شينجياڭعا كومەككە كەلگەن شيپاگەر سۇڭ يۇيچىن: قاجەت ەتۋ — ٴبىر ٴتۇرلى باقىت

　　شينجياڭعا كومەككە كەلگەن شيپاگەر سۇڭ يۇيچىن تۇمسىق قالالىق حالىق شيپاحاناسى كوز، قۇلاق، مۇرىن، جۇتقىنشاق اۋرۋلارى ٴبولىمىنىڭ ٴبىرىنشى مەڭگەرۋشىسى بولىپ تاعايىندالىپ، جالپى قىزمەتتى باسقارىپ، كوز، قۇلاق، مۇرىن، جۇتقىنشاق اۋرۋلارى ٴبولىمىنىڭ ەمدەۋ، وقىتۋ، عىلمي زەرتتەۋ، ساقتانۋ جانە اكىمشىلىك باسقارۋ قىزمەتىنە جاۋاپتى بولدى.

　　دۇڭگۋان قالاسى شىعىس ورتالىق شيپاحاناسى كوز اۋرۋلارى ٴبولىمىنىڭ جاۋاپتى شيپاگەرى سۇڭ يۇيچىن ەمدەۋ ارقىلى شينجياڭعا كومەكتەسۋ قيمىلىنا قاتىناسقاننان كەيىن، ۇيىم جاعىنان تۇمسىق قالالىق حالىق شيپاحاناسى كوز، قۇلاق، مۇرىن، جۇتقىنشاق اۋرۋلارى ٴبولىمىنىڭ ٴبىرىنشى مەڭگەرۋشىسى بولىپ تاعايىندالىپ، جالپى قىزمەتتى باسقارىپ، كوز، قۇلاق، مۇرىن، جۇتقىنشاق اۋرۋلارى ٴبولىمىنىڭ ەمدەۋ، وقىتۋ، عىلمي زەرتتەۋ، ساقتانۋ جانە اكىمشىلىك باسقارۋ قىزمەتىنە جاۋاپتى بولدى. 4 – ايدىڭ 7 – كۇنى تۇمسىق قالالىق حالىق شيپاحاناسىنا كومەكتەسىپ، كوز، قۇلاق، مۇرىن، جۇتقىنشاق اۋرۋلارى ٴبولىمى بالنيتساسىن قۇردى، ٴبولىم قۇرىلعاننان قازىرگە دەيىن جيىنى 260 ادام – رەت ناۋقاس قابىلداپ، ٴتۇرلى كوز اۋرۋلارى، قۇلاق، مۇرىن، جۇتقىنشاق اۋرۋلارى وپەراتسياسىنان جيىنى 100دەن استامىن جاسادى.

　　سوزىمەن دە ىسىمەن دە تاربيەلەپ، ”ۇيرەتۋ، كومەكتەسۋ جانە جەتەكتەۋ“ رولىن بەلسەنە ساۋلەلەندىردى

　　تۇمسىق قالالىق حالىق شيپاحاناسىنىڭ كوز، قۇلاق، مۇرىن، جۇتقىنشاق اۋرۋلارى ٴبولىمى قۇرىلعاننان بەرى، سۇڭ يۇيچىن بولىمدەگى مەديتسينا قىزمەتكەرلەرگە ٴار جارىم ايدا ٴبىر رەت توپتىق نازاريا ۇيرەنۋىن ورىستەتىپ، اۋرۋ تاريحىن ولشەمدى جازۋ، كوزدىڭ سىرتى سياقتى ەڭ نەگىزگى اۋرۋلاردان باستاپ ۇيرەتىپ، بولىمدەگى شيپاگەرلەردى دياگنوز قويۋ، ەمدەۋ بارىسىندا ماتەريال، اۋرۋ مىسالى جيۋعا شابىتتاندىرىپ، ٴار جارىم ايدا ٴبىر رەت ٴبولىمنىڭ شاعىن ساباعى كەزىندە توپتىق ورتاقتاسىپ، دياگنوز قويۋ، ەمدەۋ وي جەلىسىن، باعدارلاماسىن ۇيرەنىپ، ورتاق العا باستى.

سۇڭ يۇيچىن وپەراتسيا جاساۋدا.

　　سۇڭ يۇيچىن وپەراتسيا ٴبولىمىنىڭ سەسترالار باستىعىمەن بەلسەنە بايلانىس جاساپ، وپەراتسيا بولمەسىن الا تۇرىپ، بولىمدەگى جاس شيپاگەرلەردى ميكروسكوپ استىندا جۇمىس جۇرگىزىپ، اينا استىندا جاراقاتتى تازالاۋ، تىگۋ سياقتى نەگىزدىك سىرتقى اۋرۋلار جۇمىسىنا جاتتىعۋعا باستادى.

　　جۇڭشان داشۋەسى كوز اۋرۋلارى ورتالىعىنىڭ ماماندار ۇجىمى تۇمسىق قالاسىنا كەلىپ، اۋىس – كۇيىس جاساعاندا، سۇڭ شيپاگەر بەلسەنە كومەكتەسىپ، دانەكەر بولدى، كوز اۋرۋلارى ورتالىعىنىڭ سەستراسى ۋي مەيمەن بايلانىس جاساپ، شيپاحانادا كۇتىمدەۋ جونىندەگى «اق شەل اينالاسىنا وپەراتسيا جاساۋ مەزگىلىندەگى كۇتىمدەۋ» ساباعىن ٴوتتى ٴارى كۇتىمدەۋ وقىتۋى ناۋقاستاردى تەكسەرۋدى جۇرگىزدى؛ كوز اۋرۋلارى ورتالىعىنىڭ تەتە اعا سەستراسى يە رۇڭحۋا وپەراتسيا بولمەسىنە كەلىپ، كوز اۋرۋلارى وپەراتسيا ۇيىندەگى زاتتاردى قويۋ، تاڭعىشتاردى دايىنداۋ، ناۋقاستاردى كۇتىمدەۋ سياقتى ٴبىرسىپىرا قىزمەتتەرگە جەتەكشىلىك ىستەدى.

　　”سۇڭ يۇيچىن ٴبىلىم، ونەرىن شينجياڭعا كومەكتەسۋدىڭ ماڭىزدى مازمۇنى ەتىپ، ارناۋلى ٴبولىم تەكسەرۋ، ٴدارى ىستەتۋ، وپەراتسيا سياقتىلاردان باستاپ، بەلسەندى تۇردە جەتەكتەپ تاربيەلەدى، توتەنشە ىجداعاتتى قىزمەت پوزيتسياسى مەن ورەلى دارىگەرلىك ونەرىنەن ٴبىز كوپتەگەن تاجىريبە ۇيرەندىك…“. بۇل كوپتەگەن مەديتسينا قىزمەتكەرلەرىنىڭ سۇڭ يۇيچىننان العان اسەرى.

　　وتكەن 8 ايدا، سۇڭ شيپاگەر ٴبولىمنىڭ بارلىق مۇشەلەرىن باستاپ، شيپاحانا قىزمەتىنىڭ ماڭىزدى تۇيىنىنە ساي، ٴبولىمنىڭ قىزمەت جوسپارىن جاساپ، ۇيىمداستىرىپ اتقاردى ٴارى ۇنەمى قۋزاپ تەكسەردى؛ ٴوز بولىمىندەگى قىزمەتكەرلەردى كۇندەلىكتى ەمدەۋ جانە كۇتىمدەۋ قىزمەتىن ورىنداۋعا ۇيىمداستىرىپ، جەتەكشىلىك ىستەپ، ٴتۇرلى ەرەجە – تۇزىمدەر مەن تەحنيكالىق جۇمىس تارتىپتەرىن مۇقيات اتقارىپ، اعاتتىق، شىرعالاڭنان قاتاڭ ساقتاندى؛ تۇمسىق قالالىق حالىق شيپاحاناسىنا كومەكتەسىپ، كاسىپتىك تەحنيكالىق تاربيەلەۋ مەن تەحنيكالىق باعالاۋدى ويداعىداي ىستەدى.

　　ٴتۇرلى كوز اۋرۋلارىن تەگىن ەمدەۋ قيمىلدارىنا بەلسەندى تۇردە كومەكتەسىپ ورىستەتتى

　　وڭتۇستىك شينجياڭنىڭ حالىق سانى جانە ەمدەۋ بايلىق قاينارىنىڭ تارالۋ ەرەكشەلىگى سەبەبىنەن كوپتەگەن قاۋىمنىڭ شيپاحاناعا كورىنۋى قولايسىز. سۇڭ يۇيچىن قىزمەت ورنىنا كەلگەننەن كەيىن، ٴتۇرلى تەگىن ەمدەۋگە بەلسەنە قاتىناستى، شيپاحاناعا كورىنۋ قولايسىز بولعان بۇقارالارعا شيپاگەر جانە ٴدارى – دارمەك جەتكىزۋ كۇندەلىكتى دياگنوز قويۋ - ەمدەۋدىڭ ٴبىر بولەگىنە اينالدى.

سۇڭ يۇيچىن شيپاگەر تەگىن ەمدەۋ قيمىلىندا ناۋقاستىڭ كوزىن تەكسەرۋدە.

　　وڭتۇستىك شينجياڭ رايونىنداعى بۇقارالاردىڭ ازىقتانۋ ەرەكشەلىگىنە بايلانىستى قانتتى نەسەپ اۋرۋىنىڭ تۋىلۋ مولشەرى ٴبىرشاما جوعارى. بيىل 6 – ايدىڭ 6 – كۇنى سۇڭ يۇيچىن باس بولىپ، 25 – رەتكى ”مەملەكەتتىك كوزدى كۇتۋ كۇنى“ ارناۋلى تاقىرىپتىق تەگىن ەمدەۋ قيمىلىن ٴساتتى ۇيىمداستىرىپ ورىستەتتى، سول كۇنگى تەگىن ەمدەۋدە قانتتى نەسەپ اۋرۋىن، كوز اۋرۋلارىن تەكسەرۋ جانە سالاماتتىق ارحيۆىن ورناتۋعا ٴتۇيىندى تۇردە ٴمان بەرىلدى، سول كۇنى دياگنوز قويىپ ەمدەگەن ناۋقاستار جيىنى 100 ادام – رەتكە تايادى.

　　بۇدان سىرت، تۇمسىق قالاسى كۇندەلىكتى دياگنوز قويۋ، ەمدەۋ بارىسىندا جەرگىلىكتەگىلەردىڭ جاسوسپىرىمدەردىڭ كورۋ قۋاتىن قورعاۋ تانىمىنىڭ ٴبىرشاما تومەن ەكەنىن بايقادى، دۇڭگۋان قالاسىنىڭ شينجياڭعا كومەكتەسۋ قىزمەت اترەتىنىڭ سايكەستىرۋى ارقىلى شى قالالىق دەنساۋلىق ساقتاۋ، سالاماتتىق كوميتەتى، شى قالالىق وقۋ – اعارتۋ مەكەمەسى جۇڭشان داشۋەسى جۇڭشان كوز اۋرۋلارى ورتالىعى سوقىرلىقتان ساقتانۋ، ەمدەۋ كەڭسەسىنىڭ ورىنباسار مەڭگەرۋشىسى حۋاڭ ۋىنيۇڭ پروفەسسوردى ۇسىنىس ەتىپ، ”تيانشيڭجيان“ قايىر – ساحابات قور قوعامىمەن بىرلەسىپ، شى قالاسىندا جاسوسپىرىمدەردىڭ كورۋ قۋاتىن تەگىن تەكسەرىپ، كوزىلدىرىك بەرۋ قيمىلىن ورىستەتتى.

　　9 – ايدىڭ سوڭعى شەنىنەن باستاپ، سۇڭ يۇيچىن شيپاگەر بولىمدەگى قىزمەتتەستەرىمەن بىرگە ماڭايىنداعى تۋان الاڭدارعا بارىپ، ٴبىر – بىرلەي تەكسەرۋ قىزمەتىن ۇيىمداستىرىپ، سوڭىندا وسى رەتكى قيمىلعا قاتىناسقان 2 مەكتەپتى تۇراقتاندىردى، سونداي – اق باستاپقى كەزەڭدە 6500گە تاياۋ ورتا، باستاۋىش مەكتەپ وقۋشىلارىنىڭ كورۋ قۋاتىن العاشقى سارالاۋ قىزمەتىن جۇرگىزدى.

سۇڭ يۇيچىن ناۋقاستىڭ كوزىن تەكسەرۋدە.

　　10 – ايدىڭ 16 – كۇنىنەن 20 – كۇنىنە دەيىن، جۇڭشان داشۋەسىنىڭ جۇڭشان كوز اۋرۋلارى ورتالىعى، دۇڭگۋان قالالىق حالىق شيپاحاناسى، دۇڭگۋان قالالىق شىعىس ورتالىق شيپاحاناسىنىڭ كوز اۋرۋلارى ماماندارىنان جيىنى 16 ادام تۇمسىق قالاسىنا كەلىپ، 1300دەن استام ورتا، باستاۋىش وقۋشىلارىنىڭ قاراشىعىنىڭ ۇلكەيۋىن تەكسەرۋدى ورىستەتتى ٴارى 53 – تۋان مەكتەبى، 49 – تۋان مەكتەبىندەگى جيىنى 1200دەن استام وقۋشىعا اقىسىز كوزىلدىرىك بەردى.

سول جەردىڭ ەرەكشەلىگىنە ۇشتاستىرىپ، عىلمي زەرتتەۋدى ورىستەتتى

　　كومەك قابىلداعان ورىنعا كەلۋدەن بۇرىن، سۇڭ يۇيچىن شيپاگەر جىبەرگەن ورىندا 2020 – جىلدىق كوز اۋرۋلارى ٴبولىمىنىڭ 2 ٴتۇرلى قالالىق عىلىم – تەحنيكا مەكەمەسىنىڭ عىلمي زەرتتەۋ جوسپارىنا الىنعان نىسانىنا قاتىناسىپ، كەزەڭدە جىبەرگەن ورىندا عىلمي زەرتتەۋ نىسانىنا ەنگىزۋدى ٴساتتى ٴوتىنىش ەتۋ باستاپقى تاجىريبەسىنە يە بولدى. شينجياڭعا كەلگەننەن كەيىن، كۇندەلىكتى دياگنوز قويۋ، ەمدەۋ بارىسىندا جەرگىلىكتەگى جاسوسپىرىمدەردىڭ كوز سالاماتتىعى ەپيدوميولوگيالىق ساندى مالىمەتتەرىنىڭ ىشكى ولكەلەردەگى جاسوسپىرىمدەرمەن پارقى بارىن، ونىڭ ۇستىنە ساۋلە سىندىرۋى تەرىس ناۋقاسقا شالدىعۋ مولشەرى جانە دارەجەسى، تۇقىم قۋالاۋ، وقۋ ورەسىنىڭ پارقى سالدارىنان ىشكى ولكەلەردەگى جاسوسپىرىمدەرمەن كورنەكتى پارىق بارىن بايقادى.

سۇڭ يۇيچىن بولىمدەگى جاس شيپاگەرلەردى باستاپ، ميكروسكوپ استىندا جۇمىس جۇرگىزمەن تانىسىپ، اينا استىندا جاراقاتتى تازالاپ تىگۋ سياقتى ٴتۇرلى نەگىزدىك سىرتقى اۋرۋلار جۇمىسنا جاتتىعۋدا.

　　وسى نەگىزدە سۇڭ شيپاگەردىڭ عىلمي زەرتتەۋ نىسانىنا ەنگىزۋ ويى العاشقى ادىمدا جوبالانىپ، كەيىن بىرتىندەپ قالىپتاستى، 2020 – جىلى بولىمگە كومەكتەسىپ، 3 – شى تۇمسىق قالالىق عىلىم – تەحنيكا مەكەمەسىنىڭ عىلمي زەرتتەۋ نىسانىنان بىرەۋىن ٴساتتى ٴوتىنىش ەتتى، ونىڭ تاقىرىبى — «شينجياڭ تۇمسىق رايونىنىڭ جاسوسپىرىمدەردىڭ كوز سالاماتتىعىنا ەپيدوميولوگيالىق تەكسەرۋ». شيپاحانانىڭ عىلمي زەرتتەۋ كەمىستىگىن جوعارىلاۋعا كومەكتەستى.

　　4 – ايدىڭ 24 – كۇنى تۇستەن كەيىن ساعات 3تە، تۇمسىق قالاسىنداعى 5 ايلىق نارەستە جيا نيڭ ۇيدە ويناپ وتىرعاندا ابايسىزدا سۋلياۋ قاعازدى جۇتىپ قويادى، ونىڭ شەشەسى سەزگەننەن كەيىن توتەنشە ابىرجىپ، قولىن جۇگىرتىپ الۋ سياقتى تاسىلدەردى قولدانۋ ارقىلى ٴونىمى بولماعاننان كەيىن، بالانىڭ كوڭىل كۇيىنىڭ بارعان سايىن ناشارلاپ، باستاپتا مازاسىزدانعانىن، جىلاعانىن، ونان سوڭ ۇيقى باسقانىن بايقايدى. كىشكەنتاي جيا نيڭنىڭ شەشەسى دەرەۋ ونى الىپ، تۇمسىق قالالىق حالىق شيپاحاناسىنىڭ بەس مۇشە اۋرۋلارى بولىمىنە كەلىپ كورىنەدى. شيپاحانا جاقتىڭ شۇعىل تانىستىرۋى ارقىلى شينجياڭعا كومەككە كەلگەن شيپاگەر سۇڭ يۇيچىن كىشكەنتاي جيا نيڭدى ەمدەيدى.

　　” سول كەزدە جاعداي توتەنشە قاتەرلى بولىپ، اۋرۋ بالا ۇيقى باسقان كۇيدە ەدى، بوگدە زات تىنىس جولىن توستى ما، جوق انىق بولماعاندىقتان، ونىڭ ۇستىنە سۋلياۋ ادەتتەگى قوسىمشا تەكسەرۋدە كەسكىندە كورىبەيتىندىكتەن، ەندىگارى كەشىكسە، بالانىڭ ومىرىنە حاۋىپ ٴتونۋى نەمەسە وتتەگى جەتىسپەۋ سالدارىنان زارداپقا اپارىپ سوعۋى مۇمكىن“،-دەدى سۇڭ يۇيچىن ەسكە الىپ.

 سۇڭ يۇيچىن بالانىڭ كوزىن تەكسەرۋدە.

　　بوگدە زاتتىڭ بالانىڭ تىنىس جولىن توسۋىنان الاڭداعان سۇڭ شيپاگەر ەكى جاقتى ازىرلىك جاسادى: ٴبىر جاعىنان، كىشكەنتاي جيا نيڭگە دەر كەزىندە وتتەگىن بەرىپ، ۆەنا جولىن اشىپ، بالانىڭ تىرشىلىك دەنەلىك بەلگىسىن ٴجيى باقىلاپ، دەر كەزىندە قۇتقارىپ ەمدەۋ جۇرگىزۋگە قىمباتتى ۋاقىتقا قول جەتكىزدى؛ ەندى ٴبىر جاعىنان، وعان جۇتقىنشاق بولەگىن تەكسەرۋدى جان – جاقتىلى جۇرگىزىپ، جۇتقىنشاقتىڭ استىڭعى بولەگىندە جۇتقىنشاقتىڭ ارتقى بۇيىرىنە جابىسقان كورۋگە بولاتىن جاسىل سۋلياۋ قاعاز تىلكىمىن بايقادى.

　　كىشكەنتاي جيا نيڭ ٴسابي، تەكسەرۋگە وزدىگىنەن سايكەسە المايتىندىقتان، سۋلياۋ تىلكىمىن الۋ قيىنعا سوقتى. نەشە جول سىناۋ ارقىلى سۇڭ يۇيچىن سۋلياۋ قاعازدى ٴساتتى الىپ شىقتى. وسىدان كەيىنگى اۋرۋ رايونىندا 3 ساعات قالدىرىپ باقىلاۋ بارىسىندا، كىشكەنتاي جيا نيڭنىڭ دەنساۋلىعى ورنىقتى بولىپ، جۇتىنۋدا قينالماي، قالپىنا كەلدى. كەيىن كىشكەنتاي جيا نيڭنىڭ شەشەسى سۇڭ يۇيچىننىڭ قولىنان ۇستاپ، قايتا – قايتا راقىمەت ايتتى.

　　”شينجياڭعا كومەكتەسۋدىڭ ەڭ زور جەتىستىگى — قاجەت ەتۋ ٴبىر ٴتۇرلى باقىت، مەن دۇڭگۋاننان شينجياڭعا كومەككە كەلگەن باسقا شيپاگەرلەرمەن بىرگە بىلگەنىمىزدى، ۇيرەنگەندەرىمىزدى تۇمسىققا الا كەلىپ، ٴوزىمىزدىڭ ەڭ زور تىرىسشاڭدىعىمىزدى كورسەتىپ، ٴتىپتى دە كوپ ناۋقاستاردى يگىلىككە كەنەلتىپ، ولار ٴۇشىن سالاماتتىق سيلايمىز“، - دەدى سۇڭ يۇيچىن تەبىرەنىپ.

اۋدارعان: قادىر ماقان