12 - ايدىڭ 8 - كۇنى ۇرىمجىدەن بەرگەن حابارى، ەرىكتى ءتىلشى لي جىنجياڭ حابارلايدى: تاياۋدا، ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) مەن سىچۋاننىڭ ميانياڭ ەكونوميكالىق - تەحنيكالىق اشۋ رايونىمەن بىرگە ”بۇلتتا كەلىسىم جاساۋدى“ ورىستەتىپ، «ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) باسقارۋ كوميتەتى مەن (توۋتۇنحى رايوندىق حالىق ۇكىمەتى) ميانياڭ ەكونوميكالىق - تەحنيكالىق اشۋ رايونى باسقارۋ كوميتەتى سەلبەسىپ دامۋ، سەلبەستىك جاساسۋ جونىندەگى كەلىسىمگە قول قويدى». ەكى جاق ەكى جەردىڭ سايكەسۋىن، بىرگە ارەكەتتەنۋىن كۇشەيتۋ، كوپ سالادا تەرەڭدەي سەلبەستىكتى ىلگەرىلەتۋ جونىندە سەلبەسۋگە كەلىستى.
كەلىسىم جاساۋ سالتىندا، ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) باسقارۋ كوميتەتى مەن سىچۋاننىڭ ميانياڭ ەكونوميكالىق - تەحنيكالىق اشۋ رايونى باسقارۋ كوميتەتىنىڭ قاتىستى جاۋاپتىلارى بىرگە مىنانى ءبىلدىردى: ەكى جاق وزدەرىنىڭ باسىمدىققا يە بايلىعىنا سۇيەنىپ. ءوزارا تيىمدىلىك جاساۋ، ءوزارا پايدا جەتكىزۋ پرينسيپى بويىنشا، ەكونوميكالىق، قوعامدىق دامۋ بارىسىنداعى جاقسى تاجىريبەلەرگە، جاقسى ادىستەرگە بەلسەنە ىزدەۋ جاساپ، بۇل رەتكى كەلىسىمنىڭ نۇسقاسىن ناقتى ىستەرگە، ناقتى تۇرلەرگە اينالدىرىپ، ەكى جەردىڭ ەكونوميكالىق، قوعامدىق دامۋىنا قول ۇستاسا جاڭا جورىق اشادى.