تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ دامۋ جانە رەفورما جۇيەسى 8 ءتۇرلى ءتۇيىندى قىزمەتتى بار كۇشپەن ىلگەرىلەتەدى

  انار بۇلت/شينجياڭ گازەتىنىڭ ءتىلشىسى شى شين 1 - ايدىڭ 10 - كۇنى ۇرىمجىدەن حابارلايدى. شينجياڭ ەكونوميكاسىنىڭ جوعارى ساپالى دامۋىن ىلگەرىلەتىپ، ”14 - بەسجىلدىقتىڭ“ باستاماسىن جاقسى باستاۋعا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ ءۇشىن، بيىل بۇكىل رايونداعى دامۋ جانە رەفورما جۇيەسى 8 ءتۇرلى ءتۇيىندى قىزمەتتى بار كۇشپەن جاقسى ىستەيدى.

  بۇل 8 ءتۇرلى ءتۇيىندى قىزمەت مىنالار: ىشكى سۇرانىستى كەڭەيتۋ ستراتەگياسىنىڭ نەگىزگى تۇيىنىنە تاباندى بولىپ، مىعىم كۇش سالا وتىرىپ قارجى قوسۋدى كەڭەيتۋ، تۇتىنۋدى جەبەۋ؛ وسى زامانعى نەگىزدىك قۇرىلعى تىرەك جۇيەسىن بەلسەنە ورناتىپ، ەكونوميكانىڭ جوعارى ساپالى دامۋىنىڭ نەگىزىن نىعايتۋ؛ 1 - كاسىپ سالاسىنىڭ دەڭگەيىن جوعارىلاتۋعا، 2 - كاسىپ سالاسىندا تۇيىندەردى يگەرۋگە، 3 - كاسىپ سالاسىن جاپپاي دامىتۋعا تاباندى بولىپ، ەرەكشە باسىمدىققا يە كاسىپ سالالارىن جەتىلدىرۋ، زورايتۋ؛ ەسىكتى تاباندىلىقپەن ايقارا اشىپ، جىبەك جولى ەكونوميكالىق بەلدەۋى وزەكتى رايون قۇرىلىسىن تىڭعىلىقتى ىلگەرىلەتۋ؛ كەدەيلىكتەن ارىلتۋدان قامال الۋ تابىستارىن بەكەمدەپ، كەڭەيتىپ، كەدەيلىكتەن ارىلتۋدان قامال الۋدى اۋىل - قىستاقتى گۇلدەندىرۋمەن ءونىمدى تۇردە ۇشتاستىرۋدى ۇزدىكسىز ىلگەرىلەتۋ؛ بازارلاندىرۋ رەفورماسىن ۇزدىكسىز تەرەڭدەتىپ، بازار تۇلعالارىنىڭ ومىرشەڭدىگىن قاۋلاتۋ؛ حالىققا تيىمدىلىك جاساۋ ينجەنەريالارىن تىڭعىلىقتى ىلگەرىلەتىپ، حالىق تۇرمىسىن ۇزدىكسىز قامتاماسىز ەتۋ جانە جاقسارتۋ؛ حاۋىپسىزدىك پەن دامۋدى ءبىر تۇتاس جوسپارلاپ، تەگىس ءمان بەرۋگە تاباندى بولىپ، ەكونوميكالىق، قوعامدىق دامۋعا تاماشا ورتا ازىرلەۋگە قۇلشىنۋ.

  2020 - جىلى ءار ءتۇرلى حاۋىپ - قاتەر، سىن - سايىس الدىندا بۇكىل رايونداعى دامۋ جانە رەفورما جۇيەسى ىندەتپەن ايقاسۋ، ەكونوميكانى ورنىقتىرۋ، نەگىز قالاۋ، حالىق تۇرمىسىنا تيىمدىلىك جاساۋ، ەسىك اشۋدى جەبەۋ، رەفورمانى ىلگەرىلەتۋ، ورنىقتىلىقتى قورعاۋ، پارتيا قۇرىلىسىن كۇشەيتۋ ءتۇيىندى قىزمەتتەرىن بار كۇشپەن جاقسى ىستەپ، بۇقارانىڭ ”استىعى“ مەن ”كوجە - قاتىعىن“ ءتۇرلى ءادىس - امالدارمەن قامتاماسىز ەتىپ، نىسانداردى يگەرىپ، قارجى قوسۋدى جەبەۋدە كورنەكتى ونىمدىلىككە قول جەتكىزىپ، ءبىر توپ كەلەلى نەگىزدىك قۇرىلعىلاردا تىڭ سەرپىلىستەردىڭ بولۋىن ىلگەرىلەتتى، كەدەيلىكتەن ارىلتۋدان قامال الۋ سياقتى حالىق تۇرمىسى سالاسىنداعى ءتۇيىندى قىزمەتتەردى تىڭعىلىقتى ىلگەرىلەتتى، جىبەك جولى ەكونوميكالىق بەلدەۋى وزەكتى رايون قۇرىلىسىن ءتۇيىن ەتكەن سىرتقا ەسىك اشۋدىڭ ساپاسى ءوسىپ، ونىمدىلىگى ارتتى، بازار تۇلعالارىنىڭ ومىرشەڭدىگى ونان ارى قاۋلادى، اقىلشىلىق، كومەكشىلىك رولى ۇزدىكسىز كۇشەيدى، جاراسىمدى، ورنىقتى قوعامدىق ورتا جاراتۋدا بەلسەندى رول اتقاردى، ساياسي ورگان قۇرىلىسى ۇزدىكسىز بەكەمدەلىپ جانە كۇشەيىپ، تۇتاس جىلداعى ءتۇرلى قىزمەت مىندەتتەرىن ءبىرشاما جاقسى ورىندادى، بۇكىل رايوننىڭ ەكونوميكاسىنىڭ قالپىنا كەلۋى مەجەدەگىدەن جاقسى بولدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.