تيانشان تورى   ›   جاڭالىقتار   ›   وقۋ-اعارتۋ

”اۋىل بالالارى“ قالانىڭ وقۋ - اعارتۋىنان يگىلىكتەندى

سانجى قالاسىنداعى قالا، اۋىل ورتا - باستاۋىش مەكتەپتەرى وقۋ - اعارتۋ بايلىعىنان ورتاق يگىلىكتەندى

”اۋىل بالالارى“ قالانىڭ وقۋ - اعارتۋىنان يگىلىكتەندى

□ انار بۇلت/ شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى ۋاڭ ۋي

  وقىتۋ عيماراتى رەتتى، تازا، زاماناۋي، ساباق وقىپ جاتقان داۋىستار، قيان - كەسكى فۋتبول جارىسى، قىزعىلىقتى قيما سۋرەت ساباعى... 2020 - جىلى 12 - ايدىڭ 29 - كۇنى مالشى قانات اسەت سانجى قالاسى اشىلى اۋىلدىق سەنترلى مەكتەپتىڭ وقىتۋ جاعدايىن كوزدەن كەشىرگەننەن كەيىن، تەبىرەنگەن سەزىممەن: ”قازىرگى وقۋ - اعارتۋ جاعدايى قانداي جاقسى، مال شارۋاشىلىق رايونىنداعى مەكتەپ ەكەن دەپ ويلامايسىز“، - دەدى.

  قانات اسەت − سانجى قالاسى اشىلى اۋىلى ىرداۋشۇي قىستاعىنىڭ مالشىسى، وسى 2 جىلدا قىستاقتا شارۋالار شاتتىعى ساياجايىن اشتى. بيىل باستاۋىش 2 - كلاسقا ەندى عانا كىرگەن ۇلىنىڭ قوناقتارمەن ورتاق تىلدە كادىمگىدەي سويلەسىپ، وزىنە قولعانات بولارىن ويلاماعان ەدى.

  ”مەكتەپ ورتاسى جاقسى، وقىتۋشىلار ساباقتى جاقسى وتەدى، بالام وقىعان مەكتەپتىڭ قالاداعى مەكتەپتەرمەن پارقى جوق، ەشتەڭەدەن الاڭدامايتىن بولدىم!“، - دەدى قانات كوتەرىڭكى كوڭىلمەن.

  قانات بالاسىمەن سويلەسىپ تۇرعان كەزدە وقىتۋشى گاۋ شان كەلە قالدى، ول سانجى قالالىق 10 - باستاۋىش مەكتەپتىڭ دەنە تاربيە وقىتۋشىسى. 2020 - جىلى 9 - ايدا مەكتەپتىڭ ورنالاستىرۋىمەن گاۋ شان مەن اعىلشىن ءتىلى وقىتۋشىسى جىڭ ليلي اشىلى اۋىلدىق سەنترلى مەكتەپكە وقىتۋعا كومەكتەسۋگە بىرگە كەلگەن بولاتىن.

  2018 - جىلى سانجى قالالىق 10 - باستاۋىش مەكتەپ پەن اشىلى اۋىلدىق سەنترلى مەكتەپ ”وقۋ - اعارتۋ ورتاق تۇلعاسىن“ قالىپتاستىرىپ، قالا، اۋىل مەكتەپتەرى ارا وقۋ - اعارتۋدان ورتاق يگىلىكتەنۋدى جۇزەگە اسىرىپ، ەگىن، مال شارۋاشىلىق رايوندارىنداعى مەكتەپتەردىڭ وقۋ - اعارتۋ جاعىنداعى ولقىلىقتارىن تولىقتىرۋىنا كومەكتەستى. 2019 - جىلى اشىلى اۋىلدىق سەنترلى مەكتەپ مەملەكەتتە ءبىر تۇتاس قولدانىلاتىن ءتىل ولشەمىنە جەتۋ سىناعىنان ءوتتى.

  ”سەنترلى مەكتەبىمىزدە بالاباقشاداعىلاردى قوسقاندا، 1100دەن استام وقۋشى بار، بارلىعى جەرگىلىكتى مالشىلاردىڭ بالالارى. ءبىزدىڭ تىلەگىمىز بالالاردىڭ اۋىلدان الىستاماي - اق ساپالى وقۋ - اعارتۋ بايلىعىنان يگىلىكتەنۋىنە مۇمكىندىك جاساۋ“. اشىلى اۋىلدىق سەنترلى مەكتەپتىڭ باستىعى فان جياندۇڭ بىلاي دەدى: وقۋ - اعارتۋ بايلىعىنان ورتاق يگىلىكتەنگەننەن كەيىن، اۋىل - قىستاق مال شارۋاشىلىق رايونىنداعى مەكتەپتەردىڭ ساپاسى ۇزدىكسىز جوعارىلاپ، قالا، اۋىل، مەكتەپتەر ارا پارىق ۇزدىكسىز ازايدى. قازىر مالشىلار بالالارىن اۋىل - قىستاقتاعى مەكتەپتەن وقىتۋدان الاڭدامايتىن بولدى.

  اۋىل - قىستاق مەكتەپتەرى قالاداعى مەكتەپتەرمەن بىردەي بولدى، مۇنداي وزگەرىس سانجى قالاسىنىڭ وقۋ - اعارتۋعا دەم بەرۋدى ۇزدىكسىز كۇشەيتكەن قۇلشىنىسىنان باستاۋ العان.

  2018 - جىلدان بەرى سانجى قالاسى قالا، اۋىل مەكتەپتەرىن ”وقۋ - اعارتۋ ورتاق تۇلعاسى“ ەتىپ قۇرۋ جونىندە بەلسەندى ىزدەنىستەر جاساپ، تۇتاس قالانىڭ نەگىزدىك وقۋ - اعارتۋىنىڭ تەڭ دامۋ دەڭگەيىن جوعارىلاتتى. سانجى قالاسىنداعى قالا، اۋىل ورتا، باستاۋىش مەكتەپتەر ”اۋىسىپ ىستەۋ“ جانە ”وقۋ - اعارتۋعا كومەك“ سىندى 2 ءتۇرلى اۋىس - كۇيىس ءتۇزىمىن اتقاردى، اۋىس - كۇيىس وبيەكتىلەرى جاي وقىتۋشى، ورتا بۋىنداعى باسقارۋشى كادر جانە مەكتەپ باسشىلارىن قامتىدى، اۋىس - كۇيىس مەرزىمى ءبىر جىل، باستىسى، ساباق بەرۋ، مىندەتكە ءىلۋ، قىزمەت ورنىندا ۇيرەنۋ سياقتى ءتۇرلى فورمالار ارقىلى ەگىن، مال شارۋاشىلىق رايوندارىنداعى وقىتۋشىلاردىڭ ساباق ءوتۋ ورەسىنىڭ جوعارىلاۋىن جەبەدى.

  ”ءبىز وقۋ - اعارتۋ ىستەرىن ساپالى ورنالاستىرىپ، قالا مەن اۋىلدىڭ وقۋ - اعارتۋ جاعىنداعى پارقىن ازايتتىق، مەكتەپ ارا جۇپ قۇراپ كومەكتەسىپ، وقىتۋشىلاردىڭ ساپاسىن جوعارىلاتىپ، وقۋ - اعارتۋدىڭ ادىلدىگىن قامتاماسىزداندىرىپ، وقۋ - اعارتۋدا جاڭالىق اشۋ جولىن اشتىق“، - دەدى سانجى قالالىق وقۋ - اعارتۋ مەكەمەسى پارتيا باسشىلىق گرۋپپاسىنىڭ شۋجيى لۇڭ نانفي.

  لۇڭ نانفي تانىستىرىپ بىلاي دەدى: تۇتاس قالاداعى 30 ورتا، باستاۋىش مەكتەپ بۇرىنعى بار 10 قالا، اۋىل باستاۋىش مەكتەپ ورتاق تۇلعاسى جانە 2 ورتا مەكتەپ وقۋ اۋماعى ورتاق تۇلعاسى نەگىزىندە، توپتانعان وقىتۋ رەفورماسى سىناق ءتۇيىنى قىزمەتىن بەلسەنە ىلگەرىلەتىپ، 8 قالا، اۋىل ورتا، باستاۋىش مەكتەپ وقۋ - اعارتۋ توبىن قۇرىپ، ساپالى وقۋ - اعارتۋ بايلىعىنىڭ شارپۋ، جەتەكشىلىك ەتۋ رولىن تولىق ساۋلەلەندىرىپ، وقۋ - اعارتۋ توبىندا وقىتۋشىلار بايلىعى، ساباقحانا ساباق ءوتۋ، ساباق قۇرىلىسى، وقىتۋشىلاردى باۋلۋ، وقۋ - اعارتۋ عىلمي زەرتتەۋى، وقىتۋشى - وقۋشىلار باعاسى سياقتى جاقتاردا بىرگە قۇرىپ، بىرگە يگىلىكتەنىپ، مىندەتتى وقۋ - اعارتۋدىڭ ساپالى، تەڭ دامۋ ورەسىن تۇلعالىق جاقتان جوعارىلاتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.