تيانشان تورى   ›   جاڭالىقتار   ›   وقۋ-اعارتۋ

2020 - جىلدىق اۆتونوميالى رايون وقۋ - اعارتۋ جۇيەسى پارتيا ۇيىمدارى شۋجيلەرىنىڭ نەگىزگى ساتى پارتيا قۇرىلىسىن يگەرۋ قىزمەتىنەن ەسەپ بەرۋ، باعالاۋ ءماجىلىسى اشىلدى

پارتيا قۇرىلىسىن جالپى بەتتىك كۇشەيتىپ، شينجياڭ وقۋ - اعارتۋىنىڭ جوعارى ساپالى دامۋىنا پارمەندى كەپىلدىك ازىرلەۋ كەرەك

  انار بۇلت/شينجياڭ گازەتىنىڭ ءتىلشىسى لي ياڭ 1 - ايدىڭ 10 - كۇنى ۇرىمجىدەن حابارلايدى. 1 - ايدىڭ 7 - كۇنى تۇستەن كەيىن 2020 - جىلدىق اۆتونوميالى رايون وقۋ - اعارتۋ جۇيەسى پارتيا ۇيىمدارى شۋجيلەرىنىڭ نەگىزگى ساتى پارتيا قۇرىلىسىن يگەرۋ قىزمەتىنەن ەسەپ بەرۋ، باعالاۋ ءماجىلىسى اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.

      ماجىلىستە 7 جوعارى مەكتەپ پارتكوم شۋجيى، ايماق، وبلىس، قالالىق پارتكوم وقۋ - اعارتۋ قىزمەتى كوميتەتىنىڭ شۋجيى، سالا باسقارۋ تاراۋلارى پارتكوم (پارتيا باسشىلىق گرۋپپاسى) شۋجيى قىزمەتتەن ەسەپ بەردى. اۆتونوميالى رايوندىق پارتكوم وقۋ - اعارتۋ قىزمەت كوميتەتىنىڭ، اۆتونوميالى رايوندىق پارتكوم ۇيىمداستىرۋ ءبولىمىنىڭ قاتىستى جاۋاپتىلارى باعا بەردى.

  ءماجىلىس مىنالاردى اتاپ كورسەتتى: وقۋ - اعارتۋ جۇيەسىندەگى پارتيا قۇرىلىسى قىزمەتىن ويداعىداي يگەرۋ وقىتۋ ىستەرىنىڭ دۇرىس بەتالىسىنا تاباندى بولۋعا سايادى، ونەگە ورناتىپ، ادام تاربيەلەۋ ءتۇبىرلى مىندەتىن تياناقتاندىرۋعا سايادى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە سايادى. شينجياڭ وقۋ - اعارتۋ قىزمەتىنىڭ جوعارى ساپالى دامۋىن ىلگەرىلەتۋدە، ءسوز جوق، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق پارتيا باسشىلىعىن جانە پارتيا قۇرىلىسىن قولدا مىقتاپ ۇستاپ، وقىتۋ ىستەرىن جۇرگىزۋدىڭ، مەكتەپتى جونگە سالۋدىڭ تۇتاس بارىسىمەن ساباقتاستىرىپ، وقۋ - اعارتۋ جۇيەسىن سوتسياليزم قۇرىلىسشىلارى مەن ءىزباسارلارىن جەتىلدىرۋدىڭ، مەملەكەتتىڭ تۇتاستىعى مەن ۇلتتار ىنتىماعىن قورعاۋدىڭ قۋاتتى بازاسى ەتىپ قۇرىپ شىعۋ كەرەك.

  ءماجىلىس مىنالاردى باسا دارىپتەدى: ساياسي قۇرىلىستى ماڭداي الدى ورىنعا قويىپ، ساياسي باعداردى بەكەمدەپ، ساياسي قابىلەتتى جوعارىلاتىپ، وقۋ - اعارتۋ جۇيەسىندەگى پارتيانىڭ ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارالىق ۇيىمداستىرۋ قۋاتىن، قوعامدىق ۇندەۋ قۋاتىن ۇزدىكسىز كۇشەيتىپ، بۇكىل رايون وقۋ - اعارتۋ ىستەرىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. نازاريامەن قارۋلانۋدى كۇشەيتىپ، مىزعىماستان شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن نەگىز بەكەمدەۋ، رۋح سومداۋ كەرەك. نەگىزگى ساتىنى بارىنشا يگەرۋدىڭ ايقىن جەتەكشىلىگىن ورناتىپ، جوعارى مەكتەپ پارتيا ۇيىمىنىڭ ”ولشەمگە تۋرالانىپ، العا تالپىنۋ“ قۇرىلىسى جوسپارىن ىشكەرىلەي اتقارىپ، ورتا، باستاۋىش مەكتەپتەردەگى پارتيا ۇيىمى قۇرىلىسىنىڭ ارناعا ءتۇسۋ دەڭگەيىن جەدەل جوعارىلاتىپ، كاسىپتىك مەكتەپتەردەگى، حالىق باسقارۋىنداعى مەكتەپتەردەگى پارتيا قۇرىلىسى قىزمەتىن ىشكەرىلەي كۇشەيتىپ، نەگىزگى ساتىداعى پارتيا ۇيىمىنىڭ ساياسي يقۋاتىن جالپى بەتتىك كۇشەيتىپ، پارتيا باسشىلىعى مەن پارتيا قۇرىلىسىنىڭ تۇبەگەيلى، اۋقىمدى، جاپپاي قامتىعان قىزمەت جاعدايىن قالىپتاستىرۋدى ىلگەرىلەتۋ كەرەك. ءتارتىپتى، قاعيدانى قاتايتىپ، العان بەتتەن قايتپاي ستيلدى دۇرىستاپ، ءتارتىپتى قاتايتىپ، ستيل قۇرىلىسىنىڭ ۇزاققا سوزىلاتىن سوعىسىن ويداعىداي جۇرگىزىپ، ستيلى پاك، سالتى دۇرىس ساياسي ەكولوگيا جانە ادام تاربيەلەۋ ورتاسىن جاراتۋ كەرەك.

  ءماجىلىس مىنالاردى باسا دارىپتەدى: وقۋ - اعارتۋ جۇيەسى پارتيا قۇرىلىسى ارقىلى شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتۋگە جەتەكشىلىك ەتىپ، مەكتەپكە دەيىنگى تاربيەنى، مىندەتتى وقۋ - اعارتۋدى، تولىق ورتا ساتىسىنداعى وقۋ - اعارتۋدى، كاسىپتىك وقۋ - اعارتۋدى، جوعارى دارەجەلى وقۋ - اعارتۋدى ءبىر تۇتاس جوسپارلاپ ويداعىداي يگەرىپ، وقۋ - اعارتۋ، وقىتۋ ساپاسىن ۇزدىكسىز جوعارىلاتىپ، وقىتۋشىلار قوسىنى قۇرىلىسىن كۇشەيتىپ، وقۋ - اعارتۋدى باعالاۋ رەفورماسىن تەرەڭدەتىپ، وقۋ - اعارتۋدىڭ دامۋ نەگىزىن بەكەمدەۋ كەرەك. ءار دارەجەلى، ءار ءتۇرلى مەكتەپتەردەگى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن باستان - اياق ىجداعاتتىلىقپەن ويداعىداي يگەرىپ، ىندەتتەن ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، سالاماتتى، حاۋىپسىز، ورنىقتى، ءتارتىپتى بولۋعا شىنايى كەپىلدىك ەتۋ كەرەك.

  ءماجىلىس مىنالاردى باسا دارىپتەدى: پارتيانىڭ وقۋ - اعارتۋ قىزمەتىنە جاپپاي باسشىلىعىنا تاباندى بولۋ جانە كۇشەيتۋ كەرەك، ءار دارەجەلى پارتكومدار وقۋ - اعارتۋ جۇيەسىندەگى پارتيا قۇرىلىسى قىزمەتىن ماڭىزدى ورىنعا قويۋ، ءار دارەجەلى پارتكوم وقۋ - اعارتۋ قىزمەتى كوميتەتتەرى، ءارقايسى سالا باسقارۋ تاراۋلارى مەن ءار دارەجەلى، ءار ءتۇرلى مەكتەپتەر پارتيا قۇرىلىسى قىزمەتىنىڭ جاۋاپكەرشىلىگىن قاتايتىپ، ناقتىلاندىرىپ، ”پارتيا قۇرىلىسىن ويداعىداي يگەرۋ − مىندەتىمىز، پارتيا قۇرىلىسىن يگەرمەۋ − قىزمەت اقساتقاندىق، پارتيا قۇرىلىسىن ويداعىداي يگەرمەۋ − تولىمسىزدىق“ كوزقاراسىن بەرىك ورناتىپ، جاۋاپكەرشىلىك ارقالاۋدى، مىندەت اتقارىپ، جاۋاپكەرشىلىك ادا ەتۋدى كۇشەيتىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن، نەگىزگى ساتىعا كەڭەيۋىن ىلگەرىلەتۋ كەرەك.

  اۆتونوميالى رايوننىڭ ورىنباسار ءتوراعاسى سۇن حۇڭمەي ءماجىلىستى باسقاردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.