تيانشان تورى   ›   جاڭالىقتار   ›   شينجياڭ حابارلارى

تۇرپان قالاسىنىڭ گاۋچاڭ رايونىندا ىندەت تۋىلعان سوڭ 20 ەپيدەميولوگيالىق تەكسەرۋ توبى ۋاقىتتى قولدان جىبەرمەي ەپيدەميولوگيالىق تەكسەرۋ جۇرگىزدى، كەلۋ تەگىن انىقتادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 12 - ايدىڭ 12 - كۇنى حابارلايدى. تۇرپان قالالىق حالىق ۇكىمەتى اقپارات كەڭسەسىنىڭ 12 - ايدىڭ 12 - كۇنى اشقان تۇرپان قالاسىنىڭ گاۋچاڭ رايونىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى اقپار جاريالاۋ ماجىلىسىنەن ۇعىسۋىمىزشا، گاۋچاڭ رايونىندا ىندەت تۋىلعان سوڭ، تۇرپان قالاسى ىندەتتەن ساقتانۋ - تىزگىندەۋ بويىنشا توتەنشە جاعداي جوباسىن دەرەۋ ىسكە قوسىپ، اۆتونوميالى رايوننىڭ ىندەتتەن ساقتانۋ - تىزگىندەۋ قولباسشىلىق شتابى دەرەۋ ماماندار توبىن تۇرپان قالاسىنا بارىپ ساقتانۋ - تىزگىندەۋ قىزمەتىنە جەتەكشىلىك ەتۋگە جىبەرىپ، ءار جاقتىڭ كۇشتەرى ەپيدەميولوگيالىق تەكسەرۋ، كەلۋ تەگىن انىقتاۋ، نۋكلەين قىشقىلىن تەكسەرۋ جانە قورشاعان ورتانى زارارسىزداندىرۋ سياقتى قىزمەتتەردى جالپى بەتتىك ورىستەتكەن. قازىر 20 ەپيدەميولوگيالىق تەكسەرۋ توبى قۇرىلىپ، ولار مينۋتپەن، سەكۋندپەن جارىسىپ ەپيدەميولوگيالىق تەكسەرۋ، كەلۋ تەگىن انىقتاۋ قىزمەتىن ورىستەتىپ، تىعىز جاناسۋشى 27 ادامدى، تىعىز جاناسقاندارمەن تىعىز جاناسۋشى 76 ادامدى اداقتاپ تەكسەردى، ولاردىڭ بارلىعىنا شوعىرلى اۋاشالاپ باقىلاۋ جۇرگىزىلدى.

  تۇرپان قالالىق دەنساۋلىق ساقتاۋ جانە سالاماتتىق كوميتەتى پارتكومىنىڭ شۋجيى، ورىنباسار مەڭگەرۋشىسى ميڭ گوفۋدىڭ تانىستىرۋىنشا، 12 - ايدىڭ 12 - كۇنى تۇرپان قالاسى گاۋچاڭ رايونى ءتۇيىندى ادامداردىڭ نۋكلەين قىشقىلىن مەرزىمدى تەكسەرۋ بارىسىندا، ءبىر ادامنىڭ ناتيجەسى بولىمدى ەكەنىن بايقاپ، ماماندار وعان اۋرۋ بەلگىسى جوق جۇعىمدالۋشى دەپ دياگنوز قويعان. اۋرۋ بەلگىسى جوق العاشقى جۇعىمدالۋشى بايقالعان سوڭ، تۇرپان قالالىق اۋرۋدىڭ الدىن الۋ جانە ونى تىزگىندەۋ تاراۋلارى دەرەۋ ونىمەن تىعىز جاناسۋشىلاردى جانە تىعىز جاناسۋشىلارمەن تىعىز جاناسۋشىلاردى دەرەۋ اداقتاپ تەكسەرىپ، بارلىعىنا نۋكلەين قىشقىلىن تەكسەرۋىن جۇرگىزگەن. اۋرۋ بەلگىسى جوق العاشقى جۇعىمدالۋشىنىڭ وتباسىندا بىرگە تۇرمىس كەشىرەتىن 5 ادام بار، ونىڭ ايەلىنىڭ، شەشەسىنىڭ نۋكلەين قىشقىلىن تەكسەرۋدەن بولىمدى ناتيجە شىققان، قالعاندار تۇگەلدەي بولىمسىز ناتيجە كورسەتكەن. قازىر اۋرۋ بەلگىسى جوق 3 جۇعىمدالۋشى تۇگەلدەي بەلگىلەنگەن شيپاحاناعا جەتكىزىلىپ، اۋاشالاپ مەديتسينالىق باقىلاۋ جۇرگىزىلۋدە.

  تۇرپان قالالىق ۇكىمەتتىڭ ورىنباسار باس حاتشىسى، كەڭسە مەڭگەرۋشىسى سۇڭ لياڭۋاڭنىڭ تانىستىرۋىنشا، گاۋچاڭ رايونىندا ىندەت تۋىلعان سوڭ، تۇرپان قالاسى دەرەۋ ىندەتتەن ساقتانۋ - تىزگىندەۋ بويىنشا توتەنشە جاعداي جوباسىن ىسكە قوسىپ، اۋرۋدىڭ الدىن الۋ جانە ونى تىزگىندەۋ، نەگىزگى ساتى كادرلارى سياقتى ءار جاقتاعى قىزمەتتىك كۇشتەردى ءبىر تۇتاس جوسپارلاپ، 20 ەپيدەميولوگيالىق تەكسەرۋ توبىن قۇرىپ، مينۋتپەن، سەكۋندپەن جارىسىپ ەپيدەميولوگيالىق تەكسەرۋ، كەلۋ تەگىن انىقتاۋ قىزمەتىن ورىستەتىپ، اۋرۋ بەلگىسى جوق جۇعىمدالۋشىمەن تىعىز جاناسۋشىلاردى، تىعىز جاناسۋشىلارمەن تىعىز جاناسۋشىلاردى جالپى بەتتىك اداقتاپ تەكسەرگەن.

  سونىمەن بىرگە، تۇرپان قالاسى نۋكلەين قىشقىلىن تەكسەرۋ قىزمەتىن دەرەۋ ورىستەتىپ، تىعىز جاناسۋشىلارعا، تىعىز جاناسۋشىلارمەن تىعىز جاناسۋشىلارعا ءار ادامدى جەكە باسقارۋ بويىنشا نۋكلەين قىشقىلىن تەكسەرۋ جۇرگىزگەن، قازىر تەكسەرۋ تۇگەلدەي بولىمسىز ناتيجە كورسەتكەن؛ ءتۇيىندى اۋماقتارداعى ادامدارعا نۋكلەين قىشقىلىن تەكسەرۋ جۇرگىزىپ، اۋرۋ بەلگىسى جوق جۇعىمدالۋشى تۇرعان شاعىن اۋماقتاعى تۇرعىندار جانە ول جۇمىس ىستەيتىن كاسىپورىن سياقتى اۋماقتار مەن ونىڭ ماڭىنداعى 736 ادامعا 1:5كە قاتىناسى بويىنشا ءبىر تۇتىككە ارالاستىرۋ تاسىلىمەن نۋكلەين قىشقىلىن تەكسەرىپ، تەكسەرىلۋگە تيىستىلەردى مۇمكىندىگىنشە تەكسەرۋدى ورىنداعان، قازىر بارلىعى بولىمسىز ناتيجە كورسەتكەن؛ 12 - ايدىڭ 12 - كۇنىنەن باستاپ 2 كۇن ۋاقىتپەن گاۋچاڭ رايونىنداعى بارلىق ادامعا نۋكلەين قىشقىلىن تەكسەرۋ جۇرگىزىلمەك.

  قازىر تۇرپان قالاسى ءتۇيىندى الاڭ - ورىنداردى تەكسەرۋ، زارارسىزداندىرۋ جۇمىسىن جالپى بەتتىك ورىستەتىپ، اۋرۋ بەلگىسى جوق جۇعىمدالۋشىنىڭ وتباسى ورتاسىنا، تۇرعان شاعىن اۋماعىنا جانە قىزمەت ورنىنا ءۇزىلدى - كەسىلدى زارارسىزداندىرۋ جۇرگىزگەن؛ الەۋمەتتىك ورتانى زارارسىزداندىرۋدى كۇشەيتىپ، زارارسىزداندىرۋ جيىلىگىن ارتتىرىپ، مەديتسينالىق قۇرىلىمدار جەر استى سۋ قۇبىرى، قوقىس سالاتىن ىدىستار، قالا، اۋىل جولدارى سياقتى ءتۇيىندى ورىنداردى زارارسىزداندىرۋ، ۆيرۋستى جويۋ جۇرگىزگەن؛ سانيتارلىق زارارسىزداندىرۋ تەحنيكالىق ولشەمىن قاتاڭ اتقارىپ، شوعىرلى اۋاشالاۋ ورىندارىن زارارسىزداندىرۋ قىزمەتىن كۇشەيتىپ، اۋا الماستىرىپ زارارسىزداندىرۋدى جانە زاتتاردىڭ بەتىن، تازالىق قۇرالدارىن زارارسىزداندىرۋدى كۇشەيتىپ، مۇلدە حاۋىپسىزدىككە شىنايى كەپىلدىك ەتكەن.

  مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمىندەگى قاتىستى بەلگىلەمەلەر مەن گاۋچاڭ رايونىنداعى جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا قاراي تۇرپان قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ اقىلداسۋىنان كەيىن، 12 - ايدىڭ 12 - كۇنى ساعات 20دان باستاپ تۇرپان قالاسى گاۋچاڭ رايونى حۇڭدۇن شاعىن اۋماعىنىڭ ىندەت قاتەرى دارەجەسى ورتاشا دەپ ۇيعارىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ