تيانشان تورى   ›   جاڭالىقتار   ›   ماڭىزدى حابارلار

ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى

شي جينپيڭ، لي كىچياڭ ماڭىزدى ءسوز سويلەدى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى

  12 - ايدىڭ 16 - كۇنىنەن 18 - كۇنىنە دەيىن ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  كەلەر جىل − ەلىمىزدىڭ وسىزامانداندىرۋ قۇرىلىسى ۇردىسىندە ايرىقشا ماڭىزعا يە ءبىر جىل. كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، جۇيە كوزقاراسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ماكرولىق ساياساتتى عىلمي، دالمە - ءدال اتقارىپ، ەكونوميكالىق اينالىمدى لايىقتى ارالىقتا ساقتاۋعا قۇلشىنىپ، ىشكى سۇرانىستى كەڭەيتۋ ستراتەگياسىنا تاباندى بولىپ، عىلىم - تەحنيكالىق ستراتەگيالىق تىرەكتى كۇشەيتىپ، جوعارى دەڭگەيدە سىرتقا ەسىك اشۋدى كەڭەيتىپ، ”14 - بەسجىلدىقتىڭ“ جاقسى باستاما اشۋىنا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  شينحۋا اگەنتتىگىنىڭ 12 - ايدىڭ 18 - كۇنى بەيجيڭنەن بەرگەن حابارى. ورتالىقتىڭ ەكونوميكالىق قىزمەت ءماجىلىسى 12 - ايدىڭ 16 - كۇنىنەن 18 - كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.

  شي جينپيڭ ماجىلىستە ماڭىزدى ءسوز سويلەپ، 2020 - جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2021 - جىلعى ەكونوميكالىق قىزمەتتى ورنالاستىردى. لي كىچياڭ سوزىندە كەلەر جىلعى ەكونوميكالىق قىزمەت جونىندە ناقتى ورنالاستىرۋ جاسادى ءارى قورىتىندى ءسوز سويلەدى.

  ءماجىلىس بىلاي دەپ قارادى: بيىل جاڭا جۇڭگو تاريحىنداعى ايرىقشا وزگەشە ءبىر جىل بولدى. قاتاڭ دا كۇردەلى حالىقارالىق جاعداي، ەل ىشىندەگى رەفورمانىڭ، دامۋدىڭ، ورنىقتىلىقتىڭ ماشاقاتتى دا اۋىر مىندەتى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، ءبىز ستراتەگيالىق تاباندىلىقتى ساقتاپ، جاعدايدى ءدال تۇجىرىمداپ، دەن قويا جوسپارلاپ، ورنالاستىرىپ، باتىل ارەكەت قولدانىپ، قاجىرلى قۇلشىنىس جاساپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ بەردىك. ەلىمىز دۇنيە ءجۇزى بويىنشا ەكونوميكانىڭ وڭ ارتۋىن جۇزەگە اسىرعان بىردەن - ءبىر نەگىزگى ەكونوميكالىق تۇلعاعا اينالدى، ءۇش ءىرى قامال الۋ شايقاسى شەشۋشى جەتىستىككە قول جەتكىزدى، عىلىم - تەحنيكالىق جاڭالىق اشۋ ەلەۋلى ىلگەرىلەۋشىلىككە قول جەتكىزدى، رەفورما جاساۋ، ەسىك اشۋ ماڭىزدى سەرپىلىستى جۇزەگە اسىردى، حالىق تۇرمىسى پارمەندى قامتاماسىز ەتىلدى. بۇل ناتيجەلەر وڭاي - وسپاق قولعا كەلگەن جوق، نە ءبىر قيىندىقتار مەن بوگەتتەردى باستان وتكەردىك، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا ەرلىكپەن كۇرەس جۇرگىزۋىنىڭ ناتيجەسى.

  ءماجىلىس مىنالاردى اتاپ كورسەتتى: بيىل ”13 - بەسجىلدىق“ جوبا اياقتالاتىن جىل. 5 جىل جالعاستىرا كۇرەس جۇرگىزۋ ارقىلى ەلىمىزدىڭ ەكونوميكالىق، قوعامدىق دامۋى تىڭ، تاريحي جەتىستىككە قول جەتكىزدى، ”13 - بەسجىلدىق“ جوبانىڭ باستى نىسانالارى مەن مىندەتتەرى ورىندالۋ الدىندا تۇر. ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى جانە حالىق تۇرمىسى دەڭگەيى تاعى ءبىر تىڭ، ۇلكەن بەلەسكە كوتەرىلدى، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋگە تايادىق، جۇڭحۋا ۇلتىنىڭ ۇلى گۇلدەنۋى الدىعا قاراي جاڭا، ارشىندى قادام تاستادى.

  ءماجىلىس مىنالاردى باسا دارىپتەدى: ەل ءىشى مەن حالىقارا سىندى ەكى كەلەلى جاعدايدى ءبىر تۇتاس جوسپارلاۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ امالياتىندا، ءبىز قاتاڭ سىن - سايىس الدىندا ەكونوميكالىق قىزمەتتى ويداعىداي ىستەۋدىڭ زاڭدىلىعى جونىندەگى تانىمدى تەرەڭدەتتىك: قاتەرلى، قيىن ساتتە پارتيا ورتالىق كوميتەتىنىڭ بەدەلى بۇكىل پارتيانىڭ، بۇكىل ەلدەگى ءار ۇلت حالقىنىڭ قيىندىقتى ەڭسەرە ورگە ۇمتىلۋىنا ءتۇبىرلى سۇيەنىش بولدى، ەلەۋلى تاريحي وتكەل، ەلەۋلى سىناق الدىندا، پارتيا ورتالىق كوميتەتىنىڭ تۇجىرىمداۋ قابىلەتى، شەشىم قابىلداۋ قابىلەتى، ارەكەت قابىلەتى شەشۋشى رول اتقاردى؛ حالىقتى بارىنەن جوعارى قويۋ دۇرىس تالعام جاساۋدىڭ ءتۇبىرلى العى شارتى بولدى، حالىقتى قاشاندا كوكەيدە ساقتاپ، حالىقتىڭ مۇددەسىن قاشاندا ەڭ جوعارى ورىنعا قويساق بولعانى، ءسوز جوق، دۇرىس شەشىم جاساپ، ەڭ جاقسى جولدى بەلگىلەي الامىز ءارى حالىققا سۇيەنىپ بارلىق ماشاقات - قيىندىقتار مەن قاتەر - بوگەتتەردى جەڭىپ شىعا الامىز؛ تۇزىمدىك ابزالدىلىق ۋاقىتتىق قيىندىقتى بىلەك بىرىكتىرە جەڭەتىن قۋاتتى كۇش قالىپتاستىرۋدىڭ ءتۇبىرلى كەپىلى، ”ءتورت سەنىمدى“ بەكەمدەپ، كۇش - قۋاتتى شوعىرلاندىرىپ، ءىرى ىستەر تىندىراتىن تۇزىمدىك ابزالدىلىققا تاباندى بولساق بولعانى، ءسوز جوق، بۇكىل پارتيانى، بۇكىل ەلدەگى ءار ۇلت حالقىن تىعىز ىنتىماقتاستىرىپ، قامال الىپ، قيىندىقتاردى ەڭسەرەتىن، ىستەردىڭ دامۋىن ىلگەرىلەتەتىن قۋاتتى ەنەرگيا شىعارا الامىز؛ عىلمي شەشىم جاساۋ مەن جاسامپازدىقپەن توتەپ بەرۋ داعدارىستى ورايعا اينالدىرۋدىڭ ءتۇبىرلى ءادىسى، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلساق بولعانى، ءسوز جوق، ەلەۋلى حاۋىپ - قاتەرگە قارسى اتتانۋ بارىسىندا ۇلكەن ورايلار جاراتا الامىز؛ عىلىم - تەحنيكادا ءوز كۇشىنە سۇيەنۋ، ءوزىن - ءوزى الۋەتتەندىرۋ دامۋدىڭ كەلەلى جاعدايىن جەبەۋدىڭ ءتۇبىرلى تىرەگى، عىلىم رۋحىن ۇستانىپ، عىلىم زاڭدىلىقتارىن يگەرىپ، دەربەس جاڭالىق اشۋدى زور كۇشپەن ىلگەرىلەتە الساق بولعانى، ءسوز جوق، مەملەكەتتىڭ دامۋىن اناعۇرلىم حاۋىپسىز، اناعۇرلىم سەنىمدى نەگىز ۇستىندە ورناتا الامىز.

  ءماجىلىس مىنالاردى اتاپ كورسەتتى: ناتيجەلەردى تولىق تۇراقتاندىرۋمەن بىرگە، ءسوز جوق، مىنانى سەرگەكتىكپەن تاني ءبىلۋ كەرەك، ىندەتتىڭ وزگەرىسىندە جانە سىرتقى ورتادا كوپتەگەن بەلگىسىزدىكتەر ورىن تەۋىپ وتىر، ەلىمىز ەكونوميكاسىنىڭ قالپىنا كەلۋىنىڭ نەگىزى ءالى دە مىعىم ەمەس. كەلەر جىلعى دۇنيە ءجۇزىنىڭ ەكونوميكالىق جاعدايى ءالى دە كۇردەلى، قاتاڭ بولادى، ونىڭ قالپىنا كەلۋى ورنىقتى ەمەس، بىركەلكى ەمەس، ىندەتتىڭ سوققىسى سالدارىنان تۋىنداعان ءتۇرلى حاۋىپ - قاتەرلەرگە نەمقۇرايدى قاراۋعا بولمايدى. تاۋقىمەت تانىمىن كۇشەيتىپ، ءسوزسىز جەڭىسكە جەتۋ سەنىمىن بەكەمدەپ، ەكونوميكانىڭ ۇزدىكسىز قالپىنا كەلۋى مەن جوعارى ساپالى دامۋىن ىلگەرىلەتۋ كەرەك. ءوز ءىسىمىزدى ويداعىداي ىستەپ، تومەنگى شەكتە ويلاۋعا تاباندى بولىپ، حاۋىپ - قاتەردى الدىن الا بايقاۋ، تۇجىرىمداۋ قابىلەتىن جوعارىلاتىپ، ءتۇرلى حاۋىپ - قاتەرلەر مەن سىن - سايىستاردان قاتاڭ ساقتانۋىمىز كەرەك. كوپ جاقتىلىق تۋىن ۇزدىكسىز بيىك ۇستاپ، الەمدىك جونگە سالۋدى رەفورمالاۋعا، كەمەلدەندىرۋگە بەلسەنە ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

  ءماجىلىس مىنالاردى باسا دارىپتەدى: كەلەر جىل ەلىمىزدىڭ وسىزامانداندىرۋ قۇرىلىسى ۇردىسىندە ايرىقشا ماڭىزعا يە ءبىر جىل. كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، جۇيە كوزقاراسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ماكرولىق ساياساتتى عىلمي، دالمە - ءدال اتقارىپ، ەكونوميكالىق اينالىمدى لايىقتى ارالىقتا ساقتاۋعا قۇلشىنىپ، ىشكى سۇرانىستى كەڭەيتۋ ستراتەگياسىنا تاباندى بولىپ، عىلىم - تەحنيكالىق ستراتەگيالىق تىرەكتى كۇشەيتىپ، جوعارى دەڭگەيدە سىرتقا ەسىك اشۋدى كەڭەيتىپ، ”14 - بەسجىلدىقتىڭ“ جاقسى باستاما اشۋىنا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  ءماجىلىس مىنالاردى اتاپ كورسەتتى: كەلەر جىلى ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاۋ كەرەك. بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ەكونوميكانىڭ قالپىنا كەلۋىنە قاجەتتى قولداۋ كورسەتۋ سەرپىنىن ساقتاۋ، ساياساتتى مەڭگەرۋ جاعىندا اناعۇرلىم دالمە - ءدال، ءونىمدى بولۋ، شۇعىل بۇرىلماۋ، ساياساتتىڭ ۋاقىتىن، ولشەمىن، ونىمدىلىگىن ويداعىداي يگەرۋ كەرەك. باعالى ۋاقىت تەرەزەسىنەن جاقسى پايدالانىپ، زەيىن - كۇشتى شوعىرلاندىرىپ رەفورما جاساۋدى، جاڭالىق اشۋدى ىلگەرىلەتىپ، جوعارى ساپالى دامۋ ارقىلى ”14 - بەسجىلدىق“ ءۇشىن تاماشا باستاما اشۋ كەرەك. بەلسەندى قازىنا ساياساتىندا ساپانى جوعارىلاتىپ، ونىمدىلىكتى ارتتىرىپ، ونى نەعۇرلىم باياندى ەتىپ، لايىقتى شىعىس كۇشەمەلىلىگىن ساقتاپ، مەملەكەتتىڭ ەلەۋلى ستراتەگيالىق مىندەتتەرىن قازىنا كۇشىمەن قامتاماسىز ەتۋدى نىعايتىپ، عىلىم - تەحنيكالىق جاڭالىق اشۋدى جەبەۋ، ەكونوميكالىق قۇرىلىمدى رەتتەۋدى جەدەلدەتۋ، كىرىس ءبولىسىن رەتتەۋ جاعىندا ىرىقتىلىقپەن ءىس تىندىرىپ، جەرگىلىكتى ۇكىمەتتەردىڭ كومەسكى قارىز قاتەرىن جويۋ قىزمەتىن ناقتى يگەرۋ، پارتيا، ۇكىمەت ورگاندارى ۇنەمشىلدىك ىستەۋگە تاباندى بولۋ كەرەك. ورنىقتى، اقاۋسىز اقشا ساياساتىن يكەمدى، دالمە - ءدال، ورىندى، لايىقتى جۇرگىزىپ، اقشانىڭ قامداۋ مولشەرى مەن قوعامدىق قارجى قۇراۋ كولەمىنىڭ ارتۋ جىلدامدىعىنىڭ ەكونوميكالىق ارتۋدىڭ اتاۋلى جىلدامدىعىمەن نەگىزىنەن سايكەسۋىن ساقتاپ، ماكرولىق سۇيمەن مولشەرىنىڭ نەگىزىنەن تۇراقتىلىعىن ساقتاپ، ەكونوميكانى قالپىنا كەلتىرۋ مەن حاۋىپ - قاتەر، سىن - سايىستان ساقتانۋدىڭ قارىم - قاتىناسىن ويداعىداي ءبىر جاقتى ەتىپ، بانكەنىڭ كاپيتال قارجىسىن كوپ ارنامەن تولىقتىرىپ، باعالى قاعازدار بازارىنداعى زاڭ - ءتۇزىمدى كەمەلدەندىرىپ، عىلىم - تەحنيكالىق جاڭالىق اشۋعا، شاعىن، ۇساق كاسىپورىندارعا، جاسىل دامۋعا فينانستىق قولداۋدى ارتتىرىپ، ءوسىم مولشەرى مەن اقشا ايىرباس باعامىن بازارلاندىرۋ رەفورماسىن تەرەڭدەتىپ، حالىق اقشاسى باعامىنىڭ لايىقتى، بىركەلكى دەڭگەيدەگى نەگىزىنەن تۇراقتىلىعىن ساقتاۋ كەرەك.

  ءماجىلىس مىنالاردى تالاپ ەتتى: جاڭا دامۋ ارناسىن قالىپتاستىرۋدا كەلەر جىلى العاشقى قادامدى جاقسى باسىپ، تىڭ بەينە كورسەتۋ كەرەك. ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، قامداۋ جاعىنداعى قۇرىلىمدىق رەفورما سىندى نەگىزگى ارقاۋدى مىقتاپ ۇستاپ، قاجەتسىنۋ جاعىنداعى باسقارۋعا ءمان بەرىپ، كەپتەلىس تۇيىندەرىن اشىپ، ولقىلىقتاردى تولىقتاپ، ءوندىرىستىڭ، ءبولىستىڭ، اينالىمنىڭ، تۇتىنۋدىڭ ءار بۋىنىن تۇتاستىرىپ، قاجەتسىنۋ قامداۋدى جەتەكتەيتىن، قامداۋ قاجەتسىنۋ تۋىنداتاتىن اناعۇرلىم جوعارى دەڭگەيدەگى يكەمدى تەپە - تەڭدىك قالىپتاستىرىپ، حالىق شارۋاشىلىعى جۇيەسىنىڭ جالپى تۇلعالىق ونىمدىلىگىن جوعارىلاتۋ كەرەك. رەفورما جاساۋدى، ەسىك اشۋدى ونان ارى تەرەڭدەتىپ، دامۋدىڭ ىشكى قوزعاۋشى كۇشىن نىعايتۋعا اناعۇرلىم ءمان بەرىپ، كەيبىر شەشۋشى تۇيىندەردە كۇش سالىپ، ناتيجە شىعارىپ، بىرەۋى ارقىلى بارلىعىن جەتەكتەيتىن ناتيجە شىعارۋ كەرەك.

  ءماجىلىس كەلەر جىلى ويداعىداي يگەرۋگە ءتيىستى تومەندەگىدەي ءتۇيىندى مىندەتتەردى بەلگىلەدى:

  ءبىرىنشى، مەملەكەتتىڭ ستراتەگيالىق عىلىم - تەحنيكا كۇشىن نىعايتۋ. مەملەكەتتىڭ ەلەۋلى عىلىم - تەحنيكالىق جاڭالىق اشۋدى ۇيىمداستىرۋشى رەتىندەگى رولىن تولىق ساۋلەلەندىرىپ، ستراتەگيالىق سۇرانىستى بەتالىس ەتۋگە تاباندى بولىپ، عىلىم - تەحنيكالىق جاڭالىق اشۋدىڭ بەتالىسى مەن تۇيىندەرىن بەلگىلەپ، مەملەكەتتىڭ دامۋى مەن حاۋىپسىزدىگىنە تۇساۋ بولاتىن ەلەۋلى قيىن ماسەلەلەردى كۇش سالا شەشۋ كەرەك. جاڭا تيپتى مەملەكەتتىك ءتۇزىلىستىڭ ابزالدىلىعىن ساۋلەلەندىرىپ، ماڭىزدى مەكەمە - ورىندار مەن جوعارى مەكتەپتەردەگى مەملەكەتتىك قۇرامانىڭ رولىن ويداعىداي ساۋلەلەندىرىپ، عىلمي زەرتتەۋ كۇشتەرىنىڭ ساپالى سەپتەلۋىن جانە بايلىقتان بىرگە يگىلىكتەنۋدى ىلگەرىلەتۋ كەرەك. نەگىزدىك زەرتتەۋدىڭ 10 جىلدىق ارەكەت جوباسىن جەدەل جاساپ، اتقارىپ، نەگىزدىك پاندەر زەرتتەۋ ورتالىقتارىنان ءبىر توبىن ءتۇيىندى تۇردە ورنالاستىرىپ، شارت - جاعدايى بار جەرگىلىكتى ورىنداردىڭ حالىقارالىق جانە وڭىرلىك عىلىم - تەحنيكالىق جاڭالىق اشۋ ورتالىقتارىن قۇرۋىنا قولداۋ كورسەتۋ كەرەك. كاسىپورىنداردىڭ عىلىم - تەحنيكالىق جاڭالىق اشۋداعى تۇلعالىق رولىن ساۋلەلەندىرىپ، جەتەكشى كاسىپورىنداردىڭ جاڭالىق اشۋ بىرلەسكەن تۇلعالارىن ۇيىمداستىرۋىنا قولداۋ كورسەتىپ، ورتا، شاعىن كاسىپورىنداردىڭ جاڭالىق اشۋ قيمىلدارىن جەتەكتەۋ كەرەك. حالىقارالىق عىلىم - تەحنيكالىق اۋىس - كۇيىستەر مەن سەلبەستىكتەردى كۇشەيتۋ كەرەك. ەل ىشىندە دارىندى باۋلۋدى جەدەلدەتىپ، اناعۇرلىم كوپ جاس، تاڭداۋلى دارىندىلاردىڭ قارا ءۇزىپ شىعۋىنا مۇمكىندىك جاساۋ كەرەك. ىنتالاندىرۋ مەحانيزمىن جانە عىلىم - تەحنيكالىق باعالاۋ مەحانيزمىن كەمەلدەندىرىپ، قامال الۋ مىندەتتەرىندە ”باستاماشى تاعايىنداۋ“ سياقتى مەحانيزمدەردى ويداعىداي تياناقتاندىرۋ كەرەك. عىلىم - تەحنيكالىق ەتيكانى ارناعا ءتۇسىرىپ، تاماشا عىلمي سالت جانە ستيل ورناتىپ، عىلمي زەرتتەۋ قىزمەتكەرلەرىن بار زەيىنمەن كىرىسۋگە، تىڭعىلىقتى قاداممەن ۇمتىلىس جاساۋعا جەتەكتەۋ كەرەك.

  ەكىنشى، كاسىپ سالاسى تىزبەگىنىڭ، قامداۋ تىزبەگىنىڭ ءوز كۇشىنە سۇيەنۋ، مەڭگەرۋ قابىلەتىن كۇشەيتۋ. كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگى مەن تۇراقتىلىعى − جاڭا دامۋ ارناسىن قالىپتاستىرۋدىڭ نەگىزى. ولقىلىقتاردى تولىقتاۋ مەن ارتىقشىلىقتاردى جارىققا شىعارۋدى ءبىر تۇتاس جوسپارلاپ ىلگەرىلەتىپ، كاسىپ سالاسىنداعى ءالسىز بۋىندارعا باعىتتاي وتىرىپ شەشۋشى، وزەكتى تەحنيكالاردان قامال الۋ ينجەنەرياسىن ويداعىداي جۇرگىزىپ، كىلتەڭ ماسەلەلەردەن ءبىر توبىن جەدەل شەشىپ، كاسىپ باسىمدىعى بار سالالاردا جۇمىستى قۇنتتى، ۇقىپتى ىستەپ، اناعۇرلىم كوپ دارا، بىرەگەي ونەرگە قول جەتكىزۋ كەرەك. كاسىپ سالاسىنىڭ نەگىزىن قايتا تۇلعالاۋ ينجەنەرياسىن ويداعىداي اتقارىپ، نەگىزگى بولشەكتەر، نەگىزدىك تەحنولوگيالار، شەشۋشى نەگىزدىك ماتەريالدار سياقتىلاردىڭ نەگىزىن بەكەمدەۋ كەرەك. جوعارى دەڭگەيدە جوبالاۋدى، قولدانۋ ارقىلى جەتەلەۋدى، تۇتاسىمەن جەتەكتەۋدى كۇشەيتىپ، ورتاق سيپاتقا يە تەحنيكالىق قامداۋدى كۇشەيتىپ، ساپانى ءوسىرۋ قيمىلىن ىشكەرىلەي اتقارۋ كەرەك.

  ءۇشىنشى، ىشكى سۇرانىستى كەڭەيتۋ سىندى وسى ستراتەگيالىق نەگىزگى تۇيىنگە تاباندى بولۋ. قۋاتتى ەل ءىشى بازارىن قالىپتاستىرۋ − جاڭا دامۋ ارناسىن قالىپتاستىرۋدىڭ ماڭىزدى تىرەگى، ءسوز جوق، تۇتىنۋدى، امانات قويۋدى، قارجى قوسۋدى ۇيلەسىمدى جەتەكتەۋ سياقتى جاقتاردا ءونىمدى تۇزىمدىك ورنالاستىرۋ جاساۋ كەرەك. تۇتىنۋدى كەڭەيتۋدە ەڭ نەگىزگىسى جۇمىستاندىرۋدى جەبەپ، قوعامدىق قامتاماسىزداندىرۋدى كەمەلدەندىرىپ، كىرىس ءبولىسى قۇرىلىمىن ساپالىلاندىرىپ، ورتاشا كىرىستى قاۋىمدى مولايتىپ، ورتاق بايۋدى تىڭعىلىقتى ىلگەرىلەتۋ كەرەك. تۇتىنۋدى كەڭەيتۋدى حالىقتىڭ تۇرمىستىق ساپاسىن جاقسارتۋمەن ۇشتاستىرۋ كەرەك. ءىشىنارا اكىمشىلىك تەجەم سالىنعان تۇتىنۋ، ساتىپ الۋ بەلگىلەمەلەرىن ءتارتىپتى تۇردە كۇشىنەن قالدىرىپ، اۋدان - اۋىلداردىڭ تۇتىنۋ كومەسكى كۇشىن تولىق اشۋ كەرەك. كاسىپتىك تەحنيكالىق وقۋ - اعارتۋ جۇيەسىن كەمەلدەندىرىپ، اناعۇرلىم كەمەلدى، اناعۇرلىم جوعارى ساپالى جۇمىستاندىرۋدى جۇزەگە اسىرۋ كەرەك. الەۋمەتتىك تۇتىنۋدى ۇيلەسىمدى ارتتىرىپ، وقۋ - اعارتۋ، ەمدەۋ، قارتتاردى كۇتىمدەۋ، بوبەكتەردى ماپەلەۋ سياقتى الەۋمەتتىك قىزمەت وتەۋ شىعىسىنىڭ ونىمدىلىگىن جوعارىلاتۋ كەرەك. قارجى قوسۋدىڭ ارتۋ تەبىنىن كۇشەيتىپ، شەشۋشى رولىن ۇزدىكسىز ساۋلەلەندىرۋ كەرەك. ورتالىقتىڭ مەجە ەسەپ ىشىندە قوسقان قارجىسىنىڭ سىرتقى اسەر سيپاتى كۇشتى، قوعامدىق ونىمدىلىگى جوعارى سالالارداعى جەتەكشىلىك، تۇرتكىلىك رولىن ساۋلەلەندىرۋ كەرەك. تۇتاس قوعامنىڭ قارجى قوسۋداعى ومىرشەڭدىك كۇشىن قاۋلاتۋ كەرەك. سيفرلى ەكونوميكانى بار كۇشپەن دامىتىپ، جاڭاشا نەگىزدىك قۇرىلعىلارعا قارجى قوسۋ تەبىنىن ارتتىرۋ كەرەك. جاساۋ كاسىبىنىڭ جابدىق جاڭالاۋى مەن تەحنيكا وزگەرتۋىنە قارجى قوسۋدى كەڭەيتۋ كەرەك. قالالاردى جاڭارتۋ ارەكەتىن اتقارىپ، قالا - قالاشىقتارداعى بايىرعى، كونە شاعىن اۋماقتاردى جاڭالاۋدى ىلگەرىلەتىپ، وسى زامانعى زات اينالىمى جۇيەسىن قۇرۋ كەرەك. ءبىر تۇتاس جوبالاۋ مەن ماكرولىق جەتەكشىلىكتى كۇشەيتىپ، كاسىپ سالاسىنىڭ ورنالاسۋىن ءبىر تۇتاس ويداعىداي جوسپارلاپ، جاڭادان گۇلدەنگەن كاسىپ سالالارىنىڭ قايتالانىپ سالىنۋىنان ساقتانۋ كەرەك.

  ءتورتىنشى، رەفورما جاساۋدى، ەسىك اشۋدى جاپپاي ىلگەرىلەتۋ. جاڭا دامۋ ارناسىن قالىپتاستىرۋدا، ءسوز جوق، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن قۇرىپ، جوعارى دەڭگەيدە سىرتقا ەسىك اشۋدى اتقارىپ، رەفورما جاساۋ مەن ەسىك اشۋدىڭ ءوزارا جەبەۋىن ىلگەرىلەتۋ كەرەك. ماكرولىق شارۋاشىلىقتى جونگە سالۋدى كەمەلدەندىرىپ، حالىقارالىق ماكرولىق ساياساتتىڭ سايكەسۋىن كۇشەيتۋ كەرەك. مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىن ىشكەرىلەي اتقارىپ، حالىقتىق شارۋاشىلىقتىڭ دامۋ ورتاسىن ساپالىلاندىرىپ، وسى زامانعى كاسىپورىن ءتۇزىمىن اقاۋسىزداندىرىپ، سەرىكتەستىكتى جونگە سالۋدى كەمەلدەندىرىپ، ءتۇرلى بازار نەگىزگى تۇلعالارىنىڭ ومىرشەڭدىك كۇشىن قاۋلاتۋ كەرەك. بازارعا كىرۋگە رۇقسات ەتۋدى كەڭەيتىپ، ءادىل باسەكەنى جەبەپ، ءبىلىم مەنشىك ۇقىعىن قورعاپ، ءبىر تۇتاس ۇلكەن بازار قۇرىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن قالىپتاستىرۋ كەرەك. فينانس قۇرىلىمدارىن جونگە سالۋدى اقاۋسىزداندىرىپ، كاپيتال بازارىنىڭ اقاۋسىز دامۋىن جەبەپ، جارناسى بازارعا شىعارىلعان سەرىكتەستىكتەردىڭ ساپاسىن جوعارىلاتىپ، قارىز قايتارۋدان قاشقالاقتايتىن ءتۇرلى ارەكەتتەرگە سوققى بەرۋ كەرەك. 3 - تىرەكتىك زەينەتكەرلىك قامسىزداندىرۋىن ارناعا ءتۇسىرىپ دامىتۋ كەرەك. جان - جاقتى جانە العا باسقان تىنىق مۇحيت اتتاعان سەرىكتەستىك قارىم - قاتىناس كەلىسىمىنە كىرۋدى بەلسەنە ويلاستىرۋ كەرەك. ەل ىشىندەگى باقىلاۋ - باسقارۋ قابىلەتى مەن دەڭگەيىن كۇش سالا جوعارىلاتىپ، حاۋىپسىزدىكتى تەكسەرۋ مەحانيزمىن كەمەلدەندىرىپ، حالىقارالىق جالپىلىق قاعيدانى قولدانىپ، مەملەكەت حاۋىپسىزدىگىن قورعاۋعا باسا ءمان بەرۋ كەرەك.

  بەسىنشى، تۇقىم جانە ەگىستىك جەر ماسەلەسىن ويداعىداي شەشۋ. استىق حاۋىپسىزدىگىن قامتاماسىز ەتۋدىڭ تەتىگى استىق ساقتاۋدا جەرگە سۇيەنۋ، استىق ساقتاۋدا تەحنيكاعا سۇيەنۋ ستراتەگياسىن تياناقتاندىرۋدا. تۇقىمدىق زات بايلىعىن قورعاۋ مەن پايدالانۋدى كۇشەيتىپ، تۇقىم قامباسى قۇرىلىسىن كۇشەيتۋ كەرەك. عىلىمعا قۇرمەت ەتىپ، قاتاڭ باقىلاپ - باسقارىپ، بيولوگيالىق تۇقىم جەتىلدىرۋدى كاسىپ سالالاندىرا قولدانۋدى ءتارتىپتى تۇردە ىلگەرىلەتۋ كەرەك. تۇقىم قاينارىندىق ”كىلتەڭ“ تەحنيكالاردان قامال الۋدى ورىستەتىپ، تۇقىم شارۋاشىلىعىمەن ەڭسە كوتەرۋ شايقاسىن جۇرگىزۋگە بەل بايلاۋ كەرەك. ءبىر ميلليارد 800 ميلليون مۋ ەگىستىك جەر قىزىل سىزىعىن مىقتاپ ساقتاپ، ەگىستىك جەردى ”اۋىل شارۋاشىلىعىنان باسقا ماقساتتا پايدالانۋدى“ باتىل اۋىزدىقتاپ، ”استىقتان باسقاعا پايدالانۋدان“ باتىل ساقتانىپ، ەگىستىك جەردىڭ يەلەنۋى مەن تولىقتانۋ تەپە - تەڭدىگىن ارناعا ءتۇسىرۋ كەرەك. مەملەكەتتىڭ استىق حاۋىپسىزدىگى كاسىپ سالاسى بەلدەۋىن قۇرىپ، جوعارى ولشەمدى ەگىنجاي قۇرىلىسىن كۇشەيتىپ، ەگىنجاي سۋ يگىلىگى قۇرىلىسىن كۇشەيتىپ، مەملەكەتتىڭ قارا توپىراقتى جەردى قورعاۋ ينجەنەرياسىن اتقارۋ كەرەك. استىقپەن جانە ماڭىزدى اۋىل شارۋاشىلىق قوسىمشا ونىمدەرىمەن قامداۋ، قامتاماسىز ەتۋ قابىلەتىن جوعارىلاتۋ كەرەك. اۋىل شارۋاشىلىعىنداعى لاستانۋدى جونگە سالۋدى كۇشەيتۋ كەرەك.

  التىنشى، مونوپوليالاۋعا قارسى تۇرۋدى كۇشەيتۋ جانە كاپيتالدىڭ ءتارتىپسىز داليۋىنان ساقتانۋ. مونوپوليالاۋعا قارسى تۇرۋ، ورىنسىز باسەكەگە قارسى تۇرۋ − سوتسياليستىك بازار شارۋاشىلىعى ءتۇزىلىسىن كەمەلدەندىرۋدىڭ، جوعارى ساپالى دامۋدى ىلگەرىلەتۋدىڭ ىشكى تالابى. مەملەكەت تۇعىرلىق كاسىپورىنداردىڭ جاڭالىق اشا دامۋىن، حالىقارالىق باسەكەلىك قۋاتىن كۇشەيتۋىن قولدايدى، جالپىلىق مەنشىكتەگى شارۋاشىلىق پەن جالپىلىق مەنشىككە جاتپايتىن شارۋاشىلىقتىڭ بىرگە دامۋىن قولدايدى، سونىمەن بىرگە دامۋدى زاڭ بويىنشا ارناعا ءتۇسىرىپ، سيفر قاعيداسىن اقاۋسىزداندىرۋ كەرەك. تۇعىرلىق كاسىپورىنداردىڭ مونوپوليالاۋىن تۇراقتاندىرۋ، ساندى مالىمەت جيناۋ، پايدالانۋ، باسقارۋ، تۇتىنۋشىلاردىڭ ۇقىق - مۇددەسىن قورعاۋ سياقتى جاقتارداعى زاڭدىق ولشەمدەردى كەمەلدەندىرۋ كەرەك. ەرەجە - ءتۇزىمدى كۇشەيتىپ، باقىلاۋ - باسقارۋ قابىلەتىن جوعارىلاتىپ، مونوپوليالاۋ مەن ورىنسىز باسەكەلەسۋ ارەكەتتەرىنە باتىل قارسى تۇرۋ كەرەك. فينانستىق جاڭالىق اشۋ، ءسوز جوق، تىڭعىلىقتى باقىلاۋ - باسقارۋ العى شارتىندا جۇرگىزىلۋ كەرەك.

  جەتىنشى، ءىرى قالالاردىڭ تۇرعىن ءۇي جاعىنداعى كورنەكتى ماسەلەلەرىن ويداعىداي شەشۋ. تۇرعىن ءۇي ماسەلەسى حالىقتىڭ ىرىس - قۇتىنا سايادى. ءۇيدى ساۋدالاۋعا ەمەس، تۇرۋعا پايدالانۋ كەرەك دەگەنگە تاباندى بولىپ، جەرگىلىكتى جاعدايعا قاراي شارا قولدانىپ، كوپ شارانى قاتار اتقارىپ، قورا - جاي كاسىبى بازارىنىڭ ورنىقتى، اقاۋسىز دامۋىن جەبەۋ كەرەك. قامتاماسىزداندىرۋ سيپاتتى جالعا بەرىلەتىن تۇرعىن ءۇي قۇرىلىسىنا ايرىقشا ءمان بەرىپ، ءۇيدى ۇزاق ۋاقىت جالعا بەرۋ ساياساتىن جەدەل كەمەلدەندىرىپ، تۇرعىن ءۇيدى جالعا بەرۋ مەن ساتىپ الۋدا الەۋمەتتىك قىزمەت وتەۋدەن تەڭ يگىلىكتەنۋ ۇقىعىن بىرتىندەپ جۇزەگە اسىرىپ، ءۇيدى ۇزاق ۋاقىت جالعا بەرۋ بازارىن ارناعا ءتۇسىرىپ دامىتۋ كەرەك. جەرمەن قامداۋدا جالعا بەرىلەتىن تۇرعىن ءۇي قۇرىلىسىنا بەيىمدەلىپ، جالعا بەرىلەتىن تۇرعىن ۇيگە پايدالانىلاتىن جەردى جەكە جوسپارعا الىپ، كوللەكتيۆ قۇرىلىسقا پايدالانىلاتىن جەرلەردەن جانە كاسىپورىندارعا، ءىسورىندارىنا مەنشىكتى بوس جاتقان جەرلەردەن پايدالانىپ جالعا بەرىلەتىن تۇرعىن ءۇي سالۋ جونىندە ىزدەنىس جاساۋ كەرەك، مەملەكەت مەنشىگىندەگى كاسىپورىندار مەن حالىقتىق كاسىپورىنداردىڭ بارلىعى فۋنكتسيالىق رولىن ساۋلەلەندىرۋ كەرەك. جالعا بەرىلەتىن تۇرعىن ۇيلەردىڭ سالىق - اقى جۇگىن جەڭىلدەتىپ، جالعا بەرۋ بازار ءتارتىبىن رەتتەپ، بازار ارەكەتىن ارناعا ءتۇسىرىپ، جالعا بەرۋ اقى دەڭگەيىن ۇيلەسىمدى رەتتەۋ - مەڭگەرۋ كەرەك.

  سەگىزىنشى، كومىرتەگىن جوعارى شەككە جەتكىزۋ، كومىرتەگىن بەيتاراپتاندىرۋ قىزمەتىن ويداعىداي ىستەۋ. ەلىمىزدىڭ كومىرتەگى قوس توتىعىن شىعارۋىن 2030 - جىلدان بۇرىن جوعارى شەككە جەتكىزۋگە كۇش سالۋ، 2060 - جىلدان بۇرىن كومىرتەگىن بەيتاراپتاندىرۋدى جۇزەگە اسىرۋعا كۇش سالۋ كەرەك. 2030 - جىلدان بۇرىن كومىرتەگىنىڭ شىعارىلۋىن جوعارى شەككە جەتكىزۋ ارەكەت جوباسىن جاساۋدى مىقتى يگەرىپ، شارت - جاعدايى بار جەرلەردىڭ الدىمەن جوعارى شەككە جەتكىزۋىنە قولداۋ كورسەتۋ كەرەك. كاسىپ سالاسى قۇرىلىمىن، ەنەرگيا قۇرىلىمىن جەدەل رەتتەپ، ساپالىلاندىرىپ، كومىر تۇتىنۋدىڭ كۇنى بۇرىن جوعارى شەككە جەتۋىن ىلگەرىلەتىپ، جاڭا ەنەرگيانى كۇش سالا دامىتىپ، بۇكىل ەلدىڭ ەنەرگيادان پايدالانۋ ۇقىعى، كومىرتەگىن شىعارۋ ۇقىعى ساۋدا بازارىن جەدەل قۇرىپ، ەنەرگيا تۇتىنۋداعى قوس تىزگىندەۋ ءتۇزىمىن كەمەلدەندىرۋ كەرەك. لاستانۋدان ساقتانۋدان جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، لاستانۋدى ازايتۋ مەن كومىرتەگىن تومەندەتۋدىڭ سايكەستى اسەرىن جۇزەگە اسىرۋ كەرەك. مەملەكەت جەرىن كەڭ كولەمدە جاسىلداندىرۋ ارەكەتىن ورىستەتىپ، ەكولوگيالىق جۇيەنىڭ كومىرتەگىن جيۋ قۋاتىن جوعارىلاتۋ كەرەك.

  ءماجىلىس مىنالاردى اتاپ كورسەتتى: بىرنەشە ۇرپاق ادامداردىڭ باستان - اياق تاباندى بولۋىنىڭ، ءۇرتىس كۇرەس جۇرگىزۋىنىڭ ارقاسىندا ەلىمىز جاپپاي دوڭگەلەك داۋلەتتى قوعام ورناتۋعا تاياپ قالدى. بۇل جاڭا تۇرمىستىڭ، جاڭا كۇرەستىڭ باستاماسى، ۇزدىكسىز قاجىرلىلىقپەن كۇرەس جۇرگىزۋ كەرەك. كەدەيلىكتەن ارىلتۋدان قامال الۋ تابىستارىن بەكەمدەپ، كەڭەيتىپ، كولەمدى قايتالاي كەدەيلەسۋ جايتىنىڭ تۋىلۋىنان باتىل ساقتانۋ كەرەك. اۋىل - قىستاقتى گۇلدەندىرۋمەن ءونىمدى ۇشتاستىرۋدى ويداعىداي ىستەپ، كومەكتەسۋ - سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، تۇرگە ايىرىپ رەتتەپ، ساپالىلاندىرىپ، ساياساتتىق وتپەلى كەزەڭدى تولىق ازىرلەۋ كەرەك.

  ءماجىلىس مىنالاردى باسا دارىپتەدى: ەكونوميكالىق اينالىمنىڭ ۇيلەسىمدى ارالىقتى ساقتاۋىن جەبەپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، ماكرولىق رەتتەۋ - تىزگىندەۋدىڭ ريتىمى مەن تەبىنىن ۇيلەسىمدى يگەرىپ، ماكرولىق ساياساتتاردى دالمە - ءدال ءونىمدى اتقارۋ كەرەك. بازاردىڭ نەگىزگى تۇلعالىق ومىرشەڭدىك كۇشىن ءۇرتىس قاۋلاتىپ، سالىقتى ازايتۋ، اقىنى تومەندەتۋ ساياساتىن كەمەلدەندىرىپ، جالپىعا ءتيىمدى فينانستىق قىزمەت وتەۋدى كۇشەيتىپ، رەفورمانى، جاڭالىق اشۋدى اناعۇرلىم زور تەبىنمەن ىلگەرىلەتىپ، بازار نەگىزگى تۇلعاسىنىڭ، اسىرەسە، ورتا، شاعىن، ۇساق كاسىپورىنداردىڭ جانە جەكە ساۋدا - ونەركاسىپشىلەردىڭ ومىرشەڭدىك كۇشىن ارتتىرۋىنا مۇمكىندىك جاساۋ كەرەك. جاڭالىق اشۋعا سۇيەنىپ ناقتى ەكونوميكانىڭ دامۋ دەڭگەيىن جوعارىلاتىپ، جاساۋ كاسىبىنىڭ جوعارى ساپالى دامۋىن جەبەۋ كەرەك. ەل ءىشى بازارىنىڭ كومەسكى كۇشىن جان - جاقتى اشىپ، حالىق تۇرمىسىن جاقسارتۋدى باعدار ەتىپ تۇتىنۋدى كەڭەيتىپ جانە ءونىمدى قارجى قوسىپ، قوعامدىق كاپيتالدىڭ ات سالىسۋىنا قولداۋ كورسەتەتىن مەحانيزمدەردى جانە ساياساتتاردى كەمەلدەندىرىپ، حالىق تۇرمىسى نەگىزدىك قۇرىلعىلارىنداعى ولقىلىقتاردى تولىقتاۋعا اناعۇرلىم باسا ءمان بەرىپ، جاڭاشا قالا - قالاشىقتاندىرۋدى جانە وڭىرلىك سايكەستى دامۋدى ىلگەرىلەتۋ كەرەك. اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، اۋىل شارۋاشىلىق ءوندىرىسىن ويداعىداي يگەرىپ، اۋىل - قىستاق رەفورماسى مەن اۋىل - قىستاق قۇرىلىسىن ىلگەرىلەتۋ كەرەك. ءتۇيىندى سالالار جانە شەشۋشى بۋىندار رەفورماسىن تەرەڭدەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ىلگەرىلەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرۋ كەرەك. لاستانۋدان ساقتانۋدى جانە ونى جونگە سالۋدى كۇشەيتىپ، ەكولوگيالىق ورتا ساپاسىن ۇزدىكسىز جاقسارتۋ كەرەك. نەگىزگى حالىق تۇرمىسىن قامتاماسىز ەتۋ قىزمەتىن ويداعىداي ىستەپ، ءتۇيىندى شوعىرلاردى كوپ ارنامەن جۇمىستاندىرۋدى جەبەپ، حالىق تۇرمىسىن ءۇرتىس جاقسارتۋ كەرەك.

  ءماجىلىس مىنالاردى اتاپ كورسەتتى: جاڭا دامۋ كەزەڭىنە ۇيلەسۋدە، جاڭا دامۋ ۇستانىمىن دايەكتىلەندىرۋدە، جاڭا دامۋ ارناسىن قالىپتاستىرۋدا، ءسوز جوق، پارتيانىڭ جالپى بەتتىك باسشىلىعىن كۇشەيتىپ، ساياسي كوز ايامەن ەكونوميكالىق، قوعامدىق ماسەلەلەردى بايقاۋعا جانە تالداۋ جاساۋعا شەبەر بولىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ەكونوميكالىق قىزمەتتىڭ ءتۇرلى جاقتارىندا دايەكتىلەندىرۋ كەرەك. قۋزاۋ - تەكسەرۋ، قۋزاۋ - جەتەكشىلىك ەتۋ سياقتى قىزمەتتەردى جۇيەلى جۇرگىزىپ، ناقتى ونىمدىلىككە ۇمتىلۋ كەرەك. ءار دارەجەلى باسشى كادرلار ماماندانۋ قابىلەتىن جوعارىلاتىپ، جاڭا دامۋ ارناسىن قالىپتاستىرۋعا باسشىلىق ەتەتىن كاسىپتىك مايتالمانعا اينالۋعا قۇلشىنۋ كەرەك. ساباق تولىقتاپ، قابىلەتتى نىعايتۋدىڭ كوكەي تەستىلىك سەزىمىن كۇشەيتىپ، ءداۋىر اعىمىنا سانالى تۇردە تەڭەلۋ كەرەك. دامۋ مەن حاۋىپسىزدىك سىندى ەكى ۇلكەن ءىستى ويداعىداي يگەرىپ، ءتۇرلى ەكونوميكالىق، قوعامدىق حاۋىپ - قاتەرلەردەن ءونىمدى ساقتانىپ جانە ونى جويىپ، ءوندىرىس حاۋىپسىزدىگى مەن اپاتتان ساقتانۋ، اپات زيانىن ازايتۋ قىزمەتىنە وسكەلەڭ ءمان بەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك. قوعامدىق جونگە سالۋدى ءۇرتىس تەرەڭدەتىپ، ءتۇرلى زاڭعا قايشى قىلمىستىق ارەكەتتەرگە قاتاڭ سوققى بەرۋ كەرەك. ىندەتتەن ساقتانۋ - تىزگىندەۋدە ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ قىزمەتىن تيتتەي دە بوساڭسىماي ويداعىداي يگەرىپ، قاتاڭ ساقتانىپ، كولەمدى كىرۋ مەن قايتا بەلەڭ بەرۋدىڭ جارىققا شىقپاۋىنا شىنايى كەپىلدىك ەتۋ كەرەك. ”ەكى مەرەكەدە“ بازار قامداۋىن ويداعىداي ورنالاستىرىپ، نەگىزگى حالىق تۇرمىسىنا شىنايى كەپىلدىك ەتىپ، قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋ قىزمەتىن ويداعىداي ىستەۋ كەرەك.

  ءماجىلىس بۇكىل پارتياداعى جولداستاردى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءبىر نيەتپەن سەلبەسىپ، ءورىس اشا ىلگەرىلەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋگە ۇندەدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ قاتىستى باسشى جولداستارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ قاتىستى باسشى جولداستارى جانە ورتالىق اسكەري ىستەر كوميتەتىنىڭ مۇشەلەرى قاتارلىلار ماجىلىسكە قاتىناستى.

  ءارقايسى ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنداعى قاتىستى تاراۋلاردىڭ، قاتىستى حالىقتىق ۇيىمداردىڭ، ورتالىق باسقاراتىن ءىشىنارا فينانس قۇرىلىمدارىنىڭ جانە كاسىپورىنداردىڭ، ورتالىق اسكەري ىستەر كوميتەتى ورگانىنداعى ءارقايسى تاراۋلاردىڭ نەگىزگى جاۋاپتى جولداستارى قاتارلىلار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.