شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى. 12 - ايدىڭ 1 - كۇنى بىرلەسكەن مەملەكەتتەر ۇيىمى ”پالەستينا حالقىنا مەدەت بەرۋ حالىقارالىق كۇنىن“ اتاپ ءوتۋ جينالىسىن وتكىزدى، مەملەكەت ءتوراعاسى شي جينپيڭ جينالىسقا قۇتتىقتاۋ تەلەگرامماسىن جولدادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: پالەستينا ماسەلەسى ورتا شىعىستىڭ ءتۇبىرلى ماسەلەسى رەتىندە، ءوڭىردىڭ بەيبىتشىلىگىنە، ورنىقتىلىعىنا سايادى، حالىقارانىڭ ادىلدىگىنە، تۋراشىلدىعىنا سايادى، ادامزاتتىڭ بىلىكتىلىگىنە، ءمورالىنا سايادى. كورشىلەس پالەستينا مەن يزرايلدىڭ بەيبىت قاتار تۇرۋىن جۇزەگە اسىرۋ پالەستينا مەن يزرايل حالقىنىڭ زامانادان بەرگى ارمانى بولىپ قانا قويماي، وڭىردەگى ءار ەل حالقىنىڭ جانە حالىقارالىق قوعامنىڭ كوكەي تەستى تىلەگى. حالىقارالىق قوعام ”ەكى ەل جوباسى“ دۇرىس بەتالىسىنا تاباندى بولىپ، بىرلەسكەن مەملەكەتتەر ۇيىمىنىڭ قاتىستى قاۋلىلارىن، ”جەردى بەيبىتشىلىككە ايىرباستاۋ“ پرينسيبى سياقتى حالىقارالىق ورتاق تانىمدى نەگىز ەتىپ، ورتا شىعىس بەيبىتشىلىگىنىڭ اياق الىسىن قۇلشىنا ىلگەرىلەتۋ كەرەك. كەزەكتەگى جاعدايدا، جاڭا تيپتى ايدارشا ۆيرۋس وكپە قابىنۋ ىندەتىنىڭ پالەستيناعا الا كەلگەن قاتاڭ سايىسىنا اناعۇرلىم كوپ كوڭىل ءبولىپ، پالەستينا حالقىنىڭ ىندەتكە توتەپ بەرۋىنە كومەكتەسۋ قاجەت.
شي جينپيڭ بىلاي دەپ باسا دارىپتەدى: جۇڭگو پالەستينا ماسەلەسىنە ايرىقشا كوڭىل بولەدى، باستان - اياق حالىقارالىق ادىلەتتىلىك پەن ءمورالدان جازباي، پالەستينا حالقىنىڭ ۇلتتىڭ زاڭدى ۇقىعىن قالپىنا كەلتىرۋ ادىلەتتى ءىسىن قولدايدى، پالەستينا ماسەلەسىن بەيبىت شەشۋگە ءتيىمدى قۇلشىنىستاردى ىلگەرىلەتۋدى قولدايدى. ىندەت تۋىلعاننان بەرى، جۇڭگو كوپ جاقتى، ەكى جاقتى ارنالار ارقىلى پالەستينا جاقتى تالاي رەت ىندەتكە قارسى اتتانۋ كومەگىمەن قامدادى. پالەستينانىڭ جاقسى دوسى رەتىندە، جۇڭگو ۇزدىكسىز شاماسىنىڭ جەتسىنشە كومەكپەن قامدايدى. حاۋىپسىزدىك القالار كەڭەسىنە تۇراقتى القا ەل جانە جاۋاپكەرلىك ارقالايتىن ءىرى ەل رەتىندە، جۇڭگو حالىقارالىق قوعاممەن بىرگە پالەستينا ماسەلەسىنىڭ جالپى بەتتىك، ءادىل، باياندى كۇنى بۇرىن شەشىلۋىنە تىنباي قۇلشىنىس جاساۋعا، ورتا شىعىس ءوڭىرىنىڭ بەيبىتشىلىگىن، ورنىقتىلىعىن جانە دامۋىن كۇنى بۇرىن جۇزەگە اسىرۋعا بەلسەندى ۇلەس قوسۋدى قالايدى.
