بۇكىل رايوننىڭ وقۋ - اعارتۋىنىڭ جوعارى ساپالى دامۋىن ىلگەرىلەتەيىك
اناربۇلت / شينجياڭ گازەتىنىڭ ءتىلشىسى لي ياڭ 1 - ايدىڭ 7 - كۇنى ۇرىمجىدەن حابارلايدى. 1 - ايدىڭ 6 - كۇنى تۇستەن كەيىن اۆتونوميالى رايوندىق پارتكومنىڭ وقۋ - اعارتۋ قىزمەتى باسشىلىق گرۋپپاسى جالپى ءماجىلىس اشىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، اۆتونوميالى رايوندىق 9 - كەزەكتى پارتكومنىڭ ونىنشى، ون ءبىرىنشى جالپى ماجىلىستەرىنىڭ رۋحىن ۇيرەنىپ، دايەكتىلەندىرىپ، تاياۋ مەزگىلدەگى وقۋ - اعارتۋداعى ءتۇيىندى قىزمەتتەردى اقىلداسىپ ورنالاستىرىپ، بۇكىل رايوننىڭ وقۋ - اعارتۋىنىڭ جوعارى ساپالى دامۋىن ىلگەرىلەتۋگە كۇش سالدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم وقۋ - اعارتۋ قىزمەتى باسشىلىق گرۋپپاسىنىڭ باستىعى لي پىڭشين ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: بۇكىل رايونداعى وقۋ - اعارتۋ جۇيەسى ساياسي دەڭگەيدى ۇزدىكسىز جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ۇزدىكسىز ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، پارتيانىڭ وقۋ - اعارتۋ باعىتى مەن پارتيا ورتالىق كوميتەتىنىڭ وقۋ - اعارتۋ قىزمەتى جونىندەگى شەشىمدەرىنىڭ، ورنالاستىرۋلارىنىڭ بۇلجىتپاي تياناقتاندىرىلىپ، تامىر تارتۋىنا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: ءار دارەجەلى ءار ءتۇرلى مەكتەپتەردىڭ، اسىرەسە، جوعارى مەكتەپتەردىڭ پارتيا قۇرىلىسى قىزمەتىن ۇزدىكسىز كۇشەيتىپ، مەكتەپ نەگىزگى ساتى پارتيا ۇيىمىنىڭ ساياسي يقۋاتىن ۇزدىكسىز كۇشەيتىپ، مەكتەپتەردىڭ باستان - اياق پارتيانىڭ جالپى بەتتىك باسشىلىعىنا تاباندى بولاتىن بەرىك بازاعا اينالۋىنا شىنايى كەپىلدىك ەتۋ كەرەك. مەكتەپتەردىڭ يدەيا - ساياسي قىزمەتىن ونان ارى كۇشەيتىپ جانە جاقسارتىپ، توراڭعى رۋحىمەن ادام تاربيەلەۋگە، شينجياڭدى گۇلدەندىرىپ، شەكارانى بەكەمدەۋگە قىزمەت وتەۋگە تاباندى بولىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن باۋلىپ جەتىلدىرۋ كەرەك. ءىس جۇزىندىك جاعدايدى تياناق ەتە وتىرىپ بۇكىل رايوننىڭ وقۋ - اعارتۋ ىستەرى دامۋىنىڭ ”14 - بەسجىلدىق“ جوباسىن ويداعىداي جاساپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك.
ءماجىلىس مىنالاردى باسا دارىپتەدى: نازاردى شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتۋگە شوعىرلاندىرىپ، ماسەلەنى باعدار ەتۋگە تاباندى بولىپ، ولقىلىقتاردى، ءالسىز تۇستاردى تولىقتىرىپ، وقۋ - اعارتۋ جۇيەسىنىڭ ءار ءتۇرلى ءتۇيىندى قىزمەتتەرىن تىڭعىلىقتى ويداعىداي ىستەۋ كەرەك. مەكتەپكە دەيىنگى وقۋ - اعارتۋدىڭ، مىندەتتى وقۋ - اعارتۋدىڭ، ورتا مەكتەپ وقۋ - اعارتۋىنىڭ، كاسىپتىك وقۋ - اعارتۋدىڭ، جوعارى دارەجەلى وقۋ - اعارتۋدىڭ سايكەستى دامۋىن ءبىر تۇتاس جوسپارلاپ ىلگەرىلەتىپ، وقۋ - اعارتۋ، وقىتۋ ساپاسىن ءوسىرۋ، وقىتۋشىلار قوسىنى قۇرىلىسىن كۇشەيتۋ سياقتى جاقتارعا كۇش سالىپ، وقۋ - اعارتۋدىڭ دامۋىنىڭ نەگىزىن ونان ارى بەكەمدەۋ كەرەك. كاسىپتىك وقۋ - اعارتۋدى دامىتۋعا بارىنشا ءمان بەرىپ، جوبا ارقىلى جەتەكتەۋدى كۇشەيتىپ، عىلمي، ۇيلەسىمدى ورنالاستىرۋ، وقۋ - اعارتۋ ارقىلى شينجياڭعا كومەكتەسۋ بايلىعىنان تولىق پايدالانىپ، كاسىپتەردىڭ ورنالاسۋىن ساپالىلاندىرىپ، وقىتۋشىلار قوسىنىن نىعايتىپ، ءوندىرىس پەن وقىتۋدىڭ توعىسۋىن ىلگەرىلەتىپ، كاسىپتىك جوعارى مەكتەپتەردىڭ ەرەكشەلىككە يە وقىتۋ جۇرگىزۋىن، جوعارى دەڭگەيدە وقىتۋ جۇرگىزۋىن قولداپ جانە وعان جەتەكشىلىك ەتىپ، ۇستا رۋحىنا يە اناعۇرلىم كوپ تەحنيكالىق دارىندىلاردى جەتىلدىرىپ، شينجياڭنىڭ ەكونوميكالىق، قوعامدىق دامۋىنا ءتىپتى دە ويداعىداي قىزمەت وتەۋ كەرەك. «جاڭا داۋىردەگى وقۋ - اعارتۋدى باعالاۋ رەفورماسىن تەرەڭدەتۋدىڭ جالپى تۇلعالىق جوباسىن» جاپپاي تياناقتاندىرىپ، ءار ءتۇرلى رەفورما مىندەتتەرىنىڭ تياناقتانىپ، ءونىم بەرۋىن تىڭعىلىقتى ىلگەرىلەتۋ كەرەك. مەكتەپ سىرتىنداعى تاربيەلەۋ، باۋلۋ قۇرىلىمدارىن باقىلاۋدى، وعان جەتەكشىلىك ەتۋدى كۇشەيتىپ، مەكتەپ سىرتىنداعى تاربيەلەۋ، باۋلۋ قۇرىلىمدارىنىڭ ولشەمدى، اقاۋسىز، ءتارتىپتى دامۋىن جەبەۋ كەرەك.
ءماجىلىس مىنالاردى باسا دارىپتەدى: پارتيانىڭ وقۋ - اعارتۋ قىزمەتىنە جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ۇيىمىنىڭ باسشىلىعىنداعى مەكتەپ باستىعى جاۋاپتى بولۋ ءتۇزىمىن باتىل تياناقتاندىرىپ، مەكتەپ باسقارۋدىڭ دۇرىس بەتالىسىنا باستان - اياق تاباندى بولۋعا، ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرۋعا شىنايى كەپىلدىك ەتۋ كەرەك. ءار دارەجەلى پارتكومداردىڭ وقۋ - اعارتۋ قىزمەتى باسشىلىق گرۋپپالارى وقۋ - اعارتۋ قىزمەتىندەگى پرينسيپتىك، ءتۇبىرلى جانە بەتالىستىق ماسەلەلەردى مىقتاپ يگەرىپ، كەلەلى ىستەردى جوسپارلاپ، كەلەلى ىستەردى اقىلداسىپ، كەلەلى ىستەردى مىقتى يگەرىپ، وقۋ - اعارتۋ قىزمەتىن كۇشەيتۋ مەن جاقسارتۋ جاۋاپكەرشىلىگىن، بورىشىن شىن مانىندە ويداعىداي وتەۋ كەرەك.
اۆتونوميالى رايون باسشىلارىنان ۋاڭ ميڭشان، سۇن حۇڭمەي، ۋان حايچۋان، ياڭ يۇڭ ماجىلىسكە قاتىناستى.
