تيانشان تورى   ›   جاڭالىقتار   ›   شينجياڭ حابارلارى

شينجياڭ قاتارلى جەرلەر پارتيا 19 - كەزەكتى ورتالىق كوميتەتى بەسىنشى جالپى ءماجىلىس رۋحىنىڭ نەگىزگى ساتىعا تامىر تارتۋىن جاڭالىق اشۋ تاسىلىمەن ىلگەرىلەتتى

  شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى. تاياۋ كۇندەردەن بەرى، چۇڭچيڭ، شانشي، چيڭحاي، شينجياڭ قاتارلى جەرلەر پارتيا 19 - كەزەكتى ورتالىق كوميتەتى بەسىنشى جالپى ءماجىلىس رۋحى جونىندە فورماسى ءار الۋان، مازمۇنى باي ۇگىت - لەكسيا قيمىلدارىن كەڭىنەن ورىستەتىپ، نەگىزگى ساتىداعى كادر - بۇقارا اراسىندا جالپى ءماجىلىس رۋحىن ۇيرەنۋدىڭ، دايەكتىلەندىرۋدىڭ قىزۋ ورلەۋىن كوتەردى.

  چۇڭچيڭ قالاسى قالالىق پارتكوم، رايون - اۋداندىق پارتكوم ۇگىت - لەكسيا ۇيىرمەلەرىن ويداعىداي ۇيىمداستىرۋمەن بىرگە، قالا جانە رايون - اۋدان 2 دارەجەلى بەسىنشى جالپى ءماجىلىس رۋحىن ”كاسىپورىندارعا ەنگىزۋ“، ”اۋىل - قىستاققا ەنگىزۋ“، ”ورگاندارعا ەنگىزۋ“، ”مەكتەپتەرگە ەنگىزۋ“، ”الەۋمەتتىك اۋماقتارعا ەنگىزۋ“، ”ينتەرنەتكە ەنگىزۋ“ ۇگىت - لەكسيا بولىمشە اترەتتەرىن قۇرىپ، بۇقارا ۇناتاتىن تاسىلدەرمەن الۋان تۇرلى ۇگىت - لەكسيا ورىستەتتى. چۇڭچيڭنىڭ با - نان رايونىندا، جەرگىلىكتى ورىن ”بۇقارا ۇگىتشىلەر“ ۇگىت - لەكسيا ۇيىرمەسىن قۇرىپ، اڭگىمە ايتۋ، حيكايا شەرتۋ، تاقپاق ايتۋ، اۋىل ولەڭدەرىن ايتۋ تاسىلدەرىمەن ۇگىت - لەكسيا ورىستەتتى؛ بەيبەي رايونى «نازاريا قويىن كىتابىن» قۇراستىرىپ باستى، ارناۋلى تاقىرىپتىق جاڭا جىلدىق كالەندار باسىپ شىعاردى؛ فىڭجيە اۋدانى ”اۋىل وقىمىستىلارى“ ۇگىت - لەكسيا ۇيىرمەسىن قۇردى... قازىرگە دەيىن، چۇڭچيڭ قالاسى ءار دارەجەلى، ءار ءتۇرلى شوعىرلى ۇگىت - لەكسيا قيمىلىنان 11 مىڭ كەزەكتەن استامىن ورىستەتتى، تىڭدارمان جيىنى 692 مىڭ ادامنان (رەت) استى.

  شانشي ولكەسى باسشى كادرلار باستاماشى بولىپ ۇگىت - لەكسيا جاساۋ، پارتكوم ۇگىت - لەكسيا ۇيىرمەلەرى ۇگىت - لەكسيا جاساۋ، ينتەرنەتتە ۇگىت - لەكسيا جاساۋ، قاۋىمدارعا ءبولىپ ۇگىت - لەكسيا جاساۋ، ۇلكەن لابادا ۇگىت - لەكسيا جاساۋ، ءتىزىم بويىنشا ۇگىت - لەكسيا جاساۋ سياقتى كوپ ءتۇرلى ءتاسىل قولدانىپ، جاستار قاۋىمىنىڭ ۇگىت - لەكسيا جاساۋىن جانە كوپ مەديادان پايدالانىپ ۇگىت - لەكسيا جاساۋدى كورنەكتىلەندىرىپ، قامتۋ كولەمى مەن تارتىمدىلىعىن كۇشەيتىپ، ۇعىنىقتى نازاريانى ۇعىنىقتى بايانداپ، جاندى نازاريانى جاندى بايانداپ، كادر - بۇقارانىڭ تىڭداپ ۇعۋىنا، تۇسىنۋىنە، تياناقتاندىرا الۋىنا مۇمكىندىك جاسادى. ساناققا نەگىزدەلگەندە، قازىرگە دەيىن شانشي ولكەلىك پارتكومنىڭ ۇگىت - لەكسيا ۇيىرمەسى بۇكىل ولكەنىڭ جەر - جەرىندە، ءارقايسى جۇيەلەرىندە 25 رەت ۇگىت - لەكسيا بايانداماسىن جاسادى، ونى 10 مىڭعا جۋىق ادام تىڭداعان.

  چيڭحاي ولكەسى حايشي موڭعۇل - زاڭزۋ اۆتونوميالى وبلىسىندا ”بۇقارالىق ۇگىت - لەكسيا جاپپالى اۆتوكولىگى“ چيڭحايدىڭ ”حۋاىر“ اۋەنى، تاقپاق، فەلياتون سياقتى ادەبيەت - كوركەمونەر تۋىندىلارىن قۇراستىرۋ ارقىلى جالپى ءماجىلىس رۋحىنىڭ ”قاراپايىم وتباسىلارىنا جەدەل جەتۋىنە“ مۇمكىندىك جاسادى. ۇعىسۋعا قاراعاندا، چيڭحاي ولكەسىندەگى ءارقايسى قالا - وبلىستار ”قوس ءتىل“ ۇگىت - لەكسيا ۇيىرمەسىن، ”ات ۇستىندەگى ۇگىت - لەكسيا ۇيىرمەسىن“ قۇرۋ ارقىلى از ۇلت كادرلار ۇگىت جاساپ، از ۇلت تىلىمەن ءتۇسىندىرىپ، قاراپايىم، ۇعىنىقتى تاسىلمەن پارتيانىڭ ساياساتىن تاراتقان. قازىرگە دەيىن چيڭحايدىڭ جەر - جەرىندە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە جيىنى 220 رەتتەن استام ۇگىت - لەكسيا قيمىلى ۇيىمداستىرىلىپ، 250 مىڭنان استام ءار ۇلت بۇقاراسىن قامتىعان.

  شينجياڭ ۇيعۇر اۆتونوميالى رايوندىق پارتكوم نەگىزگى باسشى ۇيىرمە باستىعى، اۆتونوميالى رايوندىق پارتكومنىڭ تۇراقتى مۇشەلەرى ۇيىرمە مۇشەسى بولعان جوعارى دەڭگەيدەگى ۇگىت - لەكسيا ۇيىرمەسىن قۇرىپ، سونىمەن قاتار وعان قاراستى ايماق، وبلىس، قالا بولىمشە ۇيىرمەلەرىن جانە جوعارى مەكتەپ بولىمشە ۇيىرمەلەرىن قۇردى. بۇدان سىرت، شينجياڭنىڭ جەر - جەرى تۇرلىشە دەڭگەيدەگى ۇگىت - لەكسيا ۇيىرمەلەرىن، ۇگىت - لەكسيا اترەتتەرىن ىركەس - تىركەس ۇيىمداستىرىپ قۇرىپ، كوپ ءتۇرلى تاسىلمەن ۇگىت - لەكسيا قيمىلىن ۇزدىكسىز، ىشكەرىلەي ورىستەتىپ، ءماجىلىس رۋحىن ”ەڭ سوڭعى ءبىر كيلومەترگە، ەڭ الىس وتباسىنا“ جەتكىزدى. قازىرگە دەيىن شينجياڭنىڭ جەر - جەرى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ينتەرنەت جەلىسىندە جانە جەلىدەن تىسقارى جيىنى 89 مىڭ 332 رەت ۇگىت - لەكسيا ۇيىمداستىرىپ، 2 ميلليون 480 مىڭعا جۋىق بۇقارانى قامتىدى.

(تىلشىلەر چىن گوجوۋ، شۇي زۋحۋا، لي نيڭ، سۇن شاۋشيۇڭ)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.