تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەتىنەن مالىمەتتەردى تىڭدادى، ورتالىق كوميتەت شۋجيچۋىنىڭ قىزمەتىنەن باياندامانى تىڭدادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 1 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 7 - كۇنى تولىق كۇن ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەتىنەن مالىمەتتەردى تىڭدادى، ورتالىق كوميتەت شۋجيچۋىنىڭ قىزمەتىنەن باياندامانى تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارتيانىڭ باسشىلىعىنا تاباندى بولۋدىڭ ەڭ جوعارعى پرينسيبى، ەلىمىزدىڭ ءتۇزىم ابزالدىلىعىنىڭ ءتۇبىرلى كەپىلى. پارتيا ورتالىق كوميتەتىنىڭ ءار جىلى مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەتىنەن مالىمەتتەردى جانە ورتالىق كوميتەت شۋجيچۋىنىڭ قىزمەتىنەن باياندامانى تىڭداۋى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋدىڭ ماڭىزدى تۇزىمدىك ورنالاستىرۋى بولىپ تابىلادى.

  ءماجىلىس بىلاي دەپ قارادى: وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ قىزمەت جاۋاپكەرشىلىگىن اتقارىپ، پارتيا باسشىلىق گرۋپپالارىنىڭ ءوز قۇرىلىسىن شىنايى كۇشەيتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋعا بەلسەندى ۇلەس قوسىپ، ءار جاقتا جاڭا ناتيجەلەرگە قول جەتكىزدى.

  ءماجىلىس بىلاي دەپ قارادى: وتكەن ءبىر جىلدا ورتالىق كوميتەت شۋجيچۋى پارتيا ورتالىق كوميتەتىنىڭ ورنالاستىرۋلارى مەن تالاپتارى بويىنشا مىندەت اتقارىپ، جاۋاپكەرشىلىگىن وتەپ، پارتيا ورتالىق كوميتەتى شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن ىلگەرىلەتۋ، پارتيا ىشىندەگى زاڭ ەرەجە، ءتۇزىم قۇرىلىسىن كۇشەيتۋ، بۇقارالىق ۇيىمدار قىزمەتىنە جانە بۇقارالىق ۇيىمدار رەفورماسىنا جەتەكشىلىك ەتۋ سياقتى جاقتاردا قىرۋار قىزمەت ىستەدى.

  ءماجىلىس مىنالاردى باسا دارىپتەدى: بيىل − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ باستالار جىل. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە نىق سەنىمدە بولۋ، سونداي - اق امانشىلىقتا جامانشىلىقتىڭ بولاتىندىعىن دا ويلاۋ كەرەك. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي جاقتان ماسەلەلەردى تانۋعا، قىزمەتتەردى ىلگەرىلەتۋگە شەبەر بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان ۇلكەن وزگەرىستى كوكەيدە ساقتاپ، ”مەملەكەتتىڭ زور ىستەرىن“ مىقتاپ يگەرىپ، پارتيا ورتالىق كوميتەتى كەسكىندەگەن ۇلى جوبادان تايماي، ۇلكەن اۋقىمدى باعامداپ، جالپى جاعدايدى جوسپارلاپ، ۇلكەن ىستەردى يگەرىپ، تومەنگى شەكتە ويلاۋعا تاباندى بولىپ، ستراتەگيالىق تاباندىلىقتى ساقتاپ، باتىلدىقپەن جاۋاپكەرلىك ارقالاپ، ءىس تىندىرىپ، كۇرەس جاساۋ رۋحىن نىعايتىپ، ءتۇرلى قىزمەتتەردى مۇقيات ويداعىداي ىستەۋ كەرەك. جاڭا داۋىردەگى پارتيا قۇرىلىسىنىڭ باس تالابى بويىنشا پارتيانىڭ ساياسي قۇرىلىسىن ءبىر تۇتاس باسشىلىققا الىپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن باستاماشىلدىقپەن اتقارىپ، پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن اتقارىپ، پارتيا ستيلى، پاكتىك قۇرىلىسىن مىزعىماستان ويداعىداي يگەرىپ، قالىڭ پارتيا مۇشەلەرىن، كادرلاردى تاماشا رۋحاني كۇيدى جانە قىزمەت كۇيىن ساقتاۋعا ىنتالاندىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  ءماجىلىس مىنالاردى باسا دارىپتەدى: ورتالىق كوميتەت شۋجيچۋى باستاماشىلدىقپەن ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورتالىق كوميتەت ساياسي بيۋروسىنىڭ جانە ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، پارتيا ورتالىق كوميتەتى تاپسىرعان مىندەتتەردى تىڭعىلىقتى ورىنداۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.