تيانشان تورى   ›   بىلگەنگە مارجان   ›   وتباسى جانە تۇرمىس

مامان ياڭ چيڭ: جۇرەك قان تامىرى اۋرۋىنا شالدىققاندار تۇتقيىل قايتىس بولۋدىڭ الدىن الۋدا ٴۇش ٴتۇيىندى ورىنداۋى ٴتيىس

ٴتۇن بويى ۇيىقتاماۋ دەنساۋلىقتى بۇزادى

مامان ياڭ چيڭ: جۇرەك قان تامىرى اۋرۋىنا شالدىققاندار تۇتقيىل قايتىس بولۋدىڭ الدىن الۋدا ٴۇش ٴتۇيىندى ورىنداۋى ٴتيىس

   ٴتۇن بويى ۇيىقتاماۋ بيوريتمدى بۇزىپ، ادام دەنەسىندەگى گورموننىڭ، دەنەدەگى ميكرو ورتانىڭ وزگەرىسىن تۋدىرىپ، ادام دەنەسىنە تۋدىراتىن زيانى كوپ جاقتىلى بولادى. تاياۋدا حالىق تورابى تيانجين مەديتسينا داشۋەسى جۇرەك ىشكى اۋرۋلار ٴبولىمىنىڭ مەڭگەرۋشىسى ياڭ چيڭدى ۇسىنىس ەتىپ، كەسكىن تىكە تاراتىمى ارقىلى كوپشىلىككە ۇزاق ۋاقىت ٴتۇن بويى ۇستەمە جۇمىس ىستەۋدىڭ زيانى، دەنساۋلىقتى ۋاعىندا شيپاگەرگە كورسەتۋدەگى ”قۇتقارۋ سيگنالى“ جانە جۇرەك سيپاتىندىق تۇتقيىل قازا بولۋدىڭ الدىن الۋ مەن شۇعىل قۇتقارۋ تاسىلدەرى سياقتى ماسەلەلەردى ٴتۇسىندىردى.

  ياڭ چيڭ مىنانى ٴبىلدىردى: ۇزاق ۋاقىت ٴتۇن بويى ۇستەمە جۇمىس ىستەۋ دەنەنىڭ ىشكى ورتاسى مەن گورمون دارەجەسىنىڭ وزگەرىسىن تۋدىرادى، جۇرەك – قان تامىر نەگىزدىك اۋرۋى بار ناۋقاستارعا ٴتۇن بويى جۇمىس ىستەۋدىڭ زيانى ٴتىپتى دە اۋىر، ٴىشىنارالارىندا قان قىسىم جوعارىلاۋ قۇبىلىسى بايقالىپ، داق جارىلۋ، جۇرەكتىڭ جەدەل ٴتۇيىلۋىن تۋدىرۋى مۇمكىن. سونىمەن بىرگە، ٴتۇن بويى جۇمىس ىستەۋ زات الماستىرۋعا، اسقازان - ىشەك جولىنا، كلەتكا الماسۋعا ىقپال جاساپ عانا قالماستان، ناۋقاستاردىڭ رۋحي كوڭىل كۇيىنە دە ىقپال جاساپ، ۇيقىسىزدىق، قوبالجۋ، رۋحي جاقتان شارشاۋ ىقتيمالدىعىن زور مولشەردە ارتتىرىپ، ٴتۇن بويى كىرپىك قاقپاۋدىڭ قاتەرلى اينالىمىنا وڭاي قادام تاستايدى.

  دەنەدەگى قايسى ”سيگنالداردى“ دەر كەزىندە شيپاگەرگە كورسەتۋ كەرەك؟ ياڭ چيڭ مىناداي 4 تۇيىنگە توقتالدى: ٴبىرىنشى، ٴتۇن بويى ۇيىقتاماۋدان باس اينالۋ، باس اۋرۋ بايقالسا، قان قىسىمعا ۋاعىندا كوڭىل ٴبولىپ، قان قىسىم 140/90نان اسسا ايىرىقشا ٴمان بەرۋ، تاماشا كۇندەلىكتى تۇرمىس ادەتىن قالىپتاستىرۋ كەرەك، ويتكەنى، قان قىسىمنىڭ ۇلكەن ميدى، جۇرەكتى جانە بۇيرەكتى زاقىمدايتىنى ٴسوزسىز؛

  ەكىنشى، جوعارى قان قىسىم نەگىزى بار ناۋقاستار ٴتۇن بويى جۇمىس ىستەگەننەن كەيىن باس اينالۋ، باس اۋرۋ، جۇرەگى اينۋ سياقتى جايسىزدانۋ بەلگىلەرى بايقالسا، الدىمەن ٴتۇن بويى كىرپىك ىلمەۋ تۋدىراتىن قان قىسىمنىڭ جوعارىلاۋىنا نازار اۋدارۋ ٴارى ۋاعىندا ەمدەلىپ، جۇيەلى ٴدارى ٴىشۋ كەرەك؛ ٴۇشىنشى، دەمى قىسىلۋ، كەۋدەسى اۋرۋ نەمەسە جۇرەكتىڭ الدى سىعۋ سيپاتتى اۋىرۋمەن قوسا كوكىرەكتىڭ قىسۋ سەزىمى 15 - 20 مينۋتتان اسىپ، بۇرىنعىداي تاۋىرلەنبەسە، جۇرەك بۇلشىق ەتى تۇيىلگەن بولۋى مۇمكىن، ايىرىقشا اباي بولۋ كەرەك؛ ٴتورتىنشى، ٴتۇن بويى جۇمىس ىستەگەننەن كەيىن كورگەن زاتتار شىر اينالۋ، قوس كورىنۋ، ٴسوزى انىق بولماۋ، قول – اياقتىڭ قيمىلى نەمەسە سەزىمنىڭ توسىلۋى بايقالسا، دەنە مي قان تامىرلارىندا ماسەلە شىققانىن اڭعارتقان بولۋى مۇمكىن، دەر كەزىندە شيپاگەرگە كورىنۋ كەرەك.

  جۇرەك اۋرۋى تۋدىراتىن تۇتقيىل قايتىس بولۋدىڭ ەكى ۇلكەن باستى سەبەبى — جۇرەك ريتىمىنىڭ قالىپسىزدىعى مەن جۇرەك بۇلشىق ەتىنىڭ ٴتۇيىلۋى. جۇرەك ريتىمىنىڭ قالىپسىزدىعى ٴتۇن بويى جۇمىس ىستەۋمەن تىعىز بايلانىستى، ەگەر ٴتۇن بويى جۇمىس ىستەۋ بارىسىندا جۇرەك قىسىلىپ قورقۋ احۋالى كورىلسە، توتەنشە قىراعى بولىپ، شيپاحاناعا بارىپ، ەڭ نەگىزدىك ەلەكتركارديوگراممادا نەمەسە ديناميكالىق ەلەكتركارديوگراممادا تەكسەرتىپ، جۇرەك ريتىمىنىڭ بۇزىلۋىن ەسكەرتكەن - ەسكەرتپەگەنىن باقىلاۋدى ۇسىنىس ەتەمىن. ەكىنشىدەن، تۇتقيىل قايتىس بولۋدى تۋدىراتىن باستى سەبەپ – جۇرەك بۇلشىق ەتىنىڭ ٴتۇيىلۋى بولىپ، جۇرەككە قان جەتكىزەتىن قان تامىرلار كەنەت توسىلىپ، جۇرەككە جەدەل قان جەتىسپەۋدى تۋدىرادى. تومەن قان قىسىمدىق ەستەن تانۋ، جۇرەك السىرەۋ جانە قاتەرلى جۇرەك ريتىمىنىڭ بۇزىلۋى سىندى وسى بىرنەشە ۇلكەن سەبەپتىڭ تۇيىقسىز قايتىس بولۋمەن بايلانىسى توتەنشە تىعىز بولادى.

  ياڭ چيڭ مىنانى ٴبىلدىردى: جۇرەك بۇلشىق ەتىنىڭ ٴتۇيىلۋىن تۋدىراتىن ٴبىرىنشى فاكتور – شەكتەن تىس شارشاۋ؛ ەكىنشى فاكتور – شەكتەن تىس تەمەكى شەگۋدەن قان تامىر ٴتۇيىلىپ، داق جارىلۋ. بۇدان سىرت، رۋحي باسىم زورايۋ، جوعارى قان قىسىم، قانداعى قانت قۇرامى، قانداعى ماي قۇرامىن جاقسى تىزگىندەمەۋ، ۇزاق ۋاقىت وتىرۋ سياقتى فاكتورلار دا بار.

  تۇيىقسىز قايتىس بولاتىن ادامدار توبىنىڭ ىشىندە 60% ادامنىڭ اۋرۋى سىرتتا قوزعالادى، سوندىقتان تۇيىقسىز قايتىس بولاتىن ادامدار توبىن قالاي قۇتقارۋدىڭ ماڭىزدىلىعى ايتپاساق تا تۇسىنىكتى. ياڭ چيڭ بىلاي دەدى: بىرىنشىدەن، مەديتسينا قىزمەتكەرلەرى جۇرەك - وكپەنى ٴتىرىلتۋ تەحنيكاسىن جالپىلاستىرىپ جانە قالىڭ قاۋىمدى تاربيەلەپ، اقپارات قۇرالدارى وزىندىك باسىمدىلىعىن ساۋلەلەندىرىپ، الەۋمەتكە جالپىلاستىرۋ كەرەك. ەكىنشىدەن، الۋەمەتتىك ورىندارداعى ٴدىرىل توقتاتۋ اسپابىنان تۋرا پايدالانىپ، جۇرەك - وكپەنى ٴتىرىلتۋ تەحنيكاسىن ۇيرەنۋ جانە تۋرا اتقارۋ كەرەك. ۇشىنشىدەن، ەكى 120نى يگەرىپ، قۇتقارۋدىڭ ۇتىمدى ۋاقىتى 120 مينۋتتى دالمە - ٴدال ٴتۇسىنىپ، دەركەزىندە 120عا تەلەفون سوعۋ كەرەك.

  جۇرەك - قان تامىر اۋرۋلارى ناۋقاستارى تۇتقيىل قايتىس بولۋدىڭ تۋىلۋىنان قالاي ساقتانۋ جونىندە ياڭ چيڭ بىلاي دەدى: مىنا بىرنەشە تۇيىنگە باسا نازار اۋدارۋ كەرەك: ٴبىرىنشى، تاياۋدا تۋىلعان جۇرەك شانشۋىنە دەر كەزىندە نازار اۋدارۋ كەرەك. ويتكەنى جۇرەك بۇلشىق ەتىنىڭ ٴتۇيىلۋىنىڭ تۋىلۋى نەمەسە تۇتقيىل قايتىس بولۋدى تۋدىرۋى مۇمكىن؛ ەكىنشى، جۇرەك شانشۋى تۇرىندەگى وزگەرىس پەن دارەجەنىڭ اسقىنۋىنىڭ ٴورشۋى، مىسالى، جۇرەك شانشۋى ۋاقىتىنىڭ ۇزارۋى، شانشۋ دارەجەسىنىڭ اسقىنۋى جانە باسەڭدەۋ ٴتاسىلىنىڭ وزگەرىسى، تۋدىراتىن فاكتورلاردىڭ وزگەرىسى سياقتىلارعا ايىرىقشا ٴمان بەرۋ كەرەك. ٴۇشىنشى، جۇرەك ريتىمىنىڭ بۇزىلۋى بار نەگىزدىك ناۋقاستاردا جۇرەك شانشۋىمەن قوسا ەستەن ايىرىلۋ نەمەسە قان قىسىم وزگەرىسى قوسا بايقالسا، دەر كەزىندە شيپاحاناعا بارىپ ەمدەلۋ كەرەك.

  اۋدارعان: قادىر ماقان 

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى