تيانشان تورى
تيانشان تورى   ›   بىلگەنگە مارجان   ›   وتباسى جانە تۇرمىس

سۋىق تىزبەك زات تاسىمالىمەن اينالىسۋشىلار جەكە باستىق قورعانۋدى جاقسى ىستەۋى كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 12 - ايدىڭ 23 - كۇنى ۇرىمجىدەن حابارلايدى. قىس تۇسكەننەن بەرى ەل ىشىندە اندىز - اندىز ىندەت جاعدايى ىركەس - تىركەس جارىققا شىقتى، مۇنىڭ كوبى سۋىق تىزبەك يمپورتتىق ازىق - تۇلىكتەرمەن قاتىستى. ۆيرۋستىڭ سۋىق تىزبەك زات تاسىمالى ارقىلى كىرۋىنەن قاتاڭ ساقتانۋ ءۇشىن، ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ مامانى سۋىق تىزبەك زات تاسىمالىمەن اينالىسۋشىلارعا ءوزىنىڭ جانە وتباسىنداعىلاردىڭ اماندىعى ءۇشىن، قىزمەتتە جانە ۇيدەگى كەزدە جەكە باستىق قورعانۋدى جاقسى ىستەۋدى ەسكەرتتى.

  ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعى زارارسىزداندىرۋ جانە ىندەت دانەكەرى ورگانيزمدەرى ءبولىمىنىڭ باستىعى چىن مين بىلاي دەپ تانىستىردى: جاڭا تيپتى ايدارشا ۆيرۋس وكپە قابىنۋ ۆيرۋسى ازىق - تۇلىك ارقىلى تاراماعانىمەن، ءبىراق ىندەت تۋىلعان وڭىرلەردە ەگەر وسى كاسىپپەن اينالىسۋشى ادام جاڭا تيپتى ايدارشا ۆيرۋس وكپە قابىنۋ ىندەتىنىڭ ۆيرۋسىمەن جۇعىمدالعان بولسا، جۇعىسۋ نەمەسە تۇكىرىك شاشىراندىسى ارقىلى ازىق - تۇلىكتەردى جانە ازىق - تۇلىكتەردىڭ سىرتقى قورابىن لاستايدى. سوندىقتان، سۋىق تىزبەك زات تاسىمالىمەن اينالىسۋشىلار قورعانۋ تالابىنا سانالى تۇردە بويسۇنىپ، قورعانۋ تەحنيكالىق شەبەرلىگىن يگەرىپ، ءوز دەنساۋلىعىن ويداعىداي قاداعالاپ تۇرۋى ءارى بىرگە قىزمەت ىستەيتىن، بىرگە تۇراتىن ادامداردىڭ دەنساۋلىق جاعدايىنا كەز كەلگەن ۋاقىتتا نازار اۋدارۋى، ءار كۇنى دەنە تەمپەراتۋراسىن تەكسەرىپ ولشەپ تۇرۋى، قىزۋى ورلەۋ، جوتەلۋ سياقتى قالىپسىز اۋرۋ بەلگىلەرى پايدا بولسا دەر كەزىندە الەۋمەتتىك اۋماققا مالىمدەۋى، الەۋمەتتىك اۋماق ارناۋلى كولىكپەن قىزۋ امبولاتورياسىنا اپارىپ تەكسەرتۋى كەرەك، قوعامدىق قاتىناس كولىكتەرىمەن بارۋعا بولمايدى.

  سۋىق تىزبەك زات تاسىمالىمەن اينالىسۋشىلار ماسكىنى دۇرىس تاعىپ، قولىنا قولعاپ، ۇستىنە جۇمىس كيىمىن كيىپ جۇمىسقا بارۋى، قىزمەت كيىمىن تازا، رەتتى ۇستاپ، مەرزىم سايىن جۋىپ، زارارسىزاندىرۋى كەرەك؛ جاس ساقتاۋ، سويۋ، ءبولۋ سەحتارى سياقتى ەرەكشە جۇمىس ورىندارىنداعى قىزمەتكەرلەر قىزمەت كيىمىنەن باسقا، تالاپ بويىنشا سۋدان ساقتاناتىن الجاپقىش تارتىپ، رازىنكە قولعاپ، رازىنكە ەتىك سياقتىلاردى كيۋى كەرەك؛ ازىق - تۇلىك جۇمىسىمەن اينالىسۋشىلار ازىق - تۇلىكتەن باسقا قاتىستى قيمىلداردى جۇرگىزگەن سوڭ، ءسوز جوق، قولعاپتى اۋىستىرۋى كەرەك.

  زات تيەيتىن، تۇسىرەتىن جۇمىسشىلار زات تاسۋدىڭ الدىندا قىزمەت كيىمى مەن باس كيىمىن جانە قولعاپ كيۋى كەرەك، قاجەت بولعاندا تۇيىق كوزىلدىرىك پەن بەتقالقا تاعىپ، زاتتىڭ سىرتقى بەتىنىڭ دەنەگە قايتا - قايتا جۇعىسۋىنان ساقتانۋ كەرەك؛ زات تاسۋ، ءتۇسىرۋ بارىسىندا ماسكى، قولعاپ جىرتىلسا دەرەۋ اۋىستىرۋ كەرەك. تاسىمال كولىكتەرىنىڭ شوفەرلەرى تاسۋ بارىسىندا ءوز بەتىمەن سۋىق تىزبەك ازىق - تۇلىكتەرىنىڭ قورابىن اشۋىنا نەمەسە سۋىق تىزبەك ازىق - تۇلىكتەرىنە تىكە جۇعىسۋىنا بولمايدى. ءوندىرىس، وڭدەۋ، ساقتاۋ جانە تاسىمال بۋىندارى سياقتىلاردىڭ ورتاسىن تازالاعاندا، جوعارى قىسىمدى سۋدى بۇركىپ جۋماي، شاشىراۋ ارقىلى لاستانۋدىڭ تۋىلۋىنان ساقتانۋ كەرەك.

  قاتىستى زات تاسىمال حاۋىپسىزدىگىن تەكسەرۋشىلەر قىزمەت كيىمىن، باس كيىمىن كيۋى، ءبىر رەتتىك مەديتسينالىق ماسكىنى نەمەسە سىرتقى اۋرۋلار ماسكىسىن، قولعابىن پايدالانۋى كەرەك، قاجەت بولعاندا تۇيىق كوزىلدىرىك پەن بەتقالقا تاعۋ كەرەك؛ قولدىڭ تازالىعىن كۇشەيتۋ، ءار رەتتە قولعاپ اۋىستىرعاندا نەمەسە قولعاپتى شەشكەندە، ءسوز جوق، قولدى جۋىپ زارارسىزداندىرىپ، قورعانۋ بۇيىمدارىنىڭ ەكىنشى رەت لاستاۋىنان ساقتانۋ كەرەك؛ قىزمەتتەن كەيىن بەلگىلەنگەن ورىندا قىزمەت كيىمى، اياق كيىم، باس كيىم جانە ماسكى سياقتى قورعانۋ بۇيىمدارىن شەشكەن سوڭ عانا جۇمىس ورنىنان كەتۋگە بولادى، شەشكەن قورعانۋ بۇيىمدارىن بەلگىلەمە بويىنشا ۇيلەسىمدى جيناپ الىپ، شوعىرلى تۇردە زارارسىزداندىرىپ ءبىر جاقتى ەتۋ كەرەك.

  چىن مين مىنالاردى ەسكەرتتى: سۋىق تىزبەك زات تاسىمالىمەن اينالىسۋشىلار ۇيدە تۇرعان كەزدە جەكە باستىق قورعانۋدى جاقسى ىستەۋى كەرەك. كۇنىنە 2 − 3 رەت، ءار رەتتە كەمىندە 30 مينۋت تەرەزە اشىپ اۋا الماستىرۋعا كوڭىل ءبولۋ كەرەك. قىزمەتتەن ۇيگە قايتقان سوڭ ماسكى، سىرتقى كيىم، اياق كيىم، باس كيىم سياقتىلاردى بەلگىلەنگەن ورىنعا شەشۋ ءارى قولدى ولشەمدى تۇردە جۋۋ كەرەك، قول جۋماي تۇرىپ اۋىز، كوز، مۇرىندى ۇستاۋعا بولمايدى، اۋىزدان، مۇرىننان شىققان بولىندىلەردى نەمەسە تۇكىرىگىن قاعازبەن وراپ، قاقپاعى بار قوقىس ساندىعىنا سالۋ كەرەك. ءۇي ورتاسىنىڭ تازالىعىن ساقتاپ، سۋلاپ تازالاۋ، قاجەت بولعاندا الدىن الۋ سيپاتىندا زارارسىزداندىرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.