تيانشان تورى   ›   جاڭالىقتار   ›   ەل ءىشى حابارى

ورتالىق كوميتەت كەڭسەسى، مەملەكەتتىك كەڭەس كەڭسەسى «2021 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندە حابارلاندىرۋ» باسىپ تاراتتى

  شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «2021 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندە حابارلاندىرۋ» باسىپ تاراتتى. تولىعى تومەندەگىدەي:

  2021 - جىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ جوبا باستالاتىن جىل، جاڭا جىل، كوكتەم مەرەكەسى كەزىندەگى ءتۇرلى قىزمەتتەردى ويداعىداي ىستەۋ ايرىقشا ماڭىزدى. وڭىرلەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، حالىقتى وزەك ەتۋگە تاباندى بولىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەن مەرەكە كەزىندەگى ءتۇرلى قىزمەتتەردى ءبىر تۇتاس جوسپارلاپ ويداعىداي ىستەپ، بۇكىل ەلدەگى ءار ۇلت حالقىنىڭ مەرەكەنى شات - شادىمان، كوڭىلدى وتكىزۋىنە شىنايى كەپىلدىك ەتۋ كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن قاتىستى ىستەر جونىندە مىنانى حابارلاندىرامىز.

  ءبىرىنشى، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىتپاي ويداعىداي ىستەۋ. ۇدايىلانعان، دالمە - ءدال ساقتانۋ - تىزگىندەۋ مەن ءىشىنارا وڭىردە شۇعىل جاعدايعا توتەپ بەرۋ بويىنشا ءبىر جاقتى ەتۋدى ورگانيكالى ۇشتاستىرۋعا تاباندى بولىپ، سالعىرتسۋ يدەياسىن، بوساڭسۋ پيعىلىن جەڭىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ قىزمەتىن تيتتەي دە بوساڭسىتپاي ويداعىداي ىستەپ، ”ەكى مەرەكە“ كەزىندەگى ادامداردىڭ اعىلۋىن جانە توپتالۋىن ازايتىپ، قاتاڭ، تاپجىلماي ساقتانىپ، كولەمدى كىرۋ مەن قايتا بەلەڭ بەرۋدىڭ جارىققا شىقپاۋىنا شىنايى كەپىلدىك ەتۋ كەرەك. ”ادامنان“، ”زاتتان“ بىرگە ساقتانۋعا تاباندى بولىپ، يمپورت ەتىلگەن زاتتارمەن تىكە جاناساتىن قىزمەتكەرلەردىڭ جەكە قورعانۋىن، كۇندەلىكتى قاداعالانۋىن جانە مەرزىمدى ۋاقىتپەن نۋكلەين قىشقىلىن تەكسەرتۋىن ارناعا ءتۇسىرىپ، ويداعىداي ىستەپ، ءتۇيىندى الاڭ - ورىندارعا قاراتا قاتاڭ تۇردە ورتانى باقىلاۋ - ولشەۋ جانە تازالىق شارالارىن قولدانىپ، ءتۇيىندى ادامدار شوعىرىنىڭ ”تەكسەرىلۋگە تيىستىلەردى تۇگەلدەي تەكسەرۋدى“ تياناقتاندىرۋ كەرەك. قىزۋ امبولاتورياسى سياقتى ”قاراۋىل تۇيىندەرىنىڭ“ رولىن ساۋلەلەندىرىپ، ”ەكى مەرەكە“ كەزىندەگى مەديتسينالىق تەكسەرۋ، شيپاحانادا جۇعىمدالۋدى تىزگىندەۋ، ىندەتتى ءبىر جاقتى ەتۋ سياقتى قىزمەتتەردى كۇشەيتۋ كەرەك. سالاماتتىق تاربيەسىن كۇشەيتىپ، بۇقارانى ماسكىنى عىلمي تاعۋ، الەۋمەتتىك قارىم - قاتىناس ارالىعىن ساقتاۋ، قولدى ءجيى جۋىپ تۇرۋ سياقتى تاماشا ادەتتەرگە تاباندى بولۋعا جەتەكتەۋ كەرەك.

  ەكىنشى، قيىنشىلىعى بار بۇقاراعا دەن قويا، سۇيىسپەنشىلىكپەن قامقورلىق جاساۋ. قوعامدىق قامسىزداندىرۋ يگىلىكتەرىن ۋاقىتىندا، تولىق تاراتىپ، تومەنگى شەكتەن تۇسىرمەي قامتاماسىز ەتۋ قىزمەتىن شىنايى ويداعىداي ىستەپ، پارتيا مەن ۇكىمەتتىڭ مەيىرىن قيىنشىلىعى بار بۇقارانىڭ جۇرەك تۇكپىرىنە ۇيالاتۋ كەرەك. قوعامدىق قۇتقارۋ - كومەكتەسۋ ارناسىن ىركىلىسسىزدەندىرىپ، قيىنشىلىعى بار بۇقارانىڭ، اسىرەسە، ىندەتتىڭ ىقپالىنا ۇشىراعان بۇقارانىڭ ”كومەك سۇرايتىن ورىن بولۋىنا، دەر كەزىندە كومەك الۋىنا“ شىنايى كەپىلدىك ەتۋ كەرەك. قوعامدىق قۇتقارۋ - كومەكتەسۋ جانە قامتاماسىز ەتۋ ولشەمىن زات باعاسىنىڭ وسۋىمەن بايلانىستىرۋ مەحانيزمىن لايىقتى ۋاقىتتا ىسكە قوسىپ، قيىنشىلىعى بار بۇقارانىڭ نەگىزگى تۇرمىس دەڭگەيىنىڭ زات باعاسىنىڭ وسۋىنە بايلانىستى تومەندەپ كەتپەۋىنە شىنايى كەپىلدىك ەتۋ كەرەك. قيىنشىلىعى بار قارتتار، جەتىم بالالار، ۇيدە قالعان ايەلدەر مەن بالالار، تۇرمىسىندا تياناق جوق، سەرگەلدەڭ قايىرشىلار، مۇگەدەكتەر، رۋحاني اۋرۋلار سياقتى ەرەكشە قيىنشىلىعى بار قاۋىمنان ارالاپ حال سۇراۋ جانە ولارعا كوڭىل ءبولۋ، قامقورلىق جاساۋ جۇمىستارىن ۇيىمداستىرىپ ورىستەتىپ، ولاردىڭ ىشەر اسى، جىلى كيىمى، سۋىقتان پانالايتىن تۇراعى بولۋعا شىنايى كەپىلدىك ەتۋ كەرەك. اپاتتان قۇتقارۋ قارجىلارى مەن زاتتارىن ءبولۋ، تاراتۋ سياقتى قىزمەتتەردى ءبىر تۇتاس جوسپارلاپ ويداعىداي ىستەپ، اپاتقا ۇشىراعان بۇقارانىڭ حال - جايىن، اماندىعىن كوكەيدە ساقتاۋ كەرەك. ينجەنەريا قۇرىلىسى سالاسىن جانە ەڭبەك شوعىرلانعان مانەرلەۋ، جاساۋ كاسىپتەرىن، سونداي - اق ىندەتتىڭ ىقپالىنا اۋىر ۇشىراعان كاسىپتەردى ءتۇيىن ەتىپ، ەڭبەكاقىنى بەرمەي قويۋدى تۇبىرىنەن جونگە سالۋدىڭ قىس ماۋسىمىنداعى ارناۋلى ارەكەتىن تىڭعىلىقتى ورىستەتىپ، شارۋا جۇمىسكەرلەردىڭ ەڭبەكاقىلارىن ۋاعىندا، تولىق الۋىنا شىنايى كەپىلدىك ەتۋ كەرەك.

  ءۇشىنشى، بۇقارانىڭ مەرەكەلىك تۇتىنۋ سۇرانىسىن قاناعاتتاندىرۋعا كۇش سالۋ. كومىر، ەلەكتر، جانار ماي، وتىندىق گاز تاسىمالداۋدى، قامداۋدى، قاجەتسىنۋدى قاداعالاۋدى كۇشەيتىپ، ەنەرگيامەن قامداۋدى قامتاماسىز ەتۋ، باعاسىن ورنىقتىرۋ قىزمەتىن ويداعىداي ىستەپ، حالىق بۇقاراسىنىڭ قىستان جايلى ءوتۋىن قامتاماسىز ەتۋ كەرەك. استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن جانە ”كوجە - قاتىققا“ قالا باستىعى جاۋاپتى بولۋ ءتۇزىمىن جالپى بەتتىك تياناقتاندىرىپ، ەت، كوكونىس سياقتى ماڭىزدى تاۋارلار قورىن باسقارۋدى كۇشەيتىپ، استىق، ازىقتىق ماي، ەت، جۇمىرتقا، كوكونىس، جەمىس، ءسۇت سياقتى ماڭىزدى تاۋارلاردىڭ بازارداعى قامدالۋىنا جانە باعاسىنىڭ ورنىقتى بولۋىنا شىنايى كەپىلدىك ەتۋ كەرەك. مەرەكەنىڭ ەرەكشەلىگىنە قاراي ءوندىرۋ مەن ساتۋدى ۇشتاستىرۋ جۇمىسىن ۇيىمداستىرىپ ورىستەتىپ، حالىق بۇقاراسىنىڭ الۋان ءتۇرلى تۇتىنۋ سۇرانىسىن قاناعاتتاندىرۋ كەرەك. ازىق - تۇلىك حاۋىپسىزدىگىن باقىلاۋ - باسقارۋدى، ءونىم ساپاسىن باقىلاۋ - باسقارۋدى، باعانى باقىلاۋ - باسقارۋدى كۇشەيتىپ، تۇتىنۋشىلاردىڭ زاڭدى ۇقىق - مۇددەسىن قورعاۋ كەرەك. ”ءبىزدىڭ جۇڭگو ارمانىمىز“ − مادەنيەتتى سان مىڭ وتباسىنا جەتكىزۋ قيمىلىن بۇكىل ەل كولەمىندە كەڭىنەن ورىستەتىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى، جاپپاي دوڭگەلەك داۋلەتتى قوعام ورناتۋدى جانە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدى ارقاۋ ەتە وتىرىپ، حالىق بۇقاراسى ۇناتاتىن جوعارى ساپالى مادەنيەت - كوركەمونەر تۋىندىلارىنان ءبىر توبىن جاراتىپ، ۇسىنىپ، نەگىزگى اۋەندى اسقاقتاتىپ، وڭ ەنەرگيا تاراتىپ، بۇقارانىڭ رۋحاني مادەنيەت سۇرانىسىن اناعۇرلىم ويداعىداي قاناعاتتاندىرۋ كەرەك. ينتەرنەت جەلىسىندە جانە ينتەرنەت جەلىسىنەن تىسقارى اقاۋسىز، بەلسەندى مەرەكەلىك مادەنيەت قيمىلدارىن دارىپتەۋ كەرەك. مادەنيەت جانە ساياحات بازارىنداعى زاڭ اتقارۋدى كۇشەيتىپ، وركەنيەتتى ساياحاتقا جەتەكتەۋ جانە ونى ىلگەرىلەتۋ كەرەك.

  ءتورتىنشى، بۇقارانىڭ امان - ساۋ، ءتارتىپتى بارىس - كەلىسىن قامتاماسىز ەتۋگە قۇلشىنۋ. جولاۋشى تاسىمالىنداعى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرىپ، اۋا الماستىرۋ، زارارسىزداندىرۋ، دەنە تەمپەراتۋراسىن ولشەۋ، جولاۋشىلاردىڭ كولىككە وتىرۋ مولشەرىن تىزگىندەۋ، جولاۋشىلار ينفورماتسياسىن تىركەۋ سياقتى شارالاردى قاتاڭ اتقارۋ كەرەك. ادام ىستەتۋشى ورىنداردى قىزمەت قاجەتى مەن جۇمىسشى - قىزمەتكەرلەردىڭ قالاۋىن بىرلەستىرىپ، دەمالىستارىن ءبىر تۇتاس جوسپارلاپ ورنالاستىرىپ، قاۋىرت ەمەس كەزدە ساپارعا شىعۋعا جەتەكتەۋگە شابىتتاندىرۋ كەرەك. تاسىمال قۋاتىنىڭ قامداۋىن كۇشەيتىپ، تاسىمال قۋاتىنىڭ سەپتەلۋىن ساپالىلاندىرىپ، جولاۋشىلاردىڭ ساپارعا شىعۋ سۇرانىسىن قاناعاتتاندىرۋ كەرەك. ءتۇرلى تاسىمال تاسىلدەرىن جالعاۋ - ۇتىلاۋدى ويداعىداي ىستەپ، جولاۋشىلاردىڭ ساپارعا شىعۋىنداعى ”ەڭ العاشقى جانە ەڭ سوڭعى ءبىر كيلومەتردى“ ىركىلىسسىزدەندىرۋ كەرەك. كوكتەمگى تاسىمالداعى بەلەت ساتۋدى ۇيىمداستىرۋ قىزمەتىن كۇشەيتىپ، جاقسارتىپ، اۆتوماتتى بەلەت تەكسەرۋ ماشينالارىن، حاۋىپسىزدىك تەكسەرۋ اسپاپتارىن كوبەيتىپ، سۋىت ساپارعا شىعاتىن جولاۋشىلارعا جاسىل ارنا ورنالاستىرىپ، بەكەتكە كىرۋدە حاۋىپسىزدىكتى تەكسەرۋ ونىمدىلىگىن ونان ارى جوعارىلاتۋ كەرەك. سالاماتتىق كودى، ەلەكتروندىق جولاۋشى بەلەت سياقتىلاردىڭ قولدانىلۋىن كەمەلدەندىرىپ، قارتتار سياقتى ەرەكشە قاۋىمنىڭ زەردەلى شارت - جاعدايداعى ساپارعا شىعۋىنا قىزمەت وتەۋدى قامتاماسىز ەتۋ كەرەك. كوكتەم مەرەكەسى دەمالىس كەزىندە شاعىن تۇرپاتتى جولاۋشىلار اۆتوكولىگىنەن قاتىناۋ اقىسىن الماۋ ساياساتىن قاتاڭ تياناقتاندىرىپ، جولداردىڭ كەپتەلىسىن اشۋ، ىركىلىسسىزدىگىن قامتاماسىز ەتۋ قىزمەتىن ويداعىداي ىستەپ، تاسىمال ارنالارىنداعى قولايلى، جوعارى ءونىمدى ىركىلىسسىز بولۋىن قامتاماسىز ەتۋ كەرەك. توتەنشە جاعدايعا توتەپ بەرۋ دايىندىق جوباسىن جاساپ جانە كەمەلدەندىرىپ، بوگەلىپ قالعان جولاۋشىلاردى دەر كەزىندە جولعا سالۋ كەرەك. ”ەكى ءتۇرلى جولاۋشىلار اۆتوبۋزى، قاتەرلى زاتتار تاسۋشى اۆتوموبيل، جۇك اۆتوموبيلى، مينبۋس“ سياقتى ءتۇيىندى اۆتوموبيلدەردى قاتاڭ باسقارىپ، ”ءۇشتى ولشەمنەن اسىرۋ، قالجىراعان كۇيدە اۆتوكولىك جۇرگىزۋ“ سياقتى زاڭدى ورەسكەل بۇزاتىن ارەكەتتەردى قاتاڭ تەكسەرىپ، بۇقارانىڭ ساپار حاۋىپسىزدىگىنە شىنايى كەپىلدىك ەتۋ كەرەك.

  بەسىنشى، تومەنگى شەكتە ويلاۋعا تاباندى بولىپ، ءوندىرىس حاۋىپسىزدىگىن تىڭعىلىقتى، ويداعىداي يگەرۋ. حاۋىپسىز دامۋ ۇستانىمىن مىقتاپ ورناتىپ، ءوندىرىس حاۋىپسىزدىگىن ماڭىزدى ورىنعا قويىپ، جاۋاپكەرشىلىكتى ساتىلار بويىنشا ناقتىلاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋ كەرەك. جوعارى قاتەرلى كاسىپ - سالالارداعى حاۋىپ - قاتەردى باسقارۋ - مەڭگەرۋدى كورنەكتىلەندىرە ويداعىداي يگەرىپ، جوعارى قاتەرلى كومىركەندەردى باتىل تۇردە جونگە سالىپ، قاتەرلى حيميالىق زاتتارداعى ەلەۋلى كومەسكى قاتەرلەردى ىشكەرىلەي تەكسەرىپ اداقتاپ، ەلەۋلى حاۋىپ كوزدەرىندەگى حاۋىپسىزدىكتى كوتەرمەگە الىپ قامتاماسىز ەتۋ جاۋاپكەرشىلىگى ءتۇزىمىن قاتاڭ تياناقتاندىرىپ، جارقىلداقتاردى، تورسىلداقتاردى زاڭعا قايشى ءوندىرۋ، كۋالىكسىز ساتۋ، نورمادان اسىرىپ ساقتاۋ، بەلگىلەمەگە قايشى اتۋ سياقتى ءىس - ارەكەتتەرگە قاتاڭ سوققى بەرىپ، اۋىر، ەرەكشە، ۇلكەن وقيعالاردىڭ تۋىلۋىن باتىل تەجەۋ كەرەك. قۇرىلىس جۇرگىزۋ، ونەركاسىپ - ساۋدا، حالىقتىق ماقساتتا پايدالانىلاتىن جارىلعىش زاتتار، قالالارداعى وتىندىق گاز سياقتىلاردىڭ حاۋىپسىزدىگىن رەتتەۋ - جونگە سالۋدى تەرەڭدەتۋ، ءىرى تيپتى ساۋدا كەشەندەرى، قوناق ۇيلەر مەن رەستوراندار، ءان - ءبي جانە كوڭىل اشۋ ورىندارى، قالا ىشىندەگى قىستاقتار، دۇكەن ۇيلەرى، ”كوپ فۋنكتسيالار بىرىككەن“ ورىندار سياقتى جوعارى قاتەرلى الاڭ - ورىندارداعى ءورت اپاتىنان ساقتانۋدى جانە ونى تىزگىندەۋدى ىشكەرىلەي ورىستەتۋ، ساياحات كورىنىس وڭىرلەرى مەن جولاۋشى تاسيتىن اسپالى ارقان جولدار، ويىن - ساۋىق قۇرىلعىلارى سياقتىلارداعى كومەسكى قاتەرلەردى اداقتاپ تەكسەرۋدى كۇشەيتۋ، جىل اتتاۋ كەشى، جارقىلداق كەشى، باقشا سەيىلى جانە بۇتحانا جارمەڭكەسى سياقتى كولەمدى قيمىلداردىڭ حاۋىپسىزدىگىن تەكسەرىپ بەكىتۋدى جانە ادامدار اعىنىن باقىلاۋ - مەڭگەرۋدى قاتايتۋ كەرەك. تومەن تەمپەراتۋرا، جاڭبىر، قار، اياز سياقتى اۋىر اپاتتىق اۋا رايى مەن ورماننىڭ ءورت قاتەرىن قاداعالاۋدى، الدىن الا ساقتاندىرۋدى جانە توتەنشە جاعدايدى ءبىر جاقتى ەتۋدى كۇشەيتۋ كەرەك.

  التىنشى، قوعامدىق كەلەلى جاعدايدىڭ ورنىقتىلىعىن بار كۇشپەن قورعاۋ. ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا قوعام ورنىقتىلىعىنا ىقپال جاسايتىن كورنەكتى ماسەلەلەرگە قاداعالاي نازار اۋدارىپ، قاراستى جەر بويىنشا باسقارۋ جاۋاپكەرشىلىگىن، قاينار كوزىنەن ورنىقتىرۋ - مەڭگەرۋ شارالارىن جانە كوپ نەگىزدى شەشۋ مەحانيزمىن تياناقتاندىرۋدى ىلگەرىلەتىپ، ءتۇرلى ورنىقسىزدىق فاكتورلارى مەن توپتىق وقيعالاردى بايقالعان زاماندا جويۋ، نەگىزگى ساتىدا شەشۋ كەرەك. قارا كۇشتەردى الاستاپ، سۇرقيا كۇشتەردى جويۋ كۇرەسىن ۇدايىلاندىرىپ ورىستەتىپ، شەت - شالعاي اۋىل - قىستاقتار، قالا مەن اۋىل تۇيىلىسكەن جەرلەر، قالا ىشىندەگى قىستاقتار سياقتى قوعام اماندىعىن باسقارۋداعى ءتۇيىندى وڭىرلەردى، ءتۇيىندى ورىنداردى جانە قوعام اماندىعىن باسقارۋداعى ءتۇرلى كورنەكتى ماسەلەلەردى اداقتاپ تەكسەرىپ، جونگە سالىپ، زورلىقتى كۇش لاڭكەستىك، مىلتىققا، جارىلعىش زاتتارعا ساياتىن قىلمىستار، جەكە ادامنىڭ ۇشقارى زورلىقتى كۇشى، تەلەگراف جانە ينتەرنەت الدامكوستىگى، ازاماتتاردىڭ جەكە ينفورماتسيالارىنا قول سۇعۋ، ازامات جاسىنا تولماعاندارعا زيانكەستىك جاساۋ جانە ۇرلاۋ، توناۋ، الداپ الۋ، سارى الاپاتقا، قۇمار ويناۋعا، ەسىرتكىگە قاتىستى قىلمىستار، ازىق - تۇلىككە، ءدارى - دارمەككە، قورشاعان ورتاعا قاتىستى قىلمىستار سياقتى زاڭعا قايشى قىلمىستارعا ىشكەرىلەي سوققى بەرىپ، قوعامنىڭ تاماشا ءتارتىبىن قورعاۋ كەرەك. قوعام اياسىنداعى جالپى تۇلعالىق ساقتانۋ - تىزگىندەۋدى كۇشەيتىپ، قوعام حاۋىپسىزدىگى ساقشىلارى مەن قارۋلى ساقشىلاردىڭ بىرلەسىپ كۇزەتشىلىك ىستەۋىن، بىرلەسىپ شارلاۋىن تياناقتاندىرىپ، ءتۇيىندى نىسانالاردىڭ، ءتۇيىندى نەگىزدىك قۇرىلعىلاردىڭ، ادامدار شوعىرلانعان الاڭ - ورىنداردىڭ حاۋىپسىزدىگىن ساقتاۋدى كۇشەيتىپ، مىلتىق، وق - ءدارى، شەكتەلگەن باكى - پىشاقتار سياقتىلاردىڭ حاۋىپسىزدىگىن باقىلاۋ - باسقارۋدى كۇشەيتىپ، اماندىق باسقارۋدىڭ كومەسكى قاتەرىن دەر كەزىندە جويۋ كەرەك.

  جەتىنشى، مەرەكەنى ۇقىپتى، ۇنەمشىل، مادەنيەتتى وتكىزۋ جاڭا سالتىن دارىپتەۋ. باس شۋجي شي جينپيڭنىڭ ۇقىپتى، ۇنەمشىل بولۋ، ىسىراپشىلدىققا قارسى تۇرۋ، اسىرەسە، اس - سۋ ىسىراپشىلدىق ءىس - ارەكەتىن تيۋ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ”ەكى مەرەكە“ سىندى ەرەكشە ۋاقىت كەزەڭىن مىقتى ۇستاپ، ۇگىت - تاربيەنى باعىتتامالى تۇردە كۇشەيتىپ، تۇتاس قوعامدا ىسىراپشىلدىقتى نامىس، ۇنەمشىلدىكتى داڭق سانايتىن راي قالىپتاستىرۋ كەرەك. دابىرالاتىپ، دۇبىرلەتىپ وتكىزۋ، استا - توك ىسىراپشىلدىق ىستەۋ، قىرۋار قالىڭمال الۋ، ءولىمدى دابىرالى جونەلتۋ، قارتتارعا قارايلاسۋدى ءجونسال قاراۋ، قابىر باسىنا بارۋداعى مادەنيەتسىزدىك سياقتى سولەكەت جول - جوسىنعا باتىل قارسى تۇرىپ، توي - تومالاق، ءولىم - ءجىتىم ىستەرىندەگى جامان ادەتتەردى تاستاپ، وركەنيەتتى جاڭا سالت ورناتۋدى دارىپتەۋ كەرەك. اس - سۋ تۇتىنۋشىلارىن ورتاق قاسىق، ورتاق ساقپى ىستەتۋگە، اۋاشا وتىرىپ تاماقتانۋعا، ءبىر رەتتىك ىدىس - اياق ىستەتۋدى ازايتۋعا جەتەكتەۋ كەرەك. اس - سۋ ىسىراپشىلدىعىن سانالى تۇردە شەكتەپ، تۇتىنۋشىلاردى اس - تاماققا لايىقتى مولشەردە تاپسىرىس بەرۋگە جەتەكتەپ، ”اس اسىرماۋ ارەكەتىن“ ورىستەتىپ، ”داستارقانداعى ىسىراپشىلدىقتى“ تيۋ كەرەك. سالاماتتىق، حاۋىپسىزدىك جانە ەكولوگيانى قورعاۋ جونىندەگى ۇگىت - تاربيەنى كۇشەيتىپ، چاڭجياڭ وزەنىندە بالىق اۋلاۋعا تيىم سالۋعا، سونداي - اق جابايى اڭداردى جانە ودان جاسالعان زاتتاردى ساۋدالاۋعا تيىم سالۋعا قاتىستى تالاپتاردى قاتاڭ اتقارىپ، جابايى اڭداردى بەتالدى تۇتىناتىن سوراقى ادەتتى جويۋ كەرەك.

  سەگىزىنشى، ستيلدى دۇرىستاپ، ءتارتىپتى قاتايتۋدى مىزعىماس تاباندىلىقپەن ىلگەرىلەتۋ. ”ءتورت بۇرىس ستيلدى“ تۇزەتۋ مەن جاڭا سالت ورناتۋدى قاتار يگەرۋگە تاباندى بولىپ، ستيلى تازا، سالتى دۇرىس مەرەكەلىك راي قالىپتاستىرۋ كەرەك. ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، مەرەكەنى كىرشىكسىز وتكىزۋدىڭ ءتۇرلى تارتىپتىك تالاپتارىن قاتايتىپ، بەلگىلەمەگە قايشى تۇردە قوسىمشا قاراجات، جاردەماقى، سيلىق اقشا جانە زات تاراتۋ ماسەلەلەرىن باتىل جونگە سالۋ، ”ءتورت بۇرىس ستيلگە“ قارسى تۇرۋدى جەلەۋ ەتىپ كادرلاردىڭ، جۇمىسشى - قىزمەتشىلەردىڭ قالىپتى يگىلىكتەرىن كۇشىنەن قالدىرۋ ماسەلەسىن كۇش سالا تۇزەتۋ كەرەك. مەرەكە كەزىندە بەلگىلەمەگە قايشى تۇردە تارتۋ - تارالعى، سياقى بەرۋ - الۋ جانە ۇكىمەت اقشاسىمەن ءىشىپ - جەۋ، توي - تومالاق، ءولىم - ءجىتىم ىستەرىن دابىرالى وتكىزۋ سياقتى راقاتقۇمارلىق، استا - توكتىك كورنەكتى ماسەلەلەرىن ءجىتى قاداعالاپ، دالمە - ءدال باقىلاۋ جۇرگىزىپ، نىساناعا باعىتتاي وتىرىپ كۇش جۇمساۋ كەرەك. ۇكىمەت اقشاسىمەن ءىشىپ جەمەگەن كۇندە دە قوجايىنداردىڭ اقشاسىمەن ءىشىپ - جەۋ، جەكە كاسىپورىن قوجايىندارىنىڭ تارتۋ - تارالعىلارىن، سياقىلارىن الۋ، جەكە كولىگىنىڭ قاراجاتىن ۇكىمەت ەسەبىنەن شىعارۋ سياقتى جاسىرىن، قۇبىلمالى ماسەلەلەردى قىلپى بىلىنگەن زامان ءبىر جاقتى ەتۋ، تەرەڭ قازىپ، ەگجەي - تەگجەيلى تەكسەرۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، حالىق تۇرمىسىن قامتاماسىز ەتۋ، كومەكتەسۋ - سۇيەمەلدەۋ، قۇتقارۋ، ءوندىرىس حاۋىپسىزدىگى، اكىمشىلىك قىزمەت وتەۋ، قوعام ورنىقتىلىعىن قورعاۋ، ىندەتتەن ساقتانۋ - تىزگىندەۋ، اپاتتاردى قاداعالاۋ جانە ودان الدىن الا ساقتاندىرۋ، توتەنشە جاعداي بويىنشا ءبىر جاقتى ەتۋ سياقتى جاقتاردا جاۋاپكەرشىلىك ارقالاماۋ، ءىس تىندىرماۋ، بەتالدى ىستەۋ، جالعان ىستەۋ سياقتى ماسەلەلەردى باتىل تۇزەتىپ، بۇقارانىڭ ماڭايىنداعى شىرىكتەسۋدى جانە بۇرىس ستيلدى كۇش سالا جونگە سالۋ كەرەك. تومەنگى جاققا قالاعانىنشا مىندەت بەرۋ، تومەنگى جاقتان قالاعانىنشا ماتەريال، كەستە الۋ، توپ - توبىمەن تەكسەرۋ - زەرتتەۋ جۇرگىزۋ، كادرلاردان ”24 ساعات جۇمىس ورنىندا بولۋدى“ كەلسە - كەلمەس تالاپ ەتۋ سياقتى نەگىزگى ساتىعا ورەسكەل اۋىرتپالىق سالاتىن فورماشىلدىق ماسەلەلەرىن قاتاڭ تەكسەرىپ ءبىر جاقتى ەتۋ كەرەك. كەزەك اۋىستىرۋدىڭ ءتارتىپ - تالاپتارىن قاتايتىپ، داۋىس جيناۋ، سايلاۋدا پارا بەرۋ، ءمانساپ ءۇشىن الا شاپقىن بولۋ، ءمانساپ سۇراۋ، اراعا كىسى سالۋ، ەمەۋرىن ءبىلدىرۋ سياقتى ءىس - ارەكەتتەردى باقىلاۋ، تەكسەرىپ ءبىر جاقتى ەتۋ سەرپىنىن ارتتىرۋ كەرەك. قاتاڭ باسقارۋ مەن ىقىلاستى قامقورلىقتى بىرلەستىرۋگە، ىنتالاندىرۋ مەن تەجەۋگە تەڭ ءمان بەرۋگە تاباندى بولىپ، كادرلاردى جاۋاپكەرشىلىك ارقالاۋعا، ءىس تىندىرۋعا ىنتالاندىراتىن ناقتى شارالاردىڭ ەگجەي - تەگجەيلى تياناقتانۋىن ۇزدىكسىز ىلگەرىلەتىپ، نەگىزگى ساتى كادرلارىنا، اسىرەسە، كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاساپ جاتقان جولداستارعا كوڭىل ءبولۋ، قامقورلىق جاساۋ سەرپىنىن ارتتىرىپ، ”رەسپۋبليكا وردەنىنىڭ“، مەملەكەت داڭق اتاعىنىڭ يەگەرلەرى مەن قىزمەت سەبەبىنەن قازا بولعان كادرلاردىڭ وتباسىنداعىلاردان حال سۇراۋ، قارايلاسۋ، كومەكتەسۋ جانە ۇزاق ۋاقىت كومەكتەسۋ - سۇيەمەلدەۋ قىزمەتىن ويداعىداي ىستەۋ، پارتيا ىشىندەگى ىنتالاندىرۋدى، قامقورلىق جاساۋدى، كومەكتەسۋ - سۇيەمەلدەۋدى كۇشەيتىپ، پارتيا مۇشەلەرىنە، كادرلارعا، ت. ب شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىمىن شىنايى سەزىندىرۋ كەرەك.

  توعىزىنشى، توتەنشە جاعداي بويىنشا كۇزەتتە تۇرۋ قىزمەتىن مۇقيات، جاۋاپكەرشىلىكپەن جاقسى ىستەۋ. قىزمەت ورنى جاۋاپكەرشىلىك ءتۇزىمىن تياناقتاندىرىپ، 24 ساعات ارنايى ادام كەزەكشى بولۋ جانە باسشى كادرلار قىزمەت ورنىندا جۇمىسقا جەتەكشىلىك ەتۋ، سىرتقا شىققاندا مالىمدەۋ ءتۇزىمىن قاتاڭ اتقارىپ، مەرەكە كەزىندەگى ءتۇرلى قىزمەتتەردىڭ قالىپتى اينالىمىنا شىنايى كەپىلدىك ەتۋ كەرەك. ماڭىزدى، شۇعىل جاعدايعا، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ توسىن جاعدايىنا تاپ بولعاندا، دەرەۋ نۇسقاۋ سۇراپ مالىمەت بەرۋ جانە دەر كەزىندە توتەپ بەرۋ، ءبىر جاقتى ەتۋ شارالارىن قولدانۋ كەرەك. توتەنشە جاعدايعا توتەپ بەرۋ دايىندىق جوباسىن كەمەلدەندىرىپ، توتەنشە جاعدايعا توتەپ بەرۋ بويىنشا جاتتىعۋدى كۇشەيتىپ، توتەنشە جاعدايعا توتەپ بەرۋ دايىندىعىن ويداعىداي ىستەپ، دەرەۋ اتتانىسقا كەلۋگە، جەدەل، جوعارى ونىمدىلىكپەن ءبىر جاقتى ەتۋگە شىنايى كەپىلدىك ەتۋ كەرەك. بۇقاراعا تىكەلەي قىزمەت وتەيتىن ورىندار مەرەكە كەزىندەگى كەزەكشىلىكتى، مىندەت اتقارۋدى ويداعىداي ورنالاستىرۋ ءارى قىزمەت وتەۋ ساپاسىنا كەپىلدىك ەتۋ كەرەك.

  وڭىرلەر، تاراۋلار ”ءتورت تانىمدى“ كۇشەيتىپ، ساياسي دەڭگەيدى جوعارىلاتىپ، ۇيىمدىق باسشىلىقتى كۇشەيتىپ، ەگجەي - تەگجەيلى ورنالاستىرۋ جاساپ، وسى حابارلاندىرۋدىڭ رۋحىن ناقتى تياناقتاندىرۋعا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.