شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. 1 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتى تەلەگرامما جولداپ، چاۋشيان ەڭبەك پارتياسى 8 - قۇرىلتايىنىڭ اشىلعاندىعىن قۇتتىقتادى. قۇتتىقتاۋ تەلەگرامماسىندا بىلاي دەلىنگەن:
چاۋشيان ەڭبەك پارتياسى چاۋشيان توڭكەرىسى مەن قۇرىلىسى ىستەرىنىڭ پارمەندى ۇيىمداستىرۋشىسى جانە باسشىلىق ەتۋشىسى. ۇزاق ۋاقىتتان بەرى چاۋشيان ەڭبەك پارتياسى چاۋشيان حالقىن ىنتىماقتاستىرىپ، باستاپ، چاۋشياننىڭ سوتسياليزم ىستەرىن ىلگەرىلەتۋ ۇلى ساپارىندا تاريحي جەتىستىككە قول جەتكىزدى. سوڭعى جىلدارى كوميتەت باستىعى جين جىڭىن باستاعان چاۋشيان ەڭبەك پارتياسى ورتالىق كوميتەتىنىڭ پارمەندى باسشىلىعىندا چاۋشيان ەڭبەك پارتياسى ءوز قۇرىلىسىن كۇشەيتۋگە ايرىقشا ءمان بەردى، سونداي - اق ەكونوميكانى جانە حالىق تۇرمىسىن دامىتۋ، سىرتقى ورتانى جاقسارتۋ، ىندەتكە ءونىمدى توتەپ بەرۋ سياقتى جاقتاردا ءبىرسىپىرا ماڭىزدى جەتىستىكتەرگە قول جەتكىزدى. ءبىز بۇعان شىن جۇرەكتەن قۋانامىز.
چاۋشيان ەڭبەك پارتياسىنىڭ 8 - قۇرىلتايى چاۋشيان پارتياسى مەن حالقىنىڭ ساياسي ومىرىندەگى ءىرى ءىس، الداعى ءبىر مەزگىلدەگى چاۋشياننىڭ پارتيا قۇرىلىسى جانە مەملەكەت ەكونوميكاسىن دامىتۋ جونىندە ستراتەگيالىق جوبا جانە ورنالاستىرۋ جاسايدى، اسا كەلەلى ماڭىز الادى. چاۋشيان ەڭبەك پارتياسى مەن چاۋشيان حالقىنىڭ وسى رەتكى قۇرىلتايدى وراي ەتىپ، چاۋشياننىڭ سوتسياليستىك قۇرىلىس ىستەرىندە ۇزدىكسىز تىڭ جەڭىستەرگە جەتەتىندىگىنە سەنەمىز.
جۇڭگو مەن چاۋشيان ەكى ەل تاۋ - وزەنى جالعاسقان دوس كورشىلەر، ەكى پارتيا اراسىندا دوستىق بارىس - كەلىس جاساسقان تاڭداۋلى ءداستۇر ۇزاقتان ساقتالىپ كەلەدى. سوڭعى جىلدارى ەكى پارتيانىڭ، ەكى ەلدىڭ ەڭ جوعارى باسشىلارىنىڭ ستراتەگيالىق جەتەكشىلىگى مەن تىكەلەي ىلگەرىلەتۋىندە جۇڭگو - چاۋشيان قارىم - قاتىناسى جاڭا تاريحي تاراۋ اشتى. جاڭا جاعدايدا جۇڭگو جاق چاۋشيان جاقپەن بىرگە ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمدارىن جەتەكشىلىككە الىپ، جۇڭگو - چاۋشيان قارىم - قاتىناسىن ويداعىداي قورعاپ، ويداعىداي بەكەمدەپ، ويداعىداي دامىتىپ، ەكى ەلدى جانە ەكى ەل حالقىن اناعۇرلىم ويداعىداي باقىتقا كەنەلتىپ، ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جۇزەگە اسىرۋعا تىڭ، بەلسەندى ۇلەس قوسۋدى قالايدى.
