تيانشان تورى   ›   بىلگەنگە مارجان   ›   وتباسى جانە تۇرمىس

جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدە نەلەرگە كوڭىل ءبولۋ كەرەك

  انار بۇلت/ شينجياڭ گازەتىنىڭ تىلشىلەرى چاۋ جين، سۋ لۋپيڭ 1 - ايدىڭ 8 - كۇنى ۇرىمجىدەن حابارلايدى. جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى ءتۇيىندى ادامدار شوعىرىنا ەگىلە باستادى، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدە نەلەرگە كوڭىل ءبولۋ كەرەك؟ قانداي ادامدار شوعىرى ەكتىرۋگە ۇيلەسپەيدى؟ اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعى يممۋنيتەت جوبالاۋ ورنىنىڭ مەڭگەرۋشىسى ديڭ شيۇڭجيە وسى جونىندە ەسكەرتۋ جاسادى.

  ”ۆاكسينا ەكتىرۋدەن بۇرىن، ەكتىرۋشى جاڭا تيپتى ايدارشا ۆيرۋس تۋدىراتىن اۋرۋلار، جاڭا تيپتى ايدارشا ۆيرۋس ۆاكسيناسى جونىندەگى قاتىستى بىلىمدەردى جانە ەكتىرۋ بارىسىن الدىن الا ءبىلۋى كەرەك“. ديڭ شيۇڭجيەنىڭ ايتۋىنشا، ەكتىرگەن كەزدە، قاتىستى كۋالىكتەردى (ازاماتتىق كۋالىك، پاسپورت سياقتىلار) الا ءجۇرۋ كەرەك ءارى جەرگىلىكتى ورىننىڭ ساقتانۋ - تىزگىندەۋ تالابى بويىنشا جەكە باسىندىق ساقتانۋ - قورعانۋدى ويداعىداي ىستەۋ كەرەك. جۇمىس باسىنداعى الدىن الۋ، ەگۋ قىزمەتكەرلەرىنىڭ سۇراۋلارىنا سايكەسىپ، ءوزىنىڭ سالاماتتىق جاعدايى مەن ەكتىرۋدەگى اباي بولاتىن ىستەر سياقتى ينفورماتسيالاردى قاز - قالپىندا انىق ايتۋ؛ ەكتىرگەننەن كەيىن، ەكتىرۋشى 30 مينۋت قالىپ باقىلانۋى، ەككەن ورنىنىڭ تەرى تازالىعىن ساقتاپ، ەككەن جەردى قولمەن قاسۋدان اۋلاق بولۋ كەرەك. ەگەر دە جايسىزدانعانداي اسەر بايقالسا، ەككەن ورىنعا مالىمدەپ، دەر كەزىندە شيپاگەرگە كورىنۋ كەرەك.

  ”ادامدار شوعىرىنىڭ يممۋنيتەتتىك قالتقىسى ورناتىلۋدان بۇرىن، ءىشىنارا ادامدار ۆاكسينا ەكتىرگەن كۇننىڭ وزىندە دە، كوپشىلىكتىڭ ساقتانۋ - تىزگىندەۋ تانىمى مەن ساقتانۋ - تىزگىندەۋ شارالارىن بوساڭسىتۋىنا بولمايدى“. ديڭ شيۇڭجيەنىڭ ايتۋىنشا، ءبىر جاعىنان، ۆاكسينانىڭ يممۋنيتەتتىك ساتتىلىك سالىستىرماسى %100 ەمەس، ۆيرۋس تاراعان كەزدە، ەكتىرگەن از ساندى ادامداردا اۋرۋ بايقالۋى مۇمكىن. ەندى ءبىر جاعىنان، يممۋنيتەت قالتقىسى قالىپتاسپاعان جاعدايدا، جاڭا تيپتى ايدارشا ۆيرۋس اۋەلگىدەي وڭاي تارالادى. وسى سەبەپتى، ۆاكسينا ەكتىرگەننەن كەيىن دە ۇزدىكسىز ماسكى تاعۋ، اسىرەسە، الەۋمەتتىك ورىندار، ادامدار ءجيى ورىندار سياقتىلاردا ۇزدىكسىز ماسكى تاعۋ؛ باسقا ساقتانۋ - قورعانۋ شارالارىن دا ۇزدىكسىز ساقتاۋ، ماسەلەن، قولدىڭ تازالىعى، اۋا الماستىرۋ، قوعامدىق بايلانىس ارالىعى سياقتىلاردى ۇزدىكسىز ساقتاۋ كەرەك.

  ”جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋ جوباسى، ەكتىرۋ قولدانباسىندا ناقتى بەلگىلەمە جاسالماي تۇرعاندا، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدە اباي بولاتىن ىستەر ۆاكسينا تۇسىندىرمەسى بويىنشا اتقارىلادى“. ديڭ شيۇڭجيە تانىستىرىپ: جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدە ۆاكسيناعا نەمەسە ۆاكسينانىڭ قۇرامىنا اسىرە سەزىمتال ادامدار اباي بولۋى كەرەك، - دەدى. ەرەكشە اسىرە سەزىمتال دەنە قۋاتىنداعىلار، ياعني وزگە ۆاكسينالاردى ەكتىرگەندە اۋىر دارەجەدە اسىرە سەزىمتالدىق اسەرى بايقالعاندار نەمەسە وسى ۆاكسينانى تۇڭعىش رەت ەكتىرگەندە اسىرە سەزىمتالدىق بايقالعاندار؛ شۇعىل حاراكتەرلى اۋرۋعا شالدىققان ناۋقاستار. سوزىلمالى اۋرۋدىڭ شۇعىل قوزعالۋ مەزگىلىندە تۇرعاندار، تىزگىندەلمەگەن تالما اۋرۋى جانە باسقا دا نەرۆ جۇيەسى اۋرۋى قوزعالۋ ساتىسىندا تۇرعان ناۋقاستار، ماسەلەن، گيلەن - بارر سيندىرومى اۋرۋ تاريحى بارلار؛ قىزۋى ورلەپ تۇرعاندار؛ ومىراۋدا بالاسى بار نەمەسە جۇكتىلىك مەزگىلىندەگى ايەلدەر، ەكتىرگەننەن كەيىن 3 اي ىشىندە پەرزەنت كورۋ جوسپارى بارلار ەكتىرۋدى كەشەۋىلدەتە تۇرعانى ءجون؛ قازىر نەمەسە ىلگەرىدە جاڭا تيپتى ايدارشا ۆيرۋس وكپە قابىنۋ ىندەتىنە شالدىقتى دەپ دياگنوز قويىلعاندار، اۋرۋ بەلگىسى جوق جۇعىمدالۋشىلار. 14 كۇن ىشىندە باسقا اكتيۆسىزدەندىرىلگەن ۆاكسينا ەكتىرگەن، 28 كۇن ىشىندە باسقا ۋىتى ازايتىلعان اكتيۆ ۆاكسيناسىن ەكتىرگەندەرگە ەكتىرۋدى كەشەۋىلدەتە تۇرۋدى ۇسىنىس ەتەمىز. ەكتىرۋدەن ىلگەرى ءارقانداي جايسىزدانىپ تۇرعانداردى ەكتىرۋدى كەشەۋىلدەتە تۇرۋدى ۇسىنىس ەتەمىز؛ ۆاكسينانى شۇعىل ىستەتۋگە ۇقىق بەرىلگەن جاس شاماسىنان اسىپ كەتكەن ادامدار شوعىرى، مىسالى، جاسى 18دەن كىشى نەمەسە 59 جاستان اسقاندار. شۇعىل ىستەتۋ مەزگىلىنە جاتپايتىندار ۆاكسينانىڭ تۇسىندىرمەسىنە ساي بەلگىلەنگەن قولدانۋعا بولاتىن ادامدار شوعىرىنا ۆاكسينا ەگىلەدى.

  ”ىندەت ۆاكسيناسىن ەگۋدە اباي بولاتىن ىستەر دەگەندە، ۆاكسينا ەگۋگە بولمايتىن جاعدايلار مەڭزەلەدى“. ديڭ شيۇڭجيە بىلاي دەدى: باسىم كوپ اباي بولاتىن ىستەردىڭ بارلىعى ۋاقىتشا، سوندىقتان اباي بولاتىن ىستەر ەندىگارى بايقالماعان كەزدە، كەشىكتىرىپ بارىپ ۆاكسينا ەكتىرۋگە بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.