تيانشان تورى   ›   ۇيرەنۋ   ›   شولۋ

بۇل مەرەكە ادال حالىق قورعاۋشىلارىنا ءتان

تيانشان شولۋى

□ جاڭ بەي

   1 - ايدىڭ 10 - كۇنى تۇڭعىش ”جۇڭگو حالىق ساقشىلارى مەرەكەسى“، بۇل مەملەكەتتىك كەڭەستىڭ بەكىتۋىمەن حالىق ساقشىلارى قوسىنى ءۇشىن ارنايى تاعايىندالعان مەرەكە، حالىق ساقشىلارى قوسىنىنىڭ پارتيا مەن حالىقتىڭ مۇددەسى جولىنداعى ەرلىككە تولى كۇرەسىن تولىق تۇراقتاندىرۋ. وسى ەرەكشە كۇندە بۇكىل ەلدىڭ جەر - جەرى ءار الۋان تاسىلدەرمەن حالىق ساقشىلارىنا مەرەكەلىك سالەم جولداپ جانە وسكەلەڭ قۇرمەت ءبىلدىرىپ، ولاردىڭ ماڭداي تەر، ىستىق قاندارىمەن، ءتىپتى، ومىرلەرىمەن حالىقتىڭ تىنىش، باقىتتى تۇرمىسى ءۇشىن مىزعىماس قۇرىش قامال تۇرعىزعاندىقتارىنا العىس ايتتى. جايلى ءومىر، تىنىش زامان ساتىندە، ءبىز ادال حالىق قورعاۋشىلارعا تەرەڭ سەزىممەن ”راقىمەت“ دەپ ايتىپ، ىزگى نيەتپەن قۇرمەت بىلدىرەمىز.

   ”110“، ابدەن تانىس وسى سيفردى كورگەن ساتتە ويىمىزعا نە ورالادى؟ حاۋىپ - قاتەرگە تاپ بولعاندا ءسوزسىز كومەك سۇراۋعا، اۋرەشىلىككە، داۋ - شارعا جولىققانداعى سەنىمدى سايكەستىرۋگە، جوعالعان ادامدى، زاتتى ىزدەگەندەگى ەڭ سەنىمدى تاڭداۋعا يە بولامىز... حالىق ساقشىلارى كورىنبەيتىن حاۋىپسىزدىك قورعانىس شەبى سياقتى قالىپتى تىرشىلىگىمىزدى مىزعىماي قورعاۋدا، ”قيىنشىلىققا جولىققاندا ساقشىنى ىزدەۋ“ بۇقارانىڭ ۇلكەندى - كىشىلى ىستەرگە تاپ بولعاندا ۇنەمى ايتاتىن سوزىنە اينالدى. ءبىراق ولاردىڭ قورعايتىنى تەك مۇنىمەن عانا شەكتەلمەيدى، شەكارا قورعانىس تەكسەرۋ پۋنكتى، ەسىرتكىگە تيىم سالۋدىڭ الدىڭعى شەبى، قارا كۇشتەردى جويۋ، سۇرقيا كۇشتەردى الاستاۋ ناق مايدانى، قاندى قولدى قۋعىنداۋ جولىندا، قاي جەردە مەملەكەت حاۋىپسىزدىگىنە قاتەر توندىرەتىن، قوعام ورنىقتىلىعىن بۇلدىرەتىن، حالىق مۇددەسىنە زيان جەتكىزەتىن قىلمىستى ەلەمەنتتەر بولسا، سول جەردە اۋىر جۇك ارقالاپ العا ىلگەرىلەيتىن ولاردىڭ قاراسى تابىلادى.

   ”پارتياعا ادال بولامىز، حالىققا قىزمەت ەتەمىز، زاڭدى ءادىل اتقارامىز، ءتارتىپتى قاتايتامىز؛ مىزعىماس تا كىرشىكسىز بولىپ، پارتيانى الاڭسىز ەتەمىز، ۇلەس قوسۋعا پەيىل بولامىز، ەرلىكپەن شايقاسىپ، جەڭىسكە جەتۋگە شەبەر بولامىز“. جۇڭگو حالىق ساقشىلارى قوسىنىنا تۋ تاپسىرۋ سالتىندا سالتقا قاتىناسقان حالىق ساقشىلارى توپتىق سەرت بەردى، بۇل بارلىق قوعام حاۋىپسىزدىگى حالىق ساقشىلارى اتىنان بەرىلگەن ايبىندى سەرت. قاتاڭ سەرتتى امالياتتا ايگىلەدى. رايونىمىزدان مەملەكەتتىك ”قوعام حاۋىپسىزدىگى ۇلگىسى“ داڭقتى اتاعىنا يە بولعان حالىق ساقشىسى ديڭ فاگىن پامير ۇستىرتىندە قارلى تاۋلاردان اسىپ، مۇزدى وزەندەردەن ءوتىپ، جالاما جارتاستارعا شىعىپ، ارقان جولمەن ءجۇرىپ، قاراستى اۋماقتاعى ءاربىر وتباسىن ارالاپ، مالشىلاردىڭ جۇرەگىندەگى ”جاقسى تۋىسقا“ اينالدى؛ ۇقساس داڭقتى اتاققا يە بولعان حالىق ساقشىسى سۇن چاۋ پامير ۇستىرتىندە 20 نەشە جىل بويى قورعاپ، جاۋىنگەر سەرىكتەرىن باستاپ ۇستىرتتەگى ەگىمشىلىك، باعىمشىلىق تەحنيكاسىنداعى قيىن ماسەلەلەردەن قامال الىپ، تاجىك بۇقاراسىنا ەگىمشىلىك، باعىمشىلىق تەحنيكالارىن قولما - قول ۇيرەتىپ، كەدەيلىكتەن ارىلتۋدان قامال الۋعا كۇش ۇستەدى. ىندەتكە قارسى اتتانۋدىڭ شەشۋشى ساتىندە بولسىن، الدە ەرەكشە قيىن - قىستاۋ ساتتە بولسىن، كەدەيلىكتەن ارىلتۋدان قامال الۋدىڭ، ءسوز جوق، جەڭىسكە جەتۋ جولىندا بولسىن، قاشاندا ولاردىڭ ادالدىقپەن مىندەت وتەگەن، قالتقىسىز ۇلەس قوسقان تۇلعاسى كورىنەدى.

   قورعاۋشىلارعا قۇرمەت بىلدىرۋمەن قاتار، مىنانى دا ىشكەرىلەي تانۋىمىز كەرەك: تىنىش جۇڭگو قۇرىلىسى ءبارىمىزدىڭ بىرگە ات سالىسۋىمىزعا مۇقتاج، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولعاندا عانا، بىرگە قۇرۋ، بىرگە جونگە سالۋدا تىنىش، باقىتتى تۇرمىستان ءتىپتى جاقسى يگىلىكتەنۋگە بولادى. بارلىق ادامنىڭ تارتىپكە، زاڭعا بويسۇنىپ، قوعام حاۋىپسىزدىگى قىزمەتىنە بەلسەنە سايكەسۋى ءوزى مەن وتباسىنداعىلاردىڭ اماندىعى ءۇشىن عانا ەمەس، سونداي - اق حالىق ساقشىلارىن ءىس جۇزىندىك ارەكەتتەرىمەن قولداپ، حالىق ساقشىلارىنا دەگەن قۇرمەتىن بەينەلەۋ.

   ”سارى التىنداي قالقاندى ىستىق قانمەن سومدايمىز، حاۋىپ - قاتەر ساتىندە اعالاپ العا شىعامىز“. قۇلاعىمىزعا ابدەن تانىس وسى ءان سوزدەرىندە حالىق ساقشىلارى سىندى وسى قۇرمەتكە لايىق قاۋىمنىڭ وبرازى قىزۋ جىرلانعان. بۇل − قۇرىشتاي مۇرات - سەنىمدى، قۇرىشتاي جاۋاپكەرشىلىكتى، قۇرىشتاي ىسىلعان قابىلەتتى، قۇرىشتاي ءتارتىپ، ستيلدى شىڭداعان قوسىن، بۇل − حالىقتان شىققان، حالىق اراسىندا تامىر تارتقان ءارى حالىقتى وزەك ەتىپ حالىققا قىزمەت ەتۋگە، ءسوز جوق، مىقتاپ تاباندى بولاتىن قوسىن، وسىنداي قوسىن قورعاپ تۇرعاندا، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى، ءسوز جوق، ۇزدىكسىز كۇشەيەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.