تيانشان تورى   ›   جاڭالىقتار   ›   شينجياڭ حابارلارى

زاۆود سەحتارىندا وسىلاي قورعانۋ كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين، ەرىكتى ءتىلشى سۇڭ نيڭ 12 - ايدىڭ 16 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا زاۆود سەحتارىندا قانداي قورعانۋ شارالارىن ويداعىداي تياناقتاندىرۋى قاجەت؟ 12 - ايدىڭ 16 - كۇنى ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ مامانى مىنالاردى ەسكەرتتى: زاۆود سەحتارىنىڭ شارۋاشىلىق باسقارۋشىلارى مەن جۇمىسشى - قىزمەتكەرلەرى سالاماتتىق قورعانۋ تالاپتارىنا بويسۇنۋى، ءتۇرلى ساقتانۋ - تىزگىندەۋ شارالارىن كەمەلدەندىرىپ جانە ەگجەي - تەگجەيلىلەندىرىپ، ىندەتتەن ساقتانۋ تانىمىن جوعارىلاتۋى ءتيىس.

  ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعى زارارسىزداندىرۋ جانە ىندەت دانەكەرى ورگانيزمدەرىنەن ساقتانۋ ءبولىمىنىڭ مەڭگەرۋشىسى چىن مين بىلاي دەپ تانىستىردى: زاۆود سەحتارىنىڭ شارۋاشىلىق باسقارۋشىلارى ماڭىزدى باسقارۋ بورىشىن ارقالاۋى ءتيىس، ەڭ اۋەلى، ىندەتتەن ساقتانۋ - تىزگىندەۋدى ۇدايىلاندىرۋ تالابىنا ساي كەمەلدى قىزمەت ءتۇزىمىن جانە ىشكى باسقارۋ جوباسىن جاساپ، ءتۇرلى ساقتانۋ - تىزگىندەۋ شارالارىن كەمەلدەندىرۋ جانە ەگجەي - تەگجەيلىلەندىرۋ كەرەك. ىندەتتەن ساقتانۋ زاتتىق ماتەريالدارىن زاپاس ساقتاۋدى ويداعىداي ىستەپ، قول جۋۋ جابدىقتارى شارت - جاعدايىن جاقسارتۋ كەرەك. سونىمەن بىرگە، سەح، زاۆود ءۇي - قۇرىلىستارىنىڭ جانە اۋلانىڭ كىرىپ - شىعاتىن ەسىكتەرىندە ۇدايىلانعان باسقارۋ - مەڭگەرۋ شارالارىن ورناتۋ قاجەت.

  كۇندەلىكتى قىزمەت بارىسىندا مەرزىم سايىن دەنە تەمپەراتۋراسىن ولشەۋ، مەكەمە جۇمىسشى - قىزمەتكەرلەرىنىڭ جەكە سالاماتتىعىن مالىمدەۋ ءتۇزىمىن ورناتۋ كەرەك، ەگەر قىزمەتكەرلەردە قىزۋ، السىرەۋ، جوتەلۋ، تاماعى اۋرۋ سياقتى جايسىز بەلگى بايقالعاندا، دەر كەزىندە شيپاحاناعا اپارۋ قاجەت. ءار كۇنگى جۇمىسقا شىققان ادامداردىڭ جانە كەزەكتەسىپ جۇمىسقا شىعاتىنداردىڭ جاعدايىن مەڭگەرىپ، قاجەتتى كەزدە ىزىنە ءتۇسىپ باقىلاۋ - تەكسەرۋ ورىستەتۋگە مۇمكىندىك جاراتۋ كەرەك. سەحتاردىڭ اۋاسىن الماستىرىپ تۇرۋ، ءوندىرىس ورتاسىنا ەرەكشە تالاپ قويىلسا، سول ءوندىرىس تالاپتارىنا ۇيلەسۋ كەرەك. سونىمەن بىرگە، الەۋمەتتىك بۇيىمداردى، كەرەك - جاراقتاردى تازالاۋدى، زارارسىزداندىرۋدى كۇشەيتىپ، وندىرىستىك ەڭبەك قۇرال - سايماندارى، جابدىقتاردىڭ كنوپكالارى، سايكەستى قۇرىلعىلار سياقتىلاردى ىستەتكەننەن كەيىن دەر كەزىندە تازالاۋ، زارارسىزداندىرۋ كەرەك. شارت - جاعدايى بارلارى جۇمىسشى - قىزمەتكەرلەرگە كيىم اۋىستىراتىن بولمە، جۋىنىپ - شايىنۋ بولمەسىن ازىرلەۋى قاجەت. سەحتاردىڭ، زاۆود رايونى ورتاسىنىڭ تازالىعىن ساقتاپ، قوقىر - قوقسىقتاردى دەر كەزىندە تازالاۋ كەرەك. توپتىق تاماقتانعان كەزدە شوعىرلى ۋاقىتتان اۋاشالانىپ تاماقتانۋ، ازىق - تۇلىك حاۋىپسىزدىگىنە كەپىلدىك ەتۋ، بولەك تاماقتانۋ ءتۇزىمىن اتقارۋ، ىدىس - اياقتاردىڭ تازالىعىن، زارارسىزدانۋىن كۇشەيتۋ كەرەك. سەح جانە الەۋمەتتىك رايون سياقتىلاردىڭ كورنەكتى ورنىنا جاڭا تيپتى ايدارشا ۆيرۋس وكپە قابىنۋ ىندەتى سياقتى جۇقپالى اۋرۋلاردان ساقتانۋ - تىزگىندەۋ ۇگىت بىلىمدەرىن جانە قاتىستى سالاماتتىق ەسكەرتپەلەرىن جاپسىرۋ، سالاماتتىق ۇگىت - تاربيە قىزمەتىن ويداعىداي ىستەۋ، جۇمىسشى - قىزمەتكەرلەردىڭ ساقتانۋ - تىزگىندەۋ تانىمى مەن قابىلەتىن جوعارىلاتۋ كەرەك.

  چىن مين مىنالاردى ەسكەرتتى: جۇمىسشى - قىزمەتكەرلەردىڭ وزدەرى دە ىندەتتەن ساقتانۋ تانىمىن جوعارىلاتۋى، قىزۋى ورلەسە نەمەسە تىنىس جولىندا اۋرۋ بەلگىسى بايقالسا، اسىرەسە، جۋىقتا تىنىس جولى جۇقپالى اۋرۋىنا شالدىققاندارمەن ءجيى قارىم - قاتىناستا بولعان قىزمەتكەرلەر دەر كەزىندە شيپاگەرگە كورىنۋى، سىرقاتتانىپ ءجۇرىپ جۇمىسقا شىقپاۋى كەرەك. الەۋمەتتىك قاتىناس قۇرالدارىنا وتىرعاندا نەمەسە ادامدار شوعىرلانعان ورىندارعا بارعاندا ءوزىن قورعاۋدى ويداعىداي ىستەۋى ءارى سوندا بولۋ ۋاقىتىن قىسقارتۋى كەرەك. سەح، كيىم اۋىستىرۋ بولمەسى، جۇمىسشى - قىزمەتكەرلەر اسحاناسى سياقتى ادام ءبىرشاما شوعىرلانعان اۋماقتاردا، وزگەلەرمەن ءبىر مەتردەن استام ارالىق ساقتاۋعا كوڭىل ءبولۋ كەرەك. كاسىپتىك قورعانۋدى ويداعىداي ىستەپ، جەكە باسىندىق تازالىقتى، قىزمەت كيىمىنىڭ تازالىعىن ساقتاۋ، قولدى ءجيى جۋۋ كەرەك. قول تازالىعىن ساقتاپ، قىزمەت كەزىندە اۋىزدى، مۇرىندى، كوزدى ۇستاماۋ قاجەت. ورتاق پايدالاناتىن زاتتاردى نەمەسە باسقا دا لاستانعان زاتتاردى ۇستاعاندا، سونداي - اق اس - سۋ ءىشۋدىڭ الدى - ارتىندا، ءسوز جوق، قول جۋۋ نەمەسە قول جۋۋ قاجەتسىز بولعان زارارسىزداندىرۋ سۇيىقتىعىمەن قوس قولدى زارارسىزداندىرۋ قاجەت. تىنىس جولى تازالىق قاعيداسىنا بويسۇنۋ، تىنىس جولىندا اۋرۋ بەلگىسى بايقالعاندا ىرىقتى تۇردە ماسكى تاعۋ، جوتەلگەندە، تۇشكىرگەندە شىنتاعىن بۇگىپ نەمەسە قاعازبەن بۇركەمەلەۋ كەرەك. كەزكەلگەن جەرگە تۇكىرمەۋ، اۋىز - مۇرىننان شىققان بولىندىلەردى ورامال قاعازعا وراپ قوقسىق ساندىعىنا تاستاۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى