تيانشان تورى   ›   جاڭالىقتار   ›   شينجياڭ حابارلارى

التاي قالاسى ءسىزدى نان مادەنيەتى كاسىپ سالاسى باقشاسىنا شاقىرادى

  شينجياڭ گازەتىنىڭ 12 - ايدىڭ 3 - كۇنى التايدان بەرگەن حابارى. التاي قالالىق توعىسپالى مەديا ورتالىعىنىڭ ءتىلشىسى گۇلايزا حابارلايدى: ەركە سامال ەسىپ تۇر، سامالمەن بىرگە كەلگەن ناننىڭ حوش ءيىسى مۇرىن جارادى. 12 - ايدىڭ 2 - كۇنى، التاي قالالىق نان مادەنيەتى كاسىپ سالاسى باقشاسى اشىلعان تۇڭعىش كۇن، كوپتەگەن قالا تۇرعىندارى مەن ساياحاتشىلار الىستان اتىن ەستىپ كەلىپ، شينجياڭ نان مادەنيەتىنىڭ وزگەشە باۋراۋ قۋاتىن سەزىندى.

  التاي قالاسى نان مادەنيەتى كاسىپ سالاسى باقشاسى قالانىڭ ۋجىچۋان جولى قىران الەۋمەتتىك اۋماعىنىڭ جەر استى 1 - قاباتىنا ورنالاسقان، يەلەگەن جەر كولەمى 2800 شارشى مەتر، نىسانعا 4 ميلليون يۋاننان استام قارجى قوسىلعان، نەگىزىنەن نان مادەنيەتى كورمە رايونى، ءوندىرۋ، مانەرلەۋ رايونى، بالالاردىڭ سەزىنۋ رايونى، ونىمدەردى ساتۋ رايونى، ەلەكتروندى ساۋدا رايونى، ءدامىن تاتۋ رايونى قاتارلى يقۋاتتى رايونداردى قامتيدى، كاسىپ باقشاسىندا ەلەكتر جانە گاز پايدالاناتىن ورتانى قورعاۋ تالابىنا ۇيلەسەتىن 45 تونار بار بولىپ، مەجەمەن كۇنىنە 20 مىڭداي نان پىسىرادى.

  التاي قالاسىنىڭ تۇرعىنى لي گولۋ بىلاي دەدى: ”نان مادەنيەتى كاسىپ باقشاسىنىڭ قۇرىلعانى وتە جاقسى بولدى، بۇل ارادان نان پىسىرۋدىڭ بارىسىن كورۋگە بولادى ەكەن، ءارى نان مادەنيەتىن ىشكەرىلەي ءتۇسىندىم، بۇدان كەيىن مەن وتباسىمداعىلارمەن بىرگە وسىندا كەلىپ ەكسكۋرسيالاپ تۇرامىن“.

  التاي نان مادەنيەتى كاسىپ باقشاسىنىڭ جاۋاپتىسى ۋ شياۋمين بىلاي دەدى: ”ساياحات، مادەنيەت سياقتى كاسىپتەردىڭ توعىسپالى دامۋىنا سۇيەنىپ، ’تايحاۋچى‘ ەرەكشە ماركاسىن قۇردىق. ناندى كورمەلەۋ، ساتۋدان سىرت، قالانىڭ ٴىشى - سىرتىنداعى ٴتۇرلى ٴدامدى تاعامدار مەن ٴتۇرى مول اۋىل شارۋاشىلىق قوسىمشا ونىمدەرىن جيناقتادىق. نان مادەنيەت باقشاسى كاسىپ سالاسىنىڭ توعىسۋىن ايگىلەيتىن تەرەزەگە اينالىپ قانا قالماستان، سونىمەن بىرگە، التايداعى ءار ۇلت بۇقاراسىنىڭ رەفورما مەن دامۋدىڭ پايداسىنان ورتاق يگىلىكتەنۋىنىڭ جانە باقىت سەزىمىن، تابىس سەزىمىن كۇشەيتۋىنىڭ ءونىمدى جولى بولىپ، ءتورت ماۋسىم ساياحاتىن تاماشالاۋدىڭ تاماشا جەرىنە اينالدى“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى