اڭگىمەلەۋشى: ءۇرىمجى قالاسى سايباق رايونى يوۋحاۋ وڭتۇستىك جولى الەۋمەتتىك اۋماق دەنساۋلىق ساقتاۋ بويىنشا قىزمەت وتەۋ ورتالىعى وتباسى شيپاگەرلەر ۇجىمىنىڭ باستىعى، تەتە اعا شيپاگەر چىڭ حۋا
وتكەن 5 جىلدا ءبىز قاراستى اۋماقتاعى قارتتار، سوزىلمالى ناۋقاستار، جۇكتى ايەلدەر سياقتى ەرەكشە ادامدار شوعىرىمەن وتباسى شيپاگەرى كەلىسىمىنە قول قويدىق. سالاماتتىقتى باسقارۋ جانە سالاماتتىق تاربيەسى ارقىلى تۇرعىنداردىڭ سالاماتتىق جاعدايى كورنەكتى جاقساردى. ”14 - بەسجىلدىق“ جوبا «ۇسىنىسىندا» حالىققا جان - جاقتى، تۇتاس پەريودتى سالاماتتىقتى ساقتاۋ جونىنەن قىزمەت وتەۋ كەرەكتىگى ورتاعا قويىلدى. نەگىزگى ساتىداعى بەساسپاپ شيپاگەر رەتىندە، الداعى 5 جىلدا مەن تۇرعىنداردىڭ ”وتباسىنداعى بارلىق ادامعا“ قىزمەت وتەپ، قاراستى اۋماقتاعى قىزمەتكەرلەر مەن وقۋشىلاردى دا وتباسى شيپاگەرى كەلىسىمىنە قول قويۋ وبيەكتىسى ەتىپ، ناۋقاستارىن كورىپ قانا قالماستان، تۇرعىنداردىڭ عۇمىرلىق سالاماتتىعىن دا قاداعالاپ، عۇمىرلىق پەريود بويىنشا سالاماتتىق جونىنەن قىزمەت وتەۋدى ءۇمىت ەتەمىن. قازىر ءبىزدىڭ الەۋمەتتىك اۋماعىمىزداعى دەنساۋلىق ساقتاۋ بويىنشا قىزمەت وتەۋ ورتالىعىمىزعا كەلىپ ەمدەلەتىن جاستار كوپ ەمەس، ءبىز ولارعا عىلمي، جۇيەلى سالاماتتىق ءبىلىم جاعىنان قىزمەت وتەپ، ۇگىت جۇرگىزۋمەن بىرگە، كەلىسىمگە قول قويىپ، سالاماتتىق بىلىمدەرىن جالپىلاستىرۋمەن قاتار، ىڭعايىنا قاراي سالاماتتىق جاعىنان جەتەكشىلىك ەتىپ، سالامات تۇرمىس ءتاسىلىن ۇدايىلاندىرۋعا، ادەتكە اينالدىرۋعا قۋزاپ، تۇرعىندار ءۇشىن شىن مانىندە ناقتى ءىس، جاقسى ءىس ىستەيمىز. سالامات جۇڭگو قۇرىلىسى ءاربىر ادامنىڭ ات سالىسۋىنا مۇقتاج، مەنىڭ قۇلشىنىسىم ارقىلى اناعۇرلىم كوپ ادامنىڭ سالاماتتىققا ءمان بەرۋىن، اناعۇرلىم كوپ ادامنىڭ ءوز سالاماتتىعىنىڭ ءبىرىنشى جاۋاپتىسى بولۋىن ءۇمىت ەتەمىن.
(شينجياڭ گازەتىنىڭ جالپىلىق اقپارات قۇرالدارى ءتىلشىسى سۋ لۋپيڭ رەتتەگەن)
