چىن چۋانگو، شوكىرات زاكىر ءسوز سويلەدى، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى
12 - ايدىڭ 27 - كۇنى اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 12 - ايدىڭ 27 - كۇنى ۇرىمجىدەن حابارلايدى. 12 - ايدىڭ 27 - كۇنى اۆتونوميالى رايوندىق پارتكوم ەكونوميكالىق قىزمەت ءماجىلىسىن اشىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، تۇتاس رايوننىڭ 2020 - جىلعى ەكونوميكالىق قىزمەتىن قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2021 - جىلعى ەكونوميكالىق قىزمەتتى ورنالاستىردى.
اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قورىتىندى ءسوز سويلەدى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.
ءماجىلىس مىنالاردى اتاپ كورسەتتى: ورتالىقتىڭ ەكونوميكالىق قىزمەت ءماجىلىسى − بۇكىل پارتيادا جوعارىدان تومەنگە دەيىن، بۇكىل ەلدە جوعارىدان تومەنگە دەيىن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”13 - بەسجىلدىقتى“ تامامداپ، ”14 - بەسجىلدىقتىڭ“ باستاماسىن اشۋداي جاڭا جاعدايدا اشىلعان ءبىر رەتكى اسا ماڭىزدى ءماجىلىس. باس شۋجي شي جينپيڭ ماڭىزدى ءسوز سويلەپ، كەزەكتەگى ەل ءىشىنىڭ، حالىقارانىڭ جاعدايىنا ىشكەرىلەي تالداۋ جاساپ، ەكونوميكالىق قىزمەت ناتيجەسىن تۇجىرىمداپ، قورىتىندىلاپ، ەكونوميكانىڭ جوعارى ساپالى دامۋىن ىلگەرىلەتۋدىڭ كەلەلى نازاريالارىن جانە ناقتى ماسەلەلەرىن ىشكەرىلەي بايىمداپ، كەلەر جىلعى ەكونوميكالىق دامۋدىڭ جالپى تۇلعالىق وي جەلىسىن، ساياسات - شارالارىن، نىسانا - مىندەتتەرىن جانە ءتۇيىندى قىزمەتتەرىن ايقىن العا قويدى، بۇل 2021 - جىلعى ەكونوميكالىق قىزمەتتى جاقسى ىستەۋدىڭ عىلمي جەتەكشىسى جانە ءتۇبىرلى بويسۇنۋ ولشەمى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى ورتالىقتىڭ ەكونوميكالىق قىزمەت ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتى العا قويعان ”14 - بەسجىلدىقتاعى“ ەكونوميكالىق، قوعامدىق دامۋدىڭ باستى نىسانالارىمەن جانە 2035 - جىلعا دەيىنگى بولاشاقتىق نىسانامەن بىرلىككە كەلتىرىپ، كەلەر جىلعى ەكونوميكالىق قىزمەتتى جاقسى ىستەۋدەگى جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى ونان ارى كۇشەيتۋ كەرەك.
ءماجىلىس مىنالاردى اتاپ كورسەتتى: بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل رايوندا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى جانە باياندى تىنىشتىق باس نىساناسىمەن تىعىز بايلانىستىرىپ، جاڭا دامۋ ۇستانىمىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋعا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەكونوميكانى ورنىقتى، اقاۋسىز دامىتىپ، كاسىپ سالاسى دامۋىن ۇزدىكسىز جاقسارتىپ، كەدەيلىكتەن ارىلتۋدان قامال الۋدا شەشۋشى جەتىستىكتەرگە قول جەتكىزىپ، حالىق تۇرمىسىن ۇزدىكسىز جاقسارتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ورنىقتى قاداممەن ىلگەرىلەتتى، ءتۇيىندى سالالارداعى رەفورمانى ۇزدىكسىز تەرەڭدەتىپ، بيڭتۋان مەن جەرگىلىكتى ورىندى توعىستىرا دامىتۋدا بەلسەندى ونىمدىلىكتەرگە قول جەتكىزدى، ”13 - بەسجىلدىق“ جوبانىڭ باستى نىسانالارى مەن مىندەتتەرى ورىندالۋ الدىندا تۇر. ناتيجەلەردى تولىق تۇراقتاندىرىپ، قيىنشىلىقتارعا، ماسەلەلەرگە تۋرا قاراپ، جاعدايدى ءداپ باسىپ يگەرىپ، سەنىمدى، بەكىمدى بەكەمدەپ، قولايلى جاعدايدان ۇتىمدى پايدالانىپ، ىرىقتىلىقپەن ىسكەرلىك كورسەتىپ، جاڭا داۋىردە جوعارى ساپالى دامۋدىڭ جاڭا جاعدايىن ۇزدىكسىز اشۋ كەرەك.
ءماجىلىس مىنالاردى باسا دارىپتەدى: 2021 - جىل ”قوس 100 جىلدىق“ كۇرەس نىساناسى توعىساتىن جانە اۋىساتىن جىل، ”14 - بەسجىلدىق“ باستالاتىن جىل، پارتيامىز قۇرىلعاندىعىنىڭ 100 جىلدىعى. كەلەر جىلعى ەكونوميكالىق قىزمەتتى جاقسى ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىنا تاباندى بولىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، جۇيە كوزقاراسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ءۇش ءىرى قامال الۋ شايقاسىن ۇزدىكسىز جاقسى جۇرگىزىپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، ەكونوميكالىق اينالىمدى لايىقتى ارالىقتا ساقتاۋعا قۇلشىنىپ، ىشكى سۇرانىستى كەڭەيتۋ ستراتەگياسىنا تاباندى بولىپ، عىلىم - تەحنيكالىق ستراتەگيالىق تىرەكتى كۇشەيتىپ، جوعارى دەڭگەيدە ىشكە، سىرتقا ەسىك اشۋدى كەڭەيتىپ، ”14 - بەسجىلدىقتىڭ“ جاقسى باستاما اشۋىنا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
ءماجىلىس مىنالاردى اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىنا تاباندى بولىپ، جاڭا دامۋ ارناسىمەن توعىسىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي مىقتاپ يگەرىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىتتىق ورنىقتىلىعىن ساقتاپ، ءوندىرىس حاۋىپسىزدىگى قىزمەتىن تىڭعىلىقتى، ويداعىداي ىستەپ، ەكونوميكالىق، قوعامدىق دامۋعا تاماشا ورتا ازىرلەۋ كەرەك.
ءماجىلىس مىنالاردى باسا دارىپتەدى: جۇيە كوزقاراسىنا تاباندى بولىپ، مەملەكەتتىڭ كەلەلى جاعدايىنا قىزمەت ەتىپ، ورتالىقتىڭ قولداۋى مەن ءوز ارتىقشىلىعىن ساۋلەلەندىرۋدى ورگانيكالى ۇشتاستىرۋعا تاباندى بولىپ، تۇيىندەردەن قامال الۋ ارقىلى جالپى جاعداي قىزمەتىنە جەتەكشىلىك ەتىپ، رايونىمىز ەكونوميكاسىنىڭ ۇزدىكسىز قالپىنا كەلۋىن جانە جوعارى ساپالى دامۋىن ىلگەرىلەتۋ كەرەك.
ءبىرىنشى، جاڭالىق اشۋ ارقىلى دامۋعا دەم بەرۋدى كورنەكتىلەندىرە ويداعىداي يگەرىپ، جوعارى ساپالى دامۋدىڭ جاڭا قوزعاۋشى قۋاتىن جەتىلدىرۋ كەرەك. جاڭالىق اشا دامۋ ورنالاستىرۋىن ساپالىلاندىرىپ، كاسىپورىنداردىڭ تەحنيكادا جاڭالىق اشۋىن ىلگەرىلەتىپ، كاسىپ سالاسى تىزبەگىنىڭ جوعارعى، ورتاڭعى، تومەنگى جەلىسىنىڭ، ءىرى، ورتا، شاعىن كاسىپورىنداردىڭ توعىسا جاڭالىق اشۋىن ىلگەرىلەتىپ، دارىندىلار جاعىندا قۋاتتى رايون قۇرۋ ستراتەگياسىن اتقارىپ، ءتۇيىندى كاسىپ سالالارىندا كاسىپ سالاسى مەن دارىندىلاردى توعىستىرۋدى ىلگەرىلەتىپ، شابىتتاندىرۋ، جاڭالىق اشۋ ساياساتىن كەمەلدەندىرىپ، دارىندىلاردىڭ جاڭالىق اشۋ ومىرشەڭدىگىن قاۋلاتۋ كەرەك.
ەكىنشى، ەرەكشە، باسىم كاسىپ سالاسىن زورايتۋدى كورنەكتىلەندىرە ويداعىداي يگەرىپ، كاسىپ سالاسى تىزبەگىن، قامداۋ تىزبەگىن ساپالىلاندىرۋدى، دارەجەسىن جوعارىلاتۋدى ىلگەرىلەتۋ كەرەك. 1 -، 2 -، 3 - كاسىپ سالالارىن توعىستىرا دامىتۋدى ىلگەرىلەتىپ، 10 ۇلكەن كاسىپ سالاسىن ساپالىلاندىرىپ، كۇشەيتىپ، وسى زامانعى كاسىپ سالاسى جۇيەسىن جەدەل ورناتۋ كەرەك. اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ، تۇقىم ينجەنەرياسىن، استىق حاۋىپسىزدىگىن، ماقتا ءوندىرىسىن، جەمىس ورمان شارۋاشىلىعىن دامىتۋدى، مال باعىمشىلىعىن، سۋ ۇنەمدەۋ ينجەنەرياسىن، اۋىل شارۋاشىلىعى ماشينالارىن جابدىقتاۋدى، اۋىل شارۋاشىلىعىن كاسىپ سالالاندىرۋدى ويداعىداي يگەرۋ؛ ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتىپ، بايلىق شوعىرلانعان كاسىپ سالالارىن، ەڭبەك شوعىرلانعان كاسىپ سالالارىن، ستراتەگيالىق جاڭادان گۇلدەنگەن كاسىپ سالالارىن، سيفرلى ەكونوميكانى كۇش سالا دامىتۋ؛ وسى زامانعى قىزمەت وتەۋ كاسىبىن كۇش سالا دامىتىپ، ساياحات ارقىلى شينجياڭدى گۇلدەندىرۋ ستراتەگياسىن اتقارىپ، ءوندىرۋ سيپاتتى قىزمەت وتەۋ كاسىبىن جانە تۇرمىستىق قىزمەت وتەۋ كاسىبىن دامىتۋ كەرەك.
ءۇشىنشى، ىشكى سۇرانىستى ارتتىرۋ ستراتەگيالىق نەگىزگى ءتۇيىنىن كورنەكتىلەندىرە ويداعىداي يگەرىپ، جاڭا دامۋ ارناسىنا بەلسەنە توعىسۋ كەرەك. ءونىمدى قارجى قوسۋدى كەڭەيتىپ، نىسانداردىڭ جەتەكشىلىگىن، قارجى قوسۋعا تارتۋدى، قارجى قۇراپ بىرلەسە قيمىلداۋدى كۇشەيتۋ؛ نەگىزدىك قۇرىلعى قۇرىلىسىن كۇشەيتىپ، قاتىناس - تاسىمال، وسى زامانعى سۋ يگىلىگى، ەلەكتر كۇشى، ينفورماتسيالاندىرۋ سياقتى 4 ۇلكەن تىرەكتى جۇيەنى جەدەل ورناتۋ؛ تۇتىنۋدىڭ جاندانۋىن بەلسەنە جەبەپ، ساياحاتتىق تۇتىنۋدى، اۆتوموبيل تۇتىنۋىن، جاڭاشا تۇتىنۋدى، قالا، اۋىل تۇتىنۋىن ۇزدىكسىز كەڭەيتىپ، الەۋمەتتىك تۇتىنۋدى ۇيلەسىمدى ارتتىرۋ كەرەك.
ءتورتىنشى، رەفورمانى جاپپاي تەرەڭدەتۋدى كورنەكتىلەندىرە ويداعىداي يگەرىپ، ەكونوميكالىق دامۋدىڭ قوزعاۋشى كۇشىن جانە ومىرشەڭدىگىن كۇشەيتۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرۋدى ىلگەرىلەتۋ؛ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، مەملەكەت مەنشىگىندەگى شارۋاشىلىقتىڭ ستراتەگيالىق تىرەكتىك رولىن اناعۇرلىم جاقسى ساۋلەلەندىرۋ؛ حالىق باسقارۋىنداعى شارۋاشىلىقتىڭ دامۋىن جەدەلدەتىپ، حالىق باسقارۋىنداعى شارۋاشىلىقتىڭ جوعارى ساپالى دامۋ بارىسىنداعى جالىندى قوسىن رولىن ءتىپتى جاقسى ساۋلەلەندىرۋ كەرەك.
بەسىنشى، ىشكە، سىرتقا ەسىك اشۋدى كورنەكتىلەندىرە ويداعىداي يگەرىپ، ەلىمىزدىڭ ىشكى قۇرلىقتىق ەسىك اشۋى مەن شەكارالىق ەسىك اشۋىنىڭ بيىگىن جەدەل تۇلعالاۋ كەرەك. جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، ”ءبىر پورت، ەكى رايون، بەس ۇلكەن ورتالىق“ جانە ”شەكارا وتكەلى ەكونوميكالىق بەلدەۋى“ قۇرىلىسىن كورنەكتىلەندىرە ويداعىداي يگەرىپ، تارباعاتاي ءتۇيىندى تۇردە يگەرۋ، ەسىك اشۋ سىناق رايونى جوبا قۇرىلىسىن ىلگەرىلەتۋ؛ ىشكە، سىرتقا ەسىك اشۋ دەڭگەيىن جوعارىلاتىپ، سىرتقا ەسىك اشۋ دانەكەرلەرىن بايىتىپ، سىرتقا ەسىك اشۋ دارەجەسىن جوعارىلاتىپ، اشىق ەكونوميكا تۇزىلىسىنە جاڭالىق ەنگىزىپ، كاسىپ سالاسى بويىنشا شينجياڭعا كومەكتەسۋدى ناقتى ىلگەرىلەتىپ، ىشكە، سىرتقا جان - جاقتى ەسىك اشۋدىڭ جاڭا ارناسىن جەدەل ورناتۋ كەرەك.
التىنشى، اۋىل - قىستاقتى گۇلدەندىرۋ ستراتەگياسىن كورنەكتىلەندىرە ويداعىداي يگەرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرۋ كەرەك. قازىرگى كەدەيلەرگە كومەكتەسۋ - سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، ”ءتورتتى توقتاتپاۋ“ تالابىن قاتاڭ تياناقتاندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ؛ اۋىل - قىستاق قۇرىلىسى ارەكەتىن اتقارىپ، اۋىل شارۋاشىلىعى، اۋىل - قىستاق رەفورماسىن ۇزدىكسىز تەرەڭدەتىپ، جاڭاشا كاسىپتەگى شارۋالاردى كۇش سالا جەتىلدىرىپ، اۋىل - قىستاقتى كاسىپ سالاسى ارقىلى گۇلدەندىرۋدى، دارىندىلار ارقىلى گۇلدەندىرۋدى، مادەنيەت ارقىلى گۇلدەندىرۋدى، ەكولوگيا ارقىلى گۇلدەندىرۋدى، ۇيىمداستىرۋ ارقىلى گۇلدەندىرۋدى تىڭعىلىقتى ىلگەرىلەتۋ كەرەك.
جەتىنشى، ادامدى وزەك ەتكەن جاڭاشا قالا - قالاشىقتاندىرۋدى كورنەكتىلەندىرە ويداعىداي يگەرىپ، وڭىرلىك سايكەستى دامۋ مەن قالا، اۋىلدىڭ توعىسپالى دامۋىن ىلگەرىلەتۋ كەرەك. قالانىڭ دامۋ ارناسىن كۇش سالا كەمەلدەندىرىپ، ءۇرىمجى ورتالىق قالا شەڭبەرىن جەتىلدىرىپ، سولتۇستىك شينجياڭ قالا بەلدەۋىن قۇرىپ، وڭتۇستىك شينجياڭ قالا شوعىرىن قالىپتاستىرۋ؛ جاڭاشا قالا - قالاشىقتاندىرۋ قۇرىلىسىن ىشكەرىلەي ىلگەرىلەتىپ، كاسىپ سالاسى مەن قالانىڭ توعىسپالى دامۋىن ىلگەرىلەتىپ، قالانى جاڭالاۋ ارەكەتىن اتقارىپ، قالانىڭ جونگە سالۋ قابىلەتىن جوعارىلاتۋ؛ قالا، اۋىلدىڭ توعىسپالى دامۋىن ىلگەرىلەتىپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا، اۋىل ءبىرىن - ءبىرى تولىقتايتىن، سايكەستى داميتىن، ورتاق گۇلدەنىپ - كوركەيەتىن جاڭاشا ونەركاسىپ، اۋىل شارۋاشىلىعى قالا، اۋىل قاتىناسىن ورناتۋ كەرەك.
سەگىزىنشى، ەكولوگيالىق ورتانى قورعاۋدى جانە گۇلدەندىرۋدى كورنەكتىلەندىرە ويداعىداي يگەرىپ، ەكولوگيالىق ورتا ساپاسىن ۇزدىكسىز جاقسارتۋ كەرەك. تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيالىق ورتانى قورعاۋ مەحانيزمىن اقاۋسىزداندىرىپ، ورتانى وڭاۋدى ۇزدىكسىز كۇشەيتىپ، قۇمدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، جاسىل، تومەن كومىرتەكتى دامۋدى كۇش سالا ىلگەرىلەتىپ، كورىكتى شينجياڭدى قۇلشىنا قۇرۋ كەرەك.
توعىزىنشى، حالىق تۇرمىسىن قامتاماسىز ەتۋ جانە جاقسارتۋدى كورنەكتىلەندىرە ويداعىداي يگەرىپ، ءار ۇلت بۇقاراسىنىڭ ىرىس - قۇتىن ۇزدىكسىز ارتتىرۋ كەرەك. حالىقتى وزەك ەتكەن دامۋ يدەياسىن مىقتاپ ورناتىپ، جۇمىستانۋ ارناسىن كەڭەيتۋ، كىرىستى ارتتىرىپ بايۋ، وقۋ - اعارتۋدىڭ دەڭگەيىن ءوسىرۋ، جالپى حالىقتىڭ سالاماتتىعى، قوعامدىق قامسىزداندىرۋ اياسىن كەڭەيتۋ، بەيقۇت ءۇي قامتاماسىزدىعى، كومىردى ەلەكترگە وزگەرتۋ، شەكارانى گۇلدەندىرىپ حالىقتى بايىتۋ، الەۋمەتتىك حاۋىپسىزدىكتى قامتاماسىز ەتۋ، حالىققا ورنىقتى تۇردە تيىمدىلىك جەتكىزۋ سياقتى ”10 ءتۇرلى حالىققا تيىمدىلىك جەتكىزۋ ينجەنەرياسىن“ ىشكەرىلەي اتقارىپ، ءار ۇلت بۇقاراسىنا رەفورمانىڭ، دامۋدىڭ، ورنىقتىلىقتىڭ جەتىستىكتەرىن شىنايى سەزىندىرۋ كەرەك.
ونىنشى، بيڭتۋان مەن جەرگىلىكتى ورىندى توعىستىرا دامىتۋدى كورنەكتىلەندىرە ويداعىداي يگەرىپ، بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋ كەرەك. بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر وتباسى دەگەن يدەيانى مىقتاپ ورناتىپ، بيڭتۋان مەن جەرگىلىكتى ورىندى توعىستىرا دامىتۋدى ىلگەرىلەتىپ، بيڭتۋاننىڭ رەفورمانى تەرەڭدەتۋىن جانە وڭتۇستىككە قاراي دامۋىن قولداپ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ قابىلەتى قۇرىلىسىن قولداۋ كەرەك.
ءماجىلىس مىنانى اتاپ كورسەتتى: قازىنا - سالىق، فينانس قىزمەتىن ويداعىداي ىستەۋگە باسا ءمان بەرىپ، قازىنا - سالىق، فينانس تىرەگىن كۇشەيتىپ، قازىنا شىعىس قۇرىلىمىن ساپالىلاندىرىپ، قازىنا - سالىقتىڭ سۇيمەندىك رولىن ويداعىداي ساۋلەلەندىرىپ، فينانستىڭ ناقتى ەكونوميكاعا قىزمەت وتەۋ قابىلەتىن ۇزدىكسىز جوعارىلاتىپ، جالپىعا ءتيىمدى فينانستىق قىزمەت وتەۋ جۇيەسىن كەمەلدەندىرىپ، حاۋىپ - قاتەرلەردى جويۋ قىزمەتىن تىڭعىلىقتى، ويداعىداي ىستەۋ كەرەك؛ پارتيا، ۇكىمەت ورگاندارى باستاماشىلدىقپەن ۇنەمشىلدىك ىستەپ، جاڭادان ارتاتىن شىعىستى قاتاڭ تىزگىندەۋ كەرەك. ”ەكى مەرەكەدە“ بازاردى قامداۋعا كەپىلدىك ەتىپ، نەگىزگى حالىق تۇرمىسىن قامتاماسىز ەتىپ، قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋ قىزمەتىن ويداعىداي ىستەۋ كەرەك. ”14 - بەسجىلدىق“ جوبا باعدارلاماسىن جوعارى ساپالى، عىلمي ويداعىداي جاساۋ كەرەك.
ءماجىلىس مىنالاردى باسا دارىپتەدى: ءار دارەجەلى پارتكومدار جالپى جاعدايدى مەڭگەرۋ، ءار جاقتى سايكەستىرۋ رولىن تولىق ساۋلەلەندىرىپ، بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جوعارى ساپالى دامۋدى ىلگەرىلەتۋدىڭ قۋاتتى بىرىككەن كۇشىن ۇيىستىرۋ كەرەك. ساياسي تانىمدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن ىشكەرىلەي ۇيرەنىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا بۇلجىماي تاباندى بولىپ، ساياسي كورەگەندىكپەن ەكونوميكالىق، قوعامدىق ماسەلەلەردى باقىلاۋعا جانە وعان تالداۋ جاساۋعا شەبەر بولۋ كەرەك. قابىلەت دەڭگەيىن جوعارىلاتىپ، كاسىپتىك قابىلەتىن، ەكونوميكالىق اۋقىمدى يگەرۋ قابىلەتىن، ءبىر تۇتاس جوسپارلاپ، بىردەي ءمان بەرۋ قابىلەتىن كۇش سالا جوعارىلاتىپ، جاڭا دامۋ ارناسىن قالىپتاستىرۋعا باسشىلىق ەتەتىن مايتالمانعا اينالۋ كەرەك. ستيلگە شىنايى بۇرىلىس جاساپ، ناقتى ىستەۋ بەتالىسىن ورناتىپ، جاۋاپكەرشىلىك ارقالاپ، ىسكەرلىك كورسەتۋگە شابىتتاندىرىپ، فورماشىلدىقتان ساقتانىپ، نەگىزگى ساتىنىڭ اۋىرتپالىعىن بارىنشا جەڭىلدەتىپ، زەيىن - زەردەنى ءىس تىندىرىپ، ناتيجە شىعارۋعا شىنايى شوعىرلاندىرۋ كەرەك. تاماشا راي قالىپتاستىرىپ، ۇگىت قىزمەتىن ۇزدىكسىز كۇشەيتىپ، قوعامنىڭ كۇتكەنىنە ءونىمدى جەتەكشىلىك ەتىپ، قوعامنىڭ نازار اۋدارعانىنا بەلسەنە ءۇن قاتۋ كەرەك.
ءماجىلىس مىنالاردى اتاپ كورسەتتى: ءار دارەجەلى پارتكومدار جانە ۇكىمەتتەر شىنايى تۇردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن، تالاپتارىن شينجياڭنىڭ ەكونوميكالىق قىزمەتىنىڭ ءارقايسى سالالارىندا، ءارقايسى جاقتارىندا دايەكتىلەندىرىپ، حاۋىپ - قاتەرلەر مەن سىن - سايىستارعا توتەپ بەرۋ بارىسىندا ەكونوميكالىق قىزمەتتىڭ ىرىقتىلىق ۇقىعىن مىقتاپ يگەرىپ، جوعارى ساپالى دامۋعا بەرىك كەپىلدىك ازىرلەۋ كەرەك. جەر - جەر، تاراۋلار ءتۇرلى نىسانا - مىندەتتەردى عىلمي ءبولىپ، ءتۇرلى قىزمەتتىڭ باستاماشى ورنىن، نىسانا تالابىن، ورىنداۋ ۋاقىتىن، اتقارۋ بارىسىن ايقىنداپ، ءتۇرلى ءتۇيىندى قىزمەتتەر مەن شەشۋدى كۇتىپ تۇرعان ماسەلەلەردى كوزبەن كورىپ، قولمەن ۇستاۋعا بولاتىن، قولدانىلمالى سيپاتى كۇشتى ناقتى ارەكەت جوباسىنا اينالدىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جوعارى ساپالى دامۋدى جانە حالىق تۇرمىسىن ۇزدىكسىز جاقسارتۋدى ىلگەرىلەتۋدىڭ ناقتى ارەكەتىنە اينالدىرۋ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ جاندى امالياتىنا اينالدىرۋ كەرەك.
ءماجىلىس مىنانى ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتكە كەلىپ، ەل بىرلىگىنەن بەرىك قامال ورناتىپ، قايسارلىقپەن شايقاسىپ، قاجىرلىلىقپەن كۇرەسىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى، ويداعىداي ىستەپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋ كەرەك.
ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، بيڭتۋان باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار قاتارلىلار نەگىزگى ءماجىلىس زالىندا ماجىلىسكە قاتىناستى.
