شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى (تىلشىلەر پىڭ يۇنجيا، مۋ تيەچىڭ). 12 - ايدىڭ 21 - كۇنى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ تانىستىرىپ بىلاي دەدى: تاياۋدان بەرى ەلىمىز ءبىر ءبولىم يمپورت سۋىق تىزبەگى، شەكارا وتكەلى تەكسەرۋ - كارانتيندەۋ، شيكى، جاس ازىق - تۇلىك بازارى، قاتىناس - تاسىمال، ەمدەۋ، اۋرۋدان ساقتانۋ - تىزگىندەۋ سياقتى قىزمەتتەرمەن شۇعىلداناتىن ءتۇيىندى ادامدار شوعىرىنا جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەگۋ قىزمەتىن باستادى.
دۇنيە جۇزىلىك دەنساۋلىق ساقتاۋ ۇيىمىنىڭ 12 - ايدىڭ 2 - كۇنىنە دەيىنگى ساناعىنا قاراعاندا، كەزەكتە ەلىمىزدە جيىنى 15 ءتۇرلى ۆاكسينا كلينيكادا سىناق ەتىلە باستاعان، مۇندا 5 ءتۇرلى ۆاكسينا Ⅲ مەرزىمدىك كلينيكالىق سىناققا ءوتىپ، كلينيكالىق سىناققا وتكەن ۆاكسينالار ەلىمىز ورنالاستىرعان بارلىق تەحنيكالىق باعىتتاردى قامتىدى.
مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى عىلمي زەرتتەۋدەن قامال الۋ گرۋپپاسى ۆاكسينا زەرتتەۋ، جاساۋ ارناۋلى القاسى قىزمەت گرۋپپاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتى ءدارى - دارمەك، دەنساۋلىق ساقتاۋ عىلىم - تەحنيكاسىن دامىتۋ، زەرتتەۋ ورتالىعىنىڭ مەڭگەرۋشىسى جىڭ جۇڭۋي بىلاي دەدى: ”بۇكىل جەر شارىندا Ⅲ مەرزىمدىك كلينيكالىق سىناققا وتكەن ۆاكسينا بىزدە ەڭ كوپ، ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن زەرتتەۋ، اشۋى بۇكىل الەم بويىنشا ءبىرىنشى توپتىڭ ىشىندە تۇر“.
”ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى جونىنەن ورىستەتكەنⅠمەرزىمدىك،Ⅱمەرزىمدىك، Ⅲ مەرزىمدىك كلينيكالىق سىناعىنا، سونداي - اق ەلىمىزدىڭ قازىر ورىستەتىپ جاتقان ءبىر ميلليون رەت ۆاكسينانى شۇعىل ەگۋىنە نەگىزدەلگەندە، ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى توتەنشە حاۋىپسىز بولعان“. جىڭ جۇڭۋي بولماشى كەرى اسەرى بولعانىمەن، الايدا اۋىر كەرى اسەر تۋىلماعاندىعىن ءبىلدىردى.
