جۇڭگو كوممۋنيستىك پارتياسى ورتالىق كوميتەتى
«جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن» باسىپ تاراتتى
شينحۋا اگەنتتىگىنىڭ 1 - ايدىڭ 5 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: 2015 - جىلى 5 - ايدا جۇڭگو كوممۋنيستىك پارتياسى ورتالىق كوميتەتى باسىپ تاراتقان «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسى (سىناق رەتىندە اتقارىلادى)» بىرلىكساپتى بەكەمدەۋدە جانە دامىتۋدا ماڭىزدى رول اتقاردى. جاڭا جاعدايعا، مىندەتكە جانە تالاپقا ساي، پارتيا ورتالىق كوميتەتى وعان وزگەرىس ەنگىزدى. بۇل رەت وزگەرىس ەنگىزىلگەن «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ بىرلىكساپ قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، پارتيانىڭ بىرلىكساپ قىزمەتىنە ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، بىرلىكساپ سالاسىنداعى پارتيا مەن مەملەكەت قۇرىلىمدارى رەفورماسىن تەرەڭدەتۋ رۋحىن بەكەمدەپ، بىرلىكساپ قىزمەتىنىڭ عىلميلانۋ، جۇيەلىلەنۋ، تۇزىمدەنۋ دەڭگەيىن جوعارىلاتۋعا كۇش سالدى، بۇل − جاڭا داۋىردەگى بىرلىكساپ قىزمەتىنىڭ نەگىزگى بويسۇنۋ ولشەمى. «ەرەجەگە» وزگەرىس ەنگىزۋ جانە ونى اتقارۋ ەڭ كەڭ كولەمدى وتانشىلدىق بىرلىكساپتى بەكەمدەۋ جانە دامىتۋ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كۇش - قۋاتپەن كەڭ كولەمدە قولدايدى، ول كەلەلى ماڭىز الادى.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) جاڭا داۋىردەگى بىرلىكساپ قىزمەتىن ويداعىداي ىستەۋدىڭ ماڭىزدىلىعىن تولىق تانىپ، پارتيانىڭ بىرلىكساپ نازارياسىن، باعىتىن، ساياساتىن جالپى بەتتىك، دالمە - ءدال ۇيرەنىپ، ءتۇسىنىپ، بىرلىكساپ قىزمەتىن جاقسى ىستەۋدىڭ تۇلعالىق جاۋاپكەرشىلىگىن شىنايى اتقارىپ، بىرلىكساپتى ويداعىداي دامىتىپ، بىرلىكساپ قىزمەتىن ويداعىداي ورىستەتىپ، پارتيا مەن حالىق ىستەرىنىڭ دامۋىنا ءتيىمدى شارت - جاعداي ازىرلەۋ كەرەك. «ەرەجەنى» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات، ويداعىداي يگەرىپ، ءار دارەجەلى پارتيا ۇيىمدارى مەن ءار دارەجەلى باسشى كادرلاردىڭ بىرلىكساپ تانىمىن جوعارىلاتۋ كەرەك. ورتالىق كوميتەت بىرلىكساپ ءبولىمى قاتىستى تاراۋلارمەن بىرلەسىپ قۋزاۋ - جەتەكشىلىك ەتۋدى كۇشەيتىپ، «ەرەجەنىڭ» ءاربىر بەلگىلەمەسىنىڭ ءونىمدى دايەكتىلەنۋىنە، تياناقتانۋىنا شىنايى كەپىلدىك ەتۋ كەرەك. جەر - جەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ كەرەك.
«ەرەجە» جالپى ەرەجە، ۇيىمدىق باسشىلىق جانە قىزمەت جاۋاپكەرشىلىگى، دەموكراتيالىق پارتيا - توپتار جانە پارتيادا، توپتا جوق قايراتكەرلەر قىزمەتى، پارتيا سىرتىنداعى زيالىلار قىزمەتى، ۇلت قىزمەتى، ءدىن قىزمەتى، جالپىلىق مەنشىككە جاتپايتىن ەكونوميكا سالاسىنداعى بىرلىكساپ قىزمەتى، جاڭا قوعامدىق جىكتەگى قايراتكەرلەردىڭ بىرلىكساپ قىزمەتى، شياڭگاڭ، اۋمىن، تايۋان بىرلىكساپ قىزمەتى، شەتەلدەگى بىرلىكساپ قىزمەتى جانە چياۋمين ىستەرى قىزمەتى، پارتيا سىرتىنداعى قايراتكەرلەر قوسىنى قۇرىلىسى، بىرلىكساپ تاراۋلارىنىڭ ءوز قۇرىلىسى، قامتاماسىز ەتۋ جانە باقىلاۋ، قوسىمشا ەرەجە بولىپ 14 تاراۋ، 61 تارماقتان قۇرالعان.
