− 2020 - جىلعى ۇگىت - يدەيا قىزمەتىنە شولۋ
□ شينحۋا اگەنتتىگىنىڭ تىلشىلەرى ۋاڭ زىميڭ، ديڭ شياۋشي، ۋاڭ پىڭ، سۇن شاۋلۇڭ
2020 - جىلدىڭ تاريحقا جازىلاتىندىعى ءشۇباسىز.
جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، قاتاڭ دا كۇردەلى حالىقارالىق جاعداي مەن ەل ىشىندەگى رەفورمانىڭ، دامۋدىڭ، ورنىقتىلىقتىڭ ماشاقاتتى دا اۋىر مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى ءبىر تۇتاس مەڭگەرىپ، جوبا - جوسپار جاساپ، ميلليارد حالىقتى ىنتىماقتاستىرىپ، باستاپ، ەرلىكپەن شايقاسىپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ بەرىپ، ايبىنى اسقاق ءداۋىر سيمفونياسىن جازدى.
ۇلى ءداۋىر ۇلى رۋح تۋىنداتتى، ۇلى رۋح ۇلى ىستەردى ىلگەرىلەتتى.
”قوس 100 جىلدىق“ كۇرەس نىساناسىنىڭ تاريحي توعىسىندا ۇگىت - يدەيا شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، ۇگىتتەپ، دايەكتىلەندىرىپ، وزەكتى ارقاۋ ەتىپ، كەلەلى جاعدايعا قىزمەت وتەپ، نازاردى ىندەتپەن شايقاسۋدىڭ ايبىندى ۇردىسىنە، كەدەيلىكپەن ايقاسۋدىڭ ۇلى امالياتىنا شوعىرلاندىرىپ، جاپپاي دوڭگەلەك داۋلەتتى قوعام ورناتۋدىڭ ۇلى تاريحي جەتىستىگىنە قول جەتكىزۋدى پارمەندى يدەيالىق كەپىلدىكپەن جانە قوعامدىق پىكىر قولداۋىمەن قامتاماسىز ەتىپ، قولايلى جاعدايدان ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا قۋاتتى رۋحاني كۇش توپتادى.
يدەيا تۋىن بيىك ۇستاپ، نازاريا نەگىزىن بەكەمدەدى
عىلمي نازاريا اقيقات شۇعىلاسىن شاشتى؛ ۇلى يدەيا ەرلىكپەن العا باساتىن كۇش قاۋلاتتى.
شي جينپيڭنىڭ جاڭا ءداۋىر جۇڭگوشا سوتسياليزم يدەياسى جانە ونىڭ امالياتتىق، داۋىرلىك، جاسامپازدىق سيپاتقا باي نازاريالىق قاسيەتى اقيقات تۋىن اسقاق جەلبىرەتىپ، ءداۋىردىڭ رولىن مىقتاپ مەڭگەرىپ، ەلىمىزدىڭ تاريحي ورايدى مىقتى ۇستاۋىنا، حاۋىپ - قاتەر، سىن - سايىسقا توتەپ بەرۋىنە قۋاتتى يدەيالىق قارۋ جانە ارەكەت باعدارناماسىن ازىرلەدى.
ءبىر جىلدان بەرى ۇگىت - يدەيا شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى مىندەت ەتىپ، يدەيا - نازاريا قۇرىلىسىن مىزعىماس تاباندىلىقپەن ويداعىداي يگەردى، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جۇرگىزۋ يدەيالىق نەگىزى ونان ارى بەكەمدەلە ءتۇستى.
تەرەڭدەي زەرتتەۋ جۇرگىزىلىپ، ەگجەي - تەگجەيلى بايىمدالدى! پارتيانىڭ جاسامپازدىق نازارياسىن ۇيرەنۋ، زەرتتەۋ ىشكەرىلەي ىلگەرىلەدى −
2020 - جىلى 7 - ايدىڭ 31 - كۇنى «شي جينپيڭ ەل باسقارۋ جونىندە» 3 - تومىن ارقاۋ ەتكەن، ادەبيەت - كوركەمونەر قىزمەتكەرلەرى مەن نەگىزگى ساتىداعى قىستاق تۇرعىندارى بىرگە قاتىناسقان تاقىرىپتىق مانەرلەپ وقۋ قيمىلىنىڭ شىمىلدىعى تيانجيندە اشىلدى. «شي جينپيڭ ەل باسقارۋ جونىندە» 3 - تومى باسپادان شىعىسىمەن بۇكىل قوعامدا ۇيرەنۋدىڭ قىزۋ ورلەۋى كوتەرىلدى.
ءبىر جىلدان بەرى شي جينپيڭ جولداستىڭ «پارتيانىڭ ۇگىت - يدەيا قىزمەتى جونىندە»، «مەملەكەتتى جاپپاي زاڭمەن جونگە سالۋعا تاباندى بولۋ جونىندە»، ت.ب شىعارمالارى ىركەس - تىركەس باسپادان شىعىپ، باس شۋجي شي جينپيڭنىڭ جەلىلەس ماڭىزدى بايىمداۋلارىن جۇيەلى تۇردە سارالادى؛ «شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا قاتىستى نەگىزگى ماسەلەلەر» باسپادان شىعىپ، تاراتىلىپ، پارتيانىڭ جاسامپاز نازاريالارىن عىلمي دەڭگەيدە تۇلعالاۋ كۇش سالا جۇزەگە اسىرىلدى... قۇزىرلى باسىلىمدار تولاسسىز باسپادان شىعىپ، نازاريا زەرتتەۋ اناعۇرلىم بايىپ، بۇكىل پارتيانىڭ، بۇكىل قوعامنىڭ پارتيانىڭ جاسامپاز نازاريالارىنىڭ جاۋھارى مەن وزەكتى ءمانىن اناعۇرلىم تەرەڭ تۇسىنۋىنە كومەكتەستى.
سونىمەن بىرگە نازاريالىق ماقالالاردىڭ ىركەس - تىركەس جاريالانۋىنا، يدەيا - ساياسي وقۋلىقتاردىڭ پايدالانۋعا بەرىلۋىنە، ەلەۋلى تاقىرىپتاردا كەزەڭدىك زەرتتەۋ ناتيجەلەرىنە قول جەتكىزىلۋگە مەڭزەس، ماركسيزمدىك نازاريا زەرتتەۋ جانە قۇرۋ ينجەنەرياسى ۇزدىكسىز تىڭعىلىقتى ىلگەرىلەتىلىپ، كلاسسيك شىعارمالاردى قۇراستىرۋ - اۋدارۋ، نازاريالىق تۇسىنىك بەرۋ، تالداۋ جاساۋ، ەلەۋلى تاقىرىپتاردى زەرتتەۋ، وقۋلىق جۇيەسى قۇرىلىسى، نازاريا دارىندىلارىن باۋلۋ سياقتى جاقتاردا قوماقتى ناتيجەلەرگە قول جەتتى.
ساناعا ءسىڭىپ، جۇرەككە ۇيالادى! نازاريالىق تۇسىنىكتەر اناعۇرلىم ۇعىنىقتى بولدى، جۇرتشىلىققا بەيىمدەلدى −
قىس باسىنداعى گانسۋ، كۇن سۋىتىپ، اياز قىسا تۇسكەنىمەن، ديڭشي قالاسى لينتاۋ اۋدانى لۇڭمىن قالاشىعى داجايزى قىستاعىنىڭ پارتيا - بۇقارا قىزمەت وتەۋ ورتالىعىنان جالىندى لەپ ەسىپ تۇر. 2020 - جىلى 11 - ايدىڭ 9 - كۇنى تۇستەن كەيىن اۋىلداستار وسى ارادا القا - قوتان وتىرىپ، بەيجيڭنەن كەلگەن ”مۇعالىمنىڭ“ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندەگى تۇسىندىرمەسىن دەن قويا تىڭدادى.
نازاريالىق جاسامپازدىق ءار قادام العا باسقان سايىن، نازاريامەن قارۋلاندىرۋ دا، ءسوز جوق، وعان ىلەسىپ وتىرۋ كەرەك.
پارتيا 19 - كەزەكتى ورتالىق كوميتەتى بەسىنشى جالپى ءماجىلىسى جابىلعان كۇننىڭ ەرتەسىندە جۇڭگو كوممۋنيستىك پارتياسى ورتالىق كوميتەتىنىڭ العاشقى اقپار جاريالاۋ ءماجىلىسى بەيجيڭدە وتكىزىلىپ، جالپى ءماجىلىس رۋحىنا جالپى بەتتىك تۇسىنىك جاسالدى. بىرنەشە كۇننەن كەيىن ورتالىقتىڭ ۇگىت - لەكسيا ۇيىرمەسى بۇكىل ەلدىڭ جەر - جەرىنە اتتانىپ، ورگاندارعا، كاسىپورىندارعا، اۋىل - قىستاقتارعا، الەۋمەتتىك اۋماقتارعا بارىپ ۇگىت - لەكسيا ورىستەتىپ، جيىنى 43 كەزەك بايانداما جاساپ، 67 كەزەك ءوزارا پىكىرلەسۋ وتكىزدى، باسى - قاسىندا تىڭداعان جۇرتشىلىق 40 مىڭ ادامنان، تەلەۆيزور جانە ينتەرنەت سياقتى ارنالارمەن تىڭداعان، كورگەن ادام 20 ميلليوننان استى.
نازاريالىق تۇسىنىك جاساۋ نەگىزگى ساتىعا، ونان دا ماڭىزدىسى، جاستارعا باعىتتالدى.
16 ءبولىمدى كارتوندىق ميكرو بەينەجازبا «جۇڭشياۋجى كەرەمەت» جاستاردىڭ تالعامىنا ۇيلەسىپ، 13 ءتۇرلى ماڭىزدى ءتۇزىمدى ”تۇزىمدەر شاڭىراعىنىڭ“ مۇشەسى رەتىندە كەيىپتەپ، رول الۋ، اڭگىمەلەۋ جانە كورىنىستىك بەينەمەن كورسەتۋ ارقىلى نازاريالىق تۇسىنىك جاساۋدى جاندى دا ءماندى ماعىناعا يە ەتتى.
استانا بەيجيڭدە چيڭحۋا داشۋەسىنىڭ دوكتورانت لەكسياشىلار ۇيىرمەسى نازاريالىق ۇگىت - لەكسيا بارىسىندا قالىڭ جاستاردا يدەيالىق ۇندەستىك تۋعىزسا؛ جياشيڭدەگى نانحۋدا وقىتۋشى - وقۋشىلار «اۋەلگى ماقسات» دراماسىن جوعارى وقۋ ورىندارىنىڭ ساحنالارىنا شىعارىپ، جۇڭگو كوممۋنيستىك پارتياسىنىڭ جالىندى بەلەستەرىن كوركەمونەر تاسىلىمەن باياندادى...
”سوڭعى تولقىن“ جوڭكىلە اقتى. بۇقارالىق نازاريالىق اشىق ساباقتار جاستار اراسىندا ”سەريالعا ىنتىعۋ“ اسەرىن تۋعىزدى، ”جاستىق كوكتەم ۇگىت - لەكسياسىنداعى“ جاستار جاستارعا ۇگىت - لەكسيا جۇرگىزدى، ۇگىت - يدەيا قىزمەتى نازاردى جاس بۋىنعا شوعىرلاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تەرەڭ تامىر تارتۋىن ىلگەرىلەتىپ، سەنىم كۇشىنىڭ جاستار اراسىندا ۇزدىكسىز ورتاق سۇيىسپەنشىلىك، ورتاق ۇندەستىك تۋىنداتۋىنا مۇمكىندىك جاسادى.
قوعامدىق پىكىرگە جەتەكشىلىك ەتتى! نازاريانى جالپىلاستىرۋدىڭ ءورىسىن كۇن سايىن كەڭەيتە ءتۇستى −
”قاعاز مەديالاردان“ ”ەكران مەديالارعا“ وتكەن تۇتىنۋشىلاردىڭ وزگەرىسى ”ءبىر سىدىرعىلىقتان“ ”توعىسپالىلىققا“ وتكەن سالا ارالىق وزگەرىس الدىندا، ۇگىت - يدەيا شەبى ءبىر جىلدان بەرى ۇزدىكسىز كۇش سالىپ، نازاريانى جالپىلاستىرۋدىڭ كولەمىن، ءورىسىن ۇزدىكسىز كەڭەيتە ءتۇستى.
جاندى نازاريالىق بايىمداۋلارمەن، قامتىلعان مول بىلىممەن، قولايلى فۋنكتسيالىق قىزمەت وتەۋمەن ەرەكشەلەنەتىن ”ۇيرەنۋدە قۋاتتى ەل“ ۇيرەنۋ تۇعىرى جاڭالىق اشۋعا تاباندى بولۋدى ماڭداي الدى ماقسات، مازمۇندى ماڭىزدى ءتۇيىن ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، ۇگىتتەۋدىڭ ينتەرنەتتەگى اتويشى جاۋىنگەرىنە اينالدى.
اۋدان دارەجەلى توعىسپالى مەديا ورتالىعى قۇرىلىسىن كۇشەيتۋ نەگىزگى ساتىداعى ۇگىت - يدەيا قىزمەتىن كۇشەيتەتىن جانە جاقسارتاتىن ستراتەگيالىق ينجەنەريا. 2020 - جىلى 11 - ايدىڭ باس شەنىنە دەيىن بۇكىل ەلدە ماڭدايشالىق اسىلعان اۋدان دارەجەلى توعىسپالى مەديا ورتالىقتارى 2484گە جەتىپ، 28 ولكە ماڭدايشالىق اسۋ قۇرىلىس مىندەتىن تولىق ورىنداپ بولدى.
يدەيالىق - نازاريالىق ۇگىتتى تۇتقا ەتكەن ورتالىقتاعى باستى اقپارات قۇرالدارى توعىسپالى دامۋ قادامىن ىركەس - تىركەس جەدەلدەتىپ، ”شي جينپيڭنىڭ دوڭگەلەك داۋلەتتىلىك جايلى اڭگىمەلەرى“، ”ءبىرىنشى نازار“، ”اعىمدىق حابارلار كوزى“ سياقتى ايدارلاردى جانە توعىسپالى مەديا ونىمدەرىن دايىنداپ، جاندى اڭگىمەلەرمەن جانە دارا، وزگەشە تۇرعىمەن باس شۋجي شي جينپيڭنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ۇگىتتەپ، ءىرى ەل كوسەمىنىڭ بۇقارانىڭ قامىن ويلايتىن حالىقشىلدىق سۇيىسپەنشىلىگىن ايگىلەدى. بۇل ونىمدەردىڭ ينتەرنەتتەگى كورىلىمى تالاي رەت 100 ميلليوننان اسىپ، سارا تۋىندى اسەرى ونان ارى كورنەكتىلەنە ءتۇستى.
بۇل كۇندەرى ”جىلجىمالى تەرمينالدى الدىڭعى ورىنعا قويۋ“ ورتاق تانىمعا اينالىپ، ”تۇتىنۋشى تانىمى“ جۇرەككە تەرەڭ ۇيالاپ، ”تارتىمدى ونىمدەر“ ەكراندا مەن مۇندالادى... ۇگىت - يدەيا شەبى ءبىرسىپىرا جاڭا شارالار، جاڭا سەرپىلىستەر، جاڭا ناقتى ونىمدىلىكتەر ارقىلى پارتيانىڭ جاسامپاز نازاريالارىنىڭ تەرەڭدەۋىن، ناقتىلانۋىن، جۇرەككە ۇيالاۋىن ىلگەرىلەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جۇڭحۋانىڭ بايتاق دالاسىندا شۇعىلالى شۋاق شاشۋىنا مۇمكىندىك جاسادى.
ىندەتكە قارسى اتتانۋ كۇرەسىنە كۇش قوسىپ، ”ىندەتپەن“ شايقاسۋ حيكايالارىن تارتىمدى باياندادى
2020 - جىلى جاڭا تيپتى ايدارشا ۆيرۋس وكپە قابىنۋ ىندەتى بايتاق جيڭچۋ القابىندا تۇتقيىل تۋىلىپ، بىرتىندەپ بۇكىل ەلگە تارالدى.
اۋىر ىندەت الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، بۇكىل ەل حالقىن باستاپ نوسەرلى داۋىلداردى بىرگە وتكەرىپ، ءبىر نيەتپەن كۇش قوسىپ، ادامزاتتىڭ ىندەتپەن كۇرەسۋ تاريحىندا تاعى ءبىر ايبىندى ەرلىك ءىس جاراتىپ، ءومىردى بارىنەن جوعارى قوياتىن، بۇكىل ەل ءبىر نيەتتە بولاتىن، ولىمنەن قورىقپايتىن، عىلىمعا قۇرمەت ەتەتىن، تاعدىرى بىرگە بولاتىن ىندەتكە قارسى اتتانۋ ۇلى رۋحىن سومدادى، جىرلاۋعا تاتيتىن ءبىر توپ وزىق تيپتەر مەن اسەرلى ىستەر جارىققا شىقتى.
ءبىر جىلدان بەرى ۇگىت - يدەيا شەبى ىندەتتەن ساقتانۋ - تىزگىندەۋ ۇگىت تاربيەسىن ۇزدىكسىز كۇشەيتىپ، ىندەتكە قارسى اتتانۋ قوعامدىق پىكىر جەتەكشىلىگىن ۇيىمداستىرىپ ورىستەتىپ، ىندەتكە قارسى اتتانعان قاھارماندىق اسەرلى ىستەردى بايانداپ، ەل بىرلىگىنەن قامال تۇرعىزىپ، ءبىر نيەتپەن ىندەتكە قارسى اتتانۋدىڭ جۇڭگو كۇش - قۋاتىن جالىنداتتى.
ىندەتتەن ساقتانۋ ۇگىتىن ورىستەتىپ، قوعام كوڭىل ءبولىپ وتىرعان ماسەلەلەرگە جاۋاپ قايتاردى −
ساياساتتاعى ايقىندىق -- ەڭ جاقسى ”مەدەت“ بولدى.
2020 - جىلى 1 - ايدىڭ سوڭعى شەنىنەن باستاپ مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى بويىنشا ءار كۇنى داعدىلى اقپار جاريالاۋ ءماجىلىسى اشىلىپ، مەملەكەتتىك كەڭەس اقپارات كەڭسەسى اقپار جاريالاۋ ءماجىلىسىن الدىڭعى شەپ ۋحاندا اشتى، ءارقايسى ولكە، رايون، قالالار جالپى اشقان ءتۇرلى اقپار جاريالاۋ ءماجىلىسى 1000 كەزەكتەن اسىپ، مازمۇنى ناۋقاستاردى قۇتقارۋ - ەمدەۋ، زاتتىق ماتەريالداردى ۇلەستىرۋ، قاتىناستى قامتاماسىز ەتۋ، جۇمىستى، ءوندىرىستى، وقۋدى قالپىنا كەلتىرۋ، مەديتسينالىق بىلىمدەردى جالپىلاستىرۋ، وسەك - اياڭدى جويۋ سياقتى كوپتەگەن سالالاردى قامتىپ، ينفورماتسيانىڭ اشىق، جاريا بولۋىن ورىنداپ، ادامداردىڭ ىندەتتى جەڭۋ سەنىمىن نىعايتتى.
ىندەتتەن ساقتانۋ ۇگىتىندە قۇزىرلى تاراۋلار اقپار جاريالاپ ماجىلىسىندە ءبىر تۇتاس جوسپارلاپ جەتەكشىلىك ەتتى، ۇلكەندى - كىشىلى كوشەلەردە دە ءبىلىم جالپىلاستىرۋ قيمىلى ءورىس الدى.
الەۋمەتتىك اۋماقتاعى كەرمە تۋدان اۋىل - قىستاقتاعى لاباعا، ”قىستاق پارتيا ياچەيكا شۋجيىنىڭ مالىمەتىنەن“ ىندەتتەن ساقتانۋ ”ميكرو ساباقحاناسىنا“ دەيىن... نەگىزگى ساتى ۇگىت قىزمەتى ادىسىنە جابال جاڭالىق ەنگىزىپ، جاڭا داۋىردەگى وركەنيەت اماليات ورتالىعىنا سۇيەنە وتىرىپ، ىندەتتەن ساقتانۋ تۋرالى ۇگىتتىڭ نەگىزگى ساتى ءبىرىنشى شەبىنە ىشكەرىلەي بارۋىنا، بۇقارانىڭ كوڭىلىنە ۇيالاۋىنا دەم بەردى. قازىر ماسكى تاعۋ، قولدى قايتا - قايتا جۋۋ، ۇنەمى اۋا الماستىرۋ، توپتاسپاۋ سياقتى عىلمي ساۋاتتار بىرتىندەپ ادامداردىڭ كۇندەلىكتى داعدىسىنا اينالدى.
بۇقارانىڭ ۇرەيلەنۋ كوڭىل كۇيىن جونگە سالۋىنا، جەكەلىك قورعانۋدى جاقسى ىستەۋىنە قالاي جەتەكشىلىك ىستەۋ كەرەك؟ ۇيدە اۋاشالانىپ جاتقاندا نەگىزگى تۇرمىستى قالاي قامتاماسىزداندىرۋ كەرەك؟ ءبىر قىدىرۋ حالىق تۇرمىسى ماسەلەلەرىنە مەڭزەس، ۇگىت - يدەيا شەبى بەلسەنە جاۋاپ قايتارىپ، ناقتى ءادىس - امالدار كورسەتتى.
ىندەتتەن ساقتانۋ - تىزگىندەۋدىڭ ەڭ ماشاقاتتى شەشۋشى كەزەڭىندە ورتالىق كوميتەت ۇگىت ءبولىمى، ورتالىق وركەنيەت كەڭسەسى جەدەل قىزمەت جوباسىن جاساپ، ىندەتتەن ساقتانۋ - تىزگىندەۋدەگى ”ەرىكتى قىزمەت وتەۋ، قامقورلىق جاساۋ ارەكەتىن“ تۇتقا ەتىپ، ەرىكتىلەردىڭ رولىن تولىق ساۋلەلەندىرىپ، تۇرعىندارعا تۇرمىستىق بۇيىمدار جەتكىزىپ بەرۋ جۇمىستارىن جاقسى ىستەپ، بۇقارانىڭ تۇرمىسىنداعى قيىن ماسەلەلەردى شەشتى.
ەرەكشە مەزگىلدەگى ەرەكشە ىزدەنىستەن ىندەتتەن ساقتانۋ - تىزگىندەۋدى ۇدايىلاندىرۋ جاعدايىنداعى جان - جاقتى ويلاستىرۋعا دەيىن ۇگىت - يدەيا شەبى قوعامدىق پىكىرگە ءونىمدى تۇردە جەتەكشىلىك ەتىپ، بۇقارانىڭ كوڭىل كۇيىن ورنىقتىرىپ، حالىق تۇرمىسىنىڭ قالىپتى كۇيگە ورالۋىن ىلگەرىلەتتى.
قيسىنىن ءتۇسىندىرۋ ارقىلى ادامداردى اسەرلەندىرىپ، ەل بىرلىگىنەن بەرىك قامال تۇرعىزۋدىڭ جاراسىمدى ءۇنىن اسقاقتاتتى −
ىندەت الدىندا، ۇگىت - يدەيا شەبى بۇيرىقتى الا سالا قيمىلداپ، سەنىمدى كۇشەيتۋ، جۇرتتى مەيىرگە بولەۋ، حالىق تىلەگىن توعىستىرۋ سىندى وزگەشە رولىن ساۋلەلەندىردى.
اقپارات قىزمەتكەرلەرى ءتيىمسىز جاعدايدا جورىققا اتتاندى! ورتالىق كوميتەت ۇگىت ءبولىمى ورتالىقتاعى اقپارات قۇرالدارى مەن بۇكىل ەلدىڭ جەر - جەرىنەن جۇزدەگەن ءتىلشىنى جاپا - ماشاقات پەن حاۋىپ - قاتەردەن قورىقپاي حۋبەيعا، ۋحانعا اتتانىپ، ءبىرىنشى شەپكە شەرۋ تارتىپ، ”قىزىل اۋماققا“ ىشكەرىلەي بارىپ، جەرگىلىكتى ورىنداعى اقپارات قۇرالدارىنداعى كاسىپتەستەرىمەن تىزە قوسا شايقاس جاساۋعا ورنالاستىردى. ولار قالامىن قارۋ ەتىپ، ساندىراقتار مەن اعاتتىقتاردى ايقىن پارىقتاپ، ەرەكشە اسەرلى اڭگىمەلەردى ەستەلىككە الىپ، جۇرەك تەبىرەنتەر ساتتەردى تاريحقا تاڭبالادى. ”شۋانياننىڭ“ «داڭق قاھارمان جۇڭگو حالقىنا ءتان»، «ادال نيەت ەجەلدەن وتباسى - وتانمەن بايلانىسقان» سياقتى 3 ماقالاسى جالىندى دا تەرەڭ وتباسى - وتان سۇيىسپەنشىلىگىن ۇيىستىرىپ، ءاربىر جۇڭحۋا پەرزەنتىنىڭ جۇرەگىندەگى تەلەگەي كۇشتى تاسقىنداتتى.
بۇكىل ەلدىڭ باسپا سالاسى دەرەۋ ارەكەتكە كەلدى! كۇشتى شوعىرلاندىرىپ، ”ىندەتكە قارسى اتتانۋ جەلىلەس كىتاپتارىن“ شۇعىل تۇردە جوبالاپ باسپادان شىعاردى. «چا شيپاگەردىڭ حۋبەيعا كومەككە بارۋ ەستەلىگىندە» شاڭحايدان حۋبەيعا كومەككە بارعان ەمدەۋ اترەتىنىڭ مۇشەسى چا چيۇڭفاڭ شيپاگەردىڭ ەستەلىگى ارقىلى ەمدەۋ قىزمەتكەرلەرى، ناۋقاستار، ەرىكتىلەر سياقتى ىندەتكە قارسى اتتانۋداعى قاراپايىم ءارى ارداقتى جاندار كورسەتىلدى؛ «كوممۋنيستىك پارتيا مۇشەلەرى ”ىندەتكە“ قارسى اتتانۋدىڭ ءبىرىنشى شەبىندەدە» كوممۋنيستىك پارتيا مۇشەلەرىنىڭ ىندەتتەن ساقتانۋ، ىندەتكە قارسى اتتانۋداعى اۆانگارد، ۇلگىلىك رولى تولىق ايگىلەندى.
ادەبيەت - كوركەمونەر سالاسى شىعارماشىلىققا جەدەل ات سالىستى! «ءبىر تىلەكتە بولا وتىرىپ ”ىندەتپەن“ شايقاسايىق» سياقتى حۇجاتتى فيلم جاساپ تاراتىلدى، «سۇيىسپەنشىلىكتىڭ جەڭەتىندىگىنە كامىل سەنەيىك» اتتى MV، «بىرگەمىز» اتتى تەلەفيلم ەكرانعا شىعارىلدى، ىندەتكە قارسى اتتانۋ تاقىرىبىنداعى «حالىققا ماحاببات» اتتى ءان جۇرت جۇرەگىن مەيىرگە بولەدى، «سىزدەردىڭ الدارىڭىزدا كوزىمنەن جاس پارلايدى» اتتى ولەڭدە ”بىزدەر ءۇشىن شەپكە اتتاندىڭ تەبىندى، سوندىقتان دا كۇندەرىمىز كوڭىلدى“ دەپ تەرەڭ سۇيىسپەنشىلىكپەن تولعادى... قالىڭ ادەبيەت - كوركەمونەر قىزمەتكەرلەرى بەلسەنە قيمىلداپ، كينو - تەلەۆيزور، ادەبيەت، ءان - ءبي، حاتكەرلىك، سۋرەت سياقتى ءار ءتۇرلى فورمالار ارقىلى ىندەتكە قارسى اتتانۋدىڭ ءبىرىنشى شەبىندەگى زارەدەي ىسكە دەيىن اڭگىمەلەدى.
قاھارماندارعا قۇرمەت ءبىلدىرىپ، ىندەتكە قارسى اتتانۋ رۋحىن اسقاقتاتتى −
2020 - جىلى 9 - ايدىڭ 8 - كۇنى، بەيجيڭدەگى حالىق سارايى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى سالتاناتپەن وتكىزىلدى. جۇڭ نانشانعا ”رەسپۋبليكا وردەنى“ بەرىلدى، جاڭ بوليعا، جاڭ ديڭيۇيگە، چىن ۋيعا ”حالىق قاھارمانى“ مەملەكەت داڭق اتاعى بەرىلدى. 1499 جولداسقا ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات“ اتاعى بەرىلدى؛ 500 كوللەكتيۆكە ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆ“ اتاعى بەرىلدى.
بۇل − ەل ارداگەرلەرىنە دەگەن شىنايى قۇرمەت، ىندەتكە قارسى اتتانعان قاھارماندارعا دەگەن شىن ىقىلاستى ماداق.
ولاردىڭ اراسىندا اق حالاتتان ساۋىت كيىپ، ءتيىمسىز جاعدايدا جورىققا اتتانعان ەمدەۋ قىزمەتكەرلەرى، جەدەل جينالعان ”قىزىل كيىمدى ەرىكتىلەر“، ”كوك كيىمدى قورعاۋشىلار“، ”مەن پارتيا مۇشەسىمىن، الدىمەن اتتانۋىم كەرەك“، ”ىندەتتىڭ بەتى قايتپايىنشا مەن دە قايتپايمىن“ دەپ اسقاق ءۇن قاتقان تومەنگە تۇسكەن كادرلار، ىندەتكە قارسى اتتانۋعا ءىس جۇزىندىك ارەكەتتەرىمەن قولداۋ كورسەتكەن قاراپايىم ادامدار بار... سۇيىسپەنشىلىككە تولى قۇتتى مەكەندە، قاھارماندار توپ - توبىمەن شىققان مەملەكەتتە ولار دۇنيەنى ءدۇر سىلكىندىرگەن قاھارماندىق جىرىن جازدى.
قاھارمانداردىڭ ىزگى ىستەرى جۇڭحۋانىڭ بايتاق دالاسىندا اۋىزدان اۋىزعا تارالدى.
2020 - جىلى 11 - ايدا ەمدەۋ قىزمەتكەرلەرى، ىندەتتى تىزگىندەۋ قىزمەتكەرلەرى، حالىق ازاتتىق ارمياسىنىڭ كوماندير - جاۋىنگەرلەرى، پارتيالى كادرلار، قوعام حاۋىپسىزدىگى حالىق ساقشىلارى، الەۋمەتتىك اۋماق قىزمەتكەرلەرى، اقپارات قىزمەتكەرلەرى، ەرىكتىلەر، زاتتىق ماتەريال ءوندىرىسىن قامتاماسىز ەتۋشى قىزمەتكەرلەر سياقتى قاۋىمدى قامتىعان جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزاتتاردىڭ ىزگى ىستەرىنەن بايانداما جاساۋ ۇيىرمەسى قۇرىلدى.
بايانداما جاساۋ جينالىسى گازەت، تەلەۆيزيا - راديو ستانسياسى، ينتەرنەت سايتى، كليەنت، ۋيچات، ەكران بايلىقتارى بىرىكتىرىلگەن جالپى اقپارات قۇرالدارىندا تاراتىلدى، ىندەتكە قارسى اتتانۋدىڭ ايبىندى دا دابىرالى ءۇردىسى، اسا ماشاقاتتى كۇرەس، اسەرلى ىستەر بايانداما جاساۋ ۇيىرمەسىندەگى مۇشەلەر تۇرعىسىنان باياندالىپ، ىندەتكە قارسى اتتانۋ ۇلى رۋحىنىڭ تەرەڭ ءمان - ماعىناسى شىنايى سۇيىسپەنشىلىكپەن ءتۇسىندىرىلدى.
قاھارمانداردىڭ ەڭبەگى رەسپۋبليكا تاريحىنا ماڭگى جازىلادى، قاھارمانداردىڭ ىزگى ىستەرى حالىق جۇرەگىنەن ماڭگى ورىن الادى. ىندەتكە قارسى اتتانۋ ۇلى رۋحى ىنتىماقتاسا ەكپىندەي ىلگەرىلەۋدىڭ قۋاتتى كۇشىنە اينالىپ، جۇڭگو حالقىن جۇڭحۋا ۇلتىنىڭ ۇلى گۇلدەنۋى جولىندا ەرلىكپەن العا ىلگەرىلەۋگە شابىتتاندىرادى.
ءداۋىر ءۇنىن ەستەلىككە الىپ، رۋحاني كۇش ۇيىستىردى
قوڭىر كۇزدە، گاننان الابى زور ناتيجەگە قول جەتكىزىپ، مول ءونىمنىڭ شاتتىعىنا كەنەلدى.
جياڭشي ولكەسىنىڭ شۇن - ۋ اۋدانىندا ”ينتەرنەت + اۋىل شارۋاشىلىعىن“ تياناق ەتكەن شاعىن باقىت قالاشىعى ەڭسە كوتەرىپ، كىجيا تۇرعىندارى ۇلگىسىندەگى ۇيلەردە ”ينتەرنەتتەگى شارۋا جۇلدىزدار“ ايرىقشا قاربالاس جۇمىس ىستەۋدە، التىن رەڭدى اپەلسين، ءدامى ءتىل ۇيىرەتىن بايشياڭگو، ءتاتتى تۇكتى شاپتول... ينتەرنەتتىڭ ءتىلسىم كۇشىمەن تۇتاس مەملەكەتتىڭ جەر - جەرىنە تارالىپ، سان مىڭداعان وتباسىلارىنا جەتكىزىلدى. ەلىمىزدىڭ حۋانان وڭىرىندەگى ەڭ ءىرى جۇمىرتقا تاۋىق باعىمشىلىق نىسانى -- شۇن - ۋ دىچيڭيۋان التىن تاۋىق كاسىپ سالاسى نىسانى ءبىر جىلعا جەتپەيتىن ۋاقىتتا وندىرىسكە قوسىلىپ، جۇمىرتقا ءوندىرىپ، كەزىندەگى يەن قالعان كەن تاۋ اۋىل - قىستاقتى گۇلدەندىرۋدىڭ دامۋدان ۇلگى كورسەتۋ باقشاسىنا اينالدى.
ورتالىق كوميتەت ۇگىت ءبولىمىنىڭ تۇيىندە تۇرىپ سۇيەمەلدەيتىن اۋدانى بولعان شۇن - ۋدىڭ بۇگىنگى وزگەرىسى ۇگىت - يدەيا شەبىنىڭ كەدەيلىكتەن ارىلتۋدان قامال الۋعا دەم بەرۋىنىڭ ىقشام كورىنىسى ىسپەتتى. ۇگىت كادرلارى ارت - ارتىنان تۇيىندە تۇرىپ مىندەت ارقالاپ، ادەبيەت - كوركەمونەر تۋىندىلارى كەدەيلىكتەن ارىلتۋدىڭ ءبىرىنشى شەبىنە نازار اۋدارىپ، اقپارات تىلشىلەرى اتىز باسىنا قاراي ات باسىن بۇردى... ولار جۇڭحۋانىڭ بايتاق دالاسىنداعى ەڭ تاماشا ءداۋىر حيكاياسىن بىرگە ەستەلىككە الدى.
ءبىر جىلدان بەرى ۇگىت - يدەيا شەبى پارتيا مەن مەملەكەت قىزمەتىنىڭ كەلەلى جاعدايىن تىعىز ارقاۋ ەتىپ، ”جاپپاي دوڭگەلەك داۋلەتتى قوعام ورناتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ“ اسقاق ۇنىنە ىلەسىپ، ەكونوميكالىق، قوعامدىق ۇگىتتىڭ بوياۋىن ايشىقتاپ، جارقىن تۇيىندەرىن كوپتەپ جارىققا شىعاردى.
كەدەيلىكتەن ارىلتۋدىڭ امالياتىن ايگىلەپ، تاۋلى اۋىلدىڭ زور وزگەرىسىن اڭگىمەلەدى.
2020 - جىلى 6 - اي، بەيجيڭنىڭ ماساتىداي قۇلپىرعان جادىراعان جاز كەزى. ”دوڭگەلەك داۋلەتتى تۇرمىسىمىزعا ساپار“ كولەمدى تىلشىلىك ىستەۋ وسى ارادا رەسمي باستالدى.
500گە جۋىق اقپارات قۇرالى، 3000 ادام - رەتتىك ءتىلشى وتانىمىزدىڭ جەر - جەرىن ارالاپ، 5 اي ۋاقىت جۇمساپ، تۇرمىس تىرشىلىك جاندى بەينەلەنگەن، اۋىل ءيىسى اڭقىعان قىرۋار حابار جازدى، جاسادى، «مەن دوڭگەلەك داۋلەتتى تۇرمىسقا جەتتىم»، «اۋىلداستاردىڭ باقىتتى تۇرمىسى» سياقتى تاقىرىپتار ينتەرنەت تۇعىرلارىندا ەل نازارىن وزىنە باۋراپ، جالپى وقىلۋ مولشەرى 5 ميلليارد 800 ميلليون رەتتەن استى.
3 ايدان كەيىن ”ءجۇز قالاعا، مىڭ اۋدانعا، ون مىڭ قىستاققا تەكسەرۋ - زەرتتەۋ جۇرگىزۋ قيمىلى“ باستالدى. قيمىل نازاردى ءاربىر اۋداننىڭ، اۋىل - قىستاقتىڭ بەت - بەينەسىنىڭ جاڭارۋىنا شوعىرلاندىردى، كوپتەگەن بۇقارا قاجەت ەتكەن، كوكسەگەن حالىق تۇرمىسىنا ساياتىن ناقتى ىستەر جەدەل تياناقتانىپ، حالىق بۇقاراسىنىڭ كەدەيلىكتىڭ ءتۇپ تامىرىنا بالتا شابۋعا قۇلشىنىس جاساعان كۇرەسكەرلىك رۋحى ايگىلەندى.
اقپارات شەبى اپپارات كوزى مەن قالامدارى ارقىلى كەدەيلىكتەن ارىلتۋدان قامال الۋدىڭ اسەرلى ساتتەرىن ەستەلىككە الدى، ادەبيەت - كوركەمونەر شەبى كوركەمونەر فورماسىنان پايدالانىپ، جاپپاي دوڭگەلەك داۋلەتتىلىكتىڭ كوركەم كورىنىسىن كەسكىندەدى.
شەشۋشى شايقاستىڭ شەشۋشى جەڭىسىنە جەتەتىن جىلدا كينو «مەن جانە مەنىڭ مەكەنىم»، تەلە فيلم «ۇيەڭكى جاپىراعى قىزاردى» سياقتى كينو - تەلەۆيزور تۋىندىلارى ۇزدىكسىز جارىققا شىقتى، «ءار الاپتان باتىر قايتتى جامىلا ىمىرت ءتۇتىنىن» سياقتى ارناۋلى فيلمدەر جاساپ تاراتىلىپ، كەدەيلىكتەن ارىلتۋدان قامال الۋدىڭ جاندى امالياتى كوگىلدىر ەكرانعا كوتەرىلدى؛ كەدەيلەردى دالمە - ءدال سۇيەمەلدەۋدى ەڭ الدىمەن دارىپتەگەن شياڭشي شىبادۇڭ قىستاعىنداعى اڭگىمەنى نەگىزگى جەلى ەتكەن تاريحي ءان - ءبي تەاترى «بايتاق دالاعا ماداق» سانسىز ادامدى اسەرلەندىردى؛ «جۇڭگونىڭ بايتاق دالاسىندا»، «دوڭگەلەك داۋلەت جىرى» سياقتى كولەمدى تاقىرىپتىق مۋزيكا كەشى دۋماندى وتكىزىلىپ، حالىقتىڭ ءوزىن الۋەتتەندىرۋ جولىندا قاجىرلى كۇرەس جاساعان ءداۋىر سيمفونياسىن بىرگە اسقاقتاتتى.
جاقسارۋعا بەت العان جاعدايدى ۇگىتتەپ، سەنىم جىگەردى سەرپىلىتتى.
ۇگىت - يدەيا شەبى نازاردى ”13 - بەسجىلدىق“ مەزگىلىندەگى ەكونوميكالىق، قوعامدىق دامۋدى جۇزەگە اسىرعان تاريحي سيپاتتى قارىشتاۋ مەن شەشۋشى سيپاتتى تابىستارعا اۋداردى، باس شۋجي شي جينپيڭ ءوزى باسشىلىق ەتىپ، بۇكىل پارتيانىڭ، بۇكىل مەملەكەتتىڭ اقىل - پاراساتىن ۇيىستىرىپ جاساعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» جان - جاقتىلى تولىق ۇگىتتەپ، حابارلاپ، جاڭا دامۋ كەزەڭىن، جاڭا دامۋ ۇستانىمىن، جاڭا دامۋ ارناسىن ىشكەرىلەي ۇعىندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي ءتۇسىندىرىپ، ەلىمىزدىڭ قات - قابات قيىنشىلىقتاردى جەڭۋگە قۇلشىنعان، ەكونوميكالىق، قوعامدىق دامۋدىڭ ۇزدىكسىز جاقسارعانىن ىلگەرىلەتكەن قۋانىشتى جاعدايدى جاندى ايگىلەدى.
”ەكونوميكا وڭ ارتۋعا ويىستى“ سياقتى جاسامپازدىققا يە جارنامالار ەكراننان تۇسپەۋدەن ”جوعارى قارقىندى پويەزعا وتىرىپ جۇڭگونى تاماشالاڭىزدى“ نەگىزگى تاقىرىپ ەتكەن ۇگىت جۇڭگو ەكونوميكاسىنىڭ قايتا جاندانۋىنداعى ومىرشەڭدىك كۇشىنە كۋا بولدى؛ ”التىنى ورنىقتىرۋ“، ”التىنى قامتاماسىز ەتۋدەن“ جارىققا شىققان ساياساتتىق پايدانى دەر كەزىندە تۇسىندىرۋدەن پۋدۇڭ جانە شىنجىن سياقتى رەفورما جاساۋداعى، ەسىك اشۋداعى ماڭىزدى جەر بەلگىلەرىنىڭ قول جەتكىزگەن دۇنيە ءجۇزى حالقىن تاڭ قالدىرعان زور دامۋشىلىقتارىن اڭگىمەلەۋگە دەيىن... ۇگىت - يدەيا شەبى ەلىمىز ەكونوميكاسى اينالىمىنىڭ بىرتىندەپ قالپىنا كەلگەن كۇيىن، ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى اۋقىمىن تولىق ايگىلەپ، بازار تۇلعالارىنىڭ دامۋ سەنىمىن بەكەمدەۋگە، جۇرت جىگەرىن سەرپىلتۋگە ”جۇرەك قۋاتتاندىرعىش“ ۇستەدى.
ءبىر جىلدان بەرى ۇگىت - يدەيا شەبى قوعامدىق سالتتى دارىپتەپ، ادامداردى تەبىرەنتىپ، جۇرت كوڭىلىن توعىستىرىپ، كۇشتى ۇيىستىرىپ، ءمورالدىق بيىك بەلەستى بەرىك بەكەمدەپ، سوتسياليستىك وزەكتى قۇن كوزقاراسىن زور كۇشپەن جەتىلدىرىپ جانە امالياتتا ايگىلەپ، جاڭا ساپارعا ەكپىندەي جورىق جاساۋدىڭ رۋحاني كۇشىن ۇيىستىردى.
ءمورالدىڭ شۇرايلى ورتاسىن جەتىلدىرىپ، ۇلگى - ونەگەنىڭ كۇش - قۋاتىن ساۋلەلەندىردى.
مەملەكەتتىك رۋحاني وركەنيەت قۇرىلىسى بويىنشا ماداقتاۋ - سيلاۋ جينالىسىن وتكىزىپ، ”مەملەكەتتىك ەڭبەك ەرلەرىن جانە وزات قىزمەتكەرلەردى“ ماداقتاۋدى ۇيعاردى، ”ەڭ ارداقتى تۇلعالار“، ”ءداۋىر ۇلگىسى“، ”جۇڭگوداعى ”اياۋلى جاندار“ ۇزدىكسىز جاريالاندى... ۇگىت - يدەيا شەبى نەگىزگى ساتىدا ارالاپ لەكسيا جاساۋ، اقپاراتتىق حابار، الەۋمەتتىك يگىلىك جارناماسى، ادەبيەت - كوركەمونەر تۋىندىلارى سياقتى فورمادا وزاتتاردىڭ، ۇلگىلەردىڭ ىزگى ىستەرىن ۇگىتتەپ، ۇلگى - ونەگەلەر كۇشىنىڭ اناعۇرلىم كوپ ادامنىڭ ەكپىندەي العا ىلگەرىلەۋىنە قوزعاۋشىلىق ەتۋىنە مۇمكىندىك جاسادى.
وتانشىلدىقتى اسقاقتاتىپ، سوتسياليستىك وزەكتى قۇن كوزقاراسىن جەتىلدىردى.
2020 - جىلدان بەرى «جاڭا داۋىردەگى ازاماتتاردىڭ ءمورال قۇرىلىسى اتقارۋ باعدارلاماسىن»، «جاڭا داۋىردەگى وتانشىلدىق تاربيە اتقارۋ باعدارلاماسىن» جەتەكشى ەتىپ، جاپون شاپقىنشىلارىنا قارسى سوعىس جەڭىسىنىڭ 75 جىلدىعى، جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەكتەسۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى سياقتى ماڭىزدى ۋاقىت تۇيىندەرىن ارقاۋ ەتىپ، ۇگىت - يدەيا شەبى وتانشىلدىق تاربيەنى زور كۇشپەن ورىستەتىپ، وتانشىلدىق سۇيىسپەنشىلىك سان ميلليونداعان حالىقتىڭ جۇرەگىندە تاسقىندادى.
”ءبىزدىڭ مەرەكەمىز“ ماركا قيمىلى بارعان سايىن كورنەكتىلەنىپ، باي مازمۇندى مەرەكەلىك مادەنيەت قيمىلدارى جاڭا داۋىردەگى ءداستۇرلى مەرەكەنىڭ جاڭا بەينەسىن ايگىلەدى؛ اس - سۋ ىسىراپشىلدىعىنا قارسى تۇرۋ جاڭا سالتقا اينالدى، سانالىلىقپەن ”اس اسىرمايتىن“ ادامدار بارعان سايىن مولايىپ، ”ۇنەمى اس اسىرۋشى“ بولماۋعا تالپىندى... مەيلى مەكەمە، الدە مەكتەپتە بولسىن، اۋىل - قىستاقتا نەمەسە الەۋمەتتىك اۋماقتا بولسىن، سوتسياليستىك وزەكتى قۇن كوزقاراسى نەگىزگى ساتى امالياتىندا بۇقارانىڭ جۇرەگىنە بىرتە - بىرتە ورناپ، حالىقتىڭ ساياسي جاقتان شىنايى مويىنداۋى، يدەيالىق جاقتان شىنايى مويىنداۋى، سۇيىسپەنشىلىك جاقتان شىنايى مويىنداۋى ۇزدىكسىز كۇشەيدى.
جۇڭگو ءۇنىن تاراتىپ، جۇڭگو وبرازىن ايگىلەدى
2020 - جىلى 3 - ايدىڭ 26 - كۇنى كەش، حالىق سارايىنىڭ شىعىس زالى. 15 مەتر ۇزىندىقتاعى، 4 مەتر بيىكتىكتەگى ەكران ”قياندى“ ”جاقىنداستىردى“. تاڭ ءسارى، ىمىرت، كۇندىز، ءتۇن ورتاسى... تۇرلىشە ساعاتتىق بەلدەۋدە تۇراتىن 20 ەل توبىنىڭ باسشىلارى ۋاقىت پەن كەڭىستىكتەن ءوتىپ، بەينە ەكراندا باس قوسىپ، ىندەتكە قالاي توتەپ بەرۋ جونىندە ەل باسىلارى ەرەكشە كەڭەسىن وتكىزدى.
”جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ الەمدىك توسقاۋىل شايقاسىن باتىل تۇردە ويداعىداي جۇرگىزۋ“، ”حالىقارالىق بىرلەسىپ ساقتانۋدى، بىرلەسىپ تىزگىندەۋدى ءونىمدى ورىستەتۋ“، ”حالىقارالىق ۇيىمداردىڭ رولىن ساۋلەلەندىرۋىنە بەلسەنە قولداۋ كورسەتۋ“، ”حالىقارالىق ماكرولىق ەكونوميكا ساياساتىن سايكەستىرۋدى كۇشەيتۋ“... ىندەتتەن ساقتانۋ - تىزگىندەۋدى قالاي جۇرگىزۋ كەرەك، ەكونوميكانىڭ قايتا جاندانۋىن قالاي ىلگەرىلەتۋ كەرەك دەگەندى ارقاۋ ەتىپ، ءتوراعا شي جينپيڭ 4 ءتۇرلى جۇڭگو دارىپتەمەسىن العا قويىپ، دۇنيە ءجۇزىنىڭ كەڭ كولەمدە قۇپتاۋىنا يە بولدى.
2020 - جىلى مەيلى 73 - كەزەكتى دۇنيە جۇزىلىك دەنساۋلىق ساقتاۋ جينالىسىنىڭ بەينە ەكران ءماجىلىسى، جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەل باسىلارى ەرەكشە كەڭەسى، بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى جەلىلەس قيمىلدارى بولسىن، الدە شاڭحاي سەلبەستىك ۇيىمى، بريكس، APEC، G20 سىندى 4 ءىرى كوپ جاقتى تۇعىردىڭ ءبىرسىپىرا كەلەلى ديپلوماتيالىق قيمىلدارى بولسىن، ۇگىت - يدەيا شەبى نازاردى ”بۇلتتىق ديپلوماتياعا“ شوعىرلاندىرىپ، دۇنيە جۇزىنە ”جۇڭگو تاجىريبەسىن“ جان - جاقتى، ءار قىرىنان جەتكىزىپ، ”جۇڭگو جوباسىن“ ءبولىستى.
شىعىستىڭ ۋادەسى، جۇڭگونىڭ سەرتى. ەرەكشە مەزگىلدەگى ءوز الاڭىنداعى سالتاناتتى جينالىس ءىرى ەل سالاۋاتىن ايگىلەدى ءارى جۇڭگو ءۇنىن اسقاقتاتا ءتۇستى.
2020 - جىلى 11 - ايدىڭ 4 - كۇنى كەش، ”ءءتورت قۇلاق ءشوپ“ پىشىنىندەگى شاڭحاي مەملەكەتتىك ءماجىلىس - كورمە ورتالىعىنىڭ كوركى كوز سۇرىندىرەدى، 3 - كەزەكتى جۇڭگو حالىقارالىق يمپورت كورمەسى رەسمي اشىلدى.
بۇل ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا جۇڭگو وتكىزگەن كولەمى ەڭ زور، قاتىناسقان مەملەكەتتەر ەڭ كوپ، ينتەرنەت جەلىسى، ينتەرنەت جەلىسىنەن تىسقارى ۇشتاسقان حالىقارالىق ەكونوميكا - ساۋدا سالتاناتتى جينالىسى، 3000نان استام جۇڭگولىق، شەتەلدىك اقپارات قۇرالدارى تىلشىلەرىن تىلشىلىك ىستەپ، حابارلاۋعا باۋراپ، ”جۇڭگو ءۇنىن“ دەر كەزىندە دۇنيەنىڭ جەر - جەرىنە جەتكىزدى.
ءبىر جىلدان بەرى قىزمەت وتەۋ ساۋدا جارمەڭكەسىنەن، يمپورت كورمەسىنەن تارتىپ، گۋاڭجوۋ جارمەڭكەسىنە، جۇڭگو - شىعىس وڭتۇستىك ازيا ەلدەرى وداعى كورمەسىنە دەيىن، ىندەتتەن ساقتانۋ حاۋىپسىزدىگىنە شىنايى كەپىلدىك ەتۋ العى شارتىندا، جۇڭگو دۇنيە ءجۇزى ەكونوميكاسىنا ۇزدىكسىز باعالى تۇعىر جانە قوزعاۋشى كۇش ازىرلەپ، دۇنيە ءجۇزىنىڭ شىنايى، سترەۆولدى، جان - جاقتى جۇڭگونى بىلۋىنە تەرەزەلەر اشىپ، جۇڭگونىڭ ەسىكتى ونان ارى ايقارا اشۋ جىگەرى مەن ۇلى مۇراتىن ايگىلەدى.
ەسىك اشىپ، سەلبەستىك جاساۋ ”امپەي - جامپەي بولۋدى“ بىلدىرمەيدى. قىم - قۋىت حالىقارالىق قوعامدىق پىكىر شەبىندە ۇگىت - يدەيا شەبى كۇرەسكەرلىك رۋحتى ساۋلەلەندىرىپ، كۇرەس جۇرگىزۋ قابىلەتىن كۇشەيتىپ، ”جۇڭگو ءۇنىن“ باستان - اياق اسقاقتاتتى.
امەريكانىڭ جانە باتىس ەلدەرىنىڭ قاساقانا قوزعاعان ەكونوميكا - ساۋدا قاجالىسىنا، ”ىندەت قاينارى“ جونىندە جات نيەتپەن اتىنا داق سالعاندىعىنا، شياڭگاڭعا، تايۋانعا، نانحاي تەڭىزىنە، شينجياڭعا، شيزاڭعا، ت.ب ساياتىن ماسەلەلەردە جۇڭگونىڭ ىشكى ىستەرىنە دورەكىلىكپەن كيلىككەندىگىنە قاراتا ۇگىت - يدەيا شەبى شەكارا ءىشى - سىرتىنداعى جاۋ كۇشتەردىڭ سوقتىعىپ، كۇيە جاعۋىنا، پالەنى باسقاعا اۋدارىپ، جاۋاپكەرشىلىكتى يتەرۋىنە دەر كەزىندە تويتارىس بەرىپ، اشكەرەلەپ، اق تىستى كىتاپتارىن، ادامدىق ۇقىق جونىندە زەرتتەۋ ماقالالارىن ىلگەرىندى - كەيىندى شىعارىپ، قوعامدىق پىكىر كۇرەسى بارىسىندا يدەيالىق سوقىر تۇماندى ايىقتىرىپ، جۇڭگونىڭ جاۋاپكەرشىلىك ارقالايتىن دۇنيە جۇزىندەگى ءىرى ەل وبرازىن ءتىپتى دە ايقىنداپ، دۇنيە ءجۇزىنىڭ دامۋىنا ۇلەس قوسۋشى سالاۋاتىن ءتىپتى دە ايگىلەدى.
كۇرەس بارىسىندا سەلبەستىككە ۇمتىلىپ، سەلبەستىك بارىسىندا دامۋدى كوزدەدى. اشىق ءارى سەنىمدى جۇڭگو دۇنيە جۇزىنە وزگەشە نۇر - شۇعىلا شاشتى...
جۇڭگو يدەياسى دۇنيە جۇزىنە وي سالدى −
2020 - جىلى 9 - ايدا 27 - كەزەكتى بەيجيڭ حالىقارالىق كىتاپ كورمەسى تۇڭعىش رەت ينتەرنەتتە ”بۇلتتىق كىتاپ كورمەسى“ فورماسىمەن مەملەكەت ءىشى - سىرتىنداعى وقىرمانداردىڭ القاۋىنا يە بولدى. جۇڭگونىڭ ءبىرسىپىرا ءتول تاڭداۋلى باسىلىمدارى كورسەتىلىپ، دۇنيە ءجۇزىنىڭ نازارىن اۋداردى.
«شي جينپيڭ ەل باسقارۋ جونىندە» 3 - تومىنىڭ اعىلشىن تىلىندەگى باسىلىمى سياقتى جۇڭگو يدەياسىن بايىمدايتىن ءبىر قىدىرۋ نازاريالىق كىتاپتاردىڭ وقىرماندارى كوبەيىپ، قىرۋار باسىلىمدار اراسىنداعى ” جۇلدىزدى كىتاپقا“ اينالىپ، كەڭ كولەمدە القاۋعا يە بولدى.
”بۇل تۋىندى زامانىمىزداعى جۇڭگونىڭ دامۋىن ىشكەرىلەي بىلۋىمىزگە جاڭا تەرەزە اشتى“. جۇڭگو ۇكىمەتى دوستىق سيلىعىنىڭ يەگەرى، حايدەلبەرگ داشۋەسى مەديتسينا شۋەيۋانىنىڭ پروفەسسورى توماس رابي جەرگىلىكتى ورىنداعى تانىستىرۋ ماجىلىسىندە وسىلاي دەدى.
”جۇڭگو اعىنى“ دۇنيە ءجۇزىن اسەرلەندىردى −
مولدىرەگەن جانار، رياسىز جايدارى ءجۇز، قاراپايىم زاڭزۋ جىگىت ديڭجىن سىچۋاننىڭ گانزىسىنان شىققان. ونىڭ ”جان كۇيەرى“ جۇڭگولىقتار عانا ەمەس، جاپونيا، كورەيادان تارتىپ، ەۆروپا، امەريكاعا، بۇكىل دۇنيە جۇزىنە دەيىن تۇگەلدەي ءۇستىرتتىڭ تاۋ - سۋىنداي پاك وسى جىگىتكە نازار اۋدارۋدا.
جاپونيالىق توراپتاستار جاعىنان ”كارتوننان كەلگەن ادەمى ءوسپىرىم“ اتانعان ديڭجىن بۇگىنگى كۇنى اۋىلىنىڭ جاڭا ”تانىسقىسىنا“ اينالدى. كەسكىندەگى كورىنىستەردىڭ بارلىعى سيىر باعۋ، بايگە، كوركەم كورىنىستەر، ءدامدى تاعامدار، كەدەيلىكتەن ارىلعاننان كەيىنگى اتا مەكەن. جۇڭگونىڭ وسى جاڭا ”ينتەرنەت جۇلدىزى“ مەملەكەت سىرتىنا جۇڭگو جونىندەگى تاماشا حيكاياعا كۋا بولاتىن تاعى ءبىر تەرەزەنى اشتى.
دۇنيە جۇزىن اسەرلەندىرگەن ”جۇڭگو اعىنى“ ديڭجىن عانا ەمەس. ”جيۋجاڭنان“ بەيدوۋعا دەيىن، ”فىندۋجىنىڭ“ 10 مىڭ مەتر تەرەڭدىكتەگى تەڭىزگە سۇڭگۋ سىناعىن اياقتاتىپ كەلۋىنەن ”چاڭ - ى − 5“تىڭ ءتۇن كەڭىستىگىن نۇرلاندىرۋىنا دەيىن، جۇڭگونىڭ دامۋ حيكاياسىن باياندايتىن كوپتەگەن ”ينتەرنەت جۇلدىزى“ دۇنيە ءجۇزىن بەتكە الىپ، بايىرعى ءارى كوپ نەگىزدى جۇڭگو وبرازى بارعان سايىن انىق، جاندى بولا ءتۇستى.
دابىل قاعىلىپ، بارابان جورىققا شاقىردى.
2021 - جىلدىڭ شىمىلدىعى ەندى عانا اشىلدى، جۇڭگو كوممۋنيستىك پارتياسى دۇنيەگە كەلگەندىگىنىڭ 100 جىلدىعىن قارسى الۋ قارساڭىندا جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنىڭ قادامى باستالدى.
داڭقتى ارمانعا تولى سەزىممەن بورىش، اۋىر مىندەت ارقالادى، جاڭا باستاماداعى ۇگىت - يدەيا شەبىنىڭ جىگەرى قاۋلاپ، ۇمتىلا العا ىلگەرىلەۋدە.
(شينحۋا اگەنتتىگىنىڭ 1 - ايدىڭ 5 - كۇنى بەيجيڭنەن بەرگەن حابارى)
