گازەتىمىزدىڭ 12 - ايدىڭ 31 - كۇنى ۇرىمجىدەن بەرگەن حابارى. انار بۇلتى/شينجياڭ گازەتىنىڭ ءتىلشىسى لياڭ ليحۋا حابارلايدى. 2020 - جىلى 12 - ايدىڭ 30 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى 107 - رەتكى مەڭگەرۋشىلەر ءماجىلىسىن اشىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى (نۇسقا) سياقتىلاردى اقىلداسىپ، اۆتونوميالى رايوندىق حالىق قۇرىلتايىنىڭ 2021 - جىلعى قىزمەتىن ورنالاستىردى، جايعاستىردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇعىنىپ، حالىق قۇرىلتايىنىڭ ءتۇرلى قىزمەتتەرىن پارتيانىڭ جاسامپاز نازارياسىمەن جاپپاي مەڭگەرۋگە جانە جەتەكشىلىك ەتۋگە تاباندى بولۋ كەرەك.”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. پارتيانىڭ باسشىلىعىنا، حالىقتىڭ ءوز - وزىنە قوجايىن بولۋىنا، مەملەكەتتى زاڭ بويىنشا جونگە سالۋدىڭ ورگانيكالىق بىرلىگىنە ەش بۇلجىماستان تاباندى بولىپ، حالىق قۇرىلتايى ءتۇزىمىنىڭ باسىمدىعىن اناعۇرلىم ايگىلەۋ كەرەك. شينجياڭدى زاڭمەن جونگە سالۋدى جالپى بەتتىك ىلگەرىلەتۋدى ماڭىزدى مىندەت ەتۋگە تاباندى بولىپ، زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، زاڭ شىعارۋ فورمالارىن مولايتىپ، زاڭ شىعارۋ ساپاسىن جوعارىلاتىپ، نەگىزگى زاڭ، زاڭدار، زاڭ ەرەجەلەردى اتقارۋ مەن باقىلاۋدى كۇشەيتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ جاڭا ساپارىن باستاۋعا كۇش - قۋات ارناۋ كەرەك.
ءماجىلىس مىنالاردى اتاپ كورسەتتى: مەملەكەتتىك حالىق قۇرىلتايى تۇراقتى كوميتەتىنىڭ تابىستى، ۇتىمدى تاماشا تاجىريبەلەرىنەن، جاقسى ادىستەرىنەن ۇيرەنىپ، ۇلگى الىپ، رەفورما جاساۋ، جاڭالىق اشۋ رۋحىمەن قىزمەت وي جەلىسىن اناعۇرلىم كەمەلدەندىرىپ، قىزمەت تاسىلدەرىن جاقسارتىپ، حالىق قۇرىلتايى قىزمەتىنىڭ اماليات ەرەكشەلىگى مەن داۋىرلىك ەرەكشەلىگىن ۇزدىكسىز مولايتىپ جانە ارناسىن كەڭەيتىپ، حالىق قۇرىلتايى ءتۇزىمىنىڭ جانە حالىق قۇرىلتايى قىزمەتىنىڭ داۋىرمەن بىرگە ىلگەرىلەۋىن، كەمەلدەنۋىن، دامۋىن ۇزدىكسىز ىلگەرىلەتۋ كەرەك. وزەكتى ارقاۋ ەتە وتىرىپ، كەلەلى جاعدايعا قىزمەت وتەۋگە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىنا تاباندى بولىپ، جاڭا دامۋ ارناسىمەن توعىسىپ، ”14 - بەسجىلدىق“ جوبانىڭ نىسانا - مىندەتتەرىمەن تىعىز بايلانىستىرىپ، ۇزدىكسىز كۇش سالىپ، العان بەتتەن جازباي قۇلشىنىپ، اۆتونوميالى رايوندىق حالىق قۇرىلتايىنىڭ 2021 - جىلعى قىزمەتتەرىن قۇلشىنا ويداعىداي ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
