پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتەيىك
− ورتالىقتىڭ ەكونوميكالىق قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
پارتيانىڭ ەكونوميكالىق قىزمەتكە ورتالىقتانعان ءبىر تۇتاس باسشىلىعىن كۇشەيتۋگە تاباندى بولۋ جۇڭگوشا سوتسياليستىك ءتۇزىمنىڭ ءبىر ۇلكەن ابزالدىلىعى، ەكونوميكالىق قىزمەتتى ويداعىداي ىستەۋدىڭ ءتۇبىرلى كەپىلى. ورتالىقتىڭ ەكونوميكالىق قىزمەت ماجىلىسىندە مىنالار اتاپ كورسەتىلدى: جاڭا دامۋ كەزەڭىنە ۇيلەسۋدە، جاڭا دامۋ ۇستانىمىن دايەكتىلەندىرۋدە، جاڭا دامۋ ارناسىن قالىپتاستىرۋدا، ءسوز جوق، پارتيانىڭ جالپى بەتتىك باسشىلىعىن كۇشەيتۋ كەرەك.
جۇڭگونىڭ ەكونوميكاسى ءبىر الىپ كەمە، تۇلعاسى نەعۇرلىم زورايعان سايىن داۋىلدى تولقىن دا سولعۇرلىم كۇشەيەدى، رولدى مەڭگەرىپ جول باستاۋ سولعۇرلىم ماڭىزدى بولا تۇسەدى. بيىل جىل باسىنان بەرى قاتاڭ دا كۇردەلى حالىقارالىق جاعداي، جاپالى دا ماشاقاتتى ەل ءىشىنىڭ رەفورما، دامۋ، ورنىقتىلىق مىندەتتەرى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق تاباندىلىقتى ساقتاپ، جاعدايدى ءدال تۇجىرىمداپ، دەن قويا جوسپارلاپ، ورنالاستىرىپ، كەسكىن ارەكەت قولدانىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ قاجىرلى قۇلشىنىس جاساپ، حالىق ريزا بولاتىن، دۇنيە ءجۇزى كوز تىككەن، تاريحقا قالاتىن جاۋاپناما تاپسىردى. اماليات بىزگە: پارتيا ورتالىق كوميتەتىنىڭ بەدەلى قاتەرلى، قيىن ساتتەردە بۇكىل پارتيانىڭ، بۇكىل ەلدەگى ءار ۇلت حالقىنىڭ قيىندىقتان تايسالماۋداعى ءتۇبىرلى سۇيەنىشى، كەلەلى تاريحي شەشۋشى كەزەڭدە، كەلەلى سىناق الدىندا پارتيا ورتالىق كوميتەتىنىڭ تۇجىرىمداۋ قۋاتىنىڭ، شەشىم جاساۋ قۋاتىنىڭ، ارەكەتتەنۋ قۋاتىنىڭ شەشۋشى سيپاتتى رولعا يە ەكەندىگىن ۇعىندىردى. اماليات شي جينپيڭ جولداستى ۇيتقى ەتكەن پارتيا ورتالىق كوميتەتى شىعارعان شەشىمدەردىڭ، ورنالاستىرۋلاردىڭ بۇكىلدەي دۇرىس، پارتيا ورتالىق كوميتەتىنىڭ كۇردەلى جاعدايدى مەڭگەرەتىن مايتالمان قابىلەتكە يە، جۇڭگونىڭ ەكونوميكالىق الىپ كەمەسىن تولقىن جارا العا ىلگەرىلەۋگە باستايتىن ەرەن اقىل - پاراساتقا يە ەكەندىگىن، بۇل ءبىزدىڭ بارلىق حاۋىپ - قاتەرلەر مەن سىن - سايىستاردى جەڭەتىن تىرەك ەكەندىگىن تولىق دالەلدەدى. كەزەكتە عاسىرلىق ىندەت پەن 100 جىلدىق وزگەرىس قاباتتاسىپ، ەلىمىزدىڭ دامۋداعى ىشكى شارت - جاعدايى مەن سىرتقى ورتاسىندا تەرەڭ دە كۇردەلى وزگەرىس تۋىلۋدا. جاعداي كۇردەلى، سىن - سايىس قاتاڭ بولعان سايىن، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ ورنىقتىرعىشتىق رولىن سولعۇرلىم ساۋلەلەندىرىپ، پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتىپ، جۇڭگونىڭ ەكونوميكالىق الىپ كەمەسىنىڭ باستان - اياق دۇرىس بەتالىستى بويلاي العا ىلگەرىلەۋىنە شىنايى كەپىلدىك ەتۋ كەرەك.
باس شۋجي شي جينپيڭ بىلاي دەپ باسا دارىپتەدى: ”دۇنيە جۇزىندەگى 2 - ءىرى ەكونوميكالىق تۇلعانى ويداعىداي مەڭگەرە الۋ - الماۋ، ەكونوميكانىڭ، قوعامنىڭ ءۇرتىس اقاۋسىز دامۋىن ساقتاي الۋ - الماۋ تۇبىرىنەن العاندا، پارتيانىڭ ەكونوميكالىق، قوعامدىق دامۋ بارىسىنداعى باسشىلىق ۇيتقىلىق رولىن ساۋلەلەندىرۋىنىڭ ويداعىداي بولۋ - بولماۋىنا قاتىستى“. پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتۋدە پارتيانىڭ ەكونوميكالىق، قوعامدىق دامۋعا باسشىلىق ەتۋ تۇزىلىسىنە، مەحانيزمىنە تاباندى بولۋ جانە ونى كەمەلدەندىرۋ كەرەك. تاياۋ جىلداردان بەرگى ىزدەنۋ امالياتى ارقىلى پارتيامىز ەكونوميكالىق، قوعامدىق دامۋعا باسشىلىق ەتەتىن جۇيەلى، تولىسقان ءتۇزىلىستى، مەحانيزمدى قالىپتاستىردى. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات دايەكتىلەندىرىپ، ەكونوميكالىق، قوعامدىق دامۋدىڭ ءارقايسى سالالارىندا، ءار جاقتارىندا ”ەكىنى قورعاۋ“ تالابىن شىنايى دايەكتىلەندىرىپ، ءتۇزىلىس، مەحانيزم جاعىنان پارتيانىڭ ەكونوميكالىق، قوعامدىق دامۋعا باسشىلىق ەتۋ بارىسىندا بەتالىستى مەڭگەرۋىنە، كەلەلى جاعدايدى جوسپارلاۋىنا، ساياسات بەلگىلەۋىنە، رەفورمانى جەبەۋىنە كەپىلدىك ەتىپ، پارتيا ورتالىق كوميتەتىنىڭ ەكونوميكالىق، قوعامدىق دامۋداعى كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ جونىندەگى ناقتى تۇزىمدەرىنە تاباندى بولىپ جانە ونى كەمەلدەندىرىپ، جوعارى ساپالى دامۋدى جۇزەگە اسىرۋعا ءتۇبىرلى كەپىلدىك ازىرلەۋ كەرەك.
پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتۋدە جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ قابىلەتى مەن دەڭگەيىن ۇزدىكسىز جوعارىلاتۋ كەرەك. ساياسي تانىمدى كۇشەيتىپ، ساياسي دەڭگەيدى جوعارىلاتىپ، مەملەكەت ءۇشىن نەنىڭ ماڭىزدى ەكەندىگى جونىندە كوڭىلدە ەسەپ بولىپ، پارتيا ورتالىق كوميتەتى كوڭىل بولگەنگە، باسا دارىپتەگەنگە نازار اۋدارىپ، پارتيا مەن مەملەكەتتىڭ ەڭ ماڭىزدى مۇددەسىنىڭ نە ەكەندىگىن، باتىل قورعاۋعا ءتيىستى ەڭ قاجەتتى تۇرعىنىڭ نە ەكەندىگىن تەرەڭ ءتۇسىنىپ، شىن مانىندە ”ءتورت تانىمدى“ كۇشەيتۋدى، ”ءتورت سەنىمدى“ بەكەمدەۋدى، ”ەكىنى قورعاۋدى“ ورىنداۋدى ارەكەتتە تياناقتاندىرىپ، ساياسيدى دارىپتەۋ وسكەلەڭ تۇرعىسىنان ەكونوميكالىق قىزمەتتى ىستەۋگە باسا ءمان بەرىپ، ساياسي كوز ايامەن ەكونوميكالىق، قوعامدىق ماسەلەلەردى بايقاۋعا جانە تالداۋ جاساۋعا شەبەر بولىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ەكونوميكالىق قىزمەتتىڭ ءتۇرلى جاقتارىندا دايەكتىلەندىرۋ كەرەك. قۋزاۋ - تەكسەرۋ، قۋزاۋ - جەتەكشىلىك ەتۋ سياقتى قىزمەتتەردى جۇيەلى جۇرگىزىپ، ناقتى ونىمدىلىككە ۇمتىلۋ كەرەك. ءار دارەجەلى باسشى كادرلار ماماندانۋ قابىلەتىن جوعارىلاتىپ، جاڭا دامۋ ارناسىن قالىپتاستىرۋعا باسشىلىق ەتەتىن كاسىپتىك مايتالمانعا اينالۋعا قۇلشىنىپ، ساباق تولىقتاپ، قابىلەتتى نىعايتۋدىڭ كوكەي تەستىلىك سەزىمىن كۇشەيتىپ، نە ىستەسە سونى ۇيرەنىپ، نە كەم بولسا سونى تولىقتاپ، ءداۋىر اعىمىنا سانالى تۇردە تەڭەلۋ كەرەك. دامۋ مەن حاۋىپسىزدىك سىندى ەكى ۇلكەن ءىستى ويداعىداي يگەرىپ، ءتۇرلى ەكونوميكالىق، قوعامدىق حاۋىپ - قاتەرلەردەن ءونىمدى ساقتانىپ جانە ونى جويىپ، ءوندىرىس حاۋىپسىزدىگى مەن اپاتتان ساقتانۋ، اپات زيانىن ازايتۋ قىزمەتىنە وسكەلەڭ ءمان بەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك.
كەلەر جىل ەلىمىزدىڭ وسىزامانداندىرۋ قۇرىلىسى اياق الىسىندا ەرەكشە ماڭىزدى سيپاتقا يە، ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز، جاپپاي دوڭگەلەك داۋلەتتى قوعام ورناتۋ نەگىزىندە جاڭا ۇلى ساپاردى باستايمىز. العا باسۋ جولىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتەتىن بولساق، ءبىز، ءسوز جوق، ەكونوميكانىڭ ورنىقتى، باياندى بولۋىنا، قوعامنىڭ تىنىش، جاراسىمدى بولۋىنا كەپىلدىك ەتىپ، ”14 - بەسجىلدىق“ ءۇشىن جاقسى باستاما اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قۇلشىنا قول جەتكىزەتىن بولامىز.
(شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى)
