تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، ۇيرەندى

باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”14 - بەسجىلدىقتاعى“ قىزمەتتەردى عىلمي جوبالاپ، باستامانى جاقسى باستاۋعا، قادامدى جاقسى تاستاۋعا شىنايى كەپىلدىك ەتەيىك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 12 - ايدىڭ 1 - كۇنى ۇرىمجىدەن حابارلايدى. 12 - ايدىڭ 1 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحى سياقتىلاردى جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، وسكەلەڭ يدەيالىق سانالىلىق، ساياسي سانالىلىق، ارەكەت سانالىلىعى ارقىلى «ارميانىڭ ساياسي قىزمەت ەرەجەسىن»، «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن»، «جۇڭگو كوممۋنيستىك پارتياسىنىڭ پارتيا مۇشەلەرىنىڭ ۇقىعىن قامتاماسىز ەتۋ ەرەجەسىن» ۇيرەنۋ، ۇگىتتەۋ، دايەكتىلەندىرۋ قىزمەتىن تىڭعىلىقتى ويداعىداي ىستەۋ كەرەك. ساياسي دەڭگەيدى شىنايى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 3 ەرەجەگە وزگەرىس ەنگىزۋدىڭ كەلەلى ءمانىن جىعا تانىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە ءماجىلىستىڭ ورنالاستىرۋلارىمەن باتىل بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋعا شىنايى كەپىلدىك ەتۋ كەرەك. بىرلىكساپ شەبىنىڭ رولىن ساۋلەلەندىرىپ، پارتيانىڭ بىرلىكساپ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، بىرلىكساپ قىزمەتىنىڭ عىلميلانۋ، جۇيەلىلەنۋ، تۇزىمدەنۋ دەڭگەيىن جوعارىلاتىپ، ىنتىماقتاسۋعا بولاتىن بارلىق كۇشپەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ەڭ كەڭ كولەمدى وتانشىلدىق بىرلىكساپتى شىنايى بەكەمدەپ جانە دامىتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ قۋاتتى بىرىككەن كۇشىن ۇزدىكسىز ۇيىستىرۋ كەرەك. پارتيا مۇشەلەرى قوسىنى قۇرىلىسىن كۇشەيتۋ كەرەك، ءار دارەجەلى پارتيا ۇيىمدارى نەگىزگى تۇلعالىق جاۋاپكەرشىلىكتى تياناقتاندىرىپ، پارتيا مۇشەلەرىنىڭ بورىشى جانە ۇقىعى جونىندە ۇدايى تاربيە ورىستەتىپ، ءتۇزىمدى، مەحانيزمدى كەمەلدەندىرىپ، اتقارۋدى تياناقتاندىرۋدى كۇشەيتىپ، قالىڭ پارتيا مۇشەلەرىن جاڭا ءداۋىر جۇكتەگەن تاريحي ماڭىزدى مىندەتتەردى شىنايى ارقالاپ، بەلسەندىلىكتى، ىرىقتىلىقتى، جاسامپازدىقتى ۇزدىكسىز جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ امالياتىندا اۆانگارد ۇلگىلىك رولدارىن سانالى تۇردە ساۋلەلەندىرۋگە شابىتتاندىرۋ كەرەك.

  ءماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىساناسىن جاساۋ جونىندەگى ۇسىنىسى» سياقتى حۇجاتتاردى تالقىلاپ، تالقىلاۋ پىكىرى بويىنشا وزگەرىس ەنگىزىپ، كەمەلدەندىرگەننەن كەيىن تاياۋدا اشىلاتىن اۆتونوميالى رايوندىق 9 - كەزەكتى پارتكومنىڭ ون ءبىرىنشى جالپى ءماجىلىسىنىڭ قاراۋىنا ۇسىنۋدى ۇيعاردى. ءماجىلىس مىنالاردى اتاپ كورسەتتى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ”14 - بەسجىلدىق“ كەزىندەگى ەكونوميكالىق، قوعامدىق دامۋدى عىلمي جوبالاپ، ءتۇرلى قىزمەتتەردىڭ باستاماسىنىڭ جاقسى باستالۋىنا، قادامىنىڭ جاقسى تاستالۋىنا شىنايى كەپىلدىك ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  ءماجىلىس اۆتونوميالى رايوننىڭ ازىق - تۇلىك حاۋىپسىزدىگى قىزمەتى بايانداماسىن تىڭدادى. ءماجىلىس مىنالاردى باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، باس شۋجي شي جينپيڭنىڭ ازىق - تۇلىك حاۋىپسىزدىگى قىزمەتى جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ”تورتتە توتەنشە قاتاڭ بولۋ“ تالابى بويىنشا، ازىق - تۇلىك حاۋىپسىزدىگىن جونگە سالۋ جۇيەسىن اناعۇرلىم اقاۋسىزداندىرىپ، كەمەلدەندىرىپ، قاراستىلىق بويىنشا باسقارۋ جانە تاراۋلار باقىلاۋ - باسقارۋ جاۋاپكەرشىلىگىن شىنايى ويداعىداي اتقارىپ، ءاربىر قورعانىس شەبىن باتىل ويداعىداي يگەرىپ، ازىق - تۇلىك حاۋىپسىزدىگى تومەنگى شەگىن باتىل ساقتاپ، ءار ۇلت بۇقاراسىنىڭ ”ازىق - تۇلىك حاۋىپسىزدىگىن“ كۇش سالا قورعاپ، حالىق بۇقاراسىنىڭ دەنساۋلىعى مەن باس اماندىعى، مال - مۇلكى حاۋىپسىزدىگىن ويداعىداي قامتاماسىز ەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  ءماجىلىس تاعى باسقا ىستەردى اقىلداستى.

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.