تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ورتالىق كوميتەت ساياسي بيۋروسىنىڭ 25 - رەتكى توپتىق ۇيرەنۋىندە بىلاي دەپ باسا دارىپتەدى

ءبىلىم مەنشىك ۇقىعىن قورعاۋ قىزمەتىن جالپى بەتتىك كۇشەيتىپ، جاڭالىق اشۋ ومىرشەڭدىگىن قاۋلاتىپ، جاڭا دامۋ ارناسىن قالىپتاستىرۋدى ىلگەرىلەتۋ كەرەك

  شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 11 - ايدىڭ 30 - كۇنى تۇستەن كەيىن ەلىمىزدىڭ ءبىلىم مەنشىك ۇقىعىن قورعاۋ قىزمەتىن كۇشەيتۋ جونىندە 25 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ءبىلىم مەنشىك ۇقىعىن قورعاۋ قىزمەتى مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋعا سايادى، جوعارى ساپالى دامۋعا سايادى، حالىق تۇرمىسىنىڭ باقىتىنا سايادى، مەملەكەتتىڭ سىرتقا ەسىك اشۋ كەلەلى جاعدايىنا سايادى، مەملەكەت حاۋىپسىزدىگىنە سايادى. جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، مەملەكەت ستراتەگياسى دەڭگەيىن جانە جاڭا دامۋ كەزەڭىنە ءوتۋدىڭ تالابىن نەگىزگە الا وتىرىپ، ءبىلىم مەنشىك ۇقىعىن قورعاۋ قىزمەتىن جالپى بەتتىك كۇشەيتىپ، وسىزاماندانعان ەكونوميكا جۇيەسىن ورناتۋدى جەبەپ، بۇكىل قوعامنىڭ جاڭالىق اشۋ ومىرشەڭدىگىن قاۋلاتىپ، جاڭا دامۋ ارناسىن قالىپتاستىرۋدى ىلگەرىلەتۋ كەرەك.

  بەيجيڭ داشۋەسى زاڭ شۋەيۋانىنىڭ پروفەسسورى، بەيجيڭ داشۋەسى حالىقارالىق ءبىلىم مەنشىك ۇقىعىن زەرتتەۋ ورتالىعىنىڭ مەڭگەرۋشىسى ي جيميڭ وسى ماسەلە جونىندە تۇسىنىك جاساپ، قىزمەتتىك ۇسىنىس ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: جاڭالىق اشۋ − دامۋدى جەتەكتەيتىن ءبىرىنشى قوزعاۋشى كۇش، ءبىلىم مەنشىك ۇقىعىن قورعاعاندىق جاڭالىق اشۋدى قورعاعاندىق. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ «ۇسىنىسىندا» ءبىلىم مەنشىك ۇقىعىن قورعاۋ قىزمەتىن كۇشەيتۋ جونىندە ايقىن تالاپ قويىلدى. كەزەكتە ەلىمىز ءبىلىم مەنشىك ۇقىعىن ەنگىزەتىن ءىرى ەلدەن ءبىلىم مەنشىك ۇقىعىن جاسايتىن ءىرى ەلگە بۇرىلىس جاساۋدا، ءبىلىم مەنشىك ۇقىعى قىزمەتى سانعا بوي ۇرۋدان ساپانى جوعارىلاتۋعا قاراي بۇرىلىس جاساۋدا. ءبىز ەلىمىزدىڭ ءبىلىم مەنشىك ۇقىعىن قورعاۋ قىزمەتىنىڭ جاعدايىن جانە مىندەتىن جىعا تانىپ، ناتيجەلەردى قورىتىندىلاپ، جەتەرسىزدىكتەردى تاۋىپ، ءبىلىم مەنشىك ۇقىعىن قورعاۋ قىزمەتىنىڭ ماڭىزدىلىعى تۋرالى تانىمدى جوعارىلاتىپ، ءبىلىم مەنشىك ۇقىعىن قورعاۋ قىزمەتىن كۇشەيتۋ جاعىنان جاڭا دامۋ ۇستانىمىن دايەكتىلەندىرۋگە، جاڭا دامۋ ارناسىن قالىپتاستىرۋعا، جوعارى ساپالى دامۋدى ىلگەرىلەتۋگە پارمەندى قامتاماسىزدىق ازىرلەۋىمىز كەرەك.

  شي جينپيڭ بىلاي دەپ باسا دارىپتەدى: ەلىمىزدىڭ ءبىلىم مەنشىك ۇقىعىن قورعاۋ قىزمەتى جاڭا جۇڭگو قۇرىلا سالىسىمەن كوپ وتپەي باستالعان بولاتىن. پارتيا 18 - قۇرىلتايىنان بەرى پارتيا ورتالىق كوميتەتى ءبىلىم مەنشىك ۇقىعىن قورعاۋ قىزمەتىن اناعۇرلىم كورنەكتى ورىنعا قويىپ، ءبىرسىپىرا رەفورمالاردى ورنالاستىرىپ، ىلگەرىلەتىپ، ءبىرسىپىرا كەلەلى ساياساتتار، ارەكەتتەر، جوبالار جاريالاپ، ءبىلىم مەنشىك ۇقىعىن قورعاۋدا قاتاڭ ءتۇزىم اتقارىپ، زاڭدى ۇقىق - مۇددەگە قول سۇعۋ، اسىرەسە، ءبىلىم مەنشىك ۇقىعىنا قول سۇعۋ ءىس - ارەكەتتەرىن باتىل تۇردە زاڭ بويىنشا جازالادى، ءبىر جاقتى ەتتى. جالپىلاي قاراعاندا، ەلىمىزدىڭ ءبىلىم مەنشىك ۇقىعى ىستەرى ۇزدىكسىز دامىپ، جۇڭگوشا ءبىلىم مەنشىك ۇقىعىن دامىتۋ جولىمەن ءجۇرىپ، ءبىلىم مەنشىك ۇقىعىن قورعاۋ قىزمەتى تاريحي جەتىستىككە قول جەتكىزىپ، بۇكىل قوعامنىڭ ءبىلىم مەنشىك ۇقىعىنا قۇرمەت ەتۋ جانە ونى قورعاۋ تانىمى ايتارلىقتاي جوعارىلادى.

  شي جينپيڭ بىلاي دەپ اتاپ كورسەتتى: ءبىلىم مەنشىك ۇقىعىن قورعاۋ قىزمەتىن جوعارى دەڭگەيدە جوبالاۋدى كۇشەيتۋ كەرەك. ”14 - بەسجىلدىق“ مەزگىلىندەگى مەملەكەتتىڭ ءبىلىم مەنشىك ۇقىعىن قورعاۋ جانە ونان پايدالانۋ جوباسىن اقىلداسىپ، جاساپ، نىسانالاردى، مىندەتتەردى، شارالاردى جانە اتقارۋ جوباسىن ايقىنداۋ كەرەك. ءوزىمىزدى نەگىز ەتۋگە، حالىقتىڭ مۇددەسىن بارىنەن جوعارى قويۋعا، ءادىل، ۇيلەسىمدى قورعاۋعا تاباندى بولىپ، ءبىلىم مەنشىك ۇقىعىن قاتاڭ قورعاۋمەن بىرگە، الەۋمەتتىك مۇددە مەن جاڭالىق اشۋعا ىنتالاندىرۋدىڭ ەكەۋىنە دە قول جەتكىزۋگە شىنايى كەپىلدىك ەتۋ كەرەك. شەشۋشى سالالاردا دەربەس ءبىلىم مەنشىك ۇقىعىن ويلاپ تابۋدى جانە ساقتاۋدى كۇشەيتۋ كەرەك.

  شي جينپيڭ بىلاي دەپ باسا دارىپتەدى: ءبىلىم مەنشىك ۇقىعىن قورعاۋ قىزمەتىن زاڭمەن جونگە سالۋ دەڭگەيىن جوعارىلاتۋ كەرەك. ازاماتتىق زاڭناماداعى قاتىستى بەلگىلەمەلەردى قاتاڭ اتقارۋمەن بىرگە، قاتىستى زاڭداردى، زاڭ ەرەجەلەردى جەدەل كەمەلدەندىرىپ، پاتەنت زاڭى، تاۋار ماركا زاڭى، اۆتورلىق ۇقىق زاڭى، مونوپولياعا قارسى تۇرۋ زاڭى، عىلىم - تەحنيكالىق العاباسارلىق زاڭى سياقتىلارعا وزگەرىس ەنگىزۋ قىزمەتىن ءبىر تۇتاس جوسپارلاپ ىلگەرىلەتىپ، زاڭدار اراسىنداعى بىردەيلىكتى كۇشەيتۋ كەرەك. جاعراپيالىق بەلگى، ساۋدا قۇپيالىعى سياقتى سالالارداعى زاڭ شىعارۋدى كۇشەيتۋ كەرەك. ازاماتتىق ىستەر بويىنشا ءادىليالىق قورعاۋدى كۇشەيتىپ، ءبىلىم مەنشىك ۇقىعى دەلولارىنىڭ زاڭدىلىعىنا ۇيلەسەتىن ارىز - شاعىم ولشەمدەرىن زەرتتەپ جاساۋ كەرەك. ءبىلىم مەنشىك ۇقىعى بويىنشا تەرگەۋدىڭ ساپاسى مەن ونىمدىلىگىن جوعارىلاتىپ، الەۋمەتتىك سەنىمدىلىكتى جوعارىلاتۋ كەرەك. ءبىلىم مەنشىك ۇقىعى بويىنشا اكىمشىلىك زاڭ اتقارۋ ولشەمدەرى مەن ءادىليالىق تورەلىك ولشەمدەرىنىڭ ءبىر تۇتاستىعىن جەبەپ، اكىمشىلىك زاڭ اتقارۋ مەن ءادىليانى ۇشتاستىرۋ مەحانيزمىن كەمەلدەندىرۋ كەرەك. قىلمىستىق ىستەر زاڭى مەن ءادىليالىق تۇسنىكتەمەنى كەمەلدەندىرىپ، قىلمىستىق ىستەرگە سوققى بەرۋ سەرپىنىن ارتتىرۋ كەرەك. اكىمشىلىك زاڭ اتقارۋ سەرپىنىن ارتتىرىپ، بۇقارانىڭ اڭىسى كۇشتى بولعان، قوعامدىق پىكىر نازار اۋدارعان، ۇقىققا سۇعاناقتىق جاساۋ، جالعان جاساۋ كوپ تۋىلاتىن ءتۇيىندى سالالار مەن اۋماقتاردا اۋىر سوققى بەرىپ، ءۇزىلدى - كەسىلدى رەتتەپ جانە جونگە سالىپ، ءۇزىلدى - كەسىلدى تىكسىندىرۋ كەرەك.

  شي جينپيڭ بىلاي دەپ اتاپ كورسەتتى: ءبىلىم مەنشىك ۇقىعىن جالپى تىزبەكتە قورعاۋدى كۇشەيتۋ كەرەك. زاڭ، اكىمشىلىك، ەكونوميكا، تەحنيكا، قوعامدىق جونگە سالۋ سياقتى كوپ تاسىلدەن جالپى بەتتىك پايدالانىپ، ۇقىق بەرۋدى قاراپ - تەكسەرۋ، اكىمشىلىك زاڭ اتقارۋ، ءادىليالىق قورعاۋ، تورەلىك ايتىپ جاراستىرۋ، كاسىپتەردىڭ تارتىپتىلىگى، ازاماتتاردىڭ سەنىمدىلىگى سياقتى بۋىنداردا قورعاۋ جۇيەسىن كەمەلدەندىرىپ، سايكەسۋدى، سەلبەسۋدى كۇشەيتىپ، قاۋىرت قورعايتىن قىزمەت جۇلگەسىن قالىپتاستىرۋ كەرەك. ءبىلىم مەنشىك ۇقىعىن جارىققا شىعارۋ، پايدالانۋ، قورعاۋ، باسقارۋ، قىزمەت وتەۋ جالپى تىزبەگىن ىركىلىسسىزدەندىرىپ، ءبىلىم مەنشىك ۇقىعىن جالپى بەتتىك باسقارۋ ءتۇزىلىسىن اقاۋسىزداندىرىپ، جۇيەلى قورعاۋ قابىلەتىن كۇشەيتۋ كەرەك. ءبىلىم مەنشىك ۇقىعىن قورعاۋ، مونوپوليالاپ الۋعا قارسى تۇرۋ، ءادىل باسەكە بويىنشا قاراپ تەكسەرۋ سياقتى قىزمەتتەردى ءبىر تۇتاس جوسپارلاپ ويداعىداي ىستەپ، جاڭالىق اشۋ فاكتورلارىنىڭ دەربەس، جۇيەلى اينالىس جاساۋىن، جوعارى ونىمدىلىكپەن سەپتەلۋىن جەبەۋ كەرەك. ءبىلىم مەنشىك ۇقىعىنىڭ حالىققا قولايلى، حالىققا پايدالى الەۋمەتتىك قىزمەت وتەۋ جۇيەسىن قالىپتاستىرىپ، جاڭالىق اشۋ جەتىستىكتەرىنىڭ حالىققا اناعۇرلىم جاقسى پايدا جەتكىزۋىنە مۇمكىندىك جاساۋ كەرەك. ءبىلىم مەنشىك ۇقىعىن ينفورماتسيالاندىرۋ، زەردەلىلەندىرۋ نەگىزدىك قۇرىلعى قۇرىلىسىن كۇشەيتىپ، ءبىلىم مەنشىك ۇقىعىن قورعاۋدىڭ ينتەرنەت جەلىسىندە جانە جەلىدەن تىسقارىدا توعىسا دامۋىن ىلگەرىلەتۋ كەرەك. ءبىلىم مەنشىك ۇقىعىن قورعاۋدا ءوزىن تارتىپكە سالۋ مەحانيزمىن ورناتۋعا ىنتالاندىرىپ، سەنىمدىلىك جۇيەسى قۇرىلىسىن ىلگەرىلەتۋ كەرەك. ءبىلىم مەنشىك ۇقىعىن قورعاۋ ۇگىت - تاربيەسىن كۇشەيتىپ، بۇكىل قوعامنىڭ ءبىلىم مەنشىك ۇقىعىنا قۇرمەت ەتۋ جانە ونى قورعاۋ تانىمىن كۇشەيتۋ كەرەك.

  شي جينپيڭ بىلاي دەپ باسا دارىپتەدى: ءبىلىم مەنشىك ۇقىعىن قورعاۋ قىزمەتىنىڭ ءتۇزىلىس - مەحانيزم رەفورماسىن تەرەڭدەتۋ كەرەك. پارتيا 18 - قۇرىلتايىنان بەرى ءبىز ءبىلىم مەنشىك ۇقىعى سالاسىندا ءبىرسىپىرا رەفورمالاردى ورنالاستىردىق، ىلگەرىلەتتىك، وسىلاردى تياناقتاندىرۋدى ۇزدىكسىز مىقتى يگەرۋ كەرەك. پارىقتى كاسىپ سالاسىندىق جانە وڭىرلىك ءبىلىم مەنشىك ۇقىعى ساياساتىن اتقارۋدى اقىلداسىپ، ءبىلىم مەنشىك ۇقىعىن قاراۋ - تەكسەرۋ ءتۇزىمىن كەمەلدەندىرۋ كەرەك. ۇلكەن ساندى مالىمەت، جاساندى زەردە، گەن تەحنيكاسى سياقتى جاڭا سالالارداعى، جاڭا كاسىپ كۇيلەرىندەگى ءبىلىم مەنشىك ۇقىعىن قورعاۋ ءتۇزىمىن اقاۋسىزداندىرىپ، ءداستۇرلى مادەنيەت، ءداستۇرلى ءبىلىم سياقتى سالالارداعى قورعاۋ ادىستەرىن دەر كەزىندە زەرتتەپ جاساۋ كەرەك. ءبىلىم مەنشىك ۇقىعى بويىنشا تەرگەۋ سالاسىنداعى رەفورمانى، جاڭالىق اشۋدى تەرەڭدەتىپ، ءبىلىم مەنشىك ۇقىعى ارىز - شاعىم ءتۇزىمىن اقاۋسىزداندىرىپ، تەحنيكا تۇرىندەگى ءبىلىم مەنشىك ۇقىعى بويىنشا تەرگەۋدى كەمەلدەندىرىپ، ءبىلىم مەنشىك ۇقىعىنا قاتىستى جازالاۋ سيپاتىنداعى تولەم بەرۋ ءتۇزىمىن جەدەل تياناقتاندىرۋ كەرەك. ءبىلىم مەنشىك ۇقىعىن ساراپتاۋ جۇيەسىن اقاۋسىزداندىرىپ، ءبىلىم مەنشىك ۇقىعى قاراستىلىق ءتۇزىمىن جاقسارتىپ، ءبىلىم مەنشىك ۇقىعىنىڭ بەتالدى پايدالانىلۋىنىڭ الدىن الۋعا قاتىستى تۇزىمدەردى زەرتتەپ جاساۋ كەرەك.

  شي جينپيڭ بىلاي دەپ اتاپ كورسەتتى: ءبىلىم مەنشىك ۇقىعى سالاسىنداعى حالىقارالىق سەلبەستىك پەن باسەكەنى ءبىر تۇتاس جوسپارلاپ ىلگەرىلەتۋ كەرەك. ادامزات تاعدىرلاس ورتاق تۇلعا ۇستانىمىنا تاباندى بولىپ، اشىق، سيىسىمدى، تەڭگەرىمدى، جالپىعا ءتيىمدى بولۋ پرينسيبىنە تاباندى بولىپ، دۇنيە جۇزىلىك ءبىلىم مەنشىك ۇقىعى ۇيىمى اياسىنداعى الەمدىك ءبىلىم مەنشىك ۇقىعىن جونگە سالۋعا تەرەڭدەي ارالاسىپ، ءبىلىم مەنشىك ۇقىعىنىڭ جانە قاتىستى حالىقارالىق ساۋدا، حالىقارالىق قارجى قوسۋ سياقتى حالىقارالىق ەرەجەلەر مەن ولشەمدەردى كەمەلدەندىرۋدى ىلگەرىلەتىپ، الەمدىك ءبىلىم مەنشىك ۇقىعىن جونگە سالۋ ءتۇزىلىسىنىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ كەرەك. جۇڭگونىڭ ءبىلىم مەنشىك ۇقىعى حيكايالارىن جاقسى بايانداپ، وركەنيەتتى ءىرى ەل، جاۋاپكەرشىلىك ارقالايتىن ءىرى ەل وبرازىن ايگىلەۋ كەرەك. ”ءبىر بەلدەۋ، ءبىر جولدى“ بىرگە قۇرۋ بويىنشا جەلى بويىنداعى ەلدەرمەن جانە وڭىرلەرمەن ءبىلىم مەنشىك ۇقىعى سەلبەستىگىن تەرەڭدەتىپ، بىلىمنەن تەڭ يگىلىكتەنۋدى دارىپتەۋ كەرەك.

  شي جينپيڭ بىلاي دەپ باسا دارىپتەدى: ءبىلىم مەنشىك ۇقىعى سالاسىنداعى مەملەكەت حاۋىپسىزدىگىن قورعاۋ كەرەك. مەملەكەت حاۋىپسىزدىگىنە ساياتىن شەشۋشى، وزەكتى تەحنيكالاردى دەربەس زەرتتەۋ - اشۋدى جانە قورعاۋدى كۇشەيتىپ، مەملەكەت حاۋىپسىزدىگىنە ساياتىن ءبىلىم مەنشىك ۇقىقتارىن شەتەلگە وتكەرىپ بەرۋ ءىس - ارەكەتتەرىن زاڭ بويىنشا باسقارۋ كەرەك. ءبىلىم مەنشىك ۇقىعى بويىنشا مونوپوليالاپ الۋعا قارسى تۇرۋعا، ءادىل باسەكەگە قاتىستى زاڭداردى، زاڭ ەرەجەلەردى جانە ساياسات - شارالاردى كەمەلدەندىرىپ، ورىندى، پارمەندى تەجەۋ تاسىلدەرىن قالىپتاستىرۋ كەرەك. ەلىمىزدىڭ ءبىلىم مەنشىك ۇقىعىنا قاتىستى زاڭ بەلگىلەمەلەرىن تەرريتوريا سىرتىندا لايىقتى قولدانۋدى ىلگەرىلەتىپ، شەكارا اتتاعان ءادىليالىق سەلبەسۋ ورنالاستىرۋلارىن كەمەلدەندىرۋ كەرەك. حالىقارالىق ءبىلىم مەنشىك ۇقىعى حاۋىپ - قاتەرىنەن الدىن الا ساقتاندىرۋدىڭ جانە توتەنشە جاعدايعا توتەپ بەرۋدىڭ جوعارى ءونىمدى مەحانيزمىن قالىپتاستىرىپ، شەتەلگە ساياتىن ءبىلىم مەنشىك ۇقىعىنىڭ حاۋىپ - قاتەرلەرىنەن ساقتانۋ جانە ونى مەڭگەرۋ جۇيەسىن ورناتۋ كەرەك.

  شي جينپيڭ بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر جاۋاپكەرشىلىكتى تياناقتاندىرىپ، ءبىلىم مەنشىك ۇقىعى قىزمەتىنە قاتىستى سايكەستىرۋ مەحانيزمىن كۇشەيتىپ، ءبىلىم مەنشىك ۇقىعى دارىندىلار قوسىنى قۇرىلىسىنا ءمان بەرىپ، قىزمەتتە بىرىككەن كۇش قالىپتاستىرىپ، جالعان جاساۋ، ۇقىققا سۇعاناقتىق جاساۋ ءىس - ارەكەتتەرىنە باتىل سوققى بەرۋ، جەرگىلىكتى قورعامپازدىقتى باتىل جويۋ كەرەك. ءار دارەجەلى باسشى كادرلار ءبىلىم مەنشىك ۇقىعى تانىمىن كۇشەيتىپ، ۇيرەنۋدى كۇشەيتىپ، كاسىپكە توسەلىپ، جاڭا جاعدايدا ءبىلىم مەنشىك ۇقىعىن قورعاۋ قىزمەتىن ويداعىداي ىستەۋ ونەرىن كۇشەيتىپ، ەلىمىزدىڭ ءبىلىم مەنشىك ۇقىعىن قورعاۋ قىزمەتىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.