تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ءۇرىمجى قالاسى 3300دەن استام ۇلتتار ىنتىماعى اۋلاسىن قۇردى

 12 - ايدىڭ 17 - كۇنى ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) باجياحۋ اۋماعىن باسقارۋ كوميتەتى حۇڭياڭ الەۋمەتتىك اۋماعىنىڭ كادرلارى جۇپ قۇراعان تۋىستارىمەن بىرگە تۇشپارا ءتۇيىپ، شۇيىركەلەستى. □ سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا، پراكتيكانت اراشجاپ پاما 12 - ايدىڭ 17 - كۇنى ۇرىمجىدەن حابارلايدى. ”ءبىزدىڭ شاعىن اۋماعىمىز كوشىرىپ ورنالاستىرىلعان شاعىن اۋماق، از ۇلت تۇرعىندارىنىڭ ۇستاعان سالىستىرماسى تەڭ جارىمىنان اسادى، كوپشىلىكتىڭ جۇمىستارى بولسا بىرگە اقىلداسادى، قيىنشىلىقتارى بولسا ءوزارا كومەكتەسەدى“، - دەدى 12 - ايدىڭ 17 - كۇنى ءۇرىمجى قالاسى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) باجياحۋ اۋماعىن باسقارۋ كوميتەتى حۇڭياڭ الەۋمەتتىك اۋماعى ياڭگۋاڭجىشاڭ شاعىن اۋماعىنىڭ تۇرعىنى پارحات قاسىم اۋلانىڭ قاقپاسىنداعى التىنداي جارقىراعان ”ۇلتتار ىنتىماعى اۋلاسى (شاعىن اۋماعى)“ ماڭدايشالىعىن ماقتانىشپەن نۇسقاپ. ۇعىسۋعا قاراعاندا، 2017 - جىلى ءۇرىمجى قالاسى 1 - توپتاعى ۇلتتار ىنتىماعى اۋلاسىن (شاعىن اۋماعىن) قۇرعاننان بەرى، قازىرگە دەيىن 3324 ۇلتتار ىنتىماعى اۋلاسى (شاعىن اۋماعى) ءساتتى قۇرىلعان.

  حۇڭياڭ الەۋمەتتىك اۋماعى پارتيا باس ياچەيكاسىنىڭ شۋجيى داي لياڭ بىلاي دەپ تانىستىردى: ياڭگۋاڭجىشاڭ شاعىن اۋماعىندا 9 ۇلتتان قۇرالعان 728 وتباسى بار، الەۋمەتتىك اۋماق ۇنەمى ۇلتتار ىنتىماعى شاعىن الاڭى، كوڭىل اشۋ - تىنىعۋ اۋماعى سياقتى ورىنداردان پايدالانىپ، ءتۇرلى ۇلتتار ىنتىماعى بىرلەسكەن دوستىق قيمىلىن ورىستەتىپ كەلدى، ءار ۇلت تۇرعىندارى بارىس - كەلىس، اۋىس - كۇيىس بارىسىندا تۇسىنىستىكتى تەرەڭدەتىپ، سۇيىسپەنشىلىكتى ارتتىردى.

  ”بىلتىر جازدا قيمىل بولمەسىندە ويناپ وتىرعان ەدىم، كەنەتتەن ەكى اياعىم شىداتپاي اۋىردى، ۇيدەگىلەر قاسىمدا جوق ەدى، كورشىلەر مەنى دەر كەزىندە شيپاحاناعا جەتكىزدى. قازىر ويلاسام ىشتەي جىلى سەزىنەمىن“. شاعىن اۋماقتىڭ تۇرعىنى شۇي ميڭشاننىڭ ايتۋىنشا، ەمدەۋ كەزىندە، ونىڭ جۇپ قۇراعان تۋىسى ۇنەمى وعان تاماق اكەلىپ، ونى قاتتى اسەرلەندىرگەن ەكەن.

  ”سوڭعى جىلدارى ءۇرىمجى قالاسى ۇلتتار ىنتىماعىنداعى وزات ورىن قۇرۋ قىزمەتىن ۇزدىكسىز تەرەڭدەتتى، ۇلتتار ىنتىماعى اۋلاسى (شاعىن اۋماق) ءار ۇلت تۇرعىندارىنىڭ كەڭ بارىس - كەلىسىن، جان - جاقتى اۋىس - كۇيىسىن، تەرەڭ توعىسۋىن ىلگەرىلەتكەن ماڭىزدى دانەكەرگە اينالىپ ۇلگىردى“. ءۇرىمجى قالالىق پارتكوم بىرلىكساپ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى لي يۇڭشىڭ مىنانى ءبىلدىردى: ”بۇدان كەيىن ءبىز ۇلتتار ىنتىماعىنداعى وزات ورىن قۇرۋ قىزمەتىن تۇتقا ەتىپ، جۇڭحۋا ۇلتى ورتاق تۇلعا تانىمى تاربيەسىن كادرلار تاربيەسىنە، جاستار - ورەندەر تاربيەسىنە، قوعامدىق تاربيەگە ەنگىزۋدەن جازباي، ۇلتتار ىنتىماعى، العاباسارلىعىنداعى، وزات ورىن قۇرۋ قىزمەتىن ۇدايىلاندىرۋدى ىلگەرىلەتەمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.