرىپ، شارۋاشىلىق - ساۋدا ورتاسىن ۇزدىكسىز جاقسارتتى.

  5 جىلدان بەرى تەكسەرىپ بەكىتۋ ازايدى، سالىق اقىسى جەڭىلدەدى... تاماشا شارۋاشىلىق - ساۋدا ورتاسى بەينە تازا اۋا سياقتى بازار نەگىزگى تۇلعاسىنىڭ ومىرشەڭدىك كۇشىن قاۋلاتىپ، رايونىمىز ەكونوميكاسىنىڭ جوعارى ساپالى دامۋىنا تەبىندى قوزعاۋشى كۇش ۇستەدى.

ءىس ءبىتىرۋ ونىمدىلىگى جوعارىلادى

كاسىپورىنداردىڭ قۇرىلۋ ۋاقىتى قىسقاردى

  ازاماتتىق كۋالىكتى سۇيكەپ، تيجارات كۋالىگىن باسىپ شىعارۋ تىلشىگىن باسىپ، بەت - الپەتتى سكانەرلەسەڭىز بولدى، ماشينادان كۋالىك شىعا كەلەدى، تۇتاس بارىسقا تەك ءبىر مينۋت جۇمسالادى!

  11 - ايدىڭ 20 - كۇنى ءۇرىمجى قالالىق اكىمشىلىك قىزمەت وتەۋ ورتالىعىنىڭ جۇمىس زالىندا تيجارات كۋالىگىن جاڭادان العان شينجياڭ حالىقارالىق جىدي قورا - جاي اشۋ شەكتى سەرىكتەستىگى كەڭسەسىنىڭ مەڭگەرۋشىسى ۋاڭ ليجيە: ”كەشە عانا ينتەرنەتتە ءوتىنىش جولداعان بولاتىنمىن، بۇگىن تيجارات كۋالىگى جاسالىپ بولىپتى، قازىر ۇكىمەت تاراۋلارىنىڭ ءىس ءبىتىرۋ ونىمدىلىگى، شىنىندا، جوعارى ەكەن“، - دەدى قۋانىشپەن.

  ”13 - بەسجىلدىق“ مەزگىلىندە رايونىمىزدىڭ بازاردى باقىلاۋ - باسقارۋ تاراۋلارى 100 ءتۇرلى ”تيجارات كۋالىگى مەن رۇقسات كۋالىگىن ايىرۋ“ رەفورما مىندەتىن ورىنداپ، ”26 كۋالىكتى بىرىكتىرۋدى“ جۇزەگە اسىردى. 50 ءتۇرلى ونەركاسىپ ونىمدەرىن ءوندىرۋ رۇقسات كۋالىگىن كۇشىنەن قالدىرىپ، 4 تۇردەگى ولكە دارەجەلى كۋالىك تاراتاتىن كاسىپورىنعا ”الدىمەن كۋالىك بەرىپ، سوڭىنان انىقتاۋدى“ اتقاردى. رايون ىشىندە ادەتتەگى كاسىپورىنداردىڭ قۇرىلۋ ۋاقىتى ”12 - بەسجىلدىقتىڭ“ سوڭىنداعى 30 نەشە قىزمەت كۇنىنەن قازىر 4 قىزمەت كۇنىنە قىسقاردى.

  اۆتونوميالى رايوندىق بازاردى باقىلاۋ - باسقارۋ مەكەمەسى كاسىپورىن قۇرۋدا ”ءبىر كەستەمەن ءوتىنىش بەرۋ، ءبىر رەتتە سىپاتتاۋ، ءبىر توردا تولىق ءبىتىرۋ“ حالىققا قولايلى قىزمەت وتەۋ ينجەنەرياسىن اتقارىپ، ءىس ءبىتىرۋ ءتارتىبىن ىڭعايلاستىرىپ، كاسىپورىنعا پايدا جەتكىزىپ، حالىققا قولايلىلىق جاسايتىن تەرەزە اشىپ، ”تومەنگە بەرۋ، باسقارۋ، قىزمەت وتەۋ“ رەفورماسىندا تەرەڭدەي كۇش سالۋ، بارلىق كەدەرگىلەردى الاستاۋ بەكىمىن ايگىلەدى.

  ەگەردە ”ءبىر توردا تولىق ءبىتىرۋ“ اكىمشىلىك ىستەرى قىزمەت وتەۋىنىڭ ”ەسىگىن“ اشتى دەيتىن بولساق، وندا ەلەكتروندى تيجارات كۋالىگىنە اكىمشىلىك ىستەرى بويىنشا قىزمەت وتەۋدىڭ قولدانىلۋ اۋماعىن كەڭەيتۋ وسى ەسىكتى اناعۇرلىم كەڭەيتىپ، اكىمشىلىك تەكسەرىپ بەكىتۋدە ”ءبىر رەت تە سابىلماۋ“ سياقتى قىزمەت وتەۋ جونىندە بەرىلگەن ۋادەنىڭ شىنايى تياناقتانۋىنا مۇمكىندىك جاسادى. سونىمەن بىرگە، ونىمدەردىڭ بازارعا كىرۋىنە رۇقسات ەتۋدى كەڭەيتۋ، ءتۇرلى وندىرىستىك تيجارات جۇرگىزۋ رۇقسات كۋالىگىن ىقشامداۋ، تەكسەرىپ بەكىتۋ كولەمىن قىسقارتۋ، تەكسەرىپ بەكىتۋ ۋاقىت شەگىن ازايتۋ سياقتى شارالار ارقىلى بۇقارانىڭ ءىس ىستەپ، شارۋاشىلىق قۇرۋىنا ەڭ جوعارى شەكتە قولايلىلىق جاسادى.

  بۇگىنگى كۇندە باسىپ تاۋسىلمايتىن تاڭبا، بىتپەيتىن ءتارتىپ وتكەن شاققا اينالدى. ءبىر قىدىرۋ رەفورما شاراسى اناعۇرلىم كەڭ، قولايلى بازارعا كىرۋگە رۇقسات ەتۋ ورتاسىن جاراتىپ، شارۋاشىلىق قۇرۋدىڭ، جاڭالىق اشۋدىڭ ”بايلاۋىن بوساتىپ“، ”شىدەرىن ءۇزىپ“، بازاردىڭ ومىرشەڭدىك قۋاتىن ۇزدىكسىز قاۋلاتتى، ءتۇرلى بازار نەگىزگى تۇلعاسىندا جوعارى قارقىندى ارتۋ، جوعارى ساپالى دامۋ جاعدايى جارىققا شىقتى. 2020 - جىلى 11 - ايدىڭ سوڭىنا دەيىن تۇتاس رايوندا تىركەۋگە الىنعان بازار نەگىزگى تۇلعاسى 2 ميلليون 3000عا جەتىپ، 2015 - جىلدىڭ سوڭىنداعىدان %79.9 ارتتى.

باقىلاۋ - باسقارۋ اناعۇرلىم عىلمي بولدى

ءبىر جولدا كوپ ءتۇرلى ىستەردى تەكسەردى

  10 - ايدا اۆتونوميالى رايوندىق بازاردى باقىلاۋ - باسقارۋ مەكەمەسى ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، ساۋدا ىستەرى مەڭگەرمەسى سياقتى تاراۋلارمەن بىرلەسىپ ”قوس توسىن، ءبىر جاريا“ تەكسەرۋىن ورىستەتىپ، بۇكىلدەي جاڭاشا تەكسەرۋ ۇلگىسىمەن كاسىپورىنداردىڭ جابال قولداۋىنا يە بولدى.

  ”’قوس توسىن، ءبىر جاريا‘ تەكسەرۋىندە ەرەجە - قاعيدا الدىندا بارلىق ادامنىڭ تەرەزەسى تەڭ بولدى، ءتۇرلى ءتارتىپ پەن ناتيجە اشىق، جاريا ۇستالىپ، ءبىزدى الاڭسىز ەتتى. بىرلەسىپ تەكسەرۋ گرۋپپاسى كوپ جاقتاعى باقىلاۋ - باسقارۋدى ءبىر رەتتە تەكسەرىپ ورىندادى، كاسىپورىنداردىڭ قالىپتى تيجاراتى ىقپالعا ۇشىرامادى، بىزشە ەرەكشە جاقسى بولدى“، - دەدى شينجياڭ يىفىڭ شىنچى اۆتوكولىك ساتۋعا قىزمەت وتەۋ شەكتى سەرىكتەستىگىنىڭ باس ديرەكتورى دياۋ يۇيحى.

  بيىل جىل باسىنان بەرى رايونىمىز ”قوس توسىن، ءبىر جاريا“ باقىلاۋ - باسقارۋىن جالپى بەتتىك اتقارىپ، 19 مۇشە ورىن وزدەرىنىڭ قىزمەت جاۋاپكەرشىلىگى بويىنشا ۇلگى الىپ تەكسەرۋ مىندەتىن قاتاڭ تياناقتاندىرىپ، بازاردى جان - جاقتى باقىلاۋ - باسقارۋدى جۇزەگە اسىردى. ”ءبىر جولدا كوپ ءتۇرلى ىستەردى تەكسەرۋ“ كاسىپورىنداردىڭ اۋىرتپالىعىن، شىنىندا، جەڭىلدەتىپ، وتكەنگى شارلاپ تەكسەرۋ ءتۇزىمى باقىلاۋ - باسقارۋىندا ورىن تەپكەن بىلگەنىنشە زاڭ اتقارۋ، زاڭ اتقارۋدا ەل - جۇرتتىڭ مازاسىن الۋ، قالاعانىنشا زاڭ اتقارۋ سياقتى ماسەلەلەردى شەشتى.

  رايونىمىز تاعى قازىرگى اتقارىلىپ وتىرعان ساياساتتىق شارالارعا ساياتىن جەرگىلىكتى قورعاۋ، بەلگىلەنگەن ساۋدا، بازار قورعانى سياقتىلارعا ءتۇيىندى تۇردە اداقتاۋ جۇرگىزدى. كەزەكتە، تۇتاس رايون ولشەمدەنگەن حۇجات جانە قاتىستى ساياساتتىق شارالاردان 200 مىڭنان ارتىعىن وقىپ تەكسەرىپ، ءادىل باسەكەلەسۋدى شەكتەيتىن ساياساتتىق شارالاردان 77سىنە وزگەرتۋ ەنگىزىپ، كۇشىنەن قالدىرىپ، ءتۇرلى مەنشىك تۇلعالارىنىڭ بايلىق فاكتورىنان زاڭ بويىنشا، تەڭ پايدالانۋىنا، اشىق، ءادىل، تەڭ باسەكەگە تۇسۋىنە، تەڭ دارەجەدە زاڭنىڭ قورعاۋىنا يە بولۋىنا تاماشا ءتۇزىم ورتاسىن ازىرلەدى.

  ”وسى بىرنەشە جىلدا ۇكىمەتتىڭ حۇجاتتاردى اداقتاۋ جانە كۇشىنەن قالدىرۋ قىزمەتى كاسىپورىنداردىڭ اۋىرتپاشىلىعىن كوپ جەڭىلدەتتى، بۇرىن كەيبىر كاسىپتەردى ءبىتىرۋ ءۇشىن قىرۋار ماتەريال جولدايتىنبىز، قازىر كوپ ىقشامدالدى، ورتا ءتىپتى دە كەڭىپ قالدى“، - دەدى شينجياڭ ەلەكتر قۇرىلىسى شەكتى سەرىكتەستىگى جۇيەگە كەپىلدىك ەتۋ ءبولىمىنىڭ مەڭگەرۋشىسى يۇي چۇنلياڭ.

  ينتەرنەت بازارىن باقىلاۋ - باسقارۋدى كۇشەيتىپ، حالىق تۇرمىسىنا ساياتىن ءتۇيىندى سالانىڭ بازار باعاسىنىڭ ءتارتىبىن ولشەمدەندىرۋ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن اتقارۋ، ءبىلىم مەنشىگى ۇقىعىن قورعاۋدىڭ ”تەمىر تەگەۋرىن“ ارەكەتىن ورىستەتۋ... ءبىر قىدىرۋ قاتاڭ شارالار رايونىمىزدىڭ اشىق، ءتارتىپتى باسەكەلەسەتىن وسىزاماندانعان بازار ءتارتىبىن قۇرۋىنا وراي تۋدىردى.

كوپ ءتۇرلى شارانى قاتار قولدانىپ سۇيەمەلدەدى

بازار نەگىزگى تۇلعاسىنىڭ ومىرشەڭدىك كۇشى تاسقىندادى

  بازار نەگىزگى تۇلعاسى − ەكونوميكانىڭ كۇش دانەكەرى، بازار نەگىزگى تۇلعاسىن ويداعىداي قورعاپ، بازار نەگىزگى تۇلعاسىنىڭ ومىرشەڭدىك كۇشىن تاسقىنداتساق، ەكونوميكانىڭ دامۋىنا نەگىزگى كۇش جيناي الامىز.

  ”13 - بەسجىلدىق“ مەزگىلىندە رايونىمىز شارۋاشىلىق - ساۋدا ورتاسىن بار كۇشپەن ساپالىلاندىرىپ، «شينجياڭ ورتا، شاعىن، ۇساق كاسىپورىنداردىڭ ”13 - بەسجىلدىق“ دامۋ جوباسى»، «ورتا، شاعىن كاسىپورىنداردىڭ اقاۋسىز دامۋىن جەبەۋ جونىندەگى اتقارۋ پىكىرى» سياقتى ءبىر قىدىرۋ ساياساتتاردى جاساپ شىعارىپ، ورتا، شاعىن، ۇساق كاسىپورىنداردى قازىنا، فينانس جاعىنان قولداۋ تەبىنىن كۇشەيتىپ، ورتا، شاعىن، ۇساق كاسىپورىندارعا ساياساتتىق قىزمەت وتەۋدى ۇزدىكسىز ساپالىلاندىردى.

  وتكەن جىلى 10 - ايدا اۆتونوميالى رايوندىق بازاردى باقىلاۋ - باسقارۋ مەكەمەسى شارۋاشىلىق - ساۋدا ورتاسىن ساپالىلاندىرۋعا تاعى دا كۇش سالىپ، ”شارۋاشىلىق - ساۋدا ورتاسىن ساپالىلاندىرۋ، تۇتىنۋ ورتاسىن ساپالىلاندىرۋ، بۇقاراعا قىزمەت وتەۋ، كاسىپورىنعا قىزمەت وتەۋ، نەگىزگى ساتىعا قىزمەت وتەۋ“ سياقتى 30 شارانى جاساپ اتقارىپ، كاسىپورىن، نەگىزگى ساتى جانە بۇقارا جاپپاي نازار اۋدارىپ وتىرعان، اڭىسى كۇشتى بولعان بوگەتتىك، تالماۋ ماسەلەلەردى دەن قويا شەشىپ، كاسىپورىننىڭ اقاۋسىز دامۋىن قورعادى.

  بيىل جىل باسىنان بەرى جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا ءدوپ كەلگەندە، رايونىمىز «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرىپ اقاۋسىز دامۋىن قولداۋ جونىندەگى 16 تارماقتى شارا» سياقتى ءبىر قىدىرۋ قيىنشىلىعىن شەشۋ، كاسىپورىنعا تيىمدىلىك جەتكىزۋ ساياساتتىق شارالاردى شىعارىپ، ءتۇرلى كاسىپورىنداردىڭ جۇمىستى قالپىنا كەلتىرىپ، ءوندىرىس قۋاتىنا جەتۋىن ىلگەرىلەتۋگە بار كۇشپەن قولداۋ كورسەتىپ جانە ۇيىمداستىرىپ، ورتا، شاعىن، ۇساق كاسىپورىنداردىڭ قيىنشىلىق وتكەلىنەن وتۋىنە كومەكتەستى. رايونىمىزداعى قالىڭ بازار نەگىزگى تۇلعالارى سۋبيەكتيۆ بەلسەندىلىگىن ساۋلەلەندىرىپ، ساياساتتان ويداعىداي پايدالانىپ، بازار وزگەرىسىنە بەلسەندى ۇيلەسىپ، قيىندىقتارعا قارسى تۇرۋ قابىلەتىن قۇلشىنا كۇشەيتتى.

  قارجى كەمشىل بولۋ سەبەبىنەن شينجياڭ دىچۋاڭ گۇڭكۇڭ تەحنيكا شەكتى سەرىكتەستىگىنىڭ جاساندى زەردە باۋلۋ شۋەيۋان نىسانى كەيىنگە قالدىرىلعان بولاتىن. بيىل وسى سەرىكتەستىكتىڭ جاعدايىن ۇعىسقان سوڭ، اۆتونوميالى رايوندىق بازاردى باقىلاۋ - باسقارۋ مەكەمەسى وسى سەرىكتەستىكتىڭ ءبىلىم مەنشىك ۇقىعىن كەپىلگە قويىپ قارجى قۇراۋىنا كومەكتەسىپ، بانكەدەن 8 ميلليون يۋاننان ارتىق سەنىمدى قارىز اقشاعا يە بولىپ، سەرىكتەستىكتىڭ شۇعىل قيىنشىلىعىن شەشتى. ”قازىر شۋەيۋان نەگىزىنەن سالىنىپ بولدى، سالىنعان سوڭ شينجياڭنىڭ وسى سالاداعى بوستىعىن تولتىرادى“، - دەدى وسى سەرىكتەستىكتىڭ باس ديرەكتورى يان جىنحۋا قۋانىشپەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى