تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى جەرگىلىكتى ۇيىمدارىنىڭ سايلاۋ قىزمەتى ەرەجەسىن باسىپ تاراتتى

جۇڭگو كوممۋنيستىك پارتياسى ورتالىق كوميتەتى

جۇڭگو كوممۋنيستىك پارتياسى جەرگىلىكتى ۇيىمدارىنىڭ سايلاۋ قىزمەتى ەرەجەسىن باسىپ تاراتتى

  شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسى جەرگىلىكتى ۇيىمدارىنىڭ سايلاۋ قىزمەتى ەرەجەسىن» (تومەندە قىسقارتىلىپ «ەرەجە» دەلىندى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ۋستاۆىن ءتۇبىرلى بويسۇنۋ ولشەمى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىردى، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىردى، تياناقتاندىردى، بۇل جاڭا داۋىردەگى پارتيانىڭ جەرگىلىكتى ۇيىمدارىنىڭ سايلاۋ قىزمەتىنىڭ نەگىزگى بويسۇنۋ ولشەمى. «ەرەجەگە» وزگەرىس ەنگىزۋ جانە اتقارۋ پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ ورتالىقتانعان ءبىر تۇتاستىعىن قورعاۋ ۇيىمدى ءتۇزىمىن اقاۋسىزداندىرىپ، پارتيانىڭ جەرگىلىكتى ۇيىمدارى سايلاۋىن جۇيەلىلەندىرىپ، پارتيانىڭ جەرگىلىكتى ۇيىمدارى قۇرىلىسىن كۇشەيتىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتۋدا كەلەلى ماڭىز الادى.

  حابارلاندىرۋدا مىنالار تالاپ ەتىلدى: ءار دارەجەلى پارتكومدار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تۇلعالىق جاۋاپكەرشىلىكتى قاتاڭ تياناقتاندىرىپ، «ەرەجەنى» اتقارۋعا ۇيىمدىق باسشىلىقتى كۇشەيتۋى كەرەك. ۇگىتتەۋدى، ءتۇسىندىرۋدى جانە ۇيرەنۋدى، باۋلۋدى ويداعىداي يگەرىپ، ءار دارەجەلى پارتيا ۇيىمدارى مەن قالىڭ پارتيالى كادرلاردىڭ «ەرەجەنى» مۇقيات ۇيرەنۋىن ىلگەرىلەتىپ، «ەرەجەنى» دايەكتىلەندىرۋ، تياناقتاندىرۋداعى يدەيالىق سانالىلىقتى، ساياسي سانالىلىقتى، ارەكەت سانالىلىعىن كۇشەيتۋ كەرەك. پارتيالى باسشى كادرلار، اسىرەسە، نەگىزگى جاۋاپتى جولداستار باستاماشىلدىقپەن ۇيرەنۋى، باستاماشىلدىقپەن زەرتتەۋ جۇرگىزۋى، باستاماشىلدىقپەن اتقارۋى كەرەك. ورتالىق كوميتەت ۇيىمداستىرۋ ءبولىمى قاتىستى تاراۋلارمەن بىرگە قۋزاۋ - جەتەكشىلىك ەتۋدى كۇشەيتىپ، «ەرەجەنىڭ» ءتۇرلى بەلگىلەمەلەرىنىڭ ءونىمدى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋى كەرەك. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋى كەرەك.

  «ەرەجە» جالپى ەرەجە، ۋاكىلدەردىڭ سايلانۋى، كوميتەت مۇشەلەرىنىڭ سايلانۋى، تۇراقتى كوميتەت مۇشەلەرى مەن شۋجيدىڭ، ورىنباسار شۋجيلەردىڭ سايلانۋى، سايلاۋدىڭ اتقارىلۋى، قاراپ بەكىتۋگە جولداۋ، ءتارتىپ جانە باقىلاۋ، قوسىمشا ەرەجە دەپ بولىنەدى، جالپى 8 تاراۋ، 49 تارماق.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.