تيانشان تورى حابارى. (ءتىلشى چين جينلي) تاياۋدا، اۋىل شارۋاشىلىعى، اۋىل - قىستاق مينيسترلىگى ءونىم ساپا حاۋىپسىزدىگى ورتالىعى 2020 - جىلعى ءۇشىنشى توپتاعى مەملەكەتتىك ايگىلى، ەرەكشە، ساپالى، جاڭا ونىمدەر تىزىمدىگىن جاريالادى، بۇكىل مەملەكەت بويىنشا 387 اۋىل شارۋاشىلىق ءونىمى تىزىمدىككە ەندى، بۇنىڭ ىشىندە 27 ءتۇرلى ءونىم شينجياڭنان.
بۇل 27 ءونىم مىنالاردى قامتىيدى: ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) چيڭحۋ چەزىسى، چيڭحۋ ءساندى قاباسى، ليۋشىحۋ ءسابىزى، سانجى قالاسىنىڭ ءبيداي تالقانى، قۇتىبي اۋدانىنىڭ ايرانى، قۇتىبي اۋدانىنىڭ ءسۇتى، ماناستىڭ سۋففولك قويى، جەمسارى اۋدانىنىڭ ماقسارى مايى، جىڭ اۋدانىنىڭ الاقاتى، اتۇشتىڭ مۋناگى ءجۇزىمى، اقشي اۋدانىنىڭ شىرعاناق جەمىسى، ياركەن اۋدانىنىڭ بادامى، قاعىلىق اۋدانىنىڭ جاڭعاعى، ءپايزاۋات اۋدانىنىڭ قاۋىنى، ءپايزاۋات اۋدانىنىڭ شينمەيى، گۇما اۋدانىنىڭ انارى، گۇما اۋدانىنىڭ جاپون كارتوبى، گۇما اۋدانىنىڭ جۇپار ساڭىراۋقۇلاعى، گۇما اۋدانىنىڭ ەسەك ەتى، لوپ اۋدانىنىڭ قويان ءشوبى، شەريا اۋدانىنىڭ قوي ەتى، شاعانتوعاي اۋدانىنىڭ تىكەنسىز ماقسارى مايى، شاعانتوعاي اۋدانىنىڭ باسباي قوزى ەتى، قوبىقسارى ماقتاسى، شىڭگىل اۋدانىنىڭ ۇلكەن جەمىستى شىرعاناعى، شىڭگىل اۋدانىنىڭ شىرعاناق مايى، شىڭگىل اۋدانىنىڭ شىرعاناق ءشايى.
لوپ اۋدانىنىڭ قويان ءشوبى
مەملەكەتتىك ايگىلى، ەرەكشە، ساپالى، جاڭا ونىمدەرى دەگەنىمىز بەلگىلەنگەن رايوندا وندىرىلگەن، ءوندىرىس كولەمى مەن زاتتىڭ ولشەمى بەلگىلەنگەن، ايىرىقشا وڭىرلىك ەرەكشەلىگى مەن وزگەشە ازىقتىق قاسيەتى ەرەكشەلىگى بار، تۇراقتى قامداۋ مولشەرى مەن تۇتىنۋ بازارى بار، جۇرتشىلىق اراسىنداعى مويىندالۋى مەن داڭقى جوعارى، سونىمەن بىرگە، اۋىل شارۋاشىلىعى، اۋىل - قىستاق مينيسترلىگى ءونىم ساپا حاۋىپسىزدىگى ورتالىعى جاريالاعان ءارى كۋالىك تاراتىلعان اۋىل شارۋاشىلىق ونىمدەرى. تىزىمدىككە كىرگەن ونىمدەردىڭ سىرتقى قورابىنا ”بۇكىل مەملەكەتتىك ايگىلى ۇزدىك جاڭا ونىمدەرى“ دەپ ەسكەرتىلىپ، اۋىل شارۋاشىلىق ونىمدەرىنىڭ ايگىلى زاتتارىن تانۋىن جانە ىقپالىن ءبىر قادام جوعارىلاتادى.
بۇل رەتكى تىزىمدىككە ەنگەندەردىڭ باسىم كوبى شينجياڭنىڭ ءداستۇرلى جولىمەن ەگىلگەن اۋىل شارۋاشىلىق ونىمدەرى، تاعى ءبىر ءبولىمى تاياۋ جىلداردا سىرتتان ەنگىزىلىپ وسىرىلگەن جاڭا ونىمدەر، سونداي-اق شينجياڭدا بەلگىلى دارەجەدە دامىپ كولەمدەنگەن سورتتى ۇزدىك ونىمدەر.
گۇما اۋدانىنىڭ جاپون كارتوبى
بۇل رەت گۇما اۋدانىنىڭ جاپون كارتوبى، انارى قاتارلى ءتورت ءتۇرلى ءونىمى تىزىمدىككە كىرىپ، شينجياڭداعى ءونىم ءتۇرى كوپ تالدانعان اۋدان دەپ قارالدى. بۇل اۋداننىڭ فاڭيۋان جاسىل اۋىل شارۋاشىلىق ونىمدەرى عىلىم - تەحنيكا اشۋ شەكتى سەرىكتەستىگى قىزمەتكەرىنىڭ تانىستىرۋىنشا، گۇما اۋدانى الدىنعى عاسىردىڭ 70-جىلدارىندا جاپون كارتوبىن سىناق رەتىندە ەككەن ەكەن. تاياۋ جىلدان بەرى، جاپون كارتوبى بۇل اۋداننىڭ باسىمدىققا يە ونىمىنە اينالعان.
ۇعىسۋعا قاراعاندا، 2020-جىلى اۋىل شارۋاشىلىعى، اۋىل - قىستاق مينيسترلىگى جالپى ءۇش توپتا ايگىلى، ەرەكشە، ساپالى، جاڭا ونىمدەر تىزىمدىگىن جاريالادى، شينجياڭنان جيىنى 45 ءتۇرلى اۋىل شارۋاشىلىق ءونىمى تىزىمدىككە ەندى، بۇنىڭ ىشىندە ءسۇت ونىمدەرى، ماي ونىمدەرى، كوكونىس، جەمىس- جيدەك، ماقتا، ەت ونىمدەرى قاتارلى تۇرلەرى بار.
