شينجياڭ دەنە تاربيەسى تاعى تىڭ ساتىعا كوتەرىلدى

□ انار بۇلت / شينجياڭ گازەتىنىڭ ءتىلشىسى دۇڭ لياڭ

　　دەنە تاربيە قۇرىلعىلارى قۇرىلىسىنىڭ تەبىنى ۇزدىكسىز كۇشەيتىلىپ، جالپى حالىقتىق دەنە شىنىقتىرۋ جاڭا سالتقا اينالدى؛ عىلمي شىنىعۋ جاپپاي كۇشەيتىلىپ، باسەكەلىك دەنە تاربيەدە تاماشا ناتيجەلەر ءجيى جارىققا شىقتى؛ ءار جاق سايكەسە ىلگەرىلەپ، دەنە تاربيە مەن ساياحاتتىڭ توعىسا دامۋ جاعدايى ايتارلىقتاي بولدى... ”13 - بەسجىلدىق“ مەزگىلىندە شينجياڭ دەنە تاربيەسىنىڭ دامۋى تاعى تىڭ ساتىعا كوتەرىلدى.

جالپى حالىقتىق دەنە شىنىقتىرۋ جاڭا سالتقا اينالدى

　　دوڭگەلەك داۋلەتكە جەتۋ ءۇشىن، الدىمەن دەنساۋلىق كەرەك. اۆتونوميالى رايوننىڭ جالپى حالىقتىق دەنە شىنىقتىرۋ الاڭ، قۇرىلعى قۇرىلىستارىنىڭ جەدەلدەتىلۋىنە وراي، شاعىن دا ءار الۋان، مازمۇنى باي، بۇقارا قۇمارتا تىڭداپ، قىزىعا كورەتىن جالپى حالىقتىق دەنە شىنىقتىرۋ قيمىلدارى تيانشان الابىندا قاۋىرت وركەندەدى. تايجيچۋان، الاڭ ءبيى، راديو گيمناستيكاسى، قارتتاردان بالالارعا دەيىن بارلىعى وزدەرىنە باپ كەلەتىن دەنە شىنىقتىرۋ سپورتىن تاپتى. دوستار شەڭبەرىندە دەنە شىنىقتىرعاندارىن كورسەتىپ، جالپى حالىقتىق دەنە شىنىقتىرۋ بىرتىندەپ جاڭا سالتقا اينالدى.

　　سوڭعى جىلدارى رايونىمىز جالپى حالىقتىق دەنە شىنىقتىرۋ الاڭى قۇرىلعىلار قۇرىلىسىن جەرگىلىكتى جاعدايعا قاراي ىلگەرىلەتىپ، بۇقارانىڭ جانىنداعى ”15 مينۋتتىق دەنە شىنىقتىرۋ شەڭبەرىن“ قالىپتاستىردى. قازىرگە دەيىن رايونىمىزدا جيىنى 61 مىڭ 600 دەنە تاربيە الاڭى بار بولىپ، دەنە تاربيە الاڭدارىنىڭ جالپى كولەمى 48 ميلليون 352 مىڭ 900 شارشى مەترگە جەتكەن.

　　اۆتونوميالى رايوندىق دەنە تاربيە مەكەمەسى بەرگەن ساندى مالىمەتتە كورسەتىلۋىنشە، 2017 - جىلى رايونىمىز 130 مىڭنان استام - رەت ءار ءتۇرلى جالپى حالىقتىق دەنە شىنىقتىرۋ قيمىلىن وتكىزىپ، قيمىلعا قاتىناسۋشىلار 9 ميلليون ادام - رەتكە جەتكەن؛ 2018 - جىلى 165 مىڭ رەت وتكىزىپ، قاتىناسۋشىلار 15 ميلليون 20 مىڭ ادام - رەتكە جەتكەن؛ 2019 - جىلى 180 مىڭ رەتكە تاياۋ وتكىزىپ، قاتىناسۋشىلار 18 ميلليون 500 مىڭ ادام - رەتكە جەتكەن. 2020 - جىلدىڭ الدىڭعى جارتىسىنا دەيىن رايونىمىزدا ءار اپتادا ءبىر رەتتەن كوپ سپورتتىق شىنىعۋمەن شۇعىلداناتىن ادام سانى 8 ميلليون 500 مىڭعا جەتكەن، ۇنەمى سپورتتىق شىنىعۋعا قاتىناساتىندار 8 ميلليون ادامعا جەتكەن.

　　دەنە شىنىقتىرۋ الاڭدارى بار بولىپ، بۇقارانىڭ ىقىلاس - ىنتاسى ارتتى، عىلمي شىنىعۋ بارىنەن ماڭىزدى سانالادى. ”13 - بەسجىلدىق“ مەزگىلىندە رايونىمىز مەملەكەت دارەجەلى، 1 - دارەجەلى، 2 - دارەجەلى، 3 - دارەجەلىنى قامتىعان ءار دارەجەلى ءار ءتۇرلى قوعامدىق دەنە تاربيە جەتەكشىلەرىنەن 51 مىڭنان استام ادامدى باۋلىدى، ولار كولەمدى امبەباپ سپورت الاڭدارى مەن سارايلارىندا كاسىپتىك دەنە شىنىقتىرۋعا جەتەكشىلىك ەتىپ قانا قويماي، اۋىل - قىستاقتاردا، الەۋمەتتىك اۋماقتاردا دا بەلسەندىلىك تانىتىپ، ءار ۇلت بۇقاراسىنىڭ عىلمي دەنە شىنىقتىرۋىنا جەتەكشىلىك ەتىپ، كاسىپتىك دەنە تاربيە شەبەرلىگىن ۇيرەتتى.

باسەكەلىك دەنە تاربيەدە تاماشا ناتيجەلەر جارىققا شىقتى

　　2020 - جىلى 12 - ايدىڭ 29 - كۇنى 2020 − 2021 - جىلعى جارىس ماۋسىمىنداعى جۇڭگو ايەلدەر باسكەتبول بىرلەسكەن جارىسىنىڭ (WCBA بىرلەسكەن جارىسى) جارتىلاي شەشۋشى جارىسىندا شينجياڭ تيساي ايەلدەر باسكەتبول كومانداسى 66عا قارسى 82 نومىرلىك ناتيجەمەن جياڭسۋ ايەلدەر باسكەتبول كومانداسىن قاتاردان شىعارىپ، جالپى شەشۋشى جارىسقا كىردى.

　　”13 - بەسجىلدىق“ مەزگىلىندە اۆتونوميالى رايوننىڭ دەنە تاربيە جۇيەسى باسەكەلىك دەنە تاربيەنىڭ دامۋ زاڭدىلىعى مەن بەتالىسىنا نەگىزدەلە وتىرىپ، دەنە قۋاتى جاتتىعۋى ادىسىندە ۇزدىكسىز جاڭالىق اشىپ، عىلىم - تەحنيكا، ازىقتاندىرۋ، ەمدەۋ - كۇتىمدەۋ، ارتقى شەپ قامتاماسىزداندىرۋ سياقتى جاقتاردا بارىنشا كۇش سالىپ، تاڭداۋلى سپورت اترەتتەرىنىڭ نەگىزدىك دەنە قۋاتى ساندى مالىمەت قامباسىن قۇرىپ، اقاۋسىزداندىرىپ، دەنە قۋاتى جاتتىعۋىنىڭ باياندى مەحانيزمىن قالىپتاستىرىپ، شينجياڭنىڭ باسەكەلىك دەنە تاربيەسىنىڭ دامۋىنا مىعىم نەگىز قالادى.

　　2016 - جىلعى 13 - كەزەكتى مەملەكەتتىك قىسقى سپورت جارىسى − رايونىمىز تۇڭعىش رەت ۇستىنە الىپ وتكىزگەن مەملەكەتتىك كولەمدى امبەباپ سپورت جارىسى. ءار ۇلت قار - مۇز سپورت ساڭلاقتارى رايونىمىزدىڭ مەملەكەتتىك قىسقى سپورت جارىسىنا قاتىناسقاننان بەرگى تاريحتاعى ەڭ جاقسى ناتيجەلەردى جاراتتى. مۇنان سىرت، رايونىمىز سپورتشىلارى وليمپيادا سپورت جارىسى، ازيا سپورت جارىسى، مەملەكەتتىك سپورت جارىسى، مەملەكەتتىك جاستار سپورت جارىسى سياقتى ەل ءىشى - سىرتىنداعى امبەباپ سپورت جارىستارىندا تىڭ سەرپىلىستەردى جۇزەگە اسىردى.

　　”13 - بەسجىلدىق“ مەزگىلىندە شينجياڭ 30 نەشە توپتا (رەت)، 5000 نەشە ادام - رەت سالا اتتاعان، ءتۇر اتتاعان سپورتشى تاڭداۋ قىزمەتىن ورىستەتىپ، تاۋ شاڭعى، دالالىق شاڭعى، ۇزاق ارالىقتا مۇزدا تەز سىرعاناۋ (ەرلەر)، U فورمالى الاڭدا ەركىن سىرعاناۋ (ايەلدەر) سياقتى 4 ءتۇر بويىنشا مەملەكەتتىك شوعىرلى شىنىقتىرۋ اترەتىنىڭ شينجياڭ گرۋپپاسىن ۇيىمداستىرىپ، رايونىمىزدىڭ قار - مۇز سپورتىنىڭ باسەكەلىك دەڭگەيىنىڭ كورنەكتى وسۋىنە مۇمكىندىك جاسادى ءارى مەملەكەتكە بەلسەندى تۇردە دارىندىلار جەتكىزدى. 2019 - جىلى 3 - ايدا وتكىزىلگەن حالىقارالىق قار شاڭعى بىرلەستىگىنىڭ جۇڭگو بەيجيڭ دالالىق شاڭعى ۇپاي توپتاۋ جارىسىنىڭ (نياۋچاۋ) بەكەتى جارىسىندا اتلەتيكا ءتۇرى بويىنشا سالا اتتاپ تاڭدالعان رايونىمىز سپورتشىسى دينگىر 2 - جۇلدەگەر بولدى.

دەنە تاربيە مەن ساياحاتتىڭ توعىسۋ بەتالىسى جاقسى بولدى

　　قازىر رايونىمىز دەنە تاربيە + ساياحاتتى توعىستىرا دامىتۋدا تاماشا ناتيجەلەرگە قول جەتكىزدى.

　　ساياحات ارقىلى شينجياڭدى گۇلدەندىرۋ ستراتەگياسىن اناعۇرلىم جاقسى دايەكتىلەندىرۋ، تياناقتاندىرۋ ءۇشىن، رايونىمىز وزگەشە بايلىق ابزالدىلىعىنان پايدالانىپ، دەنە تاربيە تاڭداۋلى جارىستاردى ۇزدىكسىز وتكىزىپ، دەنە تاربيە مەن ساياحاتتىڭ توعىسا دامۋىن جەبەدى. ”13 - بەسجىلدىق“ مەزگىلىندە رايونىمىز جۇڭگو تارىمدى اينالۋ (حالىقارالىق) راللي جارىسى، جۇڭگو شينجياڭ حالىقارالىق قۇمدى ءشول دەمالىستىق سپورت جارىسى، جۇڭگو حالىقارالىق ەرۋجايلار شينجياڭ بەكەتى، سايرام كولىن اينالۋ تاس جول ۆەلوسيپەد جارىسى سياقتى جوعارى ولشەمدەگى، جوعارى دەڭگەيدەگى ءبىر توپ حالىقارالىق، ەل ءىشى ايگىلى جارىستاردى كۇش سالا قالىپتاستىردى. كوپ جىلدان بەرى قالىپتاستىرعان تاڭداۋلى دەنە تاربيە جارىستارى ءبىر توپ سارا ساياحات جەلىسىن، ساياحات كورىنىس وڭىرلەرىن جانە ساياحات كوزەۋلى جەرىن تۋىنداتىپ، رايونىمىز ساياحات كاسىبىنىڭ دامۋىن ءونىمدى ىلگەرىلەتىپ، دەنە تاربيە + ساياحاتتىڭ توعىسا دامۋ جەتىستىكتەرىن اناعۇرلىم ايگىلەدى.

　　دەنە تاربيە + ساياحاتتىڭ شوعىرلانۋ ءونىمى كورنەكتى بولدى. تاڭداۋلى جارىستاردىڭ وتكىزىلۋىنە ىلەسە، ەل ءىشى - سىرتىنداعى كوپتەگەن تانىمال سپورتشىلار شينجياڭعا كەلىپ جارىسقا قاتىناستى، جارىس وتكىزىلەتىن جەرگە نازار اۋدارۋ دەڭگەيى ۇزدىكسىز جوعارىلاپ، جەرگىلىكتى ساياحاتتىڭ، ەكونوميكانىڭ ارتۋىنا ءونىمدى تۇرتكى بولىپ، جەر - جەردىڭ، كورىنىس وڭىرلەرىنىڭ ساياحات نەگىزدىك قۇرىلعىلار قۇرىلىسىن جانە ونىڭ جاڭالانۋىن، دارەجەسىنىڭ جوعارىلاتۋىن ىلگەرىلەتتى.