تيانشان تورى   ›   جاڭالىقتار   ›   ەل ءىشى حابارى

استى قيىن اسۋلاردان قىزىل تۋلار جەلبىرەپ

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگوعا جول باستاپ، ءبىرىنشى 100 جىلدىق كۇرەس نىساناسىن جۇزەگە اسىرۋ ءۇشىن ەرلىكپەن كۇرەس جاساعاندىعىنان ەستەلىك

□ شينحۋا اگەنتتىگىنىڭ تىلشىلەرى

  ”پارتيا قۇرىلعاندىعىنا 100 جىل تولعان كەزدە ميللياردتان استام جان سانىن يگىلىككە كەنەلتەتىن اناعۇرلىم جوعارى دەڭگەيدەگى دوڭگەلەك داۋلەتتى قوعام جاپپاي قۇرىلادى“.

  كەزىندە كىم كورىنگەن باسىنا اڭگىر تاياق ويناتقان، مەيلىنشە ءجابىر كورگەن ۇلت ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، اۋمالى - توكپەلى اۋقىمدى باستان كەشىرۋگە تۋرا كەلسە، اساۋ تولقىننىڭ جاردى سوعۋىنان قورقۋدىڭ قاجەتى نە.

  جاڭا داۋىرگە وتكەندە، اسىرەسە، ”13 - بەسجىلدىق“ مەزگىلىندە ءبىرىنشى 100 جىلدىق كۇرەس نىساناسىن جۇزەگە اسىرۋ ءۇشىن، ءسوز جوق، شەشۋشى شايقاستىڭ شەشۋشى جەڭىسىنە جەتۋ كەرەك. اياقتاۋ ساتىندەگى 2020 - جىل، قالىڭ قول العا قاراي جۇيتكىپ بارادى.

  كۇرەس ارقىلى، جاڭا داۋىردەگى كەدەيلىكتەن ارىلتۋدان قامال الۋ مىندەتى ۋاعىندا ورىندالدى!

  كۇرەس ارقىلى، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋ الدىندامىز!

  توبەمىزدە زاڭعار تاۋلار، كەتتى قيىن اسۋ اسىپ قىزىل تۋلار جەلبىرەگەن.

(1) داۋىلعا قارسى ءجۇزۋ

  ۋاقىت سترەلكاسى 21 - عاسىردىڭ ءۇشىنشى 10 جىلدىعىن كورسەتتى، جۇڭحۋا ۇلتى ۇلى گۇلدەنۋدىڭ شەشۋشى ساپارىن باستادى.

  بۇل ءبىر قىرىنان قاراعاندا ءساتتى باستاما سياقتى.

  2020 - جىلى 1 - ايدىڭ 19 - كۇنى ەگىنشىلىك كالەندارى بويىنشا 12 - ايدىڭ 25 - كۇنى. يۇنناندا مايدا سامال ەسىپ، كۇن شۇلەن شۇعىلاسىن شاشىپ، بار الاپ شات مەرەيگە شومدى.

  جىل باسىنداعى العاشقى ساپارىن ەندى عانا اياقتاتقان باس شۋجي شي جينپيڭ بيرمادان ەلگە ورالا سالا يۇننانعا قىزمەت تەكسەرۋگە توتە تارتىپ، بۇكىل ەل حالقىنىڭ كوكتەم مەرەكەسىن قۇتتىقتاپ، كەدەيلىكتەن ارىلتۋدان قامال الۋدىڭ جالپى شەشۋشى شايقاسىنا تاعى ءبىر رەت ورنالاستىرۋ جاسادى.

  بۇل كەزدەگى جۇڭگو كۇش توپتاپ، ەندى ءبىر جىل ۋاقىتتا كەدەيلىكتەن ارىلتۋدان قامال الۋ شايقاسىنىڭ جەڭىسىنە تۇبەگەيلى جەتۋگە بەكىنگەن بولاتىن.

  بۇرىنعىلار ىستەپ كورمەگەن ىستەن ناتيجە شىعارۋدىڭ اسا مۇشكىل بولارى حاق، بۇل جونىندە باس شۋجيدىڭ بولجامى بار ەدى.

  ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە قۇر ايعاي - سۇرەنمەن وڭاي - وسپاق بىتە سالاتىن شارۋا ەمەس“. پارتيا 18 - قۇرىلتايىنان بەرى باس شۋجي شي جينپيڭ بۇكىل پارتياعا، ءسوز جوق، حاۋىپ - قاتەر تانىمىن كۇشەيتىپ، زەينەتتى كۇندە بەينەتتى كۇندەر بولارىن دا ەستەن شىعارماۋدى تالاي رەت ەسكەرتتى.

  پارتيا 19 - قۇرىلتايىنان بەرى باس شۋجي شي جينپيڭ ءۇرتىس 2 جىل ورتالىق پارتيا مەكتەبىنىڭ ولكە، مينيستر دارەجەلى زەرتتەۋ - تالقى كلاسىندا ەلەۋلى حاۋىپ - قاتەردەن ساقتانۋدى جانە ونى جويۋدى باسا دارىپتەدى، اسىرەسە، ”سارس سياقتى ەلەۋلى جۇقپالى اۋرۋدان قاي - قاشان دا قىراعى بولۋ، قاتاڭ ساقتانۋ كەرەكتىگىن“ ورتاعا قويدى.

  وسىلاي بولا تۇرسا دا توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىن الا مەجەلەۋگە ۇلگىرتپەي، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ تۇراقسىزدىعى كەنەت ارتتى.

  ۋاقىتتىڭ جىلجۋىنا ىلەسە ىندەت تەز تارالدى: مالىمدەلگەن ناۋقاس سانى قىسقا ۋاقىت ىشىندە كۇرت مولايىپ، ساقتانۋ - تىزگىندەۋ جاعدايى ءبىر مەزگىل مۇشكىل كۇيگە ءتۇستى؛

  بەلگىلەنگەن ريتىم بۇزىلدى: ىشكى ءوندىرىستىڭ جالپى ءونىم قۇنى ءبىرىنشى توقساندا سايكەس مەزگىلدەگىدەن %6.8 تومەندەپ، سول كەزدەگى توقساندىق ساناق مالىمەتتەرى العاش رەت كەرى ارتۋدى كورسەتتى؛

  سىرتقى ورتا ناشارلادى: كەيبىر مەملەكەتتەردىڭ ”جالا جابۋ“، ”شەگىنە جەتكىزە قىسىم ءتۇسىرۋ“، ”بولەكتەنۋ“ اۋەنى ءجيى دا تولاسسىز كوتەرىلىپ، سىڭار جاقتىلىق، قورعامپازدىق ءورشىدى؛

  قايشىلىق كۇردەلىلەسىپ قاباتتاستى: ىندەت اياقتالماي جاتىپ، اۋىر تاسقىن اپاتى بولدى، الەۋمەتتىك دەنساۋلىق ساقتاۋ، ەكونوميكالىق قۇرىلىم، ءوز كۇشىنە سۇيەنىپ جاڭالىق اشۋ سياقتى جاقتارداعى ولقىلىقتار تولىقتاۋدى كۇتىپ تۇردى.

  بۇلت جوڭكىلىپ، نوسەرلى بوران الاسۇردى. كەمەنى داۋىلعا قارسى قالاي جاقسى جۇرگىزۋ كەرەك؟ بۇل جول باستاۋشىنىڭ اقىل - پاراساتى مەن كورەگەندىگىن قاجەت ەتەدى، رول ۇستاۋشىنىڭ قايسارلىعى مەن جاۋاپكەرشىلىك ارقالاۋىن ءتىپتى دە سىنايدى.

  يۇنناندا قىزمەت تەكسەرىپ جۇرگەن كەزدە ىندەتكە قارسى اتتانۋ جونىندە ماڭىزدى نۇسقاۋ بەردى؛ وراسان زور ساياسي ەرلىكپەن ۋحاندى ”بەكىتۋ“ كەرەك دەپ شەشتى؛ كوكتەم مەرەكەسىنىڭ 1 - كۇنى ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن شۇعىل اشىپ، ءبىر قىدىرۋ كەلەلى شەشىمدەر جاسادى؛ تالاي رەت ماڭىزدى نۇسقاۋ بەرىپ، سان - ساناقسىز ىستىق لەنيالى تەلەفون سوقتى؛ شەشۋشى ساتتە بەيجيڭ، ۋحان سياقتى جەرلەرگە بارىپ ىندەتكە قارسى اتتانۋعا قولباسشىلىق ەتتى...

  100 جىلدا بولىپ كورمەگەن وسى رەتكى ەلەۋلى ىندەت الدىندا باس شۋجي شي جينپيڭ تەرەڭ ويلانىپ - تولعانىپ، الىستى بولجاپ، تىكەلەي ورنالاستىرۋ جاساپ، ءبىرىنشى شەپكە بارىپ، شايقاسقا تۇتاس بارىستا قۋزاۋشىلىق ەتىپ، ميللياردتاعان حالىقتىڭ تىرەگى بولىپ، بارلىق جەر ءبىر نيەتپەن جۇمىلىپ، ۋاقىتتىق قيىنشىلىقتى بىلەك بىرىكتىرە جەڭەتىن جويقىن كۇش ۇيىستىردى.

  2020 - جىلى 2 - ايدىڭ اياق شەنىندە ىندەتكە قارسى اتتانۋ كۇرەسى دابىرالى جۇرگىزىلدى. سونىمەن ءبىر ۋاقىتتا بۇكىل ەلدەگى 170 مىڭ اۋدان، تۋان دارەجەلىدەن جوعارى كادردى جاپپاي قامتىعان تەلەۆيزور - تەلەفون ءماجىلىسى تاعى ءبىر شايقاستىڭ دابىلىن قاقتى.

  ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ قىزمەتى جونىندە باس شۋجي شي جينپيڭ ماڭىزدى ورنالاستىرۋ جاسادى: ”ەلىمىز دامۋىنىڭ وراسان زور كومەسكى كۇشى مەن قۋاتتى قوزعاۋشى كۇشىن تولىق جارىققا شىعارساق، بيىلعى ەكونوميكالىق، قوعامدىق دامۋدىڭ نىساناسى مەن مىندەتىن جۇزەگە اسىرا الامىز“.

  كوكتەم باسىندا جۇڭحۋانىڭ بايتاق دالاسىندا بارشا تىرشىلىك قايتا جاندانا باستادى.

  نيڭبو جىنجى ماشينا قالىپتارى شەكتى سەرىكتەستىگىنىڭ ءوندىرىس سەحىندا قاتار - قاتار تىزىلگەن ستانوك جابدىقتارى تەز قارقىنمەن اينالىپ گۇرىلدەپ تۇر.

  ”كوپشىلىك جاپا شەكتىڭىزدەر!“ ارىنى تاسقىنداعان جۇمىسشىلاردىڭ الدىندا باس شۋجي شي جينپيڭ بىلاي دەدى: ”قازىر ءبىز ىندەتتەن ساقتانۋ - تىزگىندەۋگە ۇزدىكسىز تاباندى بولۋ العى شارتىندا، جۇمىستى، ءوندىرىستى بەلسەندىلىكپەن قالپىنا كەلتىرىپ، ءوندىرىس مىندەتىنە كەپىلدىك ەتۋمەن بىرگە، دەنساۋلىعىمىزعا دا كەپىلدىك ەتۋىمىز كەرەك“.

  ءبىر جىلدا ەل ىشىندە 13 رەت قىزمەت تەكسەرىپ، تەكسەرۋ - زەرتتەۋ جۇرگىزدى، بۇل ەرەكشە مەزگىلدەگى ەرەكشە ريتىم بولدى: كەشكى شىراقتار سامالاداي سامسىعان شي - اننىڭ جاياۋلار كوشەسىنەن تاسقىنعا قارسى اتتانۋدىڭ الدىڭعى شەبىندەگى چاڭجياڭ - حۋايحى وزەندەرىنىڭ ەكى جاعالاۋىنا دەيىن، حىلانشان تاۋىنىڭ ەتەگىندەگى ءجۇزىم ەگىنشىلىك بازاسىنان ليۋياڭحى وزەنىنىڭ جاعاسىنداعى بەينە ەكران مادەنيەت جاسامپازدىعى كاسىپ باقشاسىنا دەيىن...

  باس شۋجي شي جينپيڭ زاۆودتارعا كىرىپ، اۋىل - قىستاقتارعا بارىپ، الەۋمەتتىك اۋماقتاردى ارالاپ، بازاردى كورىپ، قالىڭ كادر، بۇقارانىڭ اراسىنا كەلدى، تالاي رەتكى ماڭىزدى ءسوزى كوڭىلدەرگە نۇر قۇيىپ، سەنىمدەردى بەكەمدەدى: ”ماسەلە مەن قيىنشىلىقتان قورىقپاۋ كەرەك“، ”داعدارىس پەن وراي قاشاندا بىرگە ءومىر سۇرەدى، داعدارىستى جەڭۋدىڭ ءوزى وراي!“

  جاز ماۋسىمى سۇڭلياۋ جازىعىنىڭ قويناۋىنداعى جيلين ولكەسىنىڭ ليشۋ اۋدانى، جۇگەرى اتىزى شەتسىز - شەكسىز سوزىلىپ، التىن تولقىن تەربەلىپ تۇر.

  اتىز باسىنا بارىپ، ەگىننىڭ ءوسۋ جاعدايىن كورىپ، باس شۋجي شي جينپيڭ بىلاي دەدى: ”بيىل جازعى استىقتان مول ءونىم الۋ جاعدايى تۇراقتاندى، ەندىگى ءتۇيىن كۇزگى استىقتا قالدى. بيىل اپات كوپ بولدى، مەن شىعىس سولتۇستىكتەگى داقىلداردىڭ ءوسۋ جاعدايىنا ەرەكشە كوڭىل ءبولىپ وتىرمىن“.

  قولىڭدا استىق بولسا، كوڭىلىڭ توق بولادى. 2020 - جىلى 2 - ايدىڭ وزىندە - اق باس شۋجي شي جينپيڭ بۇكىل ەلدەگى كوكتەمگى اۋىل شارۋاشىلىق ءوندىرىسى قىزمەتىن ويداعىداي يگەرۋ جونىندە ماڭىزدى نۇسقاۋ بەرىپ، ەرەكشە جىلدا ەرەكشە شارالار قولدانىپ، اۋىل شارۋاشىلىعىنا ءمان بەرىپ، استىقتى ويداعىداي يگەرۋدىڭ ايقىن سيگنالىن تاراتتى.

  قيىن - قىستاۋ جاعدايدا ورنىقتىرۋدى ماڭداي الدى ورىنعا قويدى. 2020 - جىلى 4 - ايدا باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، ”التىنى قامتاماسىز ەتۋ“ مىندەتىن ايقىن ورتاعا قويدى ءارى ونى ”التىنى ورنىقتىرۋ“ قىزمەتىن جاقسى ىستەۋدەگى كۇش سالۋ ءتۇيىنى ەتتى.

  ىندەتكە قارسى اتتانۋداعى ەرەكشە مەملەكەت زايومىن تاراتىپ، جوعارى مەكتەپ تاۋىسقان وقۋشىلار، شارۋا جۇمىسكەرلەر سياقتى ءتۇيىندى قاۋىمدى جۇمىستاندىرۋدى الدىمەن قامتاماسىز ەتىپ، سالىقتى ازايتىپ، اقىنى تومەندەتۋ، كاسىپورىنداردىڭ قيىنشىلىعىن شەشۋىنە كومەكتەسۋ ساياسات - شارالارىن ارت - ارتىنان شىعارىپ، جاڭا كاسىپ سالاسىنىڭ، جاڭا كاسىپ كۇيىنىڭ، جاڭا ۇلگىنىڭ دامۋىنا زور كۇشپەن قولداۋ كورسەتتى... ءبىر قىدىرۋ كەرى پەريودتىق ماكرولىق رەتتەۋ - تىزگىندەۋدىڭ مىعىم شارالارى داۋىلعا قارسى جۇزگەن كەمەگە قۋاتتى قوزعاۋشى كۇش ۇستەدى.

  دۇنيە ءجۇزىن قارا بۇلت تورلاعان كەزدە جۇڭگودا جاڭبىردان كەيىنگى اسپان شايداي اشىلدى −

  ىندەتتى الدىمەن تىزگىندەدىك! جۇمىستى، ءوندىرىستى الدىمەن قالپىنا كەلتىردىك! ەكونوميكانىڭ ارتۋىن الدىمەن تەرىس ساننان وڭ سانعا اينالدىردىق!

  حالىقارالىق اقشا قورى ۇيىمى قاتارلى بەدەلدى قۇرىلىمدار مالىمەت جاريالاپ، جۇڭگونىڭ دامۋ كەلەشەگىنەن ءۇمىت كۇتكەن ”سەنىمدىلىك بەلەتىن“ تاستادى. شەتەل اقپارات قۇرالدارى ”جۇڭگو ادامدى قايران قالدىراتىن قارقىنمەن قالىپتى كۇيگە جاقىندادى“ دەپ تاڭداي قاقتى.

  2020 - جىلى جۇڭگو ەكونوميكاسىنىڭ جالپى شاماسى 100 تريلليون يۋاننان اسادى، جان باسىندىق ىشكى ءوندىرىس جالپى ءونىم قۇنى 10 مىڭ دوللارلىق كەزەڭگە قادام تاستايدى، 5 جىلدا قالا - قالاشىقتان 60 ميلليوننان استام ادام جاڭادان جۇمىستانادى دەپ مەجەلەندى...

  ”13 - بەسجىلدىق“ جوبانىڭ نىسانالارى مەن مىندەتتەرى ورىندالۋ الدىندا تۇر، جاپپاي دوڭگەلەك داۋلەتتى قوعام ورناتۋدىڭ جەڭىسى تاياپ قالدى، جاڭا داۋىردەگى جۇڭگو كوممۋنيستەرى حالىق رازى بولعان، دۇنيە ءجۇزىن جالت قاراتقان، تاريحقا جازىلارلىق جاۋاپناما تاپسىردى.

  فاكتتەر مىنانى تاعى ءبىر رەت دالەلدەدى −

  شي جينپيڭ جولداس پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ جول باستاپ، رول ۇستاعاندىقتان، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىقتان، بۇكىل پارتيا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، قايسارلىقپەن كۇرەس جۇرگىزىپ وتىرعاندىقتان، ءبىز، ءسوز جوق، العا ىلگەرىلەۋ جولىندا جارىققا شىققان ءتۇرلى جاپا - ماشاقات پەن قيىندىقتاردى، بوگەت پەن كەدەرگىلەردى جەڭە الامىز، ءسوز جوق، جاڭا داۋىردە جۇڭگوشا سوتسياليزمدى اناعۇرلىم پارمەندى تۇردە العا ىلگەرىلەتە الامىز.

(2) ماشاقاتتى تۇيىندەردى شەشۋ

  بۇل ءبىر ادامدى تەبىرەنتەتىن قۋانىشتى حابار: 2020 - جىلى 11 - ايدىڭ 23 - كۇنى گۇيجوۋ ولكەسىندەگى قالعان 9 اۋداننىڭ كەدەيلىك قاتارىنان شىعارىلۋىمەن جۇڭگودا 832 كەدەي اۋداننىڭ بارلىعىنىڭ كەدەيلىك قالپاعى الىندى!

  گۇيجوۋ شىچيان اۋدانى پيڭشان اۋىلى داپيڭ قىستاعىندا تۇراتىن قىزمەت اترەتىنىڭ باستىعى ۋ چاڭيۇڭنىڭ قول تەلەفونىندا وسى حابار ەكرانعا شىعا كەلدى. ول تەبىرەنىسىن باسا الماي دوستار شەڭبەرىنە شىعارىپ، ۋيچات توپتارىنا تاراتتى، تاڭعى ساعات ءبىر - ەكىلەردە دە ادامدار كوشىرىپ تاراتىپ، لەبىز جازىپ جاتتى.

  بۇل ۋ چاڭيۇڭنىڭ ەسىنە جىل باسىنداعى ”تاريحتاعى ەڭ زور كولەمدى“ اڭگىمە ءماجىلىستى ەرىكسىز ءتۇسىردى.

  3 - ايدىڭ 6 - كۇنى شىچيان اۋدانىنىڭ بەينە ەكران ءماجىلىس ۇيىندە نەگىزگى ساتىداعى كەدەيلەردى سۇيەمەلدەۋ قىزمەتىن ىستەۋشى وسى كادر باس شۋجي شي جينپيڭنىڭ اتوي سالۋ جونىندەگى اتتانىسقا كەلتىرۋ ءسوزىن تىڭدادى −

  ”بيىل ءبارىن قوسىپ ەسەپتەگەندە، 10 ايعا جەتپەيتىن ۋاقىت، كۇن بويىنشا ەسەپتەگەندە، 300 كۇن قالىپتى، كەدەيلىكتەن ارىلتۋدان قامال الۋ نىسانا - مىندەتتەرىن دەر كەزىندە جۇزەگە اسىرۋدا بۇرىننان - اق شەشۋگە ءتيىستى كوپتەگەن ماشاقاتتى تۇيىندەر بار ەدى، ىندەت قيىندىق دەڭگەيىن تاعى ارتتىرىپ جىبەردى، ءسوز جوق، ەرتەرەك قايتالاي اتتانىسقا كەلۋ، قايتالاي ورنالاستىرۋ جاساۋ كەرەك“.

  ”پارتيا ورتالىق كوميتەتىنىڭ بۇكىل ەل حالقىنا بەرگەن ايبىندى ۋادەسىن، ءسوز جوق، ۋاعىندا ورىنداۋ كەرەك، ەشقانداي شەگىنەتىن جول دا، مۇمكىندىك تە جوق“.

  سول كەزدە ىندەتتەن ساقتانۋ - تىزگىندەۋ تىرەسۋ ساتىسىندا تۇردى، كەدەي وڭىرلەردەگى ەڭبەككۇشتەردىڭ سىرتقا شىعىپ جۇمىس ىستەۋى كەدەرگىگە ۇشىرادى، كەدەيلەردى سۇيەمەلدەۋ ونىمدەرىنىڭ ساتىلۋى قيىنعا سوقتى، ءىشىنارا نىسانداردىڭ جۇمىسى امالسىزدان توقتالدى...

  كەدەيلىكتەن ارىلتۋدان قامال الۋ ەڭ سوڭىنا قانشا تاياعان سايىن، سونشا ماشاقاتتى تۇيىندەر قالادى. قازىر ءبىر ”ۇستەمە سۇراق“ جۇڭگو كوممۋنيستەرى مەن جۇڭگو حالقىنىڭ الدىنا تاعى قويىلدى.

  بۇل − جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى مەن بەلگى سيپاتتى كورسەتكىشى ەدى.

  اينىماس سەرت، بۇلجىماس بۇيرىق، تولىق جەڭىسكە جەتپەيىنشە استە شەپتەن قايتۋعا بولمايدى.

  جوعارى مەن تومەن ءبىر تىلەكتە بولسا جەڭىسكە جەتەدى! جوعارى ارقىلى تومەندى جەتەكتەسە كۇشەيەدى!

  5 شۋجيدىڭ توپتىق سۋرەتىنىڭ كورىلىمى ارتتى −

  كوكتەمگى جاڭبىردان كەيىنگى شايداي اشىلعان كۇن، شانشيدىڭ پيڭلي اۋدانىنداعى نۇيۋا فىڭحۋاڭ شاي شارۋاشىلىعى وسى زامانعى ۇلگى كورسەتۋ باقشاسىندا باس شۋجي شي جينپيڭ لاي - باتپاقتى باسىپ شاي باعىنداعى كىشكەنە جولمەن جۇمىس ىستەپ جاتقان شاي ەگۋشى شارۋالارعا كەلە جاتتى. باس شۋجيدىڭ قاسىندا شانشي ولكەلىك پارتكومنىڭ شۋجيى، انكاڭ قالالىق پارتكومنىڭ شۋجيى، پيڭلي اۋداندىق پارتكومنىڭ شۋجيى، جياڭجياپيڭ قىستاعى پارتيا ياچەيكاسىنىڭ شۋجيى بىرگە كەلدى.

  بۇل دۇنيەدە سيرەك كەزدەسەتىن ۇيىمداستىرىپ جۇمىلدىرۋ: پارتيا 18 - قۇرىلتايىنان بەرى بۇكىل ەل بويىنشا قىستاقتا تۇرۋعا جىبەرىلگەن 250 مىڭنان استام قىزمەت اترەتى، اۋدان دارەجەلىدەن جوعارى ورگانداردان، مەملەكەت مەنشىگىندەگى كاسىپورىنداردان، ءىسورىندارىنان قىستاققا جىبەرىلگەن 3 ميلليوننان استام كادر باس شۋجي شي جينپيڭنىڭ تاپسىرماسىن ەستە بەرىك ساقتاپ، كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاساپ، ماڭداي تەرلەرىن، جۇرەك قاندارىن، ءتىپتى، ومىرلەرىن ارنادى.

  نەعۇرلىم ماشاقاتتى بولعان سايىن سولعۇرلىم قاتاڭ ءادىس - شارا قولدانۋ كەرەك: ىندەت پەن اپات قاباتتاسقان شەشۋشى شايقاستىڭ شەشۋشى جەڭىسىنە قول جەتكىزۋ جىلىندا بارلىق ارحيۆ تۇرعىزىلىپ، كارتچكالاندىرىلعان كەدەي حالىقتىڭ دەر كەزىندە كەدەيلىكتەن ارىلۋىنا شىنايى كەپىلدىك ەتۋ ءۇشىن، باس شۋجي شي جينپيڭ كەدەيلىك قالپاعى الىنباعان 52 كەدەي اۋدان مەن 1113 كەدەي قىستاقتا شايقاستى باسى - قاسىندا قاداعالاپ، شىنداپ قاداعالاپ، زەيىن - زەردە، كۇش - قۋاتتى شوعىرلاندىرىپ شايقاس جۇرگىزۋدى ايقىن تالاپ ەتتى.

  نىسانانى ءدال كوزدەپ، ەڭ دالمە - ءدال وي جەلىسى، ەڭ عىلمي شارالار ارقىلى شەشۋشى شارالاردى ورنالاستىردى.

  2020 - جىلى 4 - ايدىڭ 20 - كۇنى كەشقۇرىم چينليڭ قويناۋىندا جاشۇي اۋدانى شياۋليڭ قالاشىعىنىڭ جينمي قىستاعىنداعى اعاش ساڭىراۋقۇلاعىن كورمەگە قويۋ جانە ساتۋ ورتالىعى ”ەرەكشە زات تانىستىرۋشىنى“ قارسى الدى.

  تىكە تاراتۋ تۇعىرىنىڭ الدىندا باس شۋجي شي جينپيڭ قول تەلەفون كامەراسىنا قاراپ تۇرىپ: ”كىشكەنە اعاش ساڭىراۋقۇلاق، ءىرى كاسىپ سالاسى“ دەپ القادى.

  سول كۇنى كەشتە جاشۇي اعاش ساڭىراۋقۇلاعىنىڭ ساۋداسى قىزدى!

  20 ميلليون توراپتاس تىكە تاراتۋ كامەراسىنا كىرىپ، 20 نەشە توننا اعاش ساڭىراۋقۇلاقتى ءاپ - ساتتە ساتىپ اكەتتى. ەكراننان: ”باس شۋجي دە دەم بەردى“ دەگەن سوزدەر ءجيى كورىنىس بەردى.

  كاسىپ سالاسى ارقىلى كەدەيلەردى سۇيەمەلدەۋ − كەدەيلىكتەن ارىلتۋدان قامال الۋداعى ماشاقاتتى تۇيىندەردى شەشۋدىڭ ماڭىزدى شاراسى.

  كەيبىر اقپارات قۇرالدارى باس شۋجي شي جينپيڭنىڭ وسى جىلداردا تەكسەرۋ جۇرگىزگەن، كوڭىل بولگەن كەدەيلەردى سۇيەمەلدەۋ كاسىپ سالالارىن ”دوڭگەلەك داۋلەتتىلىك تاعام تىزىمدىگى“ دەپ قورىتىندىلادى: شانشي جاشۇي اعاش ساڭىراۋقۇلاعىنا قوسىپ قۋىرىلعان سانشي داتۇڭنىڭ سارى گۇلىن، حىبەي دىشىڭنىڭ كارتوبىنا قوسىلعان نيڭشيانىڭ انگۋس سيىر ەتىن، گۇيجوۋ پانجوۋدىڭ ءبىر تالەڭكە شۇجىعىن جەپ، ءبىر قۇمىرا ”حالىق شارابىن“ ىشەسىز، تاماقتان كەيىن حيلۇڭجياڭنىڭ يچۇن لانمەيىنەن تاتىپ كورىپ، جىجياڭنىڭ انجي اق شايىنان ءبىر شىنى سوراپتايسىز...

  وسى ىس - تۇتەكسىز زور شەشۋشى شايقاستى باس شۋجي شي جينپيڭ باستان - اياق ەل باسقارۋداعى كورنەكتى ورىنعا قويىپ، ەڭ كۇشتى بەكىم ارقىلى ەڭ كوپ كۇش - قۋاتتى سالىپ، قولباسشىلىق ەتتى ءارى ساپارعا شىقتى.

  چۇڭچيڭ شىجۋ اۋدانىنىڭ حۋاشي قىستاعى قاتپارلى تاۋ قويناۋىنا ورنالاسقان.

  2 جىلدىڭ الدىندا جاسى 60تان اسقان قىستاق تۇرعىنى تان دىڭجوۋ سىرتقا شىعىپ جۇمىس ىستەپ ءجۇرىپ اۋىر جارالانىپ، 4 ايدان استام توسەك تارتىپ جاتىپ قالعاندا، ەمدەۋ قامسىزداندىرۋى سياقتى تومەنگى شەكتەن تۇسىرمەي قامتاماسىز ەتۋ ساياساتىنىڭ ارقاسىندا قيىن وتكەلدەن ءوتتى.

  ۇشاقپەن ۇشىپ، پويەزگە ءتۇسىپ، ونان اۆتوكولىككە وتىرىپ، 2019 - جىلى 4 - ايدىڭ 15 - كۇنى باس شۋجي شي جينپيڭ سوناۋ شالعايدان لاۋتاننىڭ ۇيىنە كەلدى. باس شۋجيدى كورگەندە لاۋتان ءبىر ءسات اۋزىنا ءسوز تۇسپەي: ”پارتيانىڭ ابزال ساياساتى بولماسا، قابىرىمدى الدەقاشان ءشوپ باسىپ كەتكەن بولار ەدى“، - دەدى.

  باس شۋجي شي جينپيڭ لاۋتاننىڭ قولىن قىسىپ تۇرىپ: ”پارتيانىڭ ساياساتى بۇقارا ءۇشىن جاقسى بولعاندا عانا، ناعىز جاقسى ساياسات بولادى“، - دەدى.

  ۇزاق ساپار شەككەندە اۋەلگى ماقساتتى ەستەن شىعارمادى. سارى توپىراقتى دالادا تامىر تارتقان ۇزاق جىلداردا حالىققا دەگەن ادال سۇيىسپەنشىلىك باس شۋجي شي جينپيڭنىڭ جۇرەگىنە مىقتاپ ۇيالاعان ەدى.

  ”ءبىز ءبىر ۇرپاق ادامداردا مىناداي ءبىر كوڭىل كۇي بولدى: ءسوز جوق، بۇقارانى، اسىرەسە، شارۋالاردى دەمەۋ كەرەك، سوتسياليزم جولىندا بىرەۋىنىڭ دە قاتاردان قالۋىنا بولمايدى، بىرگە بايۋ، جاپپاي دوڭگەلەك داۋلەتكە جەتۋ جولىمەن كوپشىلىك بىرگە ءجۇرۋ كەرەك“. 2020 - جىلى مەملەكەتتىك ەكى ءماجىلىس كەزىندە باس شۋجي شي جينپيڭ وتكەن ىستەردى شىنايى سۇيىسپەنشىلىكپەن ەسكە الدى.

  باسىپ وتكەن جولىمىزدى ەسكە الساق، 8 جىل بويى قامال الۋ قانشاما ماشاقاتتى دەسەڭىزشى! سوڭعى كومبەگە ۇمتىلۋ قانشاما قيان - كەسكى دەسەڭىزشى!

  قازىرگى ولشەمدەگى اۋىل - قىستاقتاعى كەدەيلەر تۇگەل كەدەيلىكتەن ارىلدى؛

  كەدەي اۋدانداردىڭ بارلىعى كەدەيلىك قالپاعىن الىپ تاستادى؛

  مۇلدە كەدەيلىك پەن وڭىرلىك جالپى بەتتىك كەدەيلىك جويىلدى؛

  100 ميلليونعا جۋىق كەدەي حالىق كەدەيلىكتەن ارىلدى؛

  ......

  وسى ۇلى ناتيجە تاريح پاراعىنا ماڭگى جازىلادى.

(3) ”كەلەلى ءىستى“ كوزدەۋ

  ”كەلەر جىلدىڭ الدىڭعى جارتىسىندا پارتيا ورتالىق كوميتەتى جاپپاي دوڭگەلەك داۋلەتتى قوعام ورناتۋدى جۇيەلى ساراپتاپ جانە قورىتىندىلاپ، ونان سوڭ ەلىمىزدىڭ جاپپاي دوڭگەلەك داۋلەتتى قوعام ورناتقاندىعىن رەسمي جاريالايدى“.

  2020 - جىلى التىن كۇز، پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە باس شۋجي شي جينپيڭنىڭ ايبىندى تۇردە جاريالاۋى جۇرتتىڭ نازارىن اۋداردى.

  ءبىرىنشى 100 جىلدىق كۇرەس نىساناسىن جۇزەگە اسىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتى جوسپارلاعان ”كەلەلى ءىس“.

  ”’13 - بەسجىلدىق‘ جوبا جاپپاي دوڭگەلەك داۋلەتتى قوعام ورناتۋدى ورىنداۋ جوباسى“. ”وسى عاسىردىڭ العاشقى 20 جىلىن باسىپ وتكەن وسى كۇرەس ساپارى سوڭعى كومبەگە قايراتتانا ۇمتىلۋعا ءتيىستى تاريحي ساتكە كەلىپ جەتتى“. 5 جىلدىڭ الدىندا باس شۋجي شي جينپيڭ پارتيا 18 - كەزەكتى ورتالىق كوميتەتىنىڭ بەسىنشى جالپى ماجىلىسىندە اتتانىسقا كەلتىرۋ بۇيرىعىن وسىلايشا جاريالادى.

  5 ۇلكەن دامۋ ۇستانىمىن جەتەكشى ەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ... ءبىر قىدىرۋ ۇلكەن جوسپار، ۇلكەن جالپى جوبا جۇڭگونىڭ قۇلاشىن كەڭ جايا دامۋىنا تىڭ ءورىس اشتى.

  ۇلكەن اۋقىمدى بەلگىلەدى − رەفورما جاساۋدى، ەسىك اشۋدى تەرەڭدەتۋ بارىسىندا دامۋدىڭ تىڭ ومىرشەڭدىگىن قاۋلاتتى.

  2020 - جىلى 10 - ايدىڭ 14 - كۇنى شىنجىننىڭ ليانحۋاشان باقشاسىندا كۇزدىڭ سالقىن سامالى ەسىپ تۇرعان شاق.

  باس شۋجي شي جينپيڭ اراعا 8 جىل سالىپ وسى اراعا تاعى كەلدى، دىڭ شياۋپيڭ جولداستىڭ مىس مۇسىنىنە گۇل شارباق قويىپ، ”رەفورمانى كىدىرتپەۋ، ەسىك اشۋدى توقتاتپاۋ“ بەكىمىن جاريالادى.

  ”40 جىلدىق دامۋدى باستان كەشىرگەن جاس قالا شىنجىن قارىشتاپ دامىپ ورگە باسۋدا، گۇلدەنىپ - كوركەيۋدە“. تاۋ باسىنداعى تۇعىردا تۇرىپ، وسىزاماندانعان وسى ۇلكەن قالاعا كوز جىبەرگەن باس شۋجي شي جينپيڭ ەرەكشە تەبىرەندى، ”پارتيا ورتالىق كوميتەتى ەكونوميكالىق ەرەكشە رايونعا جاڭا ءمان جانە بورىش جۇكتەدى، شىنجىننىڭ ءتىپتى دە كوپ ’كوكتەم حيكاياسىنىڭ‘ جالعاسىن قۇلشىنا جازىپ، دۇنيە ءجۇزى تامسانا قارايتىنداي اناعۇرلىم زور جاڭا كەرەمەتتەردى جارىققا شىعاراتىندىعى داۋسىز!“.

  شىنجىندا جۇڭگوشا سوتسياليزم قۇرۋدان الدىمەن ۇلگى كورسەتۋ رايونىن قۇردى! حاينان ەركىن ساۋدا پورتى جەلكەن جايىپ ساپارعا اتتاندى! پۋدۇڭ جاڭا رايونىنىڭ سوتسياليستىك وسىزامانداندىرۋ قۇرىلىسىنىڭ جەتەكشى رايونىن قالىپتاستىرۋىن قولدادى!

  شەشۋشى تۇستا ارت - ارتىنان 3 ءىس ىستەپ، جۇڭگونىڭ رەفورما جاساۋدى، ەسىك اشۋدى تەرەڭدەتۋدەگى ەڭ كۇشتى ءۇنىن تاراتتى.

  ”13 - بەسجىلدىق“ جاپپاي دوڭگەلەك داۋلەتتى قوعام ورناتۋدا ەڭ سوڭعى اتوي سالاتىن 5 جىل، سونداي - اق رەفورمانى جاپپاي تەرەڭدەتۋدە شەشۋشى تابىستارعا قول جەتكىزەتىن 5 جىل.

  5 جىلدان بەرى باس شۋجي شي جينپيڭ ورتالىق رەفورمانى جاپپاي تەرەڭدەتۋ باسشىلىق گرۋپپاسىنىڭ جانە ورتالىق رەفورمانى جاپپاي تەرەڭدەتۋ كوميتەتىنىڭ ماجىلىستەرىن 38 رەت باسقارىپ اشىپ، پارتيا مەن مەملەكەت ىستەرىنىڭ دامۋ جالپى جاعدايىنا ساياتىن ءبىر قىدىرۋ كەلەلى رەفورمالاردى تىكە ورنالاستىردى، قامتۋ اۋماعىنىڭ كەڭدىگى، العا قويعان جوبالاردىڭ كوپتىگى، شارپيتىن مۇددەلەردىڭ تەرەڭدىگى، ىلگەرىلەتۋ سەرپىنىنىڭ كۇشتىلىگى بۇرىن بولىپ كورمەگەن دەڭگەيگە جەتتى.

  العاشقى قادامدى جاقسى باستى − جاڭا دامۋ ۇستانىمى ارقىلى دامۋدىڭ جاڭا باسىمدىعىن مىقتاپ قالىپتاستىردى.

  تايگاڭ تاتتانبايتىن بولات، نازىك تاسپا بولات شەكتى سەرىكتەستىگىنىڭ سەحىندا قاعازداي جۇقا، كۇمىستەي جارقىراعان جاپىراقشا ماتەريالدار باس شۋجيدىڭ نازارىن اۋداردى.

  2020 - جىلى 5 - ايدىڭ 12 - كۇنى سانشيدە قىزمەتتى كوزدەن كەشىرگەن باس شۋجي شي جينپيڭ وسى جەرگە بارىپ، كاسىپورىننىڭ تيپ جاڭالاپ دامۋىنا جۇمىس باسىندا تەكسەرۋ - زەرتتەۋ جۇرگىزدى.

  باس شۋجي شي جينپيڭ ”قولمەن جىرتۋعا بولاتىن بولاتتان“ بىرەۋىن قولىنا الىپ زەر سالا قاراپ، ساۋساعىمەن اقىرىن مايىستىرىپ كورىپ، ”سان جەتكەرۋدەن ءوتىپ ساۋساققا وراپ الارداي جۇمسارىپتى. سىزدەردىڭ ەگەي جاساۋ كاسىبىندە عىلىم - تەحنيكالىق جاڭالىق اشۋ جاعىندا تاعى دا قۇلشىنىس جاساپ، ەرلىكپەن بيىك بەلەسكە شىعۋلارىڭىزدى ءۇمىت ەتەمىن“، - دەپ القادى.

  ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى كەزەڭىندە ”جاڭالىق اشۋ“ جۇڭگو ەكونوميكاسىنىڭ جوعارى ساپالى دامۋىن ىلگەرىلەتۋدە كوپ ايتىلاتىن سوزگە اينالدى.

  ”قازىر ەلىمىزدىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋى بۇرىنعى ءارقانداي كەزدەگىدەن دە عىلىم - تەحنيكالىق شەشۋ جوباسىن اناعۇرلىم قاجەت ەتۋدە، جاڭالىق اشۋ سىندى ءبىرىنشى قوزعاۋشى كۇشتى كۇشەيتۋدى اناعۇرلىم قاجەت ەتۋدە“، - دەدى باس شۋجي شي جينپيڭ ءتۇيىندى جەرىن اتاپ كورسەتىپ.

  دامۋ ۇستانىمى دامۋ ارەكەتىنىڭ جەتەكشىسى، ول جالپى جاعدايدى مەڭگەرەدى، ءتۇبىردى مەڭگەرەدى، بەتالىستى مەڭگەرەدى، ۇزاق بولاشاقتى مەڭگەرەدى.

  5 جىلدىڭ الدىندا باس شۋجي شي جينپيڭ باسقارىپ دايىنداعان ”13 - بەسجىلدىق“ جوبا ۇسىنىسىندا جاڭا دامۋ ۇستانىمى ايقىن ورتاعا قويىلىپ، دامۋ قيىن تۇيىندەرىن شەشۋدىڭ، دامۋ باسىمدىعىن مىقتاپ قالىپتاستىرۋدىڭ باستاماسى باستالعان بولاتىن.

  جاڭالىق اشۋ ءبىرىنشى قوزعاۋشى كۇشكە، سايكەستىرۋ ىشكى تۋىندايتىن ەرەكشەلىككە، جاسىل جالپى بەتتىك كۇيگە، ەسىك اشۋ باسۋعا ءتيىستى جولعا، ورتاق يگىلىكتەنۋ ءتۇبىرلى نىساناعا اينالدى... 5 جىلدان بەرى جاڭا دامۋ ۇستانىمى جۇرت جۇرەگىنە تەرەڭ ۇيالادى.

  شەشۋشى ورىنداردا باستاما باستادى − وڭىرلەردى سايكەستىرۋ ارقىلى جوعارى ساپالى دامۋدى جۇزەگە اسىردى.

  قىس باسىندا جياڭسۋدىڭ نانتۇڭ ۋشان ءوڭىرىنىڭ بينجياڭ اۋماعىندا اساۋ تولقىن جاعالاۋدى سوققىلاپ، قامىستى كولدەر تولقىپ، جاسىل جاعالاۋ مەن كوگىلدىر تاۋدا قۇستار سايراپ، گۇلدەر قۇلپىرىپ تۇردى.

  2020 - جىلى 11 - ايدىڭ 12 - كۇنى تۇستەن كەيىن باس شۋجي شي جينپيڭ وسى اراعا بارىپ، وزەن جاعاسىن بويلاي باياۋ ءجۇرىپ، ەكولوگيانىڭ وزگەرىسىن كورىپ، ”10 جىل بالىق اۋلاۋعا تيىم سالۋدىڭ“ ءمان - جايىن سۇرادى.

  ”بۇرىن لاس، بىلىققان، ناشار جەر قازىر ساياباقتىڭ جاسىلدانعان بەلدەۋىنە اينالدى، بۇل ءبىز تەك بەكىمگە كەلسەك بولعانى چاڭجياڭ ەكونوميكالىق بەلدەۋىن دامىتۋدا كەڭ كولەمدى قورعاۋدى، كەڭ كولەمدى اشۋمەن اينالىسپاۋدى بىرگە يگەرۋ تالابىن، ءسوزسىز، ويداعىداي تياناقتاندىرا الاتىندىعىمىزدى ءتۇسىندىردى“، - دەدى كەشكى شاپاق تۇسكەن ءموپ - ءمولدىر وزەن سۋىنا قاراعان باس شۋجي شي جينپيڭ قۋانىشپەن.

  5 جىلدا 3 رەت سول جەردە تەكسەرۋ - زەرتتەۋ جۇرگىزىپ، 3 رەت اڭگىمە ءماجىلىس وتكىزدى.

  2016 - جىلى جوعارعى اعار چۇڭچيڭدە چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ اڭگىمە ءماجىلىسى اشىلىپ، ”كەڭ كولەمدى قورعاۋدى، كەڭ كولەمدى اشۋمەن اينالىسپاۋدى بىرگە يگەرۋ“ سىندى جاسىل دامۋ ارناسى سۇلبالاندى؛

  2018 - جىلى ورتاڭعى اعار ۋحاندا چاڭجياڭ ەكونوميكالىق بەلدەۋىنىڭ دامۋىن ىشكەرىلەي ىلگەرىلەتۋ اڭگىمە ءماجىلىسى اشىلىپ، ”چاڭجياڭ ەكونوميكالىق بەلدەۋىن ەلىمىز ەكونوميكاسىنىڭ جوعارى ساپالى دامۋىنا جەتەكشىلىك ەتەتىن جالىندى قوسىنعا اينالدىرۋ“ العا قويىلدى؛

  2020 - جىلى تومەنگى اعار نانجيڭدە چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ اڭگىمە ءماجىلىسى اشىلىپ، چاڭجياڭ ەكونوميكالىق بەلدەۋىنە ءبىر قىدىرۋ تىڭ بورىش جۇكتەلدى...

  ”ىلگەرىلەتۋ“− ”ىشكەرىلەي ىلگەرىلەتۋ“ − ”جاپپاي ىلگەرىلەتۋ“، ءماجىلىستىڭ اتىنان - اق باس شۋجي شي جينپيڭنىڭ تاريحتىڭ جانە جالپى جاعدايدىڭ تۇرعىسىندا تۇرىپ، چاڭجياڭ ەكونوميكالىق بەلدەۋىنىڭ دامۋىن تىكەلەي جوبالاپ، تىكەلەي ورنالاستىرۋ جاساپ، تىكەلەي ىلگەرىلەتكەندىگىن كورۋگە بولادى.

  جاپپاي دوڭگەلەك داۋلەتتى قوعام ورناتۋدىڭ ساپاسى ”دوڭگەلەك داۋلەتتىلىكتە“، قيىن ءتۇيىنى ”جاپپاي ورناتۋدا“.

  حيلۇڭجياڭعا، جيلينگە، لياۋنيڭگە بارىپ، جاڭا داۋىردە شىعىس سولتۇستىكتى گۇلدەندىرۋدى جوسپارلادى؛ بەيجيڭدە، تيانجيندە، حىبەيدا تەكسەرۋ - زەرتتەۋ جۇرگىزىپ، سايكەستى دامىتۋدى ورنالاستىردى؛ گۋاڭدۇڭدا، شياڭگاڭدا، اۋمىندا قىزمەتتى كوزدەن كەشىرىپ، ۇلكەن شىعاناق رايونى قۇرىلىسىن ىلگەرىلەتتى؛ شاڭحايعا، سۋجوۋعا، جىجياڭعا، انحۇيگە ىشكەرىلەي بارىپ، چاڭجياڭ اتىراۋىن ءبىر تۇلعالاندىرىپ دامىتۋعا جەتەكشىلىك ەتتى...

  شي جينپيڭ جولداستى ۇيتقى ەتكەن پارتيا ورتالىق كوميتەتى وڭىرلەردى سايكەستىرە دامىتۋدىڭ ستراتەگيالىق جوباسىن جاساپ، مەملەكەت جەرى بايلىعى اياسىنىڭ ورنالاسۋىن ساپالىلاندىرۋدى ىلگەرىلەتىپ، شىعىس بولىكتى، ورتا بولىكتى، باتىس بولىكتى تۇتاستىرىپ، وڭتۇستىك پەن سولتۇستىكتى سايكەستىرىپ، جاپپاي دوڭگەلەك داۋلەتتى قوعام ورناتۋدىڭ قوزعاۋشى كۇش موتورىن جىلدام قوزعالتىپ، جۇڭگونىڭ جوعارى ساپالى دامۋ اياسىنىڭ ۇزدىكسىز كەڭەيۋىنە مۇمكىندىك جاسادى.

  اتوي سالۋ كەزەڭىنە جەتكەن سايىن، دامۋ مەن حاۋىپسىزدىك سىندى ەكى ءىرى ءىستى ءبىر تۇتاس ويداعىداي جوسپارلاۋ كەرەك.

  شي جينپيڭنىڭ زاڭمەن جونگە سالۋ يدەياسى زاڭمەن جونگە سالىناتىن جۇڭگو قۇرىلىسىنىڭ ۇزدىكسىز تىڭ ورە اشۋىنا جەتەكشىلىك ەتتى؛ جاڭا داۋىردەگى پارتيانىڭ شينجياڭدى جونگە سالۋ، شيزاڭدى جونگە سالۋ جالپى جوباسىن قالىپتاستىرىپ، حالىقتى بايىتىپ، شەكارانى گۇلدەندىرۋ نەگىزىن بەكەمدەدى؛ شياڭگاڭ ەرەكشە اكىمشىلىك رايونىندا مەملەكەت حاۋىپسىزدىگىن قورعاۋ زاڭىن جاساپ، اتقارىپ، زاڭمەن جونگە سالۋدىڭ ايباتى ارقىلى بىلىقپالىقتى تۇبىرىنەن وڭادى؛ ارميانىڭ ۇيىمدىق قۇرىلىمىن جانە كۇش جۇيەسىن توڭكەرىستىك سيپاتتى قايتا سومداۋدى ىلگەرىلەتىپ، اسكەري قوسىننىڭ ناقتى شايقاس قابىلەتىن جاپپاي جوعارىلاتتى... جالپى جاعدايعا ساياتىن ءبىر قىدىرۋ شەشۋشى شارالار مەملەكەتتىڭ باياندى تىنىشتىعىن پارمەندى كەپىلمەن قامدادى.

  مەملەكەتتى شەبەرلىكپەن باسقارعاندار اۋقىمدى شەبەرلىكپەن بولجاي الادى؛ جەڭۋ - جەڭىلۋدى بەلگىلەي العاندار ورنالاستىرۋعا شەبەر بولادى.

  جاپپاي دوڭگەلەك داۋلەتتى قوعام ورناتۋدى ورىنداۋ قارساڭىندا اناعۇرلىم ۇلكەن ورنالاستىرۋدىڭ شىمىلدىعى اشىلا باستادى.

  باس شۋجي شي جينپيڭنىڭ باسشىلىعىندا 200 نەشە كۇن - ءتۇن دەمەي تەكسەرۋ - زەرتتەۋ جۇرگىزىپ، جوسپارلاپ، دايىنداپ، وزگەرىس ەنگىزگەن بولاشاقتاعى 5 جىلدى جانە الداعى 15 جىلداعى جۇڭگونىڭ بولاشاق تاعدىرىن بەلگىلەيتىن ۇلى جوبا − ”14 - بەسجىلدىق“ جوبانىڭ «ۇسىنىسى» جۇرت الدىنا ايگىلەندى.

  ءبىر جاعىنان، ىندەتپەن شايقاسىپ، ءبىر جاعىنان، دامۋدى كوزدەدى، بۇل كوپ ءتۇرلى سايىس الدىنداعى ءىرى ەلگە ءتان بايسالدى بەينە، بۇل ءىرى ەل كوسەمىنىڭ دانىشپاندىعى مەن باسشىلىق قابىلەتىن ايگىلەدى.

(4) ”دوستىق شەڭبەرىن“ كەڭەيتۋ

  ”دۇنيە جۇزىنە نە بولدى، ءبىز قايتۋىمىز كەرەك“، ءداۋىر سۇراعى ادامدار الدىنا قويىلدى.

  ”بارلىعىمىز ءبىر كەمەدەمىز. جەل كۇشتى، تولقىن قاتتى ساتتە، ءبىز تىپتەن بەتالىستى ءداپ باسىپ تاۋىپ، ريتىمدى ويداعىداي يگەرىپ، ىنتىماقتاسا سەلبەسىپ، تولقىن جارا ىلگەرىلەپ، ورنىقتى قاداممەن الىسقا ۇمتىلىپ، اناعۇرلىم كوركەم بولاشاققا بەت الۋىمىز كەرەك“.

  تاريحتىڭ شەشۋشى جول ايىرىعىندا، ءتوراعا شي جينپيڭ ەل ءىشى، حالىقارالىق ەكى كەلەلى جاعدايدى ءبىر تۇتاس جوسپارلاپ، دۇنيە ءجۇزىنىڭ اۋمالى - توكپەلى وزگەرىسى بارىسىندا جۇڭگونىڭ ءبىرىنشى 100 جىلدىق كۇرەس نىساناسىن جۇزەگە اسىرۋدىڭ بەتالىسى مەن جولى جونىندە تەرەڭ تولعاندى.

  ”ءبىز ەلدەن وزگەشە بولۋعا بوي ۇرمايمىز، سەن جەڭىلەسىڭ، مەن جەڭەم دەگەندەرمەن اينالىسپايمىز ءارى ەسىكتى تارس جاۋىپ، جابىق كۇيدە جۇمىس تا جۇرگىزبەيمىز، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن بىرتىندەپ قالىپتاستىرامىز“. بىرلەسكەن مەملەكەتتەر ۇيىمى تالقى مىنبەرىندە ءتوراعا شي جينپيڭ دۇنيە جۇزىنە ۇلكەن وزگەرىس اياسىنداعى جۇڭگو ستراتەگياسىن اشىق جاريالادى.

  قىستىڭ باس كەزى، چۇڭچيڭ قالاسى شاپيڭبا رايونى تۋانجيە قىستاعىنىڭ ورتالىق ۆوكزالىندا قاز - قاتار تىزىلگەن كوك ءتۇستى تيەۋىش قوراپتار قويىلعان، قىزعىلت سارى ءتۇستى كران قاربالاس جۇمىس ىستەۋدە.

  گۋدوك شالىنىپ، كومپيۋتەر، اۆتوموبيل زاپچاستارى سياقتى زاتتاردى تولتىرا تيەگەن جۇڭگو - ەۆروپا كەزەكشى پويەزى بەكەتتەن باياۋ قوزعالىپ، 10 نەشە مىڭ كيلومەتر شالعايداعى گەرمانيانىڭ دۋيسبۋرگىنە بەتتەدى.

  2016 - جىلى 6 - ايدا ءتوراعا شي جينپيڭ پولشادا تۇڭي ماركاسىنىڭ جۇڭگو - ەۆروپا كەزەكشى پويەزىمەن تۇڭعىش رەت ەۆروپاعا (پولشا) جەتۋ سالتىنا قاتىناستى. سودان باستاپ، جۇڭگونىڭ ىشكى قۇرلىق جەرلەرى ”قۇرىش كەرۋەنىنەن“ پايدالانىپ، ەسىك اشۋدىڭ شەتىنەن ەسىك اشۋدىڭ الدىڭعى لەگىنە جەدەل قادام تاستادى.

  جالپى 31 مىڭ رەتتەن استام پويەز قاتىناپ، ەۆروپاداعى 21 مەملەكەتتىڭ 92 قالاسىنا جەتىپ، جۇڭگو - ەۆروپا كەزەكشى پويەزى اتى زاتىنا ساي حالىقارالىق ساۋدانىڭ كۇرە تامىرىنا اينالىپ، دوڭگەلەك داۋلەتتى جۇڭگو قۇرۋعا تىڭ قوزعاۋشى قۋات ۇستەدى.

  جالپى 138 مەملەكەتپەن، 31 حالىقارالىق ۇيىممەن ”ءبىر بەلدەۋ، ءبىر جولدى“ بىرگە قۇرۋدىڭ 202 سەلبەستىك حۇجاتىنا قول قويىلدى، ەركىن ساۋدا سىناق رايونى ۇزدىكسىز كەڭەيدى، شەتەل ساۋداگەرلەرى قارجى قوسۋ زاڭى جاريالانىپ، اتقارىلدى... جوعارى دەڭگەيدەگى ەسىك اشۋ ارناسى قالىپتاسىپ، جۇڭگونىڭ دامۋىنا تىڭ ءورىس اشىلۋدا.

  گۋاڭجوۋ جارمەڭكەسى، قىزمەت وتەۋ - ساۋدا جارمەڭكەسى، يمپورت كورمەسى، جۇڭگو - شىعىس وڭتۇستىك ازيا ەلدەرى وداعى كورمەسى... دۇنيە ءجۇزىنىڭ ەكونوميكاسى اۋىر دارەجەدە قۇلدىراپ، ەكونوميكانىڭ جاھاندانۋى كەرى اعىسقا ۇشىراپ، سىڭار جاقتىلىق، قورعامپازدىق باس كوتەرگەن كەزدە ءتوراعا شي جينپيڭنىڭ تىكە جوسپارلاۋىندا جۇڭگو قايتا - قايتا ”قوناق يەسى“ بولىپ، ەكونوميكا - ساۋدا سەلبەستىگىن نەگىزگى تاقىرىپ ەتكەن الدەنەشە سالتاناتتى جينالىستى ارت - ارتىنان وتكىزىپ، جۇڭگو ەكونوميكاسىن سەرپىلتۋگە جاڭا قوزعاۋشى كۇش ۇستەدى.

  جۇڭگونىڭ ”دوستىق شەڭبەرى“ بارعان سايىن كەڭەيدى.

  پارتيانىڭ 18 - قۇرىلتايىنان بەرى، ءتوراعا شي جينپيڭنىڭ شەتەلگە ساپار ءىزى 5 ۇلكەن قۇرلىقتاعى 72 مەملەكەتكە ءتۇستى. قازىر جۇڭگو 180 مەملەكەتپەن ديپلوماتيالىق قارىم - قاتىناس، 112 مەملەكەت جانە حالىقارالىق ۇيىممەن ۇقساماعان ۇلگىدەگى سەرىكتەستىك قارىم - قاتىناس ورناتىپ وتىر.

  جاڭا تيپتى ايدارشا ۆيرۋس وكپە قابىنۋ ىندەتى جاعدايىندا ءتوراعا شي جينپيڭ ”بۇلتتىق ديپلوماتيانى“ ءجيى ورىستەتتى؛ شەتەل باسشىلارىمەن جانە حالىقارالىق ۇيىمداردىڭ جاۋاپتىلارىمەن 80 نەشە رەت ديدارلاسىپ، تەلەفوندا سويلەسىپ، بەينە ەكران تاسىلمەن 22 ماڭىزدى ديپلوماتيالىق قيمىلعا قاتىناستى.

  ەل باسى ديپلوماتياسى جۇڭگونىڭ دامۋ ستراتەگيالىق وراي مەزگىلىن قورعاۋ، ءبىرىنشى 100 جىلدىق كۇرەس نىساناسىنا ۇمتىلۋ ءۇشىن بەلسەندى، تيىمدى سىرتقى ورتا جاراتتى.

  2020 - جىلى 11 - ايدىڭ 15 - كۇنى 8 جىل كەلىسسوز جۇرگىزۋ ارقىلى «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىنە» رەسمي قول قويىلدى، دۇنيە جۇزىندەگى ەڭ ۇلكەن ەركىن ساۋدا رايونى رەسمي ىسكە قوسىلدى.

  وزگەنى كوڭىل تۇكپىرىنە قويىپ، جالپاق الەمگە جاقسىلىق شۋاعىن توكتى. جاپپاي دوڭگەلەك داۋلەتتىلىككە قادام تاستاعان جۇڭگو دۇنيە جۇزىنە دە اناعۇرلىم ۇلەس قوستى.

  الەمنىڭ كەدەيلىكتى ازايتۋىنا قوسقان ۇلەسى %70تەن استى، دۇنيە ءجۇزى ەكونوميكاسىنىڭ ارتۋىنا قوسقان ۇلەسى %30تەن استى، الەم كولەمىندە ەڭ الدىمەن ىندەتتى تىزگىندەدى ءارى ەكونوميكانىڭ وڭ ارتۋىن جۇزەگە اسىرعان بىردەن - ءبىر نەگىزگى ەكونوميكالىق تۇلعاعا اينالدى... مەيلى ”جايشىلىقتاعى ەمتيحان“ بولسىن، الدە ”شۇعىل جاعدايداعى ەمتيحان“ بولسىن، جۇڭگو ىركەس - تىركەس جوعارى ءنومىرلى جاۋاپ قايتارىپ، دۇنيە ءجۇزىن تاڭعالدىردى.

  2020 - جىلى 12 - ايدىڭ 14 - كۇنى بەيجيڭدە قاقاعان قىس مەزگىلى بولسا، سوناۋ شالعايداعى افريكا قۇرلىعى دۋماندى كۇيگە ەندى − ەفيوپيانىڭ استاناسى ادديس ابەبادا جۇڭگو كومەكتەسىپ سالعان افريكا اۋرۋدان ساقتانۋ جانە تىزگىندەۋ ورتالىعىنىڭ باس شتابى نىسانى جۇمىس باستادى.

  جارتى جىلدىڭ الدىنداعى جاز ورتاسىنا ورالايىق.

  6 - ايدىڭ 17 - كۇنى جارتى جەر شارىن اتتاعان ”بۇلت ءماجىلىسى“ شۇعىل اشىلدى. ”مەرزىمنەن بۇرىن جىل ىشىندە افريكا اۋرۋدان ساقتانۋ جانە تىزگىندەۋ ورتالىعىنىڭ باس شتابى جۇمىسىن باستاۋ كەرەك“، بۇل ءتوراعا شي جينپيڭنىڭ جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەرەكشە باسشىلار كەڭەسىندە جاريالاعان كوپتەگەن ”ءىرى حابارلارىنىڭ“ ءبىرى ەدى.

  3 - ايدىڭ وزىندە - اق، جۇڭگونىڭ ىندەتتەن ساقتانۋ - تىزگىندەۋىنىڭ شەشۋشى ساتىندە، ءتوراعا شي جينپيڭ فرانسيانىڭ زۇڭتۇڭى ماكرونعا حال سۇراۋ تەلەگرامماسىن جولداعان كەزدە تۇڭعىش رەت ”ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ“ ۇستانىمىن ورتاعا قويعان بولاتىن.

  ءبىر رەتكى الەمدىك داعدارىس جۇڭگونىڭ جاۋاپكەرشىلىك جانە بورىش ارقالاۋىنا كۋا بولدى: 150دەن استام مەملەكەت پەن 9 حالىقارالىق ۇيىمعا ىندەتكە قارسى اتتانۋ كومەگىن ۇسىندى؛ 34 مەملەكەتكە 36 مەديتسينالىق ماماندار گرۋپپاسىن جىبەردى؛ ءار ەلدى 200 ميللياردتان استام ماسكىمەن، 2 ميلليارد قورعانۋ كيمىمەن، 800 ميلليون تەكسەرۋ سىناعىشىمەن قامدادى؛ ”جاڭا تيپتى ايدارشا ۆيرۋس وكپە قابىنۋ ۆاكسيناسى اتقارۋ جوسپارىنا“ قوسىلدى؛ ۆاكسينانى الەمنىڭ الەۋمەتتىك ءونىمى ەتۋگە ۋادە بەردى...

  جاڭا جۇڭگو قۇرىلعاننان بەرگى كولەمى ەڭ كەڭ الەمدىك ىزگىلىك ارەكەتىنىڭ استارىندا جۇڭگونىڭ ەڭ جوعارعى باسشسىنىڭ الەمدىك كوز اياسى مەن بورىش ارقالاۋى جاتىر، جۇڭگونىڭ حالىقارانىڭ بەيبىتشىلىگى مەن دامۋ ىستەرىن جەبەۋدەگى بەلسەندى ىسكەرلىگى جاتىر، سونداي - اق بۇل جۇڭگونىڭ كوپ جاقتىلىقتى باتىل قورعاۋىنداعى تىڭعىلىقتى ارەكەتى.

  جاعدايعا قاراي جوسپار جاساپ، ىڭعايىنا قاراي ارەكەتتەندى. ۆيرۋستى تىزگىندەۋدە ”اۋاشالاۋعا“ سۇيەنسەك، ىندەتتى جەڭۋ ءۇشىن، ءسوزسىز، ”قول ۇستاسۋ“ كەرەك. جۇڭگو دارىپتەمەسى، جۇڭگو ارەكەتى ادامزاتقا سەنىم سيلادى ءارى جۇڭگونى دۇنيە ءجۇزى ساحناسىنىڭ تورىنە ونان ارى جاقىنداتتى.

  ءتوراعا شي جينپيڭ ادامزاتتىڭ دامۋى مەن دۇنيە ءجۇزىنىڭ بولاشاعىنا، تاعدىرىنا ساياتىن ءبىر قىدىرۋ كەلەلى دارىپتەمە مەن قۋاتتامالاردى ورتاعا قويىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ايقىن بەتالىس كورسەتتى.

  جۇڭگو - شىعىس وڭتۇستىك ازيا ەلدەرى وداعى، جۇڭگو - افريكا، جۇڭگو - اراب ەلدەرى، جۇڭگو - لاتىن امەريكاسى... جۇڭگو بارعان سايىن كوپ دوس سەرىكتەرىمەن تاعدىرلاس ورتاق تۇلعا قۇرۋدا؛ ينتەرنەت كەڭىستىگى، يادرو حاۋىپسىزدىگى، تەڭىز - مۇحيت، دەنساۋلىق ساقتاۋ، سالاماتتىق تاعدىرلاس ورتاق تۇلعاسى، جۇڭگونىڭ دارىپتەمەسى بەلسەندى قولداۋعا يە بولدى.

  قارسى جەل مەن كەرى تولقىندا جۇڭگو باستان - اياق تاريحتىڭ دۇرىس جاعىندا تۇردى.

  70 نەشە جىلدىڭ الدىندا جۇڭگو بىرلەسكەن مەملەكەتتەر ۇيىمى ۋستاۆىنا تۇڭعىش رەت قول قويعان مەملەكەت، بىرلەسكەن مەملەكەتتىڭ ىرگەسىن قالاۋشى مۇشە ەل، سونداي - اق حاۋىپسىزدىك القالار كەڭەسىنىڭ تۇراقتى القا ەلى ىشىندەگى بىردەن - ءبىر وركەندەپ كەلە جاتقان ەل.

  باس شۋجي شي جينپيڭنىڭ پارتيا 19 - قۇرىلتايىندا جاساعان ماڭىزدى تۇجىرىمى ۋاقىت پەن كەڭىستىكتەن ءوتىپ، جۇڭگونىڭ دامۋىنىڭ، العا ىلگەرىلەۋىنىڭ دۇنيە جۇزىلىك ءمانىن ايگىلەدى −

  جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ ۇزدىكسىز دامۋى وركەندەپ كەلە جاتقان ەلدەردىڭ وسىزاماندانۋعا بەت الۋ جولىن كەڭەيتىپ، دۇنيە جۇزىندەگى جەدەل دامۋدى كوزدەۋمەن بىرگە، ءوزىنىڭ دارالىعىن ساقتاپ قالۋدى ءۇمىت ەتەتىن مەملەكەتتەر مەن ۇلتتارعا شىت جاڭا تالعام ازىرلەپ، ادامزاتتىڭ ماسەلەسىن شەشۋگە جۇڭگو اقىل - پاراساتى مەن جۇڭگو جوباسىن ۇسىندى.

(5) ”سەنترلەس شەڭبەر“ سالۋ

  2020 - جىلدىڭ سوڭى، كەيبىر ەلدەردىڭ حالىقتىق قۇرىلىمدارى جىلدىق قىزعىندى ءسوزدى باعالاعاندا، ۋادەلەسىپ قويعانداي نازاردى ”ىندەتكە“ شوعىرلاندىردى.

  امەريكادا ”جاپپاي تارالۋ“، جاپونيادا ”تۇيىق، ءجيى، تىعىز جاناسۋ“، ۇلى بريتانيادا ”اۋاشالاۋ“ بولسا، ال جۇڭگودا ءبىرىنشى ورىندا تۇرعانى ”حالىقتى بارىنەن جوعارى قويۋ، ءومىردى بارىنەن جوعارى قويۋ“ بولدى.

  ”حالىق ومىرىنە قاراتقان پوزيتسيا ءبىر مەملەكەتتىڭ حالىقتى ءبىرىنشى ورىنعا قويعان - قويماعاندىعىن ەڭ ايگىلەي الادى“. ”ىندەتپەن“ شايقاسقان قاھارمان جۇڭ نانشان وسىلاي دەدى.

  ەكى كورىنىس حالىقتىڭ كوكەيىنە تەرەڭ ۇيالادى −

  ۋحاننىڭ دۇڭحۋ شينچىڭ الەۋمەتتىك اۋماعى، ىندەت توقتاعان جوق، باس شۋجي شي جينپيڭ ۇيىنەن شىقپاي 48 كۇن اۋاشالانعان تۇرعىننان حال سۇرادى. ول جوعارىعا قاراپ، ۇستىڭگى قاباتتارداعى بۇقاراعا كوڭىل بولە كوز تاستاپ، قولىن بۇلعاپ: ”قايراتتانىڭىزدار، شىداي تۇسىڭىزدەر!“، - دەدى.

  انحۇي مىڭۋا تاسقىن ىركۋ اۋماعىندا كۇن قاباعات كۇيىپ تۇر، باس شۋجي شي جينپيڭ ەگىنجايعا كىرىپ، تاسقىن قايتقاننان كەيىن دەرەۋ تولىقتاپ ەگىپ جاتقان اۋىلداستارعا امانداستى. باس شۋجي ساماي تەرىن سۇرتۋگە ۇلگىرمەستەن: ”وسىنشا ۇلكەن تاسقىن ءجۇردى، اۋىلداستاردىڭ تۇرمىسى قالاي؟“، - دەپ سۇرادى.

  ”حالىقتىڭ ءومىرىنىڭ حاۋىپسىزدىگىن قورعاۋ ءۇشىن ءبىز بارلىعىنا تاۋەكەل ەتە الامىز!“ باس شۋجيدىڭ ىقىلاستى سوزدەرى جۇرتتى ءسۇيىندىردى، تىپتەن، حالىقتىڭ قۇپتاۋىنا يە بولدى.

  جاپا شەككەن حالىق دوڭگەلەك داۋلەتكە جەتۋدى اڭسادى. 100 جىلدىق كۇرەس حالىق ءۇشىن.

  باس شۋجي شي جينپيڭ بىلاي دەپ اتاپ كورسەتتى: جاپپاي دوڭگەلەك داۋلەتتى قوعام ورناتۋعا ۇمتىلۋدىڭ جاپالى مىندەتى بىزگە قالدى. ۇمتىلۋ − توزىمدىلىك كورسەتەتىن كەز، دەمدى ىشكە تارتىپ كۇش توپتايتىن كەز، ەرىك - جىگەردى سىنايتىن كەز.

  2020 - جىلى 9 - ايدىڭ 8 - كۇنى حالىق سارايىنا كۇللى جۇرت كوز تىكتى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى ەڭ جوعارى ولشەمدەگى مەملەكەتتىك ماداقتاۋ - سيلاۋ جينالىسى سالتاناتپەن وتكىزىلدى.

  ەرشىمدى مۋزيكا اۋەنى ىشىندە بۇلشىق ەتى سەمۋ اۋرۋىنا شالدىققان جاڭ ديڭيۇي ساحناعا شىقتى، تالتىرەكتەپ تۇرسا دا قادامى نىق. باس شۋجي شي جينپيڭ جاڭ ديڭيۇيدىڭ قولىن مىقتاپ قىسىپ، مەملەكەتتىڭ ەڭ جوعارى داڭقىنا سيمۆول بولاتىن ”حالىق قاھارمانى“ مەدالىن ونىڭ كەۋدەسىنە قادادى.

  ”دەنساۋلىعىڭىزعا كوڭىل ءبولىڭىز! دەنساۋلىعىڭىزدى كۇتىڭىز“. توپتىق سۋرەتكە بىرگە تۇسكەندە باس شۋجي شي جينپيڭ وسىلاي دەپ قاداعالاي تاپسىردى.

  قاھارماندارعا قۇرمەت ءبىلدىرىلدى ءارى بۇكىل ۇلتتا قاھارماندىق ەسكەرتكىشى تۇرعىزىلدى.

  ءبىر ايدان استام ۋاقىتتان كەيىن جۇڭگو حالىق توڭكەرىستىك اسكەري مۇراجايىندا جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەكتەسۋ ءۇشىن مەملەكەتتەن شىعىپ سوعىس جۇرگىزگەنىنىڭ 70 جىلدىعى تاقىرىبىنداعى كورمە اشىلدى.

  كورمە زالىندا ءبىر جاعىندا بىرەگەي امەريكا ۇلگىسىندەگى قارۋ - جاراق پەن قۇرىم ەتىك، قولعاپتار، ەندى ءبىر جاعىندا ەرىكتىلەر ارمياسىنىڭ جۇپىنى جابدىقتارى مەن جۇقالتاڭ كيىمدەرى تۇر.

  ”شىنىندا كەرەمەت، ءا ! ولاردا ’قارۋ كوپ، جىگەر از‘، بىزدە ’قارۋ از، جىگەر كوپ‘“. باس شۋجي شي جينپيڭ ەداۋىر ايالداپ، قاتتى تەبىرەندى، ”امەريكا جيھانگەرلەرىنە قارسى تۇرىپ، چاۋشيانعا كومەكتەسۋ ۇلى رۋحى اسا قۇندى، ءسوز جوق، ءبىزدى بارلىق قيىندىق - كەدەرگىلەردى، توسقاۋىلداردى جەڭۋگە، بارلىق كۇشتى جاۋدى جەڭۋگە جىگەرلەندىرەدى“.

  ىندەتكە قارسى اتتانۋ رۋحى، تاسقىنعا قارسى اتتانۋ رۋحى، امەريكا جيھانگەرلەرىنە قارسى تۇرىپ، چاۋشيانعا كومەكتەسۋ رۋحى... سانسىز اۋىرتپالىق پەن نۇر - شۇعىلانى باستان وتكەرگەن جۇڭگو كوممۋنيستەرى جۇڭحۋا ۇلتىنىڭ ەڭسە كوتەرۋدەن بايۋعا، ونان قۇدىرەتتەنۋگە دەيىنگى الىس ساپارداعى ءار رەتكى ىلگەرىلەۋشىلىكتىڭ ءبارى دە ۇلى رۋحتىڭ جەتەكشىلىگىنە سۇيەنۋ ارقىلى قولعا كەلگەندىگىن ابدەن بىلەدى.

  مىڭۋالىقتاردىڭ ”ۋاڭجيابا رۋحىن“ اسقاقتاتقاندىعىن القادى، شي - ان قاتىناس داشۋەسىنىڭ وقىتۋشى - وقۋشىلارىن ”شي - انعا كوشۋ رۋحىن“ جالعاستىرۋعا جىگەرلەندىردى، عىلىم - تەحنيكا قىزمەتكەرلەرىنە ”ايدى بارلاۋ رۋحىن“ اسقاقتاتۋدى تاپسىردى... باس شۋجي شي جينپيڭ پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا جۇڭحۋا ۇلتىنىڭ قايراتتانا العا ىلگەرىلەۋىنە شابىت بەرەتىن رۋحاني كۇش ۇيىستىرىپ، ءبىرىنشى 100 جىلدىق كۇرەس نىساناسىنا ۇمتىلۋدىڭ سارقىلماس قوزعاۋشى كۇشىن توپتادى.

  مەيلى قانشا الىسقا بارساق تا كەلگەن جولىمىزدى ۇمىتۋىمىزعا بولمايدى.

  2020 - جىلدىڭ باسىندا 7 ايدان استام ۋاقىت جالعاسقان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تەكسەرىپ وتكىزىپ الۋ ءساتى جەتتى.

  ”پارتيامىز باستان - اياق حالىقتىڭ جاقتاۋىنا جانە قولداۋىنا يە بولىپ، جۇڭحۋا ۇلتىنىڭ ماڭگىلىك ۇلى ءىسىن جازۋدا، ءسوز جوق، باستان - اياق اۋەلگى ماقسات پەن بورىشتى ۇمىتپاۋى كەرەك“. باس شۋجي شي جينپيڭ قورىتىندىلاۋ جينالىسىندا بۇكىل پارتياعا مىنانى ەسكەرتتى: ”جاعداي نەعۇرلىم قاتاڭ، كۇردەلى بولعان سايىن باسشىلىق ورگاندار مەن باسشى كادرلاردىڭ تاباندىلىقتى سولعۇرلىم ساقتاپ، العان بەتىنەن قايتپاۋىن سولعۇرلىم قاجەت ەتەدى، مىندەت نەعۇرلىم جاپالى، اۋىر بولعان سايىن باسشىلىق ورگاندار مەن باسشى كادرلاردىڭ باتىلدىقپەن الدا ءجۇرۋىن، شىنايى ىستەپ، جاۋاپكەرشىلىك ارقالاۋىن سولعۇرلىم قاجەت ەتەدى“.

  اۋەلگى ماقسات جۇرت جۇرەگىنە شۋاق شاشتى.

  كوممۋنيستىك پارتيا دەگەن نە؟ كوممۋنيستىك پارتيا دەگەنىمىز وزىندە ءبىر كورپە بولسا، جارتىسىن بۇقاراعا بەرەتىن ادام.

  2020 - جىلى 9 - ايدا باس شۋجي شي جينپيڭ حۋناننىڭ شاجوۋ قىستاعىنا بارىپ قىزمەت تەكسەرگەندە ۇزاق جورىق جولىنداعى ”شولاق كورپە“ اڭگىمەسىنىڭ باس كەيىپكەرى شۇي جيەشيۋدىڭ نەمەرەسى جۋ شياۋحۇڭعا ارنايى بارىپ امانداستى.

  جۋ شياۋحۇڭنىڭ ارحيۆ تۇرعىزىلىپ، كارتچكالاندىرىلعان كەدەيدەن شارۋالار ساياجايىنىڭ قوجايىنىنا اينالعاندىعىن بىلگەننەن كەيىن باس شۋجي ريزا بولىپ بىلاي دەدى: ”وتباسىلارىڭىزدىڭ وزگەرىسى مىنا ءبىر قاعيدانى ءتۇسىندىردى: كوممۋنيستەر باستان - اياق حالىققا قىزمەت ەتۋگە تاباندى بولادى، ۋادە بەرگەن ەكەن، ورىندايدى“.

  سان ۇرپاق جۇڭگو كوممۋنيستەرى ۇزدىكسىز كۇرەس جاساپ، ۇلت گۇلدەنۋىنىڭ ”سەنترلەس شەڭبەرىن“ ۇزدىكسىز سالىپ، تاريحقا، حالىققا بەرگەن ايبىندى ۋادەلەرىن ءبىر - بىرلەپ رەالدىققا اينالدىردى.

  چاۋحۋدىڭ سولتۇستىك جاعالاۋى، دۋجياڭ شايقاسى ەسكەرتكىش سارايى بەينە تولقىن جارعان الىپ كەمەدەي.

  2020 - جىلى 8 - ايدا باس شۋجي شي جينپيڭ وسى اراعا كەلىپ، ايبىنى اسقاق قاھارمان جىلداردى قايتادان ەسكە الدى.

  70 نەشە جىلدىڭ الدىندا حالىق ازاتتىق ارمياسىنىڭ ميلليون باتىرى اسقاق ايبىنمەن اتتانىپ، گومينداڭنىڭ چاڭجياڭ قورعانىس شەبىن ءبىر جولدا تالقانداپ، جويقىن تەبىنمەن بۇكىل جۇڭگونى ازات ەتتى.

  بيىل جۇڭحۋا ۇلتى تاعى دا ءبىر تاريحي توعىسۋ تۇيىنىندە تۇر − جاپپاي دوڭگەلەك داۋلەتتى قوعام ورناتۋدىڭ جەڭىسى تاياپ تۇر، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى.

  ”ميلليونداعان قاھارماننىڭ داريادان ءوتىپ جولبارىستاي ارىنمەن العا ۇمتىلۋىنىڭ ءتۇبىرلى سەبەبى پارتيامىزدىڭ حالىقپەن ءبىر نيەتتە بولۋىندا، ارميا مەن حالىقتىڭ ءبىر ادامداي ىنتىماقتاسا بىلۋىندە جاتىر“. باس شۋجي شي جينپيڭنىڭ سوزدەرى اسقاق تا باتىل، ”تەك پارتيامىز باستان - اياق حالىق ءۇشىن بيلىك جۇرگىزسە، حالىققا سۇيەنىپ بيلىك جۇرگىزسە بولعانى، بارلىق جەردە جەڭىسكە جەتە الادى“.

  (تىلشىلەر حو شياۋگۋاڭ، جاڭ شياۋسۇڭ، جۋ جيچاي، حان جيە، حوۋ شۋەجيڭ، حۋاڭ يۋە، ۋاڭ جولۇن)

(شينحۋا اگەنتتىگىنىڭ 1 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.