ماماندار مىنانى ەسكەرتەدى:
شيكى ازىقتىق ساتىپ العاندا قولعاپ كيۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 12 - ايدىڭ 17 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا تۇرعىندار اۋىل شارۋاشىلىق ونىمدەرى ساۋدا بازارىنا بارىپ زات ساتىپ العاندا جەكەلىك قورعانۋ قايتكەندە جاقسى ىستەۋىنە بولادى جۋىقتا ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنداعى ماماندار مىنانى ەسكەرتتى: سىرتقا شىعىپ زات ساتىپ العاندا مۇمكىندىكتىڭ بارىنشا قاۋىرت مەزگىلدەن اۋلاق بولۋى، شيكى ازىق - تۇلىك، اسىرەسە، توڭازىتىلعان، مۇزداتىلعان ازىق - تۇلىك ساتىپ العاندا، مۇمكىندىكتىڭ بارىنشا قولعاپ كيۋ نەمەسە قولعا سۋلياۋ دوربا كيىپ الىپ ۇستاۋ كەرەك.
ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعى زارارسىزداندىرۋ جانە ىندەتتىڭ وربۋىنەن بيولوگيالىق جولمەن ساقتانۋ ءبولىمىنىڭ باستىعى چىن مين بىلاي دەپ تانىستىردى: قالا تۇرعىندارى اۋىل شارۋاشىلىق ونىمدەرى بازارىنا بارىپ زات ساتىپ الۋدان بۇرىن زات ساتىپ الۋ جوسپارىن جاقسى جاساۋى، سىرتقا شىعىپ زات ساتىپ العاندا، مۇمكىندىكتىڭ بارىنشا قاۋىرت مەزگىلدەن اۋلاق بولۋى ءتيىس. بازاردىڭ سالاماتتىققا قاتىستى باسقارۋ شارالارىنا سانالى تۇردە بويسۇنىپ، بازارعا كىرۋدەن بۇرىن بازار قىزمەتكەرلەرىنىڭ تەمپەراتۋرانى ولشەۋ قىزمەتىنە سايكەسۋى كەرەك.
زات ساتىپ الۋ بارىسىندا قالا تۇرعىندارى باستان - اياق ماسكى تاعىپ ءجۇرۋى، جوتەلگەن، تۇشكىرگەن كەزدە شىنتاعىمەن نەمەسە قاعاز ورامالمەن اۋىزدى دالدالاۋى كەرەك. بەتالدى تۇكىرمەۋى، قاقىرىپ، سىڭبىرگەن جاعدايدا قاعازعا وراپ قوقىر - قوقسىق ساندىعىنا تاستاۋ كەرەك. بازاردان ازىق - تۇلىك ساتىپ العاندا جاس كۇيىندەگى، تازا ازىق - تۇلىكتەردى ساتىپ الۋى؛ شيكى ازىق - تۇلىكتەردى، اسىرەسە، توڭازىتىلعان، مۇزداتىلعان ازىق - تۇلىكتەردى ساتىپ العاندا مۇمكىندىكتىڭ بارىنشا قولعاپ كيىپ الۋ نەمەسە قولعا سۋلياۋ دوربا كيىپ الىپ ۇستاۋ؛ شيكى ازىق - تۇلىك پەن پىسقان ازىق - تۇلىكتى بولەك قويۋ كەرەك. زات تاڭداعاندا نەمەسە ەسەپ جابۋ ءۇشىن قاتارعا تۇرعاندا، وزگەلەرمەن ءبىر مەتر ارالىق ساقتاۋعا كوڭىل ءبولۋ كەرەك. اقشا تولەگەندە مۇمكىندىكتىڭ بارىنشا ەلەكتروندى تولەۋ سياقتى تىكەلەي جاناسپايتىن تولەۋ تاسىلدەرىنەن پايدالانۋ كەرەك.
چىن مين مىنانى ەسكەرتتى: زات ساتىپ الىپ ۇيگە جەتكەننەن كەيىن، ەڭ الدىمەن قول جۋۋدىڭ 7 ءتۇرلى ءادىسى بويىنشا قولدى تازالاپ جۋۋ كەرەك. سونىمەن قاتار، كوپشىلىك ازىق - تۇلىكتەردى ءبىر جاقتى ەتكەندە مىنالاردى دا ەسكەرگەنى ءجون: ساقتاۋعا قولايسىز جەمىس - جيدەك، كوكونىس جانە جاس ونىمدەردى كوپ مولشەردە ساتىپ الماۋ ءارى ساقتاپ قويىپ تۇتىنباۋ كەرەك، قاجەتكە قاراي جەيتىن كەزدە ساتىپ الىپ، ازىقتىق ماتەريالدارىنىڭ جاس ءارى ءنارلى بولۋىنا شىنايى كەپىلدىك ەتۋ كەرەك. مۇزداتىلعان، توڭازىتىلعان ازىقتىق ماتەريالدارىن سۋعا شىلاپ قويىپ تازالاپ جۋۋ، سۋدىڭ شاشىراۋىنان ساقتانۋ قاجەت. ازىقتىق ماتەريالداردى، اسىرەسە، ەت، جۇمىرتقا جانە تەڭىز ونىمدەرى سياقتىلاردى تۇتىنۋدان ىلگەرى تولىق پىسىرۋ كەرەك. جەمىس - جيدەك، كوكونىس، ەت، سۋ ونىمدەرى سياقتى ازىقتىق ماتەريالدارىن جۋىپ تازالاعاننان كەيىن، قولدى، ىستەتكەن پىشاق، تاقتاي سياقتىلاردى دەر كەزىندە سۋدى اعىزىپ تۇرىپ تازالاپ جۋۋ قاجەت.
