اڭگىمەلەۋشى: شينجياڭ شاڭعىشىلار قوعامىنىڭ القاسى، ماماندار گرۋپپاسىنىڭ باستىعى شۇي شيۋجۋان
اق ۇلپا قارعا بولا شىعىس سولتۇستىكتەن شينجياڭعا كەلدىم؛ شاڭعى سپورتشىسىنان شاڭعى جاتتىقتىرۋشىسىنا اينالدىم، مۇندا سالاۋاتىم وزگەرگەنىمەن، اۋەلگى ماقساتىم وزگەرگەن جوق، شاڭعى مادەنيەتىن جالپىلاستىرۋ بارىسىندا مەن شينجياڭنان كەڭ دامۋ ءورىسىن تاپتىم. ”14 - بەسجىلدىق“ جوبا «ۇسىنىسىندا» بىلاي دەپ العا قويىلعان: مادەنيەتتە قۋاتتى ەل، وقۋ - اعارتۋدا قۋاتتى ەل، دارىندىلاردا قۇدىرەتتى ەل، دەنە تاربيەدە قۇدىرەتتى ەل، سالاماتتى جۇڭگو قۇرىپ، حالىقتىڭ ساپاسى مەن قوعامنىڭ وركەنيەت دەڭگەيىن جاڭا ورەگە كوتەرىپ، مەملەكەتتىڭ مادەنيەت جۇمساق قۋاتىن كورنەكتى ارتتىرۋ كەرەك. جاس وسپىرىمدەر دەنە تاربيەسى − دەنە تاربيەدە قۇدىرەتتى ەل قۇرۋدىڭ ماڭىزدى قۇرامداس بولىگى، بيىل قىستا مەن شاڭعى الاڭىندا جاس وسپىرىمدەرگە شاڭعى تۋرالى اپتاسىنا 2 رەت الەۋمەتتىك يگىلىك ساباعىن ءوتۋدى سىناپ كوردىم. الداعى 5 جىلدا مەن الەۋمەتتىك يگىلىك ساباقحاناسىن جالعاستىرىپ، شاڭعى الاڭىندا عانا ەمەس، مەكتەپتەرگە دەيىن بارىپ، ءار جىلى 100 رەتتەي لەكسيا جاساپ، ”دەنە تاربيەدە قۇدىرەتتى ەل“ ۇستانىمىن جاس وسپىرىمدەر تاربيەسىنىڭ تۇتاس بارىسىنا سىڭىرۋگە كۇش سالامىن. بيىل بالام 2 جاسقا كەلدى، ءسال ەسەيگەننەن كەيىن، ونى دا شاڭعى الاڭىنا ەرتىپ بارىپ، نەگىزگى شەبەرلىككە جاتتىقتىرىپ، دەنساۋلىعىن كۇشەيتەمىن.
(شينجياڭ گازەتىنىڭ جالپىلىق اقپارات قۇرالدارى ءتىلشىسى يۇي مىڭفان رەتتەگەن)
