انار بۇلت/ شينجياڭ گازەتىنىڭ ءتىلشىسى چاۋ جين 1 - ايدىڭ 3 - كۇنى ۇرىمجىدەن حابارلايدى. ءۇرىمجى قالالىق اۋرۋدىڭ الدىن الۋ جانە تىزگىندەۋ ورتالىعىنىڭ مامانى الەۋمەتكە مىنانى ەسكەرتەدى: قىس، كوكتەم ماۋسىمدارىندا قۇس تۇماۋىنان، نوروۆيرۋستان جانە ازىق - تۇلىكتەن ۋلانۋدان ساقتانۋعا كوڭىل ءبولۋ، قاجەتسىز باس قوسۋ قيمىلدارىن مۇمكىندىكتىڭ بارىنشا ازايتۋ كەرەك.
ءۇرىمجى قالالىق اۋرۋدىڭ الدىن الۋ جانە تىزگىندەۋ ورتالىعى الەۋمەتتىك دەنساۋلىق ساقتاۋ ءبولىمىنىڭ ورىنباسار باستىعى ياڭ حاۋفىڭ مىنانى ەسكەرتەدى: ادامعا قۇس تۇماۋىنىڭ جۇعىمدالۋ بەلگىسى جايشىلىقتا جۇقپالى تۇماۋ بەلگىلەرى بولىپ بەينەلەنەدى، ايتالىق، قىزۋى ورلەيدى، جوتەلەدى، ازىراق قاقىرىق پايدا بولادى، وعان قوسىمشا باسى اۋىرادى، بۇلشىق ەتى سىزدايدى جانە بۇكىل دەنە جايسىزدانادى، سالماقتى ناۋقاستاردا اۋرۋ جاعدايىنىڭ دامۋى جەدەل بولىپ، سالماقتى وكپە قابىنۋ سياقتى بەلگىلەر پايدا بولادى.
ياڭ حاۋفىڭ ەسكەرتىپ بىلاي دەدى: الەۋمەت ءتىرى ءۇي قۇستارىمەن جاناسۋدان نەمەسە ءتىرى ءۇي قۇستارى بازارىنا بارۋدان مۇمكىندىگىنشە ساقتانۋ كەرەك، ءسوز جوق، جاناسۋ قاجەت بولسا، جەكە قورعانۋدى كۇشەيتۋ كەرەك، ايتالىق، ماسكى تاعۋ، قولعاپ كيۋ، سونداي - اق، سابىنمەن جانە سۋمەن قولدى جەدەل جۋۋ قاجەت؛ ءتىرى ءۇي قۇستارىن ساتىپ الماۋ كەرەك، جۇرتتى شوعىرلى سويىلىپ، ءبىر جاقتى ەتىلىپ، سۋىتىلعان نەمەسە مۇزداتىلعان جاس ءۇي قۇستارىن ساتىپ الۋعا ىنتالاندىرامىز؛ ءتىرى ءۇي قۇستارى بازارىنان نەمەسە كوشپەلى جايما ساۋداگەرلەرىنەن ءتىرى ءۇي قۇستارىن ساتىپ الماۋ، ۇيدە باقپاۋ كەرەك، بۇرىنعى ءۇي قۇستارىمەن ارالاستىرىپ باعۋعا ءتىپتى بولمايدى؛ ەگەر قىزۋى ورلەۋ جانە تىنىس جولى اۋرۋ بەلگىلەرى بايقالسا، ماسكى تاعىپ، دەرەۋ شيپاگەرگە كورىنۋ، سونداي - اق شيپاگەرگە اۋرۋ قوزعالۋدان بۇرىن قۇس تۇرلەرىمەن جاناسۋ تاريحى بار - جوقتىعىن نەمەسە ءتىرى ءۇي قۇستارى بازارىنا بارعان - بارماعانىن ايتۋ كەرەك.
قىس، كوكتەم ماۋسىمدارى نوروۆيرۋسپەن جۇعىمدالۋ جايتى دە ءجيى تۋىلاتىن ماۋسىمدار. ياڭ حاۋفىڭ تانىستىرىپ بىلاي دەدى: نوروۆيرۋس شۇعىل ىشەك - اسقازان قابىنۋىندا ەڭ كوپ كەزدەسەتىن اۋرۋ قوزدىرعىش، ىشەك جولدارىمەن تارالۋدى نەگىز ەتەدى، ول لاستانعان سۋ قاينارى، ازىق - تۇلىك، زات، اۋا سياقتىلارمەن تارالا الادى، ەڭ كوپ كەزدەسەتىن كلينيكالىق بەلگىلەرى لوقسۋ نەمەسە ءىشى ءوتۋ، ونان كەيىن جۇرەگى اينۋ، ءىشى اۋىرۋ، باسى اۋىرۋ، قىزۋى ورلەۋ، جاۋراۋ جانە بۇلشىق ەتى سىزداۋ بولىپ بەينەلەنەدى، كوپ ساندى ناۋقاستاردىڭ اۋرۋ بەلگىلەرى 2 − 3 كۇن جالعاسقان سوڭ قالپىنا كەلەدى. ەرەكشە از ساندى ناۋقاستاردا سالماقتى ناۋقاس بەلگىلەرى پايدا بولۋى، ءتىپتى، كەيبىرى ءولىپ كەتۋى مۇمكىن. سالماقتى ناۋقاس بەلگىلەرى تۋىلاتىن جوعارى قاتەرلى ناۋقاستار شوعىرىنا جاسى ۇلعايعان قارتتار مەن تومەن جاستاعى بالالار جاتادى.
ياڭ حاۋفىڭ ەسكەرتىپ بىلاي دەدى: الەۋمەت قولدىڭ تازالىعىن ساقتاۋعا كوڭىل ءبولۋ كەرەك، اسىرەسە، دارەتحاناعا بارۋدىڭ الدى - ارتىندا جانە ءار رەت تاماقتانعاندا، ازىق - تۇلىك دايىنداۋدان جانە وڭدەۋدەن بۇرىن؛ جەمىس - جيدەك پەن كوكونىستەردى تۇتىنۋدان ىلگەرى مۇقيات تازالاپ جۋۋ، ۋستريتسا جانە باسقا دا ۇلۋ تۇرىندەگى تەڭىز ونىمدەرىن تەرەڭدەي وڭدەگەن سوڭ تۇتىنۋ قاجەت؛ نوروۆيرۋسپەن جۇعىمدالعان ناۋقاستار اۋىرعان مەزگىلدە جانە ساۋىققان سوڭ 3 كۇن ىشىندە ازىق - تۇلىك دايىنداۋعا جانە وڭدەۋگە نەمەسە باسقا ناۋقاستاردىڭ جانىندا بولۋىنا بولمايدى؛ ناۋقاستىڭ قۇسىعىمەن نەمەسە ناجىسىمەن لاستانعان جەرلەردى دەر كەزىندە حلورلى اعارتقىشپەن نەمەسە باسقا دا ءونىمدى زارارسىزداندىرعىشپەن تازالاپ جۋۋ، زارارسىزداندىرۋ، سونداي - اق لاستانعان كيىم - كەشەكتەردى دەرەۋ شەشىپ تاستاۋ، توسەك جاپقىش سياقتىلاردى تازالاپ جۋۋ كەرەك، بۇلاردى جۋعان كەزدە قولعا رازىڭكە نەمەسە ءبىر رەتتىك قولعاپ كيۋ، جۋىپ بولعان سوڭ قولدى مۇقيات جۋۋ كەرەك.
