انار بۇلت / شينجياڭ گازەتىنىڭ ءتىلشىسى لي لي 1 - ايدىڭ 7 - كۇنى ۇرىمجىدەن حابارلايدى. 1 - ايدىڭ 7 - كۇنى اۆتونوميالى رايوندىق حالىق ۇكىمەتى مادەنيەت، كوركەمونەر سالاسىنداعىلاردىڭ شينجياڭدى مادەنيەتپەن نارلەندىرۋ ينجەنەرياسىن ىلگەرىلەتۋ اڭگىمە ءماجىلىسىن اشتى، رايونىمىزداعى اسەمونەر، كينو - تەلەۆيزيا، ءان - ءبي، ادەبيەت، جاڭا مەديا سياقتى سالالاردان كەلگەن ۋاكىلدەر ءبىر اراعا باس قوسىپ، باس شۋجي شي جينپيڭنىڭ ادەبيەت - كوركەمونەر قىزمەتى جانە شينجياڭدى مادەنيەتپەن نارلەندىرۋ جونىندەگى ماڭىزدى بايىمداۋلارىن توپتىق ۇيرەنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى، رايونىمىزدىڭ مادەنيەت، كوركەمونەر ىستەرىنىڭ گۇلدەنۋىن، دامۋىن ىلگەرىلەتۋ ءىرى جوسپارىن ورتاق اقىلداستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: شينجياڭنىڭ ورنىقتىلىعىنىڭ، دامۋىنىڭ ءارقايسى ماڭىزدى تاريحي كەزەڭدەرىندە قالىڭ ۇزدىك مادەنيەت، كوركەمونەر قىزمەتكەرلەرى تاڭداۋلى شىعارمالارىمەن ۇرپاقتان - ۇرپاققا جالعاسقان كۇرەسكەرلەردى شەكارا وڭىرگە تامىر تارتىپ، ءىس تىندىرىپ، شارۋاشىلىق قۇرۋعا جىگەرلەندىرىپ كەلەدى. جاڭا ءداۋىر، جاڭا كەزەڭدە شينجياڭدى مادەنيەتپەن نارلەندىرۋ ينجەنەرياسىن اتقارۋدا، ءسوزسىز، مادەنيەت، كوركەمونەر ىستەرىن گۇلدەندىرۋدى، دامىتۋدى زور كۇشپەن ىلگەرىلەتۋ كەرەك.
ءماجىلىس بىلاي دەپ قارادى: مادەنيەت، كوركەمونەر ىستەرىن گۇلدەندىرۋدە، دامىتۋدا حالىقتى وزەك ەتكەن جاسامپازدىق باعدارىنا تاباندى بولىپ، ءتىپتى دە كوپ، ءتىپتى دە تاڭداۋلى ادەبيەت - كوركەمونەر شىعارمالارىن جاراتۋ؛ شينجياڭداعى تاڭداۋلى ادەبيەت - كوركەمونەر شىعارمالارى، ءسوزسىز، جۇڭحۋا ۇلتى ورتاق تۇلعا تانىمىن بەرىك ورناتۋدى بەينەلەۋ؛ ادەبيەت - كوركەمونەر قىزمەتكەرلەر جىلۋ، جارىق تاراتىپ، شينجياڭدى مادەنيەتپەن نارلەندىرۋ ينجەنەرياسىن ىلگەرىلەتۋدىڭ قۋاتتى بىرىككەن كۇشىن ۇيىستىرۋ، قالىپتاستىرۋ كەرەك.
ءماجىلىس بىلاي دەپ باسا دارىپتەدى: تۇتاس رايونىمىزداعى قالىڭ ادەبيەت - كوركەمونەر قىزمەتكەرلەرى باس شۋجي شي جينپيڭنىڭ مادەنيەت، كوركەمونەر قىزمەتى جونىندەگى ماڭىزدى بايىمداۋلارىنىڭ رۋحىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تەرەڭ ۇعىنىپ، مۇقياتتىلىقپەن امالياتتا ايگىلەپ، تۋ ۇستاپ، جۇرت تىلەگىن توعىستىرىپ، جاڭا ادام تاربيەلەپ، مادەنيەتتى وركەندەتىپ، وبرازدى ايگىلەپ، يدەيالىلىعى تەرەڭ، كوركەمدىگى قويۋ، جاسالۋى شەبەر ادەبيەت - كوركەمونەر تاڭداۋلى شىعارمالارىن بەلسەندىلىكپەن جارىققا شىعارىپ، شينجياڭدى مادەنيەتپەن نارلەندىرۋ ينجەنەرياسىن جاقسى اتقارۋعا جاڭا ءداۋىردىڭ ۇمىتىنەن، پارتيا مەن حالىقتىڭ ۇمىتىنەن شىعاتىن بەلسەندى ۇلەس قوسۋلارى كەرەك.
