تيانشان تورى   ›   بىلگەنگە مارجان   ›   وتباسى جانە تۇرمىس

وتباسى باس قوسۋلارى مەن قوناعاسى وتكىزۋدە 10 ادامنان تومەن بولۋ كەرەك

  انار بۇلت / شينجياڭ گازەتىنىڭ تىلشىلەرى چاۋ جين، سۋ لۋپيڭ 1 - ايدىڭ 7 - كۇنى ۇرىمجىدەن حابارلايدى. 1 - ايدىڭ 7 - كۇنى ءۇرىمجى قالالىق اۋرۋدان ساقتانۋ، تىزگىندەۋ ورتالىعىنىڭ مامانى كوپشىلىككە مىنانى ەسكەرتتى: قاجەتسىز باس قوسۋ، قوناعاسى وتكىزۋ قيمىلدارىن ازايتۋ، سىرتتا تاماقتانعاندا جەكە باسىندىق ساقتىقتى جاقسى ىستەۋ، كاسىپورىندار، ءىسورىندار توپتىق قيمىلدار وتكىزگەندە ادام سانىن، ءسوز جوق، قاتاڭ تىزگىندەۋ، وتباسى باس قوسۋلارى مەن قوناعاسى وتكىزۋدە 10 ادامنان تومەن بولۋ كەرەك.

  ءۇرىمجى قالالىق اۋرۋدان ساقتانۋ، تىزگىندەۋ ورتالىعى الەۋمەتتىك دەنساۋلىق ساقتاۋ ءبولىمىنىڭ ورىنباسار باستىعى ياڭ حاۋفىڭ بىلاي دەپ ەسكەرتتى: كوكتەم مەرەكەسى كەزىندە كاسىپورىندار، ءىسورىندار جينالىپ باس قوسۋ قيمىلدارىن ازايتۋى، قوناعاسىعا قاتىناساتىن ادام كولەمىن تىزگىندەۋى كەرەك. جەكە وتباسىلىق باس قوسۋلار مەن قوناعاسىلاردا ادام سانى 10نان تومەن بولۋ كەرەك. سونىمەن قاتار ءۇي ءىشىنىڭ اۋاسىن ۇنەمى الماستىرىپ تۇرۋ، قولدى ءجيى جۋۋ، ورتاق ساقپى ىستەتۋ، بولەك تاماقتانۋ، جوتەلگەندە، تۇشكىرگەندە دالدالاۋ سياقتى تاماشا تازالىق ادەتىنە تاباندى بولىپ، جوتەلۋ، قىزۋ سياقتى اۋرۋ بەلگىلەرى بايقالعاندا، ءسوز جوق، دەر كەزىندە داۋالانۋ كەرەك.

  ياڭ حاۋفىڭ مىنالاردى ۇسىنىس ەتتى: سىرتقا شىعىپ تاماقتانۋعا، باس قوسۋعا تۋرا كەلسە، ءسوز جوق، قاي - قاشان دا قىراعى بولۋ، ساقتىق تانىمىن جوعارىلاتۋ، جەكە باسىندىق ساقتىقتى جاقسى ىستەۋ كەرەك. ازىق - تۇلىك تازالىق شارت - جاعدايى جاقسى، سەنىمدىلىگى جوعارى اس - سۋ ورىندارىن تاڭداۋ؛ ءتۇرلى الەۋمەتتىك ورىندارعا بارعاندا جانە الەۋمەتتىك قاتىناس قۇرالدارى، ليفت سياقتىلارعا وتىرعاندا، ءسوز جوق، تۇتاس بارىستا ماسكى تاعۋ كەرەك. وزگەلەرمەن قارىم - قاتىناس جاساعاندا تىم جاناسپاۋ، ءبىر مەتر قارىم - قاتىناس ارالىعىن ساقتاۋ كەرەك. وركەنيەتتى تۇردە باس قوسىپ قوناعاسى وتكىزۋ، ءتۇز تاعامدارىن تۇتىنباۋ. وتباسى ازىق - تۇلىگىن كولەمدى، سەنىمدىلىگى جاقسى، ازىق - تۇلىك ساپا وتكەلىن ءبىرشاما قاتاڭ يگەرەتىن ساۋدا بازارلارىنان نەمەسە ەرەن بازارلاردان تاڭداپ ساتىپ الۋ، مانەرلەنۋ جانە ازىقتىق قاينارى بەلگىسىز ازىق - تۇلىكتەر مەن ءولۋ سەبەبى بەلگىسىز مال، قۇس جانە سۋ ونىمدەرىن ساتىپ الماۋ، جابايى حايۋانات ونىمدەرىن ساتىپ الماۋ، تۇتىنباۋ، ازىق - تۇلىك شيكىزاتىنىڭ تازالىعى مەن حاۋىپسىزدىگىنە كەپىلدىك ەتۋ كەرەك.

  اقاۋسىز اس - سۋ تۇتىنۋىنا تاباندى بولىپ، ازىق - تۇلىك حاۋىپسىزدىگىنە، تازالىعىنا ءمان بەرىپ، ازىق - تۇلىكتەن ۋلانۋدان ساقتانۋ كەرەك. ەت، تەڭىز (سۋ) ءونىمى سياقتى ازىق - تۇلىكتەردى شيكىدەي تۇتىنباۋ، شالا پىسقان، شالا قايناعان تاعامداردى، سونداي - اق قابىعى ارشىلماعان جەمىس - جيدەكتەردى، شيكى كوكونىستەردى جەمەۋ كەرەك. جەكەلىك تاماشا تازالىق ادەتىن ساقتاپ، تاماق پىسىرۋدان جانە تاماق ىشۋدەن بۇرىن قول جۋۋعا ءمان بەرۋ، شيكى بالىق، شيكى ەت جانە شيكى قۇس ەتىن ۇستاعاننان كەيىن قولدى قايتالاي جۋۋ كەرەك. ازىق - تۇلىك دايىنداعاندا شيكى ازىق - تۇلىك پەن پىسقان ازىق - تۇلىكتى ايىرىم مانەرلەۋ، پىسقان جانە شيكى ازىقتاردى سالاتىن ىدىس - اياقتاردى بولەك ۇستاۋ كەرەك. اسىپ قالعان تاعامداردى دەر كەزىندە توڭازىتۋ، اسىپ قالعان ازىق - تۇلىك پەن ءتۇن اسقان ازىق - تۇلىكتى ابدەن ىسىتقاننان كەيىن بارىپ قايتالاي تۇتىنۋ كەرەك. وتباسى باس قوسۋدا قالىپتان تىس ءىشىپ - جەۋدەن اۋلاق بولۋ، اسقازان، ىشەك رولىنىڭ بۇلىنۋىنەن جانە دەنەنىڭ قارسىلىق قۋاتىنىڭ تومەندەۋىنەن، ناۋقاسقا شالدىعۋ قاتەرىنەن ساقتانۋ كەرەك.

  ياڭ حاۋفىڭ سوڭىندا باس قوسىپ قوناعاسى وتكىزگەندە ورتاق قاسىق، ورتاق ساقپىدان پايدالانۋدىڭ، بولەك تاماقتانۋدىڭ ايقاسپالى جۇعىمدالۋ ورايىن بارىنشا ازايتاتىندىعىن ەسكەرتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.