تيانشان تورى   ›   جاڭالىقتار   ›   ەل ءىشى حابارى

ەلىمىزدەگى ەرەسەكتەردىڭ ورتاشا بويى ۇزدىكسىز ارتۋدا

دەنە سالماعى ارتۋ، سەمىرۋ ماسەلەسى كورنەكتىلەنگەن

   شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارىنا قاراعاندا، 23 - كۇنى مەملەكەتتىك كەڭەس اقپارات كەڭسەسى «جۇڭگو تۇرعىندارىنىڭ قورەكتىك جانە سوزىلمالى ناۋقاس جاعدايى مالىمەتىنىڭ (2020 - جىلدىق)» قاتىستى جاعدايى جونىندە اقپار جاريالاۋ ٴماجىلىسىن وتكىزگەن. مالىمەتكە نەگىزدەلگەندە، ەلىمىزدەگى ەرەسەكتەردىڭ ورتاشا بويى ۇزدىكسىز ارتىپ، جاستار مەن جاسوسپىرىمدەردىڭ ٴوسىپ - جەتىلۋ ورەسى ۇزدىكسىز جاقسارعان. سونىمەن بىرگە، ەلىمىز تۇرعىندارىنىڭ دەنە سالماعى ارتۋ، سەمىرۋ جاعدايى اۋىر بولىپ، قالا - اۋىلدارداعى ٴاربىر جاس كەزەڭىندەگى تۇرعىنداردىڭ سالماعى ارتۋ، سەمىرۋ مولشەرى جالعاستى جوعارىلاعان.

  مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى لي بين اقپار جاريالاۋ ماجىلىسىندە بىلاي دەدى: ەلىمىزدەگى 18 - 44 جاس ارالىعىنداعى ەرلەر مەن ايەلدەردىڭ ورتاشا بويى جەكە - جەكە 169.7 سانتيمەتر جانە 158 سانتيمەتر، بۇل 2015 - جىلى جاريالانعان ساندى مالىمەت ناتيجەسىمەن سالىستىرعاندا جەكە - جەكە 1.2 سانتيمەتر جانە 0.8 سانتيمەتر ارتقان.

  مالىمەتكە نەگىزدەلگەندە، ەلىمىزدەگى 18 جاس جانە ودان جوعارى تۇرعىنداردىڭ ەرلەر مەن ايەلدەردىڭ ورتاشا دەنە سالماعى جەكە - جەكە 69.6 كيلوگرام جانە 59 كيلوگرام، بۇل 2015 - جىلى جاريالانعان ناتيجەمەن سالىستىرعاندا جەكە - جەكە 3.4 كيلوگرام جانە 1.7 كيلوگرام ارتقان.

  جۇڭگو قوعامدىق عىلىمدار اكادەمياسىنىڭ اكادەميگى، مەملەكەتتىك راك اۋرۋى ورتالىعىنىڭ مەڭگەرۋشىسى حى جيە بىلاي دەدى: ەلىمىزدەگى راك اۋرۋىنىڭ بەس جىلدىق تىرشىلىك كورۋ مولشەرى جاقىنعى 10 جىلدان بەرى %30.9دان %40.5عا جوعارىلادى. ەلىمىز راك اۋرۋىن سارالاپ تەكسەرۋ قامتۋ كولەمىن كەڭەيتۋ، سارالاپ تەكسەرۋگە ۇيلەسەتىن تەحنيكالاردى بەلسەنە قاراستىرۋ سياقتى شارالاردى قولدانىپ، راك اۋرۋىنىڭ تىرشىلىك كورۋ مولشەرىن جوعارىلاۋعا دەم بەردى.

(ٴتىلشى چىن سۇڭ)

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى