چاڭ - ى 5 - ءنومىرلى قايتۋشى اسپابى اي شارىنان الىنعان ۇلگىنى الىپ حاۋىپسىز قوندى
جۇڭگونىڭ ايدى بارلاۋ ينجەنەرياسى ”اينالۋ، قونۋ، ورالۋ“ 3 باسقىشپەن ءجۇرۋ جوباسى دەر كەزىندە اياقتادى
شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان تەلەگرامما جولداپ، ايدى بارلاۋ ينجەنەرياسى چاڭ - ى 5 - ءنومىرلىنىڭ مىندەتتى تابىسپەن ورىنداعاندىعىن قۇتتىقتادى
قۇتتىقتاۋ تەلەگرامماسى
ايدى بارلاۋ ينجەنەرياسى مىندەتى قولباسشىلىق شتابى ءارى چاڭ - ى 5 - ءنومىرلى مىندەتىنە قاتىناسقان بارلىق جولداستار:
ايدى بارلاۋ ينجەنەرياسى چاڭ - ى 5 - ءنومىرلى مىندەتىنىڭ تابىسپەن ورىندالعاندىعىن قۋانىشپەن ەستىپ، مەن پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان سىزدەردى قىزۋ قۇتتىقتايمىن جانە شىنايى سالەم جولدايمىن!
چاڭ - ى 5 - ءنومىرلى مىندەتى ەلىمىزدىڭ كۇردەلىلىك دارەجەسى ەڭ جوعارى، تەحنيكالىق اتتامالىلىعى ەڭ ۇلكەن عارىشقا ۇشۋ جۇيەسى ينجەنەرياسى رەتىندە، تۇڭعىش رەت ەلىمىزدىڭ جەر شارىنان تىسقارى اسپان دەنەلەرىنەن ۇلگى الىپ قايتۋىن ىسكە اسىردى. بۇل جاڭا ۇلگىدەگى بۇكىل مەملەكەتتىك جۇيە ءتۇزىلىسىنىڭ باسىمدىعىن ساۋلەلەندىرىپ، قيىندىقتان قامال الىپ قول جەتكىزگەن تاعى ءبىر كەلەلى جەتىستىك بولىپ، جۇڭگونىڭ عارىش ىستەرىنىڭ العا ۇلكەن قادام تاستاعاندىعىنىڭ بەلگىسى بولدى، سونداي - اق ادامزاتتىڭ اي شارىنىڭ پايدا بولۋ سەبەبى مەن كۇن جۇيەسىنىڭ وزگەرىس تاريحىنا بولعان عىلمي تۇسىنىگىن تەرەڭدەتۋگە قوسىلعان ۇلەس بولماق. سىزدەردىڭ ەرەن ەڭبەكتەرىڭىزدى وتان مەن حالىق ماڭگى ەستە ساقتايدى!
ادامزاتتىڭ عارىشتى بارلاۋ قادامى ماڭگى توقتامايدى. سىزدەردىڭ ارمانعا قۇلاش سەرمەۋ، ەرلىكپەن ىزدەنىس جاساۋ، سايكەسىپ قامال الۋ، سەلبەسىپ تەڭ يگىلىككە كەنەلۋ سىندى ايدى بارلاۋ رۋحىن بار كۇشپەن اسقاقتاتىپ، جۇلدىز ارالىق بارلاۋ - ولشەۋدىڭ جاڭا ساپارىن نىق قاداممەن باستاپ، عارىش ىستەرىندەگى قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا تاعى دا تىڭ ەڭبەك ءسىڭىرىپ، ادامزاتتىڭ عارىشتى بەيبىت پايدالانۋىنا، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋگە اناعۇرلىم زور ءورىس اشۋ سيپاتتى ۇلەس قوسۋلارىڭىزدى ءۇمىت ەتەمىن!
شي جينپيڭ
2020 - جىلى 12 - ايدىڭ 17 - كۇنى
(شينحۋا اگەنتتىگىنىڭ 12 - ايدىڭ 17 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 12 - ايدىڭ 17 - كۇنى بەيجيڭنەن بەرگەن حابارى. 12 - ايدىڭ 17 - كۇنى ساعات بىردەن 59 مينۋت وتكەندە، چاڭ - ى 5 - ءنومىرلى قايتۋشى اسپابى اي شارىنان الىنعان ۇلگىنى الىپ، ىشكى موڭعۇلدىڭ سى - زىۋاڭ حوشۇنىنداعى الدىن الا بەلگىلەنگەن اۋماققا حاۋىپسىز قونىپ، ايدى بارلاۋ ينجەنەرياسى چاڭ - ى 5 - ءنومىرلى مىندەتى تابىسپەن ورىندالدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ تەلەگرامماسىن جولداپ، پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ايدى بارلاۋ ينجەنەرياسى مىندەتى قولباسشىلىق شتابىن ءارى چاڭ - ى 5 - ءنومىرلى مىندەتىنە قاتىناسقان جالپى جولداستاردى قىزۋ قۇتتىقتادى جانە شىنايى سالەم جولدادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: چاڭ - ى 5 - ءنومىرلى مىندەتى ەلىمىزدىڭ كۇردەلىلىك دارەجەسى ەڭ جوعارى، تەحنيكالىق اتتامالىلىعى ەڭ ۇلكەن عارىشقا ۇشۋ جۇيەسى ينجەنەرياسى رەتىندە، تۇڭعىش رەت ەلىمىزدىڭ جەر شارىنان تىسقارى اسپان دەنەلەرىنەن ۇلگى الىپ قايتۋىن ىسكە اسىردى. بۇل جاڭا ۇلگىدەگى بۇكىل مەملەكەتتىك جۇيە ءتۇزىلىسىنىڭ باسىمدىعىن ساۋلەلەندىرىپ، قيىندىقتان قامال الىپ قول جەتكىزگەن تاعى ءبىر كەلەلى جەتىستىك بولىپ، جۇڭگونىڭ عارىش ىستەرىنىڭ العا ۇلكەن قادام تاستاعاندىعىنىڭ بەلگىسى بولدى، سونداي - اق ادامزاتتىڭ اي شارىنىڭ پايدا بولۋ سەبەبى مەن كۇن جۇيەسىنىڭ وزگەرىس تاريحىنا بولعان عىلمي تۇسىنىگىن تەرەڭدەتۋگە قوسىلعان ۇلەس بولماق. سىزدەردىڭ ەرەن ەڭبەكتەرىڭىزدى وتان مەن حالىق ماڭگى ەستە ساقتايدى.
شي جينپيڭ بىلاي دەپ باسا دارىپتەدى: ادامزاتتىڭ عارىشتى بارلاۋ قادامى ماڭگى توقتامايدى. سىزدەردىڭ ارمانعا قۇلاش سەرمەۋ، ەرلىكپەن ىزدەنىس جاساۋ، سايكەسىپ قامال الۋ، سەلبەسىپ تەڭ يگىلىككە كەنەلۋ سىندى ايدى بارلاۋ رۋحىن بار كۇشپەن اسقاقتاتىپ، جۇلدىز ارالىق بارلاۋ - ولشەۋدىڭ جاڭا ساپارىن نىق قاداممەن باستاپ، عارىش ىستەرىندەگى قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا تاعى دا تىڭ ەڭبەك ءسىڭىرىپ، ادامزاتتىڭ عارىشتى بەيبىت پايدالانۋىنا، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋگە اناعۇرلىم زور ءورىس اشۋ سيپاتتى ۇلەس قوسۋلارىڭىزدى ءۇمىت ەتەمىن.
مەملەكەت ىستەر جوراسى ۋاڭ يۇڭ بەيجيڭدەگى عارىشقا ۇشۋدى مەڭگەرۋ ورتالىعىنداعى چاڭ - ى 5 - ءنومىرلى مىندەتىنىڭ ۇشۋدى مەڭگەرۋ جۇمىس ورنىندا شي جينپيڭنىڭ قۇتتىقتاۋ تەلەگرامماسىن وقىدى.
چاڭ - ى 5 - ءنومىرلى مىندەتى ەلىمىزدىڭ تۇڭعىش رەت اي بەتىنەن ۇلگى الۋ جانە قوراپتاۋ، اي بەتىنەن كوتەرىلۋ، اي شارى وربيتاسىندا كەزدەسىپ ءتۇيىلىسۋ، ۇلگى الىپ قايتادان ورالۋ سياقتىلاردا كوپتەگەن ەلەۋلى تابىستاردى جۇزەگە اسىردى، مۇنىڭ ءساتتى اتقارىلۋى ەلىمىزدىڭ ايدى بارلاۋ ينجەنەرياسىنىڭ ”اينالۋ، قونۋ، ورالۋ“ 3 باسقىشپەن ءجۇرۋ جوباسىنىڭ دەر كەزىندە ورىندالعاندىعىن ايعاقتايدى.
