تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ىنتىماق كۇيىن شىعانداتىپ، اسەم اۋەن جەتكىزدى

  ليۋشيڭ كوشەسىندەگى اككوردەونشىلار انسامبىلى:

  ىنتىماق كۇيىن شىعانداتىپ، اسەم اۋەن جەتكىزدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل عوپۇر

  قىستىڭ شۋاقتى كۇنى ايازدىڭ ىزعارىن سەيىلتتى. 12 - ايدىڭ 6 - كۇنى تۇستەن بۇرىن قۇلجا قالاسى ازاتتىق جولى ءمالىسى ليۋشيڭ كوشەسىندە جۇرمىز، دارا ەرەكشەلىككە يە، ستيلى ءار الۋان اۋلالار كوزگە شالىنادى، ارى - بەرى جۇرگەن ءار ۇلت تۇرعىندارى ءبىر - بىرىنە ىستىق ىقىلاسپەن سالەمدەسىپ، جۇزدەرىنەن ىزگىلىك لەبى ەسكەن قارتتار ايالداپ شۇيىركەلەسىپ، بالالار اسىر - سالا ويناپ ءجۇر...

  ليۋشيڭ كوشەسى قۇلجا قالاسىنىڭ تاريحي مادەنيەت كوشەسى، 1934 - جىلى قۇرىلعان سوڭ، حانزۋ، ۇيعۇر، قازاق، حۇيزۋ، ورىس سياقتى كوپ ۇلت وسى جەرگە جاراسىمدىلىقپەن قونىس تەپكەن. 2009 - جىلى قۇلجا قالاسى كوشە اۋماعىنداعى بايىرعى قۇرىلىستاردىڭ اۋەلگى بەينەسىن ساقتاۋ نەگىزىندە، 180 ميلليون يۋان قارجى قوسىپ، دەڭگەيىن جوعارىلاتۋ، جاڭارتۋ نىسانىن اتقارىپ، ليۋشيڭ كوشەسىنىڭ ەرەكشەلىگىن ەڭ جوعارى شەكتە ساقتاپ، قالپىنا كەلتىرىپ، دارەجەسىن جوعارىلاتىپ، وسى جەردىڭ كوپ نەگىزدى مادەنيەت تارتىمدىلىعىن تولىق ايگىلەپ، ليۋشيڭ كوشەسىنىڭ تىڭ تارتىمدىلىعىن قاۋلاتقاندىقتان، كوشەنىڭ تانىمالدىعى بارعان سايىن ارتا ءتۇستى. كوپتەگەن ساياحاتشىلار اتىن ەستىپ ارنايى ات باسىن بۇرىپ، وسى جەردى ارالاپ، سۋرەتكە ءتۇسىپ، سەيىل - سەرۋەن قۇراتىن بولدى.

  ليۋشيڭ كوشە اۋماعى ليگۋاڭ كوشەسى 10 - تارماق كوشەسىندەگى قۇلجا قالاسى ليۋشيڭ كوشەسى تاريح جانە ۇلتتىق سالت - سانا مادەنيەت كورمە سارايى ساياحاتشىلار ەڭ ۇناتاتىن ”ءسوزسىز باراتىن“ جەر. 12 - ايدىڭ 6 - كۇنى تۇستەن بۇرىن قۇلاقتان كىرىپ بويدى الار اككوردەون ءۇنى ساراي ىشىندە جاڭعىرىپ تۇر، 1 - قاباتقا تىزىلگەن سۋرەتتەر جۇڭحۋا ۇلتىنىڭ كوپ نەگىزدى ءبىر تۇلعاسىنىڭ، ءار ۇلتتىڭ قول ۇستاسىپ قاتار العا باسقان اسەرلى اڭگىمەلەرىنەن ”حيكايا شەرتۋدە“.

  اككوردەون اۋەنىنە ىلەسىپ 2 - قاباتتاعى اككوردەون مۇراجايىنا كىرسەڭىز، ۇلگىلەرى اسەم، ءتۇر - ءتۇسى ءار الۋان، جىلدار ءىز سالعان 800دەن استام اككوردەون كوز الدىڭىزعا تارتىلادى، بۇلاردىڭ بارلىعى ليۋشيڭ الەۋمەتتىك اۋماعىنداعى ورىس تۇرعىن الەكساندر جازولين ساقتاپ وتىرعان بۇيىمدار.

  الەكساندردىڭ اكەسى كەزىندە اككوردەون جاسايتىن شەبەر بولىپتى، ول 10 جاسىنان باستاپ اكەسىنە ىلەسىپ اككوردەون تارتۋدى جانە جوندەۋدى ۇيرەنىپ، 15 جاسىنان اككوردەون جيناپ ساقتاي باستاپ، قازىرگە دەيىن 27 مەملەكەتتىڭ 800دەن اسا اككوردەونىن جيناپ ساقتاعان. 2018 - جىلى قۇلجا قالالىق ۇكىمەت 3 ميلليون 670 مىڭ يۋان قارجى قوسىپ، اۋماعى 1200 شارشى مەتر كەلەتىن اككوردەون مۇراجايىن سالدى.

  الەكساندر بىرنەشە رەتكى كوشەدەگى ادەبيەت - كوركەمونەر كونسەرتى قيمىلىنا قاتىناسقاننان كەيىن، كوپتەگەن تۇرعىننىڭ اككوردەون ورىنداۋشىلىعىن قاتتى ۇناتاتىندىعىن بايقاپ، 3 كونە دوسىمەن بىرگە ءتۇرلى كونسەرتتەرگە قاتىناسا باستادى. وسىدان كەيىن، تاعى دا تۇرلىشە ۇلتتىڭ 4 اككوردەون اۋەسكەرى ولارعا قوسىلىپ، ۇلتتار ىنتىماعى اككوردەونشىلار انسامبىلى وسىلايشا قۇرىلادى. قازىر بۇل انسامبىلدە 13 ۇلتتىڭ مۇشەسى بار.

  مۇراجايدىڭ ورتاسىنداعى ساحنادا ليۋشيڭ كوشەسى ۇلتتار ىنتىماعى اككوردەونشىلار انسامبىلى «مەن جانە مەنىڭ وتانىم» مۋزيكاسىن بار ىنتامەن ورىنداۋدا، قۇيقىلجىعان اۋەن ادامداردى ەرىكسىز توقتاپ، باياۋ داۋىسپەن ىلەسە شىرقاۋعا باۋراۋدا.

  ”الەكساندر اعامىز اۋىرىپ قالىپتى، ماعان تەلەفون شالىپ جاقسى ماشىقتانىپ، ءبىزدىڭ تاعى دا كوبىرەك كۇي نومىرلەرىن ورىنداۋىمىزدى تاپسىردى“. انسامبىل مۇشەسى عيزاتوللا ءانۋار كوپشىلىكتى ماشىقتانۋعا مۇقيات ۇيىمداستىردى.

  ءار اپتانىڭ سارسەنبى، جۇما كۇندەرى كوپشىلىك اككوردەون مۇراجايىنا جينالىپ بىرگە ماشىقتانىپ، مارە - سارە بولىسادى. كوپشىلىك ءوزارا اقىلداسىپ، ءبىر - بىرىمەن اۋىس - كۇيىس جاساپ، ورىنداۋشىلىق ورەلەرىن جوعارىلاتۋمەن بىرگە، ءوزارا سۇيىسپەنشىلىكتەرى دە بارعان سايىن تەرەڭدەدى. ”ءبىز ورىنداۋشىلىققا بىرگە ماشىقتانامىز، «مەن جانە مەنىڭ وتانىم»، «مۋدانحان»، «قاراجورعا» سياقتىلار تۇگەلدەي ءبىز ۇناتاتىن كۇيلەر“، - دەدى عيزاتوللا.

  انسامبىل قۇرىلعان 2 جىلدان استام ۋاقىتتان بەرى جۇزدەگەن كونسەرت بەردى، ورتالىق تەلەۆيزيانىڭ «حالىق اندەرى. جۇڭگو»، «التىن 100 سەكۋند» سياقتى ساحنالارىنا دا شىقتى، عيزاتوللا بىلتىر ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ بولىپ باعالاندى. بيىل الەكساندر ەكەۋى جانە انسامبىل مۇشەسى گو شۇنمين 3 - كەزەكتى جۇڭگو حالىقارالىق يمپورت كورمەسىنىڭ شينجياڭ جارمەڭكە ۇجىمى گۋمانيتارلىق اۋىس - كۇيىس كورمە اۋماعىندا قوناقتارعا مۋزيكا ورىنداپ، دۇنيە جۇزىنە شينجياڭنىڭ اسەم اۋەنىن جەتكىزدى.

  ”مەملەكەتىمىز ۇلتتىق تاڭداۋلى ءداستۇرلى مادەنيەتتى قورعاۋعا جانە دامىتۋعا ەرەكشە ءمان بەرىپ، ۇلتتىق مادەنيەت جاقسى زامانعا كەز كەلدى“. عيزاتوللا بىلاي دەدى: ”ءبىز تۇرلىشە ۇلتتاردان، تۇرلىشە كاسىپتەردەن قۇرالعانبىز، اككوردەوننىڭ ارقاسىندا ءبىر اراعا باس قوستىق، بۇل شينجياڭداعى ۇلتتاردىڭ جاراسىمدى بىرگە تۇرعاندىعىنىڭ ەڭ جاقسى تۇسىندىرمەسى. ءبىز اسەم مۋزيكا اۋەنىمەن شينجياڭنىڭ قوعامى ورنىقتى بولۋداي اسا تاماشا جاعدايىن، حالىق تىنىش ءومىر، شات - شادىمان تىرشىلىك كەشىرگەن باقىتتى تۇرمىستى ۇگىتتەيمىز“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.