تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى وتكىزىلدى

اۆتونوميالى رايوندىق ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى وتكىزىلدى

چىن چۋانگو قاتىناستى ءارى ءسوز سويلەدى

شوكىرات زاكىر باسقاردى، شاۋكەت يمىن، نۇرلان ءابىلماجىن قاتىناستى، لي پىڭشين ماداقتاۋ - سيلاۋ قارارىن وقىدى

  12 - ايدىڭ 21 - كۇنى اۆتونوميالى رايوندىق ەڭبەك ەرلەرى مەن وزات قىزمەتكەرلەردى ماداقتاۋ - سيلاۋ جينالىسى ۇرىمجىدە وتكىزىلدى. سۋرەتتە: اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلىلار ماداقتالىپ - سيلانعان اۆتونوميالى رايوندىق ەڭبەك ەرلەرى مەن وزات قىزمەتكەرلەردىڭ ۋاكىلدەرىنە داڭق كۋالىگىن بەردى.

 □سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ تۇڭ 12 - ايدىڭ 21 - كۇنى ۇرىمجىدەن حابارلايدى. 12 - ايدىڭ 21 - كۇنى تۇستەن بۇرىن اۆتونوميالى رايوندىق ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى وتكىزىلدى. اۆتونوميالى رايوندىق پارتكومنىڭ شۋجيى چىن چۋانگو جينالىسقا قاتىناستى ءارى ءسوز سويلەدى، اۆتونوميالى رايوندىق پارتكوم مەن ۇكىمەت اتىنان ماداقتالىپ - سيلانعان ەڭبەك ەرلەرىن جانە وزات قىزمەتكەرلەردى قىزۋ قۇتتىقتادى، شينجياڭنىڭ ورنىقتىلىق، دامۋ ىستەرى ءۇشىن كورنەكتى ۇلەس قوسقان بۇكىل رايونداعى جۇمىسشى تابى مەن ءار ۇلت ەڭبەكشى بۇقاراسىنان شىنايى حال سۇرادى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جينالىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، لي پىڭشين جينالىسقا قاتىناستى.

  ساعات 11دە جينالىس باستالدى، بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. اۆتونوميالى رايوندىق پارتكومنىڭ ورىنباسار شۋجيى لي پىڭشين «اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ اۆتونوميالى رايوندىق ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جونىندەگى قارارىن» وقىدى. چىن چۋانگو، شوكىرات زاكىر قاتارلىلار ماداقتالىپ - سيلانعان اۆتونوميالى رايوندىق ەڭبەك ەرلەرى جانە وزات قىزمەتكەرلەر ۋاكىلدەرىنە داڭق كۋالىگىن بەردى.

  جۇڭگو مۇناي شينجياڭ مۇناي الابى بولىمشە سەرىكتەستىگى مۇناي الۋ 2 - زاۆودى 5 - مۇناي الۋ جۇمىس اۋماعى چىن چيلياڭ بانىنىڭ بانجاڭى چىن چيلياڭ اۆتونوميالى رايوندىق ەڭبەك ەرلەرى جانە وزات قىزمەتكەرلەر اتىنان ۇندەۋ حاتىن وقىپ، بۇكىل رايونداعى جۇمىسشى تابى مەن ءار ۇلت ەڭبەكشى بۇقاراسىنا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، امالياتتا ايگىلەۋدىڭ باستاماشىسى، قوعام ورنىقتىلىعىن ساقتاۋدىڭ قورعاۋشىسى، ۇلتتار ىنتىماعىن جەبەۋدىڭ ۇلگىسى، جوعارى ساپالى دامۋدى ىلگەرىلەتۋدىڭ كۇرەسكەرى بولۋعا ۇندەدى.

  چىن چۋانگو سوزىندە بىلاي دەپ اتاپ كورسەتتى: باس شۋجي شي جينپيڭنىڭ مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسىندا سويلەگەن ماڭىزدى ءسوزى بۇكىل پارتيانى، بۇكىل ەلدەگى ءار ۇلت حالقىن شابىتتاندىرىپ جانە جىگەرلەندىرىپ، ەڭبەك ەرى رۋحىن زور كۇشپەن اسقاقتاتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جاساۋ جونىنەن ايرىقشا ماڭىزدى مانگە يە. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باتىلدىقپەن يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، ەڭبەك ەرى مەن وزات قىزمەتكەرلەردىڭ جىگەرلەندىرۋ، جەتەكتەۋ رولىن ويداعىداي ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ قۋاتتى كۇشىن ۇيىستىرۋ كەرەك.

  چىن چۋانگو بىلاي دەپ اتاپ كورسەتتى: قالىڭ ەڭبەك ەرلەرى مەن وزات قىزمەتكەرلەر اقىل - پاراساتتارى مەن ماڭداي تەرلەرى ارقىلى ەڭبەك داڭقتى، ءبىلىم ارداقتى، دارىندىلار باعالى، جاسامپازدىق ۇلى دەيتىن قوعامدىق سالتتى جەتەكتەپ، ”جۇڭگو ارمانى. ەڭبەك قاستەرلى“ دەگەن جاڭا تاراۋ جازدى، ولار جاڭا داۋىردەگى ەڭ سۇيىكتى ادامدار، جاڭا داۋىردەگى ەڭ ارداقتى كۇرەسكەرلەر. ماداقتالىپ - سيلانعان ەڭبەك ەرلەرى مەن وزات قىزمەتكەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاۋىن، باستاماشىلدىقپەن ۇيرەنۋدى كۇشەيتىپ، ”ەكىنى قورعاۋدى“ امالياتتا ايگىلەيتىن كۇرەسكەرلەردەن بولۋعا تالپىنۋىن، باستاماشىلدىقپەن رەفورما جاساپ، جاڭالىق اشىپ، جوعارى ساپالى دامۋدى ىلگەرىلەتەتىن كۇرەسكەرلەردەن بولۋعا تالپىنۋىن، باستاماشىلدىقپەن حالىق تۇرمىسىن جاقسارتىپ، ءار ۇلت حالقىنىڭ ىرىس - قۇتىن ارتتىراتىن كۇرەسكەرلەردەن بولۋعا تالپىنۋىن، باستاماشىلدىقپەن ۇلتتار ىنتىماعىن بەكەمدەپ، ۇلتتاردىڭ ارالاسۋىن، ىشتەسۋىن، توعىسۋىن جەبەيتىن كۇرەسكەرلەردەن بولۋعا تالپىنۋىن، باستاماشىلدىقپەن قوعام ورنىقتىلىعىن قورعاپ، تىنىش شينجياڭ قۇراتىن كۇرەسكەرلەردەن بولۋعا تالپىنۋىن، باستاماشىلدىقپەن وزىق رۋحتى اسقاقتاتىپ، وسى زامانعى وركەنيەت قۇراتىن كۇرەسكەرلەردەن بولۋعا تالپىنۋىن ءۇمىت ەتەمىن.

  چىن چۋانگو بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، رايونىمىزداعى جۇمىسشى تابى مەن ءار ۇلت ەڭبەكشى بۇقاراسىنىڭ نەگىزگى قوسىندىق رولىن اناعۇرلىم ويداعىداي ساۋلەلەندىرىپ، جاڭا داۋىردەگى شينجياڭ قىزمەتىنىڭ جاڭا جاعدايىن قايراتتانا اشۋ كەرەك. جوعارى ساپالى ەڭبەكشىلەر قوسىنىن جەتىلدىرۋگە قۇلشىنىپ، مۇرات - سەنىم تاربيەسىن ىشكەرىلەي ورىستەتىپ، شەبەرلىك دارىندىلارىن باۋلۋدى كۇشەيتىپ، وسى زامانعى كاسىپتىك وقۋ - اعارتۋدى كەمەلدەندىرىپ، جۇمىسشى - قىزمەتكەرلەر قوسىنىنىڭ يدەيا - ءمورال ساپاسى مەن عىلىم - مادەنيەت ساپاسىن ۇزدىكسىز جوعارىلاتۋ كەرەك. ءار ۇلت ەڭبەكشى بۇقاراسىنىڭ زاڭدى ۇقىق - مۇددەسىن شىن مانىندە قورعاپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىمەن ويلاستىرۋ ستراتەگياسىنا تاباندى بولىپ، قيىنشىلىعى بار بۇقاراعا كومەكتەسۋ - سۇيەمەلدەۋ قىزمەت مەحانيزمىن ورناتىپ، اقاۋسىزداندىرىپ، پارتيا مەن ۇكىمەت ورىندارى جەتەكشى بولاتىن ۇقىق قورعاۋعا قىزمەت وتەۋ مەحانيزمىن اقاۋسىزداندىرىپ، جۇمىسشى تابى مەن ءار ۇلت ەڭبەكشى بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك. ەڭبەكتى ارداقتايتىن تاماشا رايدى زور كۇشپەن قالىپتاستىرىپ، ەڭبەك ەرلەرىنە قۇرمەت ەتىپ، ەڭبەك ەرلەرىنە قامقورلىق جاساپ، ەڭبەك تاربيەسىن كۇشەيتىپ، ەڭبەك ەرى رۋحىن اسقاقتاتىپ، ەڭبەكتى ارداقتاپ، جاقسىدان ونەگە الىپ، ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ قاستەرلى دەيتىندى سالتقا اينالدىرۋ كەرەك. ءار دارەجەلى جۇمىسشى ۇيىمدارىنىڭ ماڭىزدى رولىن تولىق ساۋلەلەندىرىپ، شىنايىلىقپەن قىزمەت وتەپ، جۇمىسشى - قىزمەتكەر بۇقارانى كەڭ كولەمدى ۇيىستىرىپ، ءوز قۇرىلىسىن كۇشەيتىپ، قابىلەت دەڭگەيىن جوعارىلاتىپ، شىن مانىندە قالىڭ جۇمىسشى - قىزمەتكەر بۇقارانى پارتيا مەن ۇكىمەتتىڭ توڭىرەگىنە ىنتىماقتاستىرۋ كەرەك. پارتيانىڭ جۇمىسشى ۇيىمى قىزمەتىنە باسشىلىعىن ۇزدىكسىز كۇشەيتىپ، بار ىنتا - پەيىلمەن جۇمىسشى تابىنا سۇيەنۋ باعىتىن مۇقيات دايەكتىلەندىرىپ، قولداۋ، قامتاماسىز ەتۋ تەبىنىن ارتتىرىپ، جۇمىسشى ۇيىمىنىڭ قىزمەت مىندەتىن اتقارۋى، رولىن ساۋلەلەندىرۋى ءۇشىن ءتيىمدى شارت - جاعداي ازىرلەۋ كەرەك.

  شوكىرات زاكىر بىلاي دەپ اتاپ كورسەتتى: جەر - جەر، تاراۋلار جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، رايونىمىزداعى جۇمىسشى تابى مەن ءار ۇلت ەڭبەكشى بۇقاراسىنىڭ بەلسەندىلىگىن، ىرىقتىلىعىن جانە جاسامپازدىعىن تولىق قاۋلاتىپ جانە وعان جۇمىلدىرىپ، تۇتاس قوعامدا ەڭبەك ەرى رۋحىن، ەڭبەك رۋحىن، ۇستا رۋحىن اسقاقتاتىپ، ەڭبەككە قۇرمەت ەتەتىن، بىلىمگە قۇرمەت ەتەتىن، دارىندىلارعا قۇرمەت ەتەتىن، جاسامپازدىققا قۇرمەت ەتەتىن قوعامدىق رايدى كۇش سالا قالىپتاستىرىپ، بىلىمدىك، شەبەرلىك، جاسامپازدىق دارىندىلارىنىڭ ەكونوميكالىق، قوعامدىق دامۋ بارىسىنداعى ماڭىزدى رولىن تولىق ساۋلەلەندىرىپ، شينجياڭ قىزمەتىنىڭ جاڭا جاعدايىن قايراتتانا اشىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  جينالىس تەلەۆيزور - تەلەفون ءماجىلىسى فورماسىندا اشىلدى. شۇي حايرۇڭ، لي يفي، سارقىت اقان، ياڭ شين، جاڭ چۇنلين، ۋاڭ ميڭشان، ۋاڭ يۇڭميڭ، جاۋ چيڭ، كۇڭ شيڭلۇڭ، يلحام سابىر قاتارلىلار جينالىسقا قاتىناستى. رايونعا (ورتالىققا) توتە قاراستى قاتىستى تاراۋلارداعى، ايماق، وبلىس، قالالارداعى جانە بيڭتۋان ورگاندارىنداعى، شى - قالالارداعى قاتىستى جاۋاپتى جولداستار، 2020 - جىلعى اۆتونوميالى رايوننىڭ ەڭبەك ەرلەرى مەن وزات قىزمەتكەرلەر قاتارلىلار جينالىسقا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.