تيانشان تورى   ›   ۇيرەنۋ   ›   شولۋ

جوعارى ساپالى دامۋ ارقىلى ”14 - بەسجىلدىقتىڭ“ جاقسى باستاماسىن اشايىق

− ورتالىقتىڭ ەكونوميكالىق قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  كەلەر جىل − ەلىمىزدىڭ وسىزامانداندىرۋ قۇرىلىسى ۇردىسىندە ايرىقشا ماڭىزعا يە ءبىر جىل، ”14 - بەسجىلدىقتىڭ“ باستاماسىن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكونوميكالىق قىزمەتتى جاقسى ىستەۋ كەلەلى ماڭىز الادى. ورتالىقتىڭ ەكونوميكالىق قىزمەت ءماجىلىسى دامۋدىڭ جالپى اۋقىمىن عىلمي يگەرىپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، ”14 - بەسجىلدىقتىڭ“ جاقسى باستاما اشۋىنا شىنايى كەپىلدىك ەتۋدى كوزدەپ، كەلەر جىلعى ەكونوميكالىق قىزمەتتىڭ جالپىلىق تالابى مەن ساياساتتىق بەتالىسىن ايقىنداپ، كەلەر جىلعى ەكونوميكالىق قىزمەتتى جاقسى ىستەۋگە العا باسۋ بەتالىسىن ايقىن كورسەتتى، ماڭىزدى بويسۇنۋ ولشەمىن ازىرلەدى.

  ”14 - بەسجىلدىقتا“ ەلىمىز جاڭا دامۋ كەزەڭىنە وتەدى، بۇل جاڭا اناعۇرلىم زور دامۋدى جۇزەگە اسىرۋدىڭ شەشۋشى مەزگىلى. جاڭا دامۋ كەزەڭى − جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىنا شەرۋ تارتۋ كەزەڭى، بۇل ەلىمىزدىڭ دامۋ ۇدەرىسىندە بەلەستىك مانگە يە. مىنانى، ءسوز جوق، تەرەڭ تانۋىمىز كەرەك: قازىرگى تاڭداعى دۇنيە ءجۇزى 100 جىلدا بولماعان زور وزگەرىستى باستان وتكەرۋدە، ەلىمىز دامۋىنىڭ ىشكى شارت - جاعدايى مەن سىرتقى ورتاسىندا تەرەڭ، كۇردەلى وزگەرىستەر جارىققا شىعۋدا، بۇل ءبىر قىدىرۋ جاڭا ورايلاردى، ءارى ءبىر قىدىرۋ جاڭا سىن - سايىستاردى الا كەلدى. تەك ەكى كەلەلى جاعدايدى ءبىر تۇتاس جوسپارلاپ، وراي تانىمىن، حاۋىپ - قاتەر تانىمىن كۇشەيتىپ، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، عىلمي ورنالاستىرۋ جاساپ، دالمە - ءدال شارا قولدانعاندا عانا، ەكونوميكالىق قىزمەتتىڭ ىرىقتىلىق ۇقىعىن مىقتاپ يگەرىپ، ”14 - بەسجىلدىقتىڭ“ جاقسى باستاماسىن اشۋعا بولادى.

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىقتاعى“ ەكونوميكالىق، قوعامدىق دامۋدا جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ كەرەكتىگىن العا قويدى، بۇل ەلىمىزدىڭ دامۋ كەزەڭىندەگى، دامۋ ورتاسىنداعى، دامۋ شارت - جاعدايىنداعى وزگەرىستەرگە نەگىزدەلە وتىرىپ جاسالعان عىلمي تۇجىرىم. وسى رەتكى ورتالىقتىڭ ەكونوميكالىق قىزمەت ءماجىلىسى باعالى ۋاقىت تەرەزەسىنەن جاقسى پايدالانىپ، كۇشتى شوعىرلاندىرىپ رەفورما جاساۋدى، جاڭالىق اشۋدى ىلگەرىلەتىپ، جوعارى ساپالى دامۋ ارقىلى ”14 - بەسجىلدىقتىڭ“ جاقسى باستاماسىن اشۋ كەرەكتىگىن العا قويدى. كەلەر جىلعى ەكونوميكالىق قىزمەتتى جاقسى ىستەۋدە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى نىسانا ەتىپ، جۇيە كوزقاراسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى اناعۇرلىم جاقسى ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ماكرولىق ساياساتتى عىلمي، دالمە - ءدال اتقارىپ، ەكونوميكالىق اينالىمدى لايىقتى ارالىقتا ساقتاۋعا قۇلشىنىپ، ىشكى سۇرانىستى كەڭەيتۋ ستراتەگياسىنا تاباندى بولىپ، عىلىم - تەحنيكالىق ستراتەگيالىق تىرەكتى كۇشەيتىپ، جوعارى دەڭگەيدە سىرتقا ەسىك اشۋدى كەڭەيتىپ، ”14 - بەسجىلدىقتىڭ“ جاقسى باستاماسىن اشۋعا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك. وڭىرلەر، تاراۋلار قيىندىققا قاسقايا قارسى اتتانۋعا باتىل، قاتەردى ورايعا اينالدىرۋعا شەبەر بولىپ، ورايدى يگەرىپ، سىن - سايىسقا توتەپ بەرىپ، شىنايى يگەرىپ، ناقتى ىستەپ، شوگەلدىلىكپەن ىستەپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىنۋ كەرەك.

  جوعارى ساپالى دامۋ ارقىلى ”14 - بەسجىلدىقتىڭ“ جاقسى باستاماسىن اشۋ بىزدەن كەلەر جىلعى ەكونوميكالىق قىزمەتتىڭ ساياساتتىق بەتالىسىن دالمە - ءدال يگەرۋدى تالاپ ەتەدى. ورتالىقتىڭ ەكونوميكالىق قىزمەت ماجىلىسىندە اتاپ كورسەتىلگەندەي، كەلەر جىلعى ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاپ، بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ەكونوميكانىڭ قالپىنا كەلۋىنە قاجەتتى قولداۋ كورسەتۋ سەرپىنىن ساقتاپ، ساياساتتى مەڭگەرۋدە اناعۇرلىم دالمە - ءدال، ءونىمدى بولۋ، شۇعىل بۇرىلماۋ، ساياساتتىڭ ۋاقىتىن، ولشەمىن، ونىمدىلىگىن ويداعىداي يگەرۋ كەرەك. بەلسەندى قازىنا ساياساتىندا ساپانى جوعارىلاتىپ، ونىمدىلىكتى ارتتىرىپ، ونى نەعۇرلىم باياندى ەتىپ، لايىقتى شىعىس كۇشەمەلىلىگىن ساقتاپ، مەملەكەتتىڭ ەلەۋلى ستراتەگيالىق مىندەتتەرىن قازىنا كۇشىمەن قامتاماسىز ەتۋدى نىعايتىپ، عىلىم - تەحنيكالىق جاڭالىق اشۋدى جەبەۋ، ەكونوميكالىق قۇرىلىمدى رەتتەۋدى جەدەلدەتۋ، كىرىس ءبولىسىن رەتتەۋ جاعىندا ىرىقتىلىقپەن ءىس تىندىرىپ، جەرگىلىكتى ۇكىمەتتەردىڭ كومەسكى قارىز قاتەرىن جويۋ قىزمەتىن ناقتى يگەرۋ، پارتيا، ۇكىمەت ورگاندارى ۇنەمشىلدىك ىستەۋگە تاباندى بولۋ كەرەك. ورنىقتى، اقاۋسىز اقشا ساياساتىن يكەمدى، دالمە - ءدال، ورىندى، لايىقتى جۇرگىزىپ، اقشانىڭ قامداۋ مولشەرى مەن قوعامدىق قارجى قۇراۋ كولەمىنىڭ ارتۋ جىلدامدىعىنىڭ اتاۋلى ەكونوميكالىق ارتۋدىڭ جىلدامدىعىمەن نەگىزىنەن سايكەسۋىن ساقتاپ، ماكرولىق سۇيمەن مولشەرىنىڭ نەگىزىنەن تۇراقتىلىعىن ساقتاپ، ەكونوميكانى قالپىنا كەلتىرۋ مەن حاۋىپ - قاتەردەن ساقتانۋدىڭ قارىم - قاتىناسىن ويداعىداي ءبىر جاقتى ەتىپ، بانكەنىڭ كاپيتال قارجىسىن كوپ ارنامەن تولىقتىرىپ، باعالى قاعازدار بازارى جونىندەگى زاڭ - ءتۇزىمدى كەمەلدەندىرىپ، عىلىم - تەحنيكالىق جاڭالىق اشۋعا، شاعىن، ۇساق كاسىپورىندارعا، جاسىل دامۋعا فينانستىق قولداۋدى ارتتىرىپ، ءوسىم مولشەرى مەن اقشا ايىرباس باعامىن بازارلاندىرۋ رەفورماسىن تەرەڭدەتىپ، حالىق اقشاسى باعامىنىڭ لايىقتى، بىركەلكى دەڭگەيدەگى نەگىزىنەن تۇراقتىلىعىن ساقتاۋ كەرەك. ءبىز ماكرولىق رەتتەۋ - مەڭگەرۋ ريتىمى مەن سەرپىنىن لايىقتى يگەرىپ، ماكرولىق ساياساتتى عىلمي، دالمە - ءدال اتقارىپ، ەڭ ساپالى ساياساتتار شوعىرى مەن ەڭ زور تۇلعالىق ونىمدىلىكتى قۇلشىنا جۇزەگە اسىرىپ، جوعارى ساپالى دامۋدى ىلگەرىلەتۋگە قۋاتتى قوزعاۋشى كۇش ازىرلەۋىمىز كەرەك.

  ”13 - بەسجىلدىق“ اياقتاپ، ”14 - بەسجىلدىقتىڭ“ شىمىلدىعى اشىلۋ الدىندا تۇر. جاڭا ءداۋىردىڭ ۇلى ساپارىندا، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن سەلبەسىپ، ءورىس اشا ىلگەرىلەپ، العان بەتتەن قايتپايتىن كۇرەسكەرلىك بەينەمەن، نوسەرلى داۋىلعا بوگەلمەيتىن رۋحاني كۇيمەن، ەلىمىز ەكونوميكاسىنىڭ تولقىن جارا، نىق قاداممەن باياندى ىلگەرىلەۋىن جەبەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قۇلشىنا قول جەتكىزۋىمىز كەرەك.

(شينحۋا اگەنتتىگىنىڭ 12 - ايدىڭ 22 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.